Ka Leo o ka Lahui, Volume II, Number 205, 1 June 1891 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.           HONOLULU, IUNE 1,1891.                        Helu 205

 

He Moolelo Kaao

No ke

Kamaliiwahine Laulie.

 

A iole

 

HE NANEA KAMAHAO NO KA

HELU GULA O

KIBERIANA.

 

He Kaao @ no Helene.

 

MOKUNA XI.

 

            I ka alawa io ana aku o Kolana e nana ma kahi a kana wahine i olelo mai ai.  he oiaio ike io aku la oia i ko lakou moku e ku mai ana kokeke e nalowale ma kekahi aoao o kahi moku manu.

            Nolaila, me ka naau i piha me ka hauoli, hoohuli hou ae la o Kolana i ka ihu o ko lakou waapa a kupono i kahi a ka moku e ku mai koa.  alaila hoomaka iho la oia o @moki hala ole i kana mau mapuna hoe lawe lilo a ke aiwaiwa me ka manaolana no ka ike hou i ke aina a me ka maka o kona mau makaainana.

            Oiai laua e holo ana no ka moku mahope iho o ko laua lalau ana ua hahai aku la o Kolana imua o kana wahine i ka moolelo walohia e pili ana i kona hoolilo ia ana i manu korata ma kahi mokupuni o Saredina, a me na poiuo he nui i halawai mai me ia ma ka aina a me ka moana, nolaila ua kulu iho la ko Laulie waimaka i ke aloha i kana kane, me ka nalu ana iloko onaiho penei:

            Kai no hoi owau wale no o kaua ka i halawai me ne poino.  eia ka o kaua pu no.  E aho no nae au, o ka oi lea aku la kou e kuu aloha.

            Ua hoomau mai la no nae o Kolana i ka hahai ana i kona moolelo a hiki i ko laua halawai ana iloko o ka halepaahao e like me ka kaua i ike mua ae nei, ia manawa kamailio aku la kana wahine

            E kala no ka wahine e paa aku ana ia oe mai hele oe, e hookuu no na aikane a kaua na lakou no e hoi eia nae hooolea no oe i kou kakai, a laa ka pakele o kaua, mai nele oe ia’u a pela hoi au ia oe.

            Me keia mau huaolelo, hooki iho la laua i ka laua kamailio ana, oiai ua kokoke loa ka moku mamua o laua, a aia hoi na keikialii o Heleno ke hauoli mai la iluna o ka moku no ka ike ana mai ia Kolana a me kana wahine.

            Hoe aku la o Kolana a pili ma ka aoao o ka moku, hele pakahi mai la kona mau hoa auau kai o na ale o ka moana e puili iaia me ka hauoli.  a pela hoi i kana wahine mahuka a me ke keiki a laua.

            O ke kaumai, o i a manao a me ka luuluu o ka aau o na keikialii o Helene i na h@a mamua iho no Kolana.  ua auh@@ aku la ia moa m@ a lakou aku, e like me ke auhee ana aku o ka pouli mai ka malamala ma oi kelakela aku o ka la e aiohi nei.

“He aloha e ka la e alohi nei

Ma na welehau o ka honua

I ka malamalama oi kelakela.”

 

            Iloko o na pai malie ana a ka hauoli no ko lakou halawai hou ana apau akoakoa me ka poino ole o kekahi.  ua ninau mai ia o Opera i ka Kolana wahi o ka auwana ana mahope iho o ka nalowale ana mai a lakou a me ke ano o ko Laulie loaa ana iaia.

            Ia manawa ua hua pau aku la o Kolana i na mea a pau mai ka mua a ka hope, oia hoi kona pokakaa ana i ka lewa me na kamaa aniani kona mihi ana no kona make, kona halawai ana me kana wahine ua hoopaa ia iloko o ka halepaahao me ke keiki a laua, ko laua lohe ana i ke kani o ka pila a me ko laua hoaa ana.

            Ma keia wahi akahi no o Opera a kamailio mai

            Pakele maoli mai hu olua i kula, no ka pa aku o ka makani ma keia aoao aku.

            Aole i kahamaha ia ka lakou kamailio ana a hiki wale i ko lakou huli hoi ana no ke komohana.

            Hala ae la ia la iloko o ka malie mo kana mau hana, hiki mai la ka po me ia haawina hookahi.

            A ma ka lua o ka la, kaalo ae la lakou mawaho o kaki mokupuni o Simelana, kahi hoi a ke keikialii Adinia e noho moi ana, ka mea i kapaia o ke keikialii Koko mamuli o ka nui o kana mau hana hookahe koko i kana ai.

            Ma keia mokupuni kipa ae la lakou no ka hoolako ana i ko lako moku me na pono ai hou.  oiai kokoke e pau ka lakou ai.

            I ko Kolana ma lele ana aku iuka.  ua hele mai la ke keikialii Adinia a hookipa aku la ia lakou me ka hanohano nui maloko o kona halealii.

            Mahope o na launa oluolu ana ua haawi ia mai la ka ai na lakou nei a nui, me ka malama pu ia he mau lealea oiai ko lakou nei moku e ku ana ilaila.

            O na lealea i malama ia oia no na lealea kamaaina i ko laila poe.  e laa ka heihei kukini no kekahi mau mili, ka heihei lele        pa a pela aku.

            Oiai keia mau lealea e malama ia ana, na koi mai la ua keikialii la o Simelana ma o komo pu aku, aka nae ua olelo aku la o Kolana

            O makou a pau aohe o makou ma ma i ka heihei, he elua no o makou mau keiki mama i ke kukini, oia na keiki mahoe a ka makani akau, a ina o laua kekahi maanei i keia la, ua hiki ia makou ke aa i na kanaka a pau aole loa o laua mea o make ai ma ka holo.

He Moolelo Nanea.

NO

De Atanani.

 

Ke Koa o ka lio

Olohe.

A I OLE

NA KIAI EKOLU

O FARANI.

 

            Me na maka hulili o ka mea i piha me ka huhu o ka ia ina o ua koa opio nei e haka pono ana maluna o ka puulu kanaka.  p@ aku ia oia me ka leo kuoo:

            Owai ia ka mea nana kela mau huaolelo kikano i pane mai nei?

            Owau, owau!  wahi a ke koa i pane mai ai me ka nana pono a@ i, mai maluna o ke koa opio.

            O keia pane a ua koa opio la ua like ia me he nahesa nihoawa ala i pa mai i ua opio nei, a oia kana i nana pono aku ai maluna o ua wahi koa nei mai ka piko o kona poo a hiki i kona mau kapuai.

            No eha manawa a ua opoio nei i kilo aku ai i ua wahi koa la, ia wa i luai hou mai ai ua wahi koa nei i keia mau huaolelo me ka omilo pu ana ae i nona umiumi lehelehe.

            E nana mai maluna o’u e kahi keonimana opio e like me ka loihi au i makemake ai, aha, o ka’u mau olelo i hoopuka iho nei, e mau ana no ia e like me ka’u i hoopuka mua ae nei.

            Aha!  oia ka kou makemake ea?  alaila e ke koa, e ukali mai ia’u no no ka hooko ana aku i kou makemake.

            Nkali aku ia oe a ihea?  wahi a kahikoa me ka pukali o na olelo i hoopuka mai ai.

            No na wahi a pau au i makemake ai malaila kaua e hoopaa ai i kau mau olelo!  wahi a Atanani me ka leo malie.

            Alaila, ua ike a hoomaopopo no oe owai la au?  wahi a ke koa i pane mai ai.

            Aole!  a i ke aha la?  wahi a ke koa opio.

            Kahaha!  ke lohe paha oe no’u, a i ole, o ko’u inoa paha, alaila, aole paha oe o pupuahulu loa ana ma ke kona ana mai ia’u a like hoi me keia.

            Ha!  kou inoa?  ua like wale no ia’u na mea a pau, a heaha ka’u e nana aku ai no kou inoa?

            Alaila, aole oe e hoolohe mai ana no ko’u inoa, alaila, e kahi keiki opio. o Berenajo ko’u inoa.  Ka ilio hae o ka makakila, a heaha kau pane no keia?

            Aohe a’u pane no kau mau olelo kualehelehe, aka, i makemake oe e hai me a’u i na wa a pau, alaila, o Berenajo, aia au malalo o ka @polo ai ana, a ke ole pela, alaila, ua makaukau au nou ma ka ipuka o ka hale hookipa o Luxemboro nei.

            Ina pela, e hele aku. he hoopaa koalaala wale iho no ke kamailio ana a o hoomanao oe o ka opio, aia au ma kou mau kapuai i na manawa a pau.

            Me keia mau olelo a ke koa, hu’i e la ia maluna o ka hila o kona mau kapuai, a haawi aku la i ke aloha i kona mau hoaloha.  alaila, uakali mai la ia mahope o ke koa opio, me na kapuai mama o ke kamaka koa oiaio.

            Mai awiwi loa oe i ka hele ana e like me ka hehena.  oiai, aole kaua he mau aihue e hoao ana e mahuka, wahi a ke koa opio i pane aku ai.

            Kahaha!  i elua no ka hoi ia oe, makemake hoi i ka hele, a mea papa hou mai, wahi a ke koa.

            Pane aku la o Atanani, aole paha au i papa ia oe i ka hele, o ka awiwi ka’u i olelo aku nei, aka, e Berenajo, mahea kahi kupono no kaua o paio ai?

            Mahope iho o ka halepule o Sana Geremaine, ina e kupono i kou makemake?  i pane mai ai o Berenajo.

            Ina pela, a pono, a oiai, aohe o’u manawa i koe e hoohala ai ma ke kamailio wale ana no. nolaila, e wikiwiki kaua, wahi a Atanani i pane aku ai.

            Ae e ka Monasiua, ke hoomaopopo ala au ia mau mea a pau, me he aniani kilohi ala imua o ko’u mau helehelena.

            O keia ninau a Berenajo, he ninau ia o ke ano hooio.  a pai iaia iho, oiai, o kona inoa, he inoa ia i kamaaina i ko Parisa, a no ke koa opio Atanani hoi, aole oia i ike a kamaaina mua, akahi wale no, nolaila i hoopuka mai ai ua Berenajo nei i kela mau ninau o ka mea i piha i ka hooio.

            Ua hoea aku ua mau koa la ma kahi o ka baiepule o Sana Geremaine o ku, a no kekahi mau sekona o ko laua hoomaha ana, aia ua mau koa la o hookahua ana i ko laua ku laua, me ko laua lawe ana ao i ko laua hiehie piha.

            Na Hui Kinipopo.

Mei 23 Kamehameha vs Honolulu

“ 20 Honolulu vs Hawaii

Iune 6 Kamehameha vs Hawaii

“ 13 Kamehameha vs Honolulu

“ 20 Hawaii vs Honolulu

“ 27 Kamehameha vs Hawaii

Iulai 4 Kamehameha vs Honolulu

“ 11 Honolulu vs Hawaii

“ 18 Kamehameha vs Hawaii

“ 25 Kamehameha vs Honolulu

Aug 1 Hawaii vs Honolulu

“ 8 Kamehameha vs Hawaii

“ 15 Kamehameha vs Honolulu

“ 22 Honolulu vs Hawaii

“ 29 Kamehameha vs Hawaii

 

OLELO HOOLAHA.

            Ua nalowale aku kuu Lio  [w] hulupala lae kea loihi a he mau wawae keokeo a pau kona eha, i kuni ole ia i ka hao, a e loaa no ka uku makana o $5.00.  E loaa no au ma kahi o T.C. Polikapa.

JNO H. POLIHALE.

Auwaiolimn, Honolulu, Apr. 30.        3ts       d.

 

 

Olelo Hoolaha.

            Ua makaukau ka mea nona o inoa malalo iho, e hana i na P@a HAKU PUNA ELEELE a me ka pohaku e ae no na pa kupapau.  a me na kahua kukulu kia hoomanao.

O ka poe makemake e waiho mai i ka lakou mau kauoha me Ioane Akina

J. BOWLER.

Sept. 22, @90, d         ly*

 

H. P. K. Malulani.

            HE LOIO a he hookapeke olelo ma ke Kanawai.  E loaa no au mai ke kai hawanawana o Kawaihae e hoene ana me ipo la, a Hamakua au i ka la’i o Kukaiau ma ke alo o na pali.  E ohiia no hoi na aie me ke kui ka eleu a me ka puahiohio.       Nov 8 ’90. d    ly.

 

HOOLAHA KAI KONOHIKI.

            Ke pa leo aku nei ke Konohiki o Waialae, i kona mau hoaloha a me na hoaaina o kona Aina, a hoolimalima aku oia i ke kai i keia manawa, a ua hookapu iho oia i ka hee nona iho, a nolaila, ko poloai aku nei oia e ike a hoomaopopo i kei leo la.         Owau no.

3ins      d.         PAULO ISENBERG.

 

HE KOKUA!

NO KA POE PILIKIA, E HELE AKU I KE

KEENA O

R.W. WILIKOKI MA.

            HE KOKUA ma ke KANAWAI.  a no ka Hooponopono ana i na kuleana Aina a me na palena Aina.  Ua makaukau oia o  hana i na Palapala Kanawai o na ano a pau, a ua lawa oia o ka hana ana imua o na Aha hookolokolo a pau o ke aupuni, ma o kona hoa, kekahi o na Loea Kaulana o keia mau la.

            Keena Helu 15. Alanui

Kaahumanu.    195      dly.

 

Hoolaha Hookapu.

            Ke hoike ia aku nei ka lohe i na ano kanaka a pau loa.  Ua hookapu loa maua i ko maua mau Apana aia okole i kapaia o Kalaheo, Kahaleula a me Puuoihala, no lakou ua eka @ e waiho la ma ka Paa, Kailua, Koolaupoko, Oahu, i hoolimalima ia e maua ana i ia Keleau (w) mai.  Nolaila, ke pape loa ia aku nei na holoholona o kela a me keia ano, aole e hookuu wale ia makuna o ua mau Apana Aina la, a o ka mea a mau mea paha o kue ana i keia, e hopu ia no o maua, a i ole ia, e ko maua mau hope paha, a o hooko ia e like me ke kuhikuhi a ke kanawai.  O na poe a pau o makemake ana e komo ho@o o keia @ui. o pono lakou e hele mai e hui pu me Mrs.  C.I. HIRAM, a i ole ia, me DAVID DAYTON, a i ole ia KUKA.

Owau no me ka haahaa

MRS. C. L. HIRAM.

Honolulu , Oahu.  Oct. 8, 1890.          3me    d.