Ka Leo o ka Lahui, Volume II, Number 185, 4 May 1891 — Page 3
This text was transcribed by: | Shawn Murakawa |
This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
Ua Naha na Hawaii
Ma na leta mai Hilo mai, ke hoo makaukau la na luna aupuni e hoo kipa aku I ka Moiwahine, a ken oho hoohenehene aku la na Hawaii me na Pake i keia mau hana a na haole, oiai, ua ike lakou i na hana a me na olelo hoinoino a keia poe haole i ka Moiwahine. I ka hoomaopopo aku wahi a na Hawaii, aole he lahui piha hookamani e like me na haole noho oihana, a o ka oi aku no nae na parisaio hookaristiano e noho la ma Hilo. Hehiki ia lakou ke hoolilo ia lakou iho uo ke dala e like me kela keiki puni loaa i lawe ai i ke kanakolu dala na ka hoomaewaewa ana i ke ola o kona Haku.
Ua pono no ko ka lahui nuha ana, no ka mea, aole he hoomaopo o ke poo o ke aupuni i kona lahui. Eia oia ke hulikua aku nei a ka Hawaii, a ke huli alo nei hoi i ka haole. Ma keia kumu ua hiki ole i kona lahui ili like me kona ke maliu mai. He haua keia e mahae a e hoomamao ai i ke kanaka mai ke ‘lii aku, a o keia ka makemake o ka hapanui o na haole e noho mai nei. Heaha aka la ka hopena? Na ke au e hoike mai.
Ua Manai ia.
I ke ahiahi o ka Poaono iho la i hala, ma ka inakini o Kawaiahao, ua hoohui ia’e ma ka materemonio maemae o ka mare e ka Rev. H. H. Paleka o Mr. Samuel Leleo a me Miss Sarah Aina o ka Ua Kanilehua. Ua uhai ia aku na mea mare mai ka home aku o ke kane ma Kawaiahao nei no no ka halepule e ka ohana a me na hoa’loha, a i ka pau ana e ko laua mare ia ana, ua huli hoi mai la na mea mare me ka ohana no ka home o ke kane, a ua pahola ia mai la he papaaina i lulu pono me, na anomona lihaliha o ka paukolu, a ua ai iho hoi ka ohana a me na hoa’loha a lawa, a ua inu no hoi a kena i ka wai o Hiilawe.
Mahope iho o ka pau ana ae o ka ai ana, ua ku’u mai la na puukani like ole i ko lakou mau kileo nanahe, a o ka manuno a hapa mai ia la kou. Ua hoomauia pela a hiki wale ka huli hoi ana aku o na mea mare no Waikiki, i ka home o ke kupuna o ke kane.
Ke kalokalo ae nei makou, e uhai ia ko olua mau la e ka ulako lako a me na pomaikai he nui.
NU HOU KULOKO.
Ua lohe mai makou, ua miki ia aku la e ka mea eleu, kekahi mau tini opiuma.
He halawai ka na hoa o ke Kaawai Ili o ka Helu 1 ma ke ahiahi o ka la apopo, hora 7:30 pm.
I ke kakahiaka nui onehinei, i ku mai ai ka mokuahi Calaudina, mai ke kai holu mai o Kahului.
Apopo e kaalele aku ai ka mokuahi Zeianadia ia Kaleponi, a e h@ea mai ana oia i na kaiaulu o Hawaii nei i keia Poalua aku.
Hoomalolo mai nei hoi ka holo ana o na waapa lawaia o Hanauma aohe ikeia mau la, he aha la ke kumu i kakakehi ai, ua hewa paha.
Ma ke Kinau o ka la apopo e hii ia aku ai ka Meiwahine, no ka Aina hikina, e kipa mua ana ka huakai ma Kohala, mai laila aku a Hilo a me Kau; a huli hoi mai ke Kinau no Honolulu nei.
Ma ka po Poali ma nei, ua ike ia aku kekahi mau kukui maluna o na puu he lehulehu e kuku mai nei a ma na hiona i hauli mai io makou nei, he mau hoailona ia no kela moku e ake nei e hoopae mai i kela laau make, oia ka opiuma.
Ma ka Poalima nei, ua hoouna ia aku la elua makai o ka puali makai o ke kaona nei, ma o o Leahi, no ke kaona nei, ma o o Leahi, no ke kiai ana i kela wahi kuna hoopahaohao, i ike ia ai i Lanai, a ina e ike laua alaila e hoike koke mai i ka lohe i ke keena Ilamuku, aka, aole i ike ia, a aole no hoi i’lono ia mai ka hopena o keia hana.
Mauka ae nei o Maunakiekie, ma ka la Hoomalolo nei, ua kii mai la ka anela a ka make, i ka hanu hope loa o Miss R. M. Williama Shaw, he kaikamahine oia, nona na makahiki he 10 a oi, a ua ili iho maluna o kona mau makua ka haawe kaumaha a ke aloha keiki.
Na Hui Kinipopo.
O keia papa hoonohonoho malalo iho o na Hui Kinipopo, a makou e hoolaha aku nei, oia no na Manawa paaui e hoomaka ana mai keia Poaono aku, Aperila 25; a he mea pono hoi i na makamaka puni lealea, e maopopo e ia lakou na hui e paani ana i kela me keia Poaono o keia Kau Kinipopo, mamua o ka ninau hele ana i kela a me keia.
Mei 2 Kamehameha vs Honolulu
“ 9 Hawaii vs Honolulu
“ 16 Kamehameha vs Hawaii
“ 23 Kamehameha vs Honolulu
“ 30 Honolulu vs Hawaii
Iune 6 Kamehameha vs Hawaii
“ 13 Kamehameha vs Honolulu
“ 20 Hawaii vs Honolulu
“ 27 Kamehameha vs Hawaii
Iulai 4 Kamehameha vs Honolulu
“ 11 Honolulu vs Hawaii
“ 18 Kamehameha vs Hawaii
“ 25 Keamehameha vs Honolulu
Aug 1 Hawaii vs Honolulu
“ 8 Kamehameha vs Hawaii
“ 15 Kamehameha vs Honolulu
“ 22 Honolulu vs Hawaii
“ 29 Kamehameha vs Hawaii
OLELO HOOLAHA.
E noho ana ka Hui aina o Kauai ma ka Poaha la 14 o Mei, no ka mahele ana i na dala e waiho nei ma ka lima o ka Puuku CHAS WILCOX,
2ts-w.* Peresidena o ka Hui.
Ka Hui Uwati Kaleponi.
Na uwati gula o waho, hoopiha ia, me na mea hana o loko, o ka hana uwati kaulana WALTHAM, no $30 o ka uwati hookah, ma ka uku palua dala o ka pule hoakahi. E kipa ae io-
A.J. SCHREIBER – Agena
Alanui Hotele, malalo iho o ka Hotele Alonetona.
NO KA POE MAKAIKAI
MA KA
O.R. & L. Co.
MA KA I’A HAMAULEO O EWA.
O KA POAONO KA LA KUPONO no ka hele ana, oiai e haalele ana ke kua I kahi hoolulu ma Kuwili, Honolulu, i ka hora 1:46P.M. o na Poaono a pau.
No ka auhau, aohe olelo ana, he hookahi wai o ka like, mai ka liko a ka laele.
OIA HOI, HE – 50 keneta, hiki i Manana a hoi hou mai – 75 keneta, hiki i Honouliuli a hoi mai.
O keia ka Manawa pono e la’i ai ka holoholo hoohala Manawa me ka hauu ana i na ea oluolu maikai, no elua wahi keneta wale no o ka mile.
1m – d Oct. 8 1890.
OLELO HOOLAHA.
Ke hai ia aku nei ka lohe i na kanaka a pau, o kela ano, keia ano, ua kapu na ko’a HEE o Koaiki a me Kaaiape iloko o kai Oneuli, aole e holo ka waa me ke kanaka a o i ka Hee, o ka mea kue i keia olelo hoolaha, a loaa ia’u, e hoopii no au ma ke kanawai o ka aina.
M. KALEOIKAIKA.
Waikane, Maraki 31, 1891. 2ts-w
I ka Poe Lawe Nupepa.
Ke poloai aku nei makou i ka poe heluhelu e lawe nei, i ko kakou nupepa, makaala mai i ka hookaa ana i ka uku o ka Nupepa ma ka hebedoma, ae malama i na palapala hookaa mai na luna aku nona na inoa i hoike ia ma ke poo o keia Nupepa. No ke paewaewa o ka hookaa ia ana o ked ala, a me ka hoohiki loa ana mai i ke keena nei, ua hooholo makou ma ka hebedoma ka hookaa, i mama ai ka hookaa ana a ka mea e lawe ana, a i maopopo mau ai ia makou, i kela a me keia hebedoma, ka poe i hookaa mai a me ka poe i hookaa ole mai, aina ua hookaa e ka loaa aku o ka Palapala hookaa, he mea hoi e maopopo ai, ke ulu ae ka nele o ka mea heluhelu, ke okiia aku ka nupepa no ke kaa ole ma a na luna ae, alaila, no na luna ka hewa, aole no ka mea heluhelu, aina aole io maoli na no luna ka hewa, aiaila, e kala ia makou no ke oki ana aku i ka poe hookaa ole mai i ka lakou nupepa.
J.E. BUSH
Papale! Papale!! Papale!!!
E loaa no maanei na PAPALE maikai o na ano a pau
Na Papaple i Hoonaniia a Hoonani ola ia.
I loaa ole ka lua ma keia Paeaina, a no na la hoomanao Kulaia, e loaa no ia oe ma ua kumukuai kaahaa.
Ina oukou e kuai i na PAPLE ma ko makou halekuai nei, alila e loaa no ia o eke kaulike.
C.J. Fishel.
D.F. Ehless & Co.
PAINAPA
99 Fort Street.
Ia oukou e na makamaka a me na ho aloha, oiai hoi, ua makaukau makou i ke kuai ana aku ia oukou i na lako lole wahine o na ano a pau, oia hoi
Na Silika hou
Na Sateen hou
Na Mikilima hou
Na Lihilihi hou
Na Lihilhii keokeo hou
Na Lihilihi kau lole hou
Na ano Mamalu hou loa
Na Paku Pukaaniani
Na lole hou a na wahine
Na lole a na keiki liilii
Na lole o kela a me keia ano
E loaa no ia oukou no na kumukuai haahaa loa.
Ko’u Oiaie,
B.F. Ehless & Co.
PAPA KUHIKUHI
O
KA HUI ALAHAO A ME
AINA O OAHU.
E HOOMAKA ANA MA KA LA
25 O OKATOBA, 1890.
MANAWA HOLO
A.N. A.M. P.M. P.M.
Haalele ia Honolulu *6:15’8”45 1:45 4:30
Hoea ma Honouliuli *7:15 9:49 2:49 5:28
Haalele ia Honouliuli *7:45 10:51 3:51 5:50
Hoea i Honolulu *8:40 11:55 4:55 6:45
Lapule wale no.
Poaono wale no.
Oct. 21, 1890 tf-d.
HALE HANA WAI MOMONE
WAI ANIANI.
HARE MA NA ONA HELU 81, ALANUI MOI.
Ka poe wale no nana e hana nei ka WAI HOOMAEMAE KOKO KAULANA, oia hoi ka
Saseparela
A me ka
Wai-Hao.
Na Wai Momona Awapuhi, Saseparela, Le mi, Wai-pipii, Soda maoli, Sida Kamepena, &c.
Mutual 330 – Telepona- Bele 298
E hooia ia ana ka maemae o na wai a pau. E hooko ia no na kauoha a pau loa mai na Mokupuni mai a me ko ke kulanakauhale nei.
Mar. 15. 1891. 148 d-tf.
KUAI HOOPAU NUI.
Mai keia Manawa aku a hiki i ko Makou hoonee
ana aku iloko o ko makou
HALEKUAI HOU
Ma ke Alanui Papu,- (NA HALE BURUA.
E hoolilo aku ana Makou i @
Pau o na ano Lole:
NA LOLE NANI,
NA LOLE I HUMUIA,
KAPU A ME PAPALE
PAHU LOLE, a pela aku
No na Uku Hooemi Loa Nae.
Egan & Gunn.
ALANUI MOI kokoke i ke ALANUI PAPU. tf-d.
Hoolaha Hou!
B.F. EHLERS & CO., - Painapa.
Ua loaa mai nei ia makou he mau waiwai hou loa, ola hoi
KAKIMIA,
KINAMU,
KEOKEO HALU’A
CHALLI
VIKOLIA KEOKEO
A@ME NA
Mikilima ona ano a pau, a me na paku puka aniani kela a me @ @ n@
na kumukuai haahaa loa.
Alanui Papu, Honolulu-25-d3@ B.F. EHLERS & CO.