Ka Leo o ka Lahui, Volume II, Number 205, 1 June 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

HE MOOLELO KAAO.

No Na Hoahanau

 

KALOAIKANAKA.

O

HALEMANO.

 

NA WELI O KE AU KAHIKO, MAI NA ʻLII A NA MAKAAINANA.

            E aui hou ae kakou e na hoa iluna o ke ala moo, i ike ia aku ka hopena o ka lakou mau kukai olelo ana.

            Pehea aku nei la o Lo a me Aika paka, ke uiha loa mai nei paha ua mau alii hueu nei a kakou o ke kau la ikoi.

            Huli ae la o Lo a elele aku la ia Anahulu, me keia mau mapuna olelo alii.

            Ua hoike iho nei oe i na mea a pau, a me ka hopena e hiki mai ana.

            Nolaila, ke ninau aku nei makou ia oe, a nau ia e hoike mai, he oiaio anei, e loaa iʻo ana ka lanakila i kela aoao i ka ha o ka hooili kaua ana; a, e mau ana anei ko lakou lanakila ana maluna o kakou, a i ole o kakou paha maluna o lakou.

            Ia wa pane aku la o Anahulu ma ke ano paha-

            Ke kamau la no ka ea i ka halauaola

            He kula lima ia no wawae

            Nohu-nonohu wale ke hoa a-

            Me he Pukoa hakahaka la i Waahila

            Ka momoku a Kaunulau

            A he lehulehu ka hele pono ka noho ana.

            I ka pau ana o kana kahoahoa ana, ia wa ke alii i olelo aku ai, akahi no a maopopo iaʻu, a oia keia, ma kau e Anahulu i hoike mai nei, ke ukali aku la ia mahope o ka leo ualo o ko maua luaui.

            Nolaila, ke maopopo mai la iaʻu, e poino iʻo aku ana ka ko maua mau luaui, a e noho kuewa aku ana maua i ka nahele, heaha la kana, o kahi ka hoi ia e noho ai, kupu ka lauhue ia Wailua nei.

            Nolaila, o kau hoike e Kukauiloko ua pono, a pela hoi ka ko maua mau kahuna, nolaila, e hoi oe ahiki imua o ke alii, hoike aku i na mea a pau.

            Nolaila, e ka makamaka heluhelu, e aui ae kaua no ka la o na maka ihe e inu ai i ke koko o kela a me keia mea, oiai, ua hala ae la hookahi anahulu po, a me ke kaua i keu.

            Oia hoi he umi kumamana po, a i ka hiki ana i ka hiki ana i ka umikumamaono o na po, a i ka waena o ka umikumahiku o na po, ua hoomaka mai la ka o ana o ka uwila, hoonakulu mai la ka leo o ka hekili, hoonaueue hoi ke olai, hookapeke hoi o Makalii i ke poʻi wai o Kulanihakoʻi.

            Ua hoomau ia kela mau hiona, a hiki i ka wehe ana mai o ka pewa o ke ao, oia ka wa i lohe ia aku ai ka leo o ka hakili e hoopaiakuli ana i na paia lani, ke hoopaipai mai la hoi ke olai i ka kukuluokohiki, ke iho makawelu mai la na paka ua eloelo me ka ikaika, ke lalama hele la hoi na alelo manamana o Kauila ma o a maanei.

            A i ka oili ana ae o ka la maluna o ka ilikai, aole loa e hiki i kona malamalama ke hooauhee ae i ka ino, oiai, ua anai pono mai la kela i Waahila, keekeehi kulana o Ainaike.

            Ua pilipu ka hanu o na mea a pau; oiai, akahi no a ike ia ka ino e like me ia mai kahiko mai, a he mea hou ia i ko Waialua.

            A wahi a lakou, ua noho ae nei hoi i ka aina a o ka uhi hoi koe o kapa eleele, akahi no a ike ia ka ino, heaha la keia ino, he au huli hia paha, a i ole, he alii make paha aka, na ka puana a ka moe e hoike mai i ka haina o keia mau iini ana.

            Ua hoomau ia ka ino, mai ia la a po, mai ia po a ao, a hiki i ka piha ana o na po ekolu a me ekolu ao, akahi no a akakuu mai ka ino, a loaa pu hoi ka maha i na mea aala hanu a pau.

            I ka hoea ana mai o ka ha o ka la, oia o Kane, ua ike ia aku la na ao a pau o ka lewa e hoike mai ana i ko lakou nani, a pela hoi ka malamalama o ka la e pahola ana maluna o ka la e pahola ana maluna o ka aina.

            Aole i pau.

 

HE ANAINA HOOMANA MA

ARIONA HALE.

            Ma na Lapule a pau, e hoomaka ana ke anaina haipule i ka hora 9 a hiki i ka hora 10:30 a.m., no na kanaka Hawaii, a ma ke ahiahi hora 7:30 p.m. no na haole, a me ka poe e makemake ana e hele.

            Lunakahiko A. Haws.

 

Ka Buke Akeakamai.

. A O .

KE KI GULA

NO KEKAHI MAU MEA HUNA POHIHIHI I HULIIA E KA NOE AU O KE KANAKA.

 

            KAKAU mua ia e ka Mea Hanohano DAVID KALAKAUA a me kekahi poe e ae he nui, a i hoouluia, Hooponoponoia, a Hoomahuahua hoa ia e Levi-i-Levi ole ia ka Akeakamai Hawaii o ke Keneturia 19.

 

Mahele o ka Buke.

MAHELE I.

ZODIALOGIA-Hoke Ouli ma na kaulana Mahina.

 

MAHELE II.

NAEVIALOGIA-Hoike Ouli no ka Ha o ke kanaka.

 

MAHELE III.

METRAGARATIMA-Ka hoike Ouli ma ka Hoonohonoho Huahelu ma ka Helu Kahala.

 

MAHELE IV.

ONEIROLOGI.

 

MAHELE V.

Ka Papa Konane Hoailona Pomaikai.

 

MAHELE VI.

Ka Arimatika Kamahao.

                        J.M. POEPOE.

 

OLELO HOOLAHA.

            E noho ana ka Hui Kalaiaina i ke ahiahi Poakahi, hora 7:30 p.m. ae nei Iuni 1, 1891; ma ka Hale Paikau ma ka uwapo ma Alanui Moiwahine, no na manao nui e waiho ia aku ana imua o ka Hui. E pono i na lala a pau o ka Hui e hele ae no ka lohe ana.

            J.A. KAHOONEI,

Peresidena o ka Hui. Mei 28, 1891.

 

Kauka Pake Akamai!

DR. LEONG KANG TONG.

MAKAUKAU OIA E LAPAAU I NA MAʻI A PAU O KELA A ME KEIA ANO, ME KA ELEU A ME KA HOLOMUA

 

HE OLUOLU KA AUHAU.

            KEENA OIHANA:-Aia ma ka aoao ma Ewa iho o ka halekua Puaa, e ku nei ma ke kihi o na Alanui Kamika me Hotele.

 

HE PALAPALA HOOIA.

            Honolulu, April 29, 1891.

            Owau o Chu Sam Lau, no ke kulanakauhale o Honolulu, Mokupuni o Oahu Ko Haawii Pae Aina. Ke hooia, a ke hooiaio aku nei au imua o ke akea, ua ike au a ua maopopo iaʻu a ke haawi nei au i koʻu mahalo piha ia Kauka Leong Kang Tong e noho nei ma Alanui Hotele Honolulu, no ka mea, ua lapaau oia ia'u a ua ola au mamuli o kana mau lawelawe akahele ana, oiai o ko'u ma'i he akepau, a he popo hoi ma ka olelo kahiko. Ke noi aku nei au i ka poe a pau i loohia me kela ano ma'i, e hele ae iaia , a e loaa no ke ola. Ua loaa au i keia ma'i mai ko'u wa opio loa mai, a ua aneane he 4 makahiki o ka hoomailo ana a a keia ma'i i ko'u kino, aka, ma keia wa na loaa ia'u ke ola maikai loa. E hele ae e ka poe i luuluu a kaumaha.

            Mei 12, 1891. 1m.-d.

 

KuaiKudala

-O NA-

Pa-Hale ma Kalihi, Honolulu, Oahu.

 

            Ua loaa mai ke kauoha ia'u e kuai aku ma ke kuai kudala akea, ma ko'u Keena Kudala, ma Alanui Moiwahine, i ka

POAKAHI IUNE 29, 1891, HORA 12 M.

He 36 mau Paa aina Noho Nani, mawaena o alanui Moi me Beckley, he aneane hapaha mile ma Ewa aku o ke Kula Kamehameha. Ua mahele ia keia mau apana ma kekahi ano, a me ka nunui ku pono e hiki ai ke komo mai iloko o ka lima o kela a ame keia mea ka loaa ana e like me ka makemake, kekahi home no lakou ponoi iho iloko o na palena manao kupono i ka piko o na wahi hana o ke kulanakauhale.

            Ke kulana a me na pono lehulehu e ae o keia mau apana aina, ua hiki ole ke hoohalike ia me na aina e ae o keia ano i kuai ia iloko o keia kulanakauhale i na makahiki i hala e aku.

            O ke ano o ka waiho ana o keia mau aina, ma ka waha aku o ke awawa o Kalihi ma ke kiekiena kupono, ua loaa mau ke ea oluolu maikai a me ka maikai maoli no o ka noho ana.

            E huli ana keia mau aina pa-hale a pa@ i ke alanui Kalihi, he 55 kapuai, oia hoi ke alanui oi aku o ke akea ma na wahi e pili kokoke ana i ke kulanakauhale o Honolulu, a e holo ana hoi mai alanui Moi a puka i alanui Beckley.

            Aia malalo iho o ekolu minute ke hele wawae aku a loaa keia mau apana aina mai kahi o ke alanui kaahao (Tramcar) e pau ai.

            Ka wai. E hoomoe ia ana he paipu kumu wai, he 8 iniha ke ana-waena e hoomoe ia ma ke alanui Moi, mai na hoomoe ana paipu o ke aupuni, e hooia ana i ka lawa i ka wai. Ano e loaa no ka wai mai ka pa kula Kamehameha mai.

            E ike ia no kekahi palapala kii aina o keia mau hale pa hale ma ko'u Keena kahi no hoi e loaa ai na hoike i makemake ia e ninau aku.

            Ke ano o ke kuai ana. Hookahi hapa ma ke dala kuike, ke keena iloko o hookahi makahiki ma ka ukupanee o 9 keneta pa-haneri i hoopea ia ma ka moraki.

            O na lilo o ka palapala mai, me ka mea no ia e kuai ana i ka aina.

            JAMES F. MORGAN.

            Luna Kudala.

Honolulu, Mei 29, 1891. 204-dtf.

 

Kuai no ka Manawa

HE ELUA PULE WALE NO.

 

HE WAIWAI NUI!

HE WAIWAI NUI!

 

Na Kalakoa, - - -         mamua 10 i-a no $1.00, i keia wa 16 no $1.00.

" Kawele - - - -            " 25 ken. pakahi,                     "          3 no 50.

" Vikolia - - -   He .75 keneta no ka apana hookahi.

" Kakini wahine eleele " .40keneta paa,         " .25.

 

A HE LEHULEHU WALE AKU O NA MEA KUAI I HOOEMI IA

KE KUMUKUAI A HAULE ILALO LOA, A NA OU-

KOU HOI IA E NA MAKAMAKA E WAE

NO OUKOU IHO.

 

            Iloko keia kuai ana a makou, e hoolilo aku ana makou i ko makou mau waiwai no ne kumukuai hoemi. E hoomaka aku ana keia kuai ana mai ka POAKAHI aku, ka la 4 a ka la 18 aku o MEI nei.

S. EHRLICH.

Kihi o na alanui Papu a me Hotele. Mei 6, 2w d.

 

KUAI HOOPAU NUI.

 

Mai keia manawa kau a hiki i ko Makou hoonee

ana aku iloko o ko makou

HALEKUAI HOU

Ma ke Alanui Papu,-(NA HALE BURUA.

E hoolilo aku ana Makou i ko Makou waiwai a

pau o na ano Lole:

NAhLOLE NANI,

NA LOLE I HUMUIA,

KAU A ME PAPALE

PAHU LOLE, e pela aku

 

No na Uku Hooemi Loa Nae.

            Egan & Gunn.

ALANUI MOI kokoke i ke ALANUI PAPU. tf-d.

 

HOOLAHA HOU

B.F. Ehlers & Co.,-PAINAPA.

 

HELU 99, Alanui Papu.

IA OUKOU E NA MAKAMAKA A ME NA HOALOHA, OIAI HOI, UA makaukau makou i ke kuai ana aku ia oukou i na lako lole wahine o na ano @ta@la a pau; oia hoi-

Na Silika hou              Na Sateen hou

Na Mikilima hou                     Na Lihilihi hou

Na Lihilihi keokeo hou           Na Lihilihi kau lole hou

Na ano Mamalu hou loa          Na Paku Pukaaniani

Na lole hou o na wahine         Na lole o na keiki liilii.

Na lole o kela a me keia ano e loaa no ia oukou no na kumukuai haahaa loa.

            E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou. Owau me ka oiaio,

tf-Daily B.F. EHLERS & Co.

 

Papale! Papale!! Papale!!!

 

E Loaa no maanei na Papale maikai o na ano a pau.

Na PAPALE i hoonani ia a hoonani ole ia.

 

I loaa ole ka lua ma keia Pae Aina, a no na la hoomanao Kulaia, e loaa no ia oe ma na kumukuai haahaa.

Ina oukou e kuai i na PAPALE me ko makou halekuai nei, alaila, e loaa no ia no @

            Nolaila, e kipa mai io makou nei i @ oukou kuhihewa.

            C.J. FISHEL.

            Mei 19, 1891. 196-tfd.