Ka Leo o ka Lahui, Volume II, Number 189, 8 May 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

Kaawai Polohuku

            Ma ka halawai a ka Hui Kaawai Poakolu iho nei, ma ko lakou wahi maamau, mahope iho o kekahi inau hana e ae e pili ana ia hui; ua hoomaka ka noonoo ana no ke koho ana i Luna Nui no lakou, oiai, ua waiho mai o Mr. Henry Kaia i kona noho luna nui ana.  Ua waiho ia mai ka inoa o Mr. Asche, a me Mr. Logan, a ma ke koho ana a na hoa, ua loaa aku la he 13 balota no Asche, a he 8 o Logan.  Mahope iho o keia ua hoea mai la he umi galani bia, a ua noho iho la na hoa a me ka poe i kono ia e walea i ke ahe a ka makani a me ka hoohialaai ana i ka wai hu’i konikoni i ka puu.  I ka haule nono ana aku ilaio, ua uuini pohapoha mai la na kaula elima o ka pila banjo a ka loea Nuuanu, i kokua ia hoi e kona leo bibi-loso hooni puuwai, a mahope iho hoi o kana puana ana i kana mele, ua olohani ae la na mea a pau i ka pakoli ana, malalo o ke alakai ana a ko lakou “only” Jack ua hoomau ia ka hauoli ana a hikiwale i ka hapa o ka hora 11, oia no hoi ka wai a ke telefona i kikeke mai ai, “ua ao kaua e ka inu-wai, ua pa ka makani a ho kilipohe,” ua hookuu ia ke anaina mahope iho o ke mele ia ana o kahi “sick o Newa,’ Lealea ino.

                                                                                                                        SCHINIDER.

 

E KE KIA! HEAHA KO KA PO?

PANE MAI KE KIAI                        UA HIKI MAI KA

MALAMALAMA A ME KA POULI

PU KEKAHI

            E pahaohao ana kakou no ka hoohuikau wale ia o ka pouli a me ka malamalama.  O ke ao, oia ka malamalama, a o ka po, oia no ka pouli, a ke ike mau ia nei ia mea e kakou.  I ke kau ai, a me ke kau wii ka wa ma’i a me ka wa ma’i ol, puni na la, na mahina, na makahiki, a me na keneturi.

            Nolaila, he kue loa ka malamalama i ka pouli, aole ona makemake e hui pu laua a noho i kahi hookahi; pela no ke ahi i ka wai.  Owai koe, o ka pono, aole ona makemake e noho pu me ka hewa; a ma na kanawai o keia mea he kue; e aho no ka punalua i ka punalua.

            Eia hoi ka ke kiai o ka po e kukala mai nei, ua hiki mai nei no ka ka malamalama a me ka pouli pu mai nei no.

            I ka wehe ana o kiaao, ua ulu ae he ano hapa haipule i na Lii o ka aina nei, mamuli no ia o na paka olelo ana a na luaui o lakou nei ma ae, ua komo pu aku na lopa ma ia mooa, a ua paa iloko o na moolelo ka iho ana mai o ke kumu nana e wawahi na pali paa.

            A ma ke kauoha a Elikabeka Kahu Aupuni, eluku loa ia na kii e wawahi, e kiola, a me ke puhi pu ana i ke ahi.

            Nolaila, ua hooko ia ko ke Akua makemake e ua luahine Kahu Aupuni la, oiai, no nae kaua hanai ka Hooilina Moi e kauko’e pu ana ma keia hana hoohulihuli no ka pono.

            I keia manawa, auhea na kii o Haleokeawe.  Ua olelo mai kahi makaikai honua, aia ka i ka hikina, he kumu waiwai no ka ia mea.

            I keia wa ke uiuiawaakialoa hou ia mai nei ua ano o Umikii ma e ka poe puni mea kahiko, ua hai ia aku ua pupuhi mua ka i’a o Uko’a, a pela au no me ka ulu o Keei.

            Iloko o keia au hou, ua manoanoa loa ka pono; nui na hale pule, kokoke e pau loa na hale i ka lako i na Baihala, ua himeni mnai ka halealii a na pupupu o na Lazaro; eia na haiolelo ke hele nei i na alanui eia i na uwapo, eia i kauhale iluna o na moku,l ke holo nei me he uwila la; aia i na Merekolauna.

            Ikaika na hana.  I kinohi, he hilahila, i keia wa, ua pau; a ke hana ia nei ka hana me ka oiaio, ua hiki mai ka malamalama, a ua kakoo pu mai nei hoi ka Moiwahine Liliuokalani; o ka hoopono, o ka pono no ia, oia ka makia o ke aupuni.  Nolaila, pehea keia e ke kiai oka pono wale no la.  Ae, pela iho.

            Aia no iloko o keia au pepeekue o ka pono, o ka pouli konouli pu no kekahi, a oia no ka oi, a me ka lanakila pu no.  O na hale Kalepa o ke kaona nei, nowai i mae hale?  No ka haole Pelekane, Amerika, Pukiki.  Pake a me ka pono loa.

            Oia na mea aahu, na mea mahiai, na mea ai, na mea pepehi kanaka, a me na holoholona, na laau lapaau, a me na laau make, na wai ikaika Rama, Ferani, Gini, Waina a me ka opiuma; oia ka hapanui o na halekuai, me ka laikini, a kuai kue kanawai me ka laikini ole.

            Eia hou mai ua pouli e o-u nei me ka malama ana ma na wahi kiekie, ka poe hanohano, ka poe kiekie, ka poe haahaa, ka poe Hawaii, na hapa Hawaii a pela aku. 

Eia ke kulou nei imua e na kii ke ninau nei i na kahuna no na inoe uhane, ke ai pu nei i ua puaa hiwa, na moa keokeo; na i’a ula i mohai ia na na kii, ke inu pu nei i na apu awa, na omole rama i hoolaa ia na na aumakua; no ka ninan ana i na poina a me na pomaikai paha ianua o ke kanawai, a i ole ia i ka wa holo balota paha; a i ole no ke kinai ka make loa paha i ke ola o ka mea i enemi ia, a me na pili waiwai, ua heiheihei lio, waapa, kinipopo.  Nolaila ua kue loa keia i ko ke Akua mau kanawai, a me ka makia a ka Moiwahine.  Ina pela, ua oiaio ka ke kiai.

 

HE ANAINA HOOMANA MA ARIONA HALE

Ma na Lapule a pau, e hoomaka ana ke anaina haipule i ka hora 9 a hiki i ka hora 10:30 a. m., no na kanak Hawaii, a ma ke ahiahi hora 7:30 p. m. no na haole, a me ka poe e makemake ana e hele.                                                    Lunkahiko A. Haws.

 

KA HOOMANAO O IESU KARISTO

I na makai @ a me na hoalau na a pau ma ko Hawaii Paeaina, aloha nui oukou:

Ua makaukau ka hale o keia Hoomana, no ka hoakoakoa ana e hoomana aku i ka Haku ke Akua, e like me kana kuhikuhi maloko o kana olelo Hemolele; a ke kono ia aku nei na mea a pau i makemake i ka pololei a mo ka oiaio, o na hana e hana aku ai imua o ke Akua, oiai keia ola ana; e hele mai no maanei,k ma na manawa i hai ia ma lalo iho nei.  Aia ma Alanui Pa’ipalapala ka Halepule, e kokoke ana me ka pa o ka hale kula kaikamahine o Kawaiahao.  Na manawa halawai; Poaono (Poalima ka helu hoololi) ma ka hora 7:30 A. M.  La Sabati (Poaono o ka helu hoololi) hora 10:30 A. M.  He wehewehe a me na ninau Baibala, hoomaopopo ana i na wanana, pule, himeni.

Mamua ae o ka la 11 o Iune, ao nei, e hoohiki mai ai ka huakai alii Honolulu nei, no ka malama ana i ka hanohano oia la.

 

H. P. K. Malulani.

HE LOIO a he hookapeke olelo ma ke Kanawai.  E loaa no au mai ke kai hawaiiawana o Kawaihae e hoeme ana me ipo la a Hamakua au i ka la’i o Kukaiau ma ke alo o na pali.  E ohiia no hoi na aie me ke ku i ka eleu a me ka puahiohio.                               Nov 8, 1890, d-ly

 

Hale Mele Hou

NO HOOKAHI PO WALE NO

I ke ku ana mai o ka mokuahi “Manowai, ma ka ia 6 o Mei.”

E HAAWI ANA O

Madame Sara Bernhadt

Me kona poe o 25 ka nui, i kokahi kea ka i kapaia

“KA LEDE O KE CAMELIA.”

He manawa hookahi wale no keia e ike ia ai ka oi hookahi e oia nei o na wahine keaka.

He $5 dala ka uku o lao a he $3 a $2 oluna.

He hiki no ke loaa na noho i hookaawale mua ia ma ka Hale Kudala o S. J. Levey.

                                                                                                                        tr-d.

 

Papale! Papale!!

Papale!!!

E loaa no maanei na PAPALE maikai

o na anao a pau

Na Papale i Hoonaniia a Hoonani ola ia.

I loaa ole ka lua ma keia Paeaina, a no na la hoomanao Kulaia, e loaa no ia oe ma ua kumukuai haahaa.

Ina oukou e kuai i na PAPLE MA KO makou halekuai nei, alaila e loaa no ia oe ke kaulike.                                                                                   C. J. Fishel.

 

B. F. Ehless & Co.

:PAINAPA:

99 Fort Street

Ia oukou e na makamaka a me na hoaloha, oiai hoi, ua makaukau makou i ke kuai ana aku ia oukou i na lako lole wahine o na ano a pau, oia hoi

Na Silika hou

Na Sateen hou

Na Mikiliina hou

Na Lihilihi hou

Na Lihilihii keokeo hou

Na Lihilihi kau lole hou

Na ano Mamalu hou loa

Na Paku Pukaaniani

Na lole hou o na wahine

Na lole o na keiki liilii

Na lole o kela a me keia ano

E loaa no ia oukou no na kumukuai haahaa loa.

                                                                                    Ko’u Oiaio,

                                                                        B. F. Ehless & Co.

 

PAPA KUHIKUHI

O

KA HUI ALAHAO A ME AINA O OAHU

 

E HOOMAKA ANA MA KA LA

25 O OKATOBA, 1890 

 

MANAWA HOLO:

A.M.                A. M.               P. M.               P. M.

Haalele ia Honolulu                                        *6:15               8:45                 1:45                 4:30t

Hoea ma Honouliuli                                        *7:15               9:49                 2:49                 5:28t

Haalele ia   “                                                  *7:45          10:51                 3:51                 5:50T

Hoaa i Honolulu                                              *8:40               11:55               4:55                 6:45t

*          Lapule wale no

t           Poaono wale no

            Oct, 21, 1890                                                                          tf-d,

 

Kuai no ka Manawa!

HE ELUA PULE WALE NO

 

HE WAIWAI NUI

HE WAIWAI NUI

Na Kalakea                             mamua .10 i-a no $1.00, i keia wa 16 no $1.00.

“  Kawele                               “       .25 ken. pakahi,     “      3 no   .50.

“  Vikolia                                He .75 keneta no ka apana hookahi.

“  Kakini wahine eleele          “  .40 keneta paa,    “                              .25.

 

A HE LEHULEHU WALE AKU O NA MEA KUAI I HOOEMI IA

KE KUMUKUAI A HAULE ILALO LOA, A NA OUKOU

HOI IA E NA MAKAMAKA E WAE

NO OUKOU IHO

            Iloko keia kuai ana a makou, e hoolilo aku ana makou i ke makou mau waiwai no ne kumukuai hoeni.  E hoomaka aku ana keia kuai ana mai ka POAKAHI aku ka la 4 a ka la 18 aku o MEI nei.                                                                            S. EHRLICH.

Kihi o na alanui Papu a me Hotele.                                                                             Mei 6, 2w d.

 

KUAI HOOPAU NUI.

 

Mai keia manawa aku a hiki i ko Makou hoonoo

ana aku iloko o ko makou

HALEKUAI HOU

Ma ke Alanui Papu,    (NA HALE BURUA.)

E hoolilo aku ana Makou i ko Makou waiwai a

pau o na ano Lole:

            NA LOLE NANI,

            NA LOLE I HUMUIA,

            KAPU A ME PAPALE

            PAHU LOLE, a pela aku

No na Uku Hooemi Loa Nae.

Egan & Gunn.

ALANUI MOI kokoke i ke ALANUI PAPU.                                                                      tf-d.

 

Hoolaha Hou!

B. F. EHLERS & CO.,   Painapa.

            Ua loaa mai nei ia makou he mau waiwai hou loa, oia hoi

KAKUMIA,

KINAMU,

KEOKEO HALU’A

CHALLI

VIKOLIA KEOKEO

@  NA

            Mikilima o na ano a pau, a me na paku puka aniani o kela a @ keia ana no ua kumukuai haahaa iea.

Alanui Papu, Honolulu, 25-d3@                                                        B. F. @