Ka Leo o ka Lahui, Volume II, Number 181, 28 April 1891 — MOE PI'O. [ARTICLE]

MOE PI'O.

Iloko o keia au naauao, ke ike ia nei no keia mau hana ekaeka, oiai aia ma ka home o Mrs. Nahaku, ke noho a kane a wahine nei kekahi kaikunane a me kekahi kaikuahine, oiai o ke kaikuahine i lilo i wahine na ka mua ia, a o ke kaikunane i lilo i kane, na ka muli oia ma ka hanau ana a na makua, aka, ua noho a kane a wahine laua. O keia mau opio, no Waihe, Maui, o ka inoa o ke kane o K. Kaaikaula, a o ka wahine o Miss Kawaihalau; ke noho nei laua ma ke ano pono ole, a kue maopopo i ke kanawai. No keia kane kaikunane, aole loa i ike ia oia e hana ana, aka, o ka mea i ike ia, o ka lena i Haleauau, a na keia kaikuahine e hana iaia i ka ai a me ka ia; a ke noho nei laua ma Honuakaha, a aole he maikai iki o keia hana.