Ka Leo o ka Lahui, Volume II, Number 196, 19 May 1891 — Page 3

KA LEO O KA LAHUI.

"E Mau ke Ea o ka Aina i ka Pono."

-: NO :-

 

TAUSANI

 

-A ME-

 

Saribano.

 

 

He mea oiaio e ka makamak neluhelu, aole I’o no i hoi ka moku e like me ka olelo kauoha a ke alii Saribano.

Oiai lakou nei e hookokoke mau ana i na sekona a pau, a i kea no ana mai o ke ahiahi, ua hiki aku la lakou nei malalo pono o kekahi kumulaau, a malaila i huli mai ai ua poe powa la a hoopuka mai la i keia mau huaolelo penei:

Maanei makou e noho ai, a o o eke hele me kou poina ole i kela olelo paa a kakou i kamailio mua iwai nei.

Ae aku la ka loea kaka pahikaua a hele aku la oia me ka maopopo ole iaia o kahi e hele aku ai.

Oaia na keai i mamao aku ai mai a powa mai, lohe ae la keia i ke kani e kekahi manu, a iaia nei nae i alawa ae ai, ike aku la keia i kekahi wahine ui opio @a ke ka’e o ka wai me kona mau lima i paa i na kaula keleawe a me na wawae.

O kona mau owili lauoho ua hele a hihia aku hihia mai, a o kona aahu e komo ana, ua hele no hoi a weluelu.

Aia hoi maluna o kona mau helehelena na hiohiona o ka poino a me ka popilikia a me ke kaumaha nui.

Nana aku la ua kanak opio ala me ka naau i piha i ke aloha a oia kana i pane iho ai mem keia mau huaolelo penei:

Ina no hoi o oe e kena wahine ui a o ka wahine no hoi oe a kuu haku i kaueha mai nei e kii mai au, alaila, nani ka pomaikai a me ka laki o keia huakai o ka pii ana mai nei.

Aka hoi, ina hoi he wahine oe no ka pono ole a me ka hoopoino i ko’u ola kino nei alaila, e hoike aku au ia oe, he nui aku koou poino ia’u mamua o na poino e ae a pau.

Iaia nei e nalu ana i keia mau huaolelo, aia hoi, aea ae la kela poo o ua wahine la a ike mai la iaia nei a pane mai la i keia mau huaolelo penei:

E ke kanaka opio, ke noi aka nei au i koou oluolu a me kou aho nui e hele mai oe e hoopakele ae ia’u mailoko ae o keia popilikia.

E ka wahine popilikia, he mea pono ole paha ia’u ka hele ana aku e hoopakele ia oe, no ka mea, e huhu ia mai auanei paha au e kau kane, no ka mea, he hana kupono ole ia i kau kane.

E ke kanaka, aohe a’u kane e noho nei i keia aina, aia ka’u kane i ka aina okoa, aole oia maanei.

Pane aku la ke kanaka opio, auhea oe e ka wahine, ina he kane kau aia i ka aina okoa.  E hai mai hoi oe i kona inoa, malia ua ike iki no hoi au iaia.

Pane mai la wahine popilikia, o ka inoa o ka’u kane, o Saribano, aia no oia ma ke aupuno o Inia, ua ike anei oe iaia ma Inia?

Owau e ku aku la imua eu e ka wahine opio i loaa iloko o na haawina o ka popilikia, ua hoouna ia mai nei au e kau kane o Saribano no ka hele ana mai e imi ia oe ma ka laula me ka loa o kea o holookoa aia no i kou wahi e loaa aku ai.

He nani hoi ia ua ike iho nei oe ia’u, he hokahi wahe no a’u wahi ninau ia oe:

He hiki no ane ia’u ke hoopakele aku ia oe ma kekahi ano?  E hoike mai ina he mea hiki i kou noonoo ana.

E kuu hoopakele o keia wa po kole, he mea hiki ole ia’u ke uumi iho i ko’u manao aloha ia oe no kau mau hana aloha ia’u o keia hoea ana mai nei ou; aka, e hoike aku ana au ia oe.

Ina paha oe e hopakele mai ana ia’I aole paha e hemo hookah wahi kaulahao o’u ia oe, o kou make koke mai no paha ia i kuu haku makuahine, ka mea nana au i hahao mai nei iloko o keia wahi poino nui wale.

Owai kou mea nana i hahao mai iloko o keia poino?  Wahi a ke kanaka i pane aku ai.

Pane aku la ua wahine la, ua ike no kuu kane i ko’u mea nana i hahao iloko o keia poino, a oia ka’u e olelo ae nei ina paha oia kekahi maanei i ka wa o keia poino a me keia pilikia, alaila, aole a’u olelo ana no ko’u poino a me ko’u popilikia.

He hiki loa ke hoopakele aku ia oe ma na ano a pau ina oe e ae mai ana e hoopakele aku ia oe.

Ae, he makemake no au e hoopakele mai oe ia’u aka o hoike aku au ia oe.

Ae, he makemake no au e hoopakela mai oe ia'u, aka e hoike aku au ia oe, mahope paha oe make mai I ka luahine Kaukani, he luahine mana a me ka ikaika puno hoi, a ina paha oe e loaa phono mai ana o ko make no ia.

Nolalila au e olelo aku nei ia oe, aole au e ae aku ana ia oe e kii mai oe ia'u e hoopakele mai ia'u mailoko ae o keia poino.

Eia ka'u kauoha paa ia oe, e hoi aku oe, ua ike iho nei oe ia'u, a hoike pu aku no hoi oe'e kii koke mai oia ia'u iloko o na la ekolu mai keia la aku a kaua e kamailio nei.  a ina aole oia e kii koke mai ana ia'u, alaila e make ana au.

Aole au e ae e hoi au a e haalelo aho hoi au ia oe iloko o ka poino.  o ko'u manao e haawi mai oe ia'u I kekahi hoailona kupono pa'u e hoike aku ai imua o ua kane ala au I manaoio mai ai oia ia'u.  ua ike au ia oe a ua halawai pu hoi ma keia kuahiwi poino a me ka inea.

Na Hui Kinipopo.

_______________

Mer 23 Kamehameha vs Honolulu

"    39 Honolulu     vs Hawaii

Lune  6 Kamehameha vs Hawaii

"    13 Kemehameha vs Honolulu

"    20 Hawaii       vs Honolulu

"    27 Kamehameha vs Hawaii

Lulai 4 Kamehameha vs Honolulu

"    11 Honolulu     vs Hawaii

"    25 Kamehameha vs Honolulu

Aug  1 Hawaii       vs Honolulu

"     8 Kamehameha vs Hawaii

"    15 Kamehameha vs Honolulu

"    22 Honolulu     vs Hawaii

"    29 Kamehameha vs Hawaii

___________________________________________________

Hoolaha Hookapu.

Ke hoike ia aku nei ka lohe I na ano kanaka a pau loa.  Ua hookapu loa maua I ko mana mau Apana Aina ekolu I kapaia o Kalaheo, Kahaleula a me Puuoihala no lakou na eka 202 e waiko la ma ka Paa, Kailua, Koolaupoko, Oakhu I hoolimalima ia e maua mai ia Keleau (w) mai.  Nolaila, ke papa loa ia aku nein a holoholona o kela a me keia ano aole e hookuu ale ia maluna o ua mau Apana Aina la, a o ka mea mau mea paha e kue ana I keia, e hopu ia no e maua a I ole ia e ko maua mau hope paha, a e hooko ia e like me ke kuhikuhi a ke kanawai.  O na poe a pau e makeinake ana e komo iloko o keia Ilui, e pono lakou e hele mai e hui pu me Mrs. C.I. HIRAM, a I ole ia, me DAVID DAYTON, a I ole ia KUKA.

Owau no mem ka haahaa. 

MRS. C. I. HIRAM.  Honolulu, Oahu.  Oct. 8, 1890.  3ms-d.

____________________________________________________

Kauka Pake Akamai!

DR. LEONG KANG TONG.

MAKAUKAU OIA E LAPAAU I NA MA'I A PAU O KELA A ME KEIA ANO, ME KA ELEU A ME KA HOLOMUA.

HE OLUOLU KA AUHAU.

KEENA OIMANA: - Aia ma ka aoao ma Ewa iho o ka halekuai Puaa, e ku nei ma ke kihi o na Alanni Kamika me Hotele.

 

____________

HE PALAPALA HOOIA.

Honolulu, April 29, 1891.  Owau o Chu Sam Lan, no ke kulanakauhale o Honolulu, Mokupuni o Oahu Ko Hawaii Pae Aina.  Ke hooia a ke hooiaio aku nei au imua-o ke akea, ua ike au a ua maopopo ia'u a ke haawi nei au I ko'u mahalo piha ia Kauka Leong Kang Ton e noho nei ma Alanui Hotele Honolulu, no ka mea, ua lapaau oia ia'u a ua ola au mamuli o kana mau lawelawe akahele ana, oiai o ko'u ma'I he akepau a he popo hoi ma ka olelo kahiko.  Ke noi aku nei au I ka poe a pau I loohia me kela ano ma'i.  e hele ae iaia, a e loaa no ke ola.  Ua loaa au I keia ma'I mai ko'u wa opio loa mai a ua aneane he 4 makahiki o ka homailo ana a keia ma'i ko'u kino, aka, ma keia wa ua loaa ia'u ke ola maikai loa.  E hele ae e ka poe I luuluu a kaumaha.

Mei 12, 1891.     lm.-d.

___________________________________________________

HE BUKE MOOLELEO

 

--:  NO  :--

 

GABRIELA LENOA

 

--:  KE  : --

 

Ahikanana o ka Puali Kaveria.

___________

 

Mamuli o ke noi ninepiuo mai o na makamaka I ka moolelo o GABERIELA LENOA I hoopuka ia maloko o ka nupepa "Kukoa," na oluolu I ka mea kakan Mr. P. Spencer (Kamaki) ke kuupau loa ana aku me ka holonui I ka moolelo piha o ua Kapena kaili wahine la o ka Puah Kaverna, e hoomaka ana mai ka haealii mai o Diava - Ka mare ana I ka wahine -- Ka Huakai I Berelina -- Ke kaua o Inia a me ka hiki hou ana I Rusia a launa me kana huapala I hoopala I hookaawaleia no hookah makahiki a oi.

O na hoohanohano a me ka hoinainau -- e hookah ia aku ana ka aila iluna e ka wai lana la'I malie o ke aloha kane me ke aloha wahine, me ke kii o ua ahi kanana nei iloko o kona aahu koa piha o ka Puali Kaveria.

He $1.00 no ka Bake, a e hoouna main a kauoha I ka mea nona ka inoa malalo iho.     S.K. PUA.  tf - d.

Pahu Leta Helu 5.

 

Kuai no ka Manawa!

 

__________

HE ELUA PULE WALE NO.

 

_________

HE WAIWAINUI!

HE WAIWAINUI!

 

___________

 

Na Kalakoa, - - - mamua 10 i-a no $1.00, I keia wa 16 no $1.00.

"Kawele  - - - -  "    .25 ken.pakahi,      "        3 no   .50

"Vikolia  - - -    He .75 keneta no ka apana hookahi.

"Kakini wahine eleele " .40 keneta paa,         "           .25.

A HE LEHULEHU WALE AKU O NA MEA KUAI I HOOEMI IA

KE KUMUKUAI A HAULE ILALO LOA, A NA OUKOU HOI IA E NA MAKAMAKA E WAE NO OUKOU IHO.

 

Iloko keia kuai ana a makou, e hoolili aku ana makou I ko makou mau waiwai no ne kumukuai hoemi.  E hoomaka aku ana keia kuai ana mai ka POAKAHI aku, ka la 4 a ka la 18 aku o MEI nei.

 

S. EHRLICH.

Kihi o na lanui Papu a me Hotele.           Mei 6, 2w d.

 

_________________________________________________

 

KUAI HOPAU NUI.

 

________________

 

Mai keia Manawa aku a hiki ko Makou hoonee ana aku iloko o ko makou.

HALEKUIA HOU

Ma ke Alanui Papu,0-- (NA HALE:BURUA.

E hoolili aku ana Makou I ko Makou waiwai a pau o na ano Lole:

NA LOLE NANI,

NA LOLE I HUMUIA,

KAPU A ME PAPALE

PAHU LELO, a pele'aku

No na Uku Hooemi Loa Nae.

Egan & Gunn.

ALANUI MOI kokoke I ke ALANUI PAPU.          tf-d.

___________________________________________________

 

HOOLAHA HOU!

B. F. EHLERS & Co., -- PAINAPA.

 

___________

HELU 99, Alanul Papu.

 

IA OUKOU E NA MAKAMAKA A ME NA HOALOHA, OIAI HOI, UA makaukau makou I ke kuai ana aku ia oukou i na lako lole wahine o na ano Staila a pan;  oia hoi --

Na Sikila hou                          Na Sateen hou

Na mikilima hou                      Na Lihilihi hou

Na Lihilihi keokeo hoa            Na Lihilihi kau lole hou

Na ano Mamalu hou loa          Na Paku Pukaaniani

No lole hou o na wahine         Na lole o na keiki liilii.

Na lole o kela a me keia ano e lea no ia oukou no na kamukuai haahaa loa.

E kipa mai e na makamaka, I hoopau ia ai ko oukou kaualua no ka makou kuai hoopeho aku ia oukou.

tf - Daily.           B.F. EHLERS & Co.