Ka Leo o ka Lahui, Volume II, Number 187, 6 May 1891 — Page 3

KA LEO O KA LAHUI.

"E Mau ke Ea o ka Aina i ka Pono."

OLELO HOALOHALOHA I KE KANE I HOONELE IA I KA WAHINE OLE.

            O makou o na Hoa o ka Hui Hooulu a Hoola Lahui ma o ko makou mau Komite la ke komo pu aku nei makou me Oe iloko o ka luuluu a me ke kaumaha o ka ehaeha walohia no kau wahine i aloha nui ia Mrs J. I. Dowset, Puuku Nui o ko makou Hui, a no keia ilihia nui me ke kaumaha i pahola ihe maluna ou a me ka ohana.

            Nolaila, ma keia ke hoike aku nei i ke akea i ko ka Hui Hooulu a Ho ola Lahui i ke kaumaha lipolipo i loohia ia makou, a ke waiho aku nei makou i na hoalohaloha a me na hui pu ana iloko o ke kamaikau aloha ana nona, he hoailona mau o ke aloha a me ka hoomaikai ana o ka Hui Hooulu a Hoola Lahui i kona kulana kiekie a me kona oluolu.

Mrs. Kaikioewa Ulukou,

“  Pokilehua,

“  Koloka.

 

NU HOU KULOKO.

            I ka la iho la inehinei i hiu aku ai ka Auseteralia ne Kaualakiko.

            Ke hookoia mai nei ke noi a KA LEO e hoololi ia ka Luna Leta Nui, no ka mea oia maoli no ka pono.

            He kohu honu ka hookele ana o na hana a ke aupuni i keia wa.  Nowai la ka hewa, no Kale paha, nowai la?

            He ulele lelele hulahula kiani a me kahi paina kai malama ia e na hoa o ka Ariona ma ke po Poalua iho nei.

            Ma ke Kinau emehinei i huli hoi aku ai o Mr. W. H. Daniels a me Mr. E. Norrie, no ka Maluhekuwawa o na Waieha.

            Ke pa-e mai nei na leo o Hilo ia Kale-mahope, e hele koke aku ka lima hana e hana “mamua” i ka uwapo e Hilo a me ke alanui o ka Luapele.

            Aia no ke ‘liiwahine a ke Kuhina Nui ke nanea ala ma ka olu e ki aina gula, me na makamaka he lehulehu wale.  He wahi omaimai ke kumu o ka holo ana.

            I ka hora 8 p.m. e ka Lapule nei Mei 3, 1891 ma ka makeke o Ulakoheo, ua hanau mai la he keikikane na ka wahine a Mr. Mekini Ohule.  Nui kela.

            Ua pio lea ke alawaea telegarapa moana a ka Hon. A. S. Hatawela ma me kona mau hoahanau o ka pupuu hookahi.  O ke kumiu o keia ua paopao ia mai hoi e ke keiki Italia Moreno ma Wasinetona.

            Ke hoomaikai aku nei makou ia ee e C. B. Wilson, ka Ilamuku o ke aupuni, oiai, aole oe i ake e hoikeike ia oe ma na hana waiwai ole, i nui ke aho i lanakila maluna ou enemi.

            Ua weheia ka “tobaggan,” a Mr. Sherwood ma Waikiki, Ka heeholua holo moana keia, ma ka Wehewehe, a e malama loa ka poe puni lealea o wehe auanei ka pili a lilo i ke kai, no ka mea, he hoomaemae wale no ke ano nui o keia mea.  He pi-kai.

            Ua lohe mai makou ua maikai ae ke ola kino e ke ka kamahine e noho la me kana kame ma Kaleponi, o ka ohana o ka wahine make i haalele iho nei ia kakou.  Annie Laukeke.  Aloha wale ke lohe aku laua me ke kaikuaana i hole aku nei mahope, i ka make o ka luaui makuahine.

I hoomahuka maoli ia aku nei no ka o tini waiu-kia e hapaku’e ma, peia mai ana he Pake kalewa luau ia makou i ka po nei.

He hookani miliona a oi ka aie o ke aupuni ma o ka Banako Hale Leta.  He kupono e hoopau ia keia moo amokoko o ka lahui.

Ua ike iho makou i ka nupepa hou ka “Hawaii Holomua.”  He maikai kona helehelena i ka nana iho, o ka uhane koe o keia kino ahailono o ka olelo makua, aia la mahea?

Ma ke ahiahi Poakahi nei i hopu ia ai kahi haole kiai o ka pa Hoki o ke Aupuni, no ka hewa, he ona mau, mamuli o ke kauoha a ka Luna Alanui.  E hoopau loa aku iaia mai ka oihana aku e pono ai.

Mawaena o ka poe ma’i lepera a Lehua i lawe mai ai, he wahi keiki uuku kekahi, nona na makahiki he eha a oi, o kahi o ka ma’i i manao ia nona, aia ma ka maka, he ulaula ka onehi.

Ma Kaoawai, Honolulu nei, i ka hora 12 o ka Poakahi Mei 4, 1891, ua hoohuiia ma Berita maemae o ka mare o Mr. C. B. Maile me Mrs. Mikala Aukai e ka Rev. Waiamau no Hoholulu ne laua a i elua, mahope iho o ko laua noho pu ana no 10 makahiki a ei.  E mahaloia ka mare no na mea a pau.

E like me ka makou i hoike mua aku ai, o ke kumu e hoopanee mau ia nei ka hihia opiuma e Evena, i wahi hoi nona e hiki ai ke hoemakaukau i kona mau wahi epeepe no ka palahi’u ana aku no na aina e.  Ua lehe mai makou, ua hee i’e aku la no eia ma ka la iho la inohinei ma ka Auseteralia.  Nowai kela hemahema?

A ka la umikumamalima ae nei e pau ai ka Luna Leta Nui mai ka Oihana Leta aku.  E kuhi ana makou o Kimo Boe la hoi ke okemo ia ana ma ia makalua, aka, aole.  He haole no ka.  He au haole ne la hoi keia.  Mai ka hooleina mai ao ka olulo a noho ana iluna o ka oihana, a o ka Hawaii hoi ke hoolei ia aku iluna o kahi hooleina.

Ua ili ia kekahi moku kiapa nona ka inoa e Sonoana ma ka hora 11:15 a.m. ma ka aoao Hikina hema o ke awa o Kou nei, oiai ke kapena i hookelakela ae ai i kona ike, kau ana i ke aki.  Ua hoa’o o Eleu e huki mai ka wa i ili ai a hiki i ka hora 2 p.m. aole i hemo, haalele aku makou e nee ana no i ka pulaheke.

            Nui na hana lealea a hookipa waipahe ana a ke keiki opio Paulo Isenberg, i na malihini i kipa aku ma ka home i kapaia o “Kleine Prussia” ma Waiaiae, He haku hale oluolu o Paulo a he opio heahea, a ua hana nowelo noeau wale ia hoi na malihini e kahi ano Hawaii o Paulo, a ua lilo me ha pepe la i lomi ia e ka malualua kii wai o Lehua.  Huro Paulo.  O-u ta best.

Ua puiwa ae kekahi kaa ma Waikiki-kai, oiai na mea nona ua kaa ala e hoomakukau ana i na wahi opeope ukana no ka uhai pu awa aku i ka kuakai a ke alii no Hilo, i puka mai ka hana e kau ilu na a ke kai, aia hoi ua kapakahi manuia ka pihua ua hoowahawaha mai ke kaa i ka lio, oiai ke kaa e noke ana i ka owala e ole ka hookui e ana i ka pahu-hae pau ai ka owala ana.  Ea hewa kaahale la.

 

OLELO HOOLAHA.

            Ke hai ia aku nei ka lohe i na kanaka a pau, o kela ano, keia ano, ua kapu na ko’a HEE o Koaiki a me Kaaiape iloko o kai Oneuli, aole e holo ka waa me ke kanaka a o i ka Hee, o ka mea kue i keia olelo hoolaha, a loaa ia’u, e hoopii no au ma ke kanawai o ka aina,

            M. KALEOIKAIKA.

Waikane, Maraki 31, 1891.     2ts-w

 

I ka Poe Lawe Nupepa.

            Ke poloai aku nei makou i ka poe heluhelu e lawe nei i ko kakou nupepa, makaala mai i ka hookaa ana i ka uku o ka Nupepa ma ka hebedoma, ae malama i na palapala hookaa mai na luna aku nona na inoa i hoike ia ma ke poo o keia Nupeppa.  No ke paewaewa o ka hookaa ia ana o ke dala, a me ka hoohiki loa ana mai i ke keena nei, ua hooholo makou ma ka hebedoma ka hookaa, i mama ai ka hookaa ana a ka mea e lawe ana, a i maopopo mau ai ia makou, i kela a me keia hebedoma, ka poe i hookaa mai a me ka poe i hookaa ole mai, a ina ua hookaa me ka loaa aku o ka Palapala hookaa, he mea hoi e maopopo ai, ke ulu ae ka nele o ka mea heluhelu, ke okiia aku ka nupepa no ke kaa ole ma o na luna ae, alaila, no na luna ka hewa, aole no ka mea heluhelu, a ina aole io maoli no na luna ka hewa, alaila, e kala ia makou no ke oki ana aku i ka poe hookaa ole mai i ka lakou nupepa.

            J. E. BUSH.

 

Papale!  Papale!!  Papale!!!

E loaa no maanei na PAPALE maikai o na ano a pau

Na Papale i Hoonaniia a Hoonani ola ia.

            I loaa ole ka lua ma keia Paeaina, a no na la hoomanao Kulaia, e loaa no ia oe ma ua kumukuai haahaa.

            Ina oukou e kuai i na PAPLE ma ko makou halekuai nei, alaila e loaa no ia oe ke kaulike.

            C. J. Fishel.

 

B. F. Ehless & Co.

PAINAPA

99 Fort Street.

            Ia oukou e na makamaka a me na hoa loha, oiai hoi, ua makaukau makou i ke kuai ana aku ia oukou i na lako lole wahine o na ano a pau, oia hoi—

            Na Silika hou

            Na Sateen hou

            Na Mikilima hou

            Na Lihilihi hou

            Na Lihilihi keokeo hou

            Na Lihilihi kau lole hoe

            Na ano Mamalu hou loa

            Na Paku Pukaaniani

            Na lole hou o na wahine

            Na lole o na keiki liilii

            Na lole o kela a me keia ano

            E loaa no ia oukou no na kumukuai haahaa loa.

            Ko’u Oiaio,

            B. F. Ehless & Co.

 

PAPA KUHIKUHI

O

KA HUI ALAHAOIA ME AINA O OAHU.

E HOOMAKA ANA MA’KA LA

25 O OKATOBA, 1890.

MANAWA HOLO:

                                    A.M.    A.M.    P.M.    P.M.

Haalele ia Honolulu    *6:15   8:45     1:45     4:30**

Hoea ma Honouliuli    *7:15   9:49     2:49     5:28**

Haalele ia “                  *7:45   10:51   3:51     5:50**

Hoea i Honolulu          *8:40   11:55   4:55     6:45**

*  Lapule wale no.

** Puaono wale no.

Oct. 21, 1890  tf—d. 

 

Kuai no ka Manawa!

HE ELUA PULE WALE NO.

HEWAIWAINUI!

HEWAIWAINUI!

Na Kalakoa                 mamua 10 i-a no $1.00, i keia wa 16 no $1.00.

“ Kawele                     “  .25 ken. pakahi, “  3 no .50.

“ Vikolia                      He .75 keneta no ka apana hookahi.

“ Kakini wahine eleele            “ .40 keneta paa, “  .25.

A HE LEHULEHU WALE AKU O NA MEA KUAI I HOOEMI IA KE KUMUKUAI A HAULE ILALO LOA, A NA OUKOU HOI IA E NA MAKAMAKA E WAE NO OUKOU IHO.

            Iloko keia kuai ana a makou, e hoolilo aku ana makou i ke makuo mau waiwai no ne kumukuai hoenai.  E hoomaka aku ana keia kuai ana mai ka POAKAHI aku, ka la 4 a ka la 18 aku o MEI nei.

            S. EHRLICH.

Kini o na alanui Papu a me Hotele.     Mei 6, 2w d.

 

KUAI HOOPAU NUI.

Mai keia manawa aku a hiki i ko Makou hoonee ana aku iloko o ko makou

HALEKUAI HOU

Ma ke Alanui Paupu,—NA HALE BURUA.

E hoolilo aku ana Makou i ko Makou waiwai a pau o na ano Lole:

            NA LOLE NANI,

            NA LOLE I HUMUIA,

            KAPUA A ME PAPALE

            PAHU LOLE, a pela aku

No na Uku Hooemi Loa Nae.

            Egan & Gunn.

ALANUI MOI kokoke i ke ALALNUI PAPU.        Tf—d.

 

Hoolaha Hou++!

B. F. EHLERS & CO.—Painapa.

Ua loaa mai nei ia makou he mau waiwai hou loa, oia hoi

KAKIMIA,

KINAMU,

KEOKEO HALU’A!

CHALLI.

VIKOLIA KEOKEO

A ME NA

Mikilima e na ano a pau, a me na paku puka aniani o kela a me keia ano, no na kumukuai haahaa loa.

            B. F. EHLERS & CO.

Alanui Papu, Honolulu.-25-d3m.