Ka Leo o ka Lahui, Volume II, Number 208, 4 June 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

HE NANEA PAHAOHAO

- NO -

TAUSANI

-A ME -

Saribano.

 

 Ka wiwo ole hoi o na wiwoole - Ka Poai honua kunukunu ole - Ka mea hoi nona na lima i aie ai ke ao holookoa.

 

 Eia au la ua eha, ua eha i ka mea lima ole he aloha, ahea la hoi ka mea hoopakele hoea mai, auwe! pehea la au e hiki ai.

 Ia ia nei no nae e naauana ana. aia hoi he pouli ana no ke ao, ku ana ka luahine Kaukani imua o ka kaua Saribano.

 A me ka leo nui moakaka, ua pane mai la oia:  Eia au la e Saribano, a ua maopopo ia oe ko'u kuleana i hiki mai nei.

 Nolaila, ane,e haawipio mai oe imua o'u nei, e like hoi me ka'u kauoha ia oe, peia oe e hooko koke mai ai.

 I keia manawa, i pane mai ai o Saribano:  E ka aikanaka nui o ke ao nei, ke ino hoomanawanui e pokakaa nei ma ka ilihonua.

 Aole loa o oe ka mea nana au e onou mai e mihi aku ia oe, owai la oe i ko'u manao ana, eia wale no ka'u ia oe.

 E hoihoi mai oe i kuu lei aloha a pili me a'u, ka mea hoi au i lawe aku ai mai a'u aku me ke kuleana ole, a i lohe ole ou mau puka eeiao huluhulu, e koli ola ia no oe e a'u nei.

 I wa i nunulu ae ai ka leo o ua Tausani ala me he mau bipi bulu ahiu ala p na awaawa mana-lua o ka mauna pohihihi o Tiketa.

 E lena ana hoi kona mau maka poopoo ma o a maanei, oia no oe o ka lua ahi enaena pio ole o ka make mau loa o na diabolo.

 I wa no hoi i hapai ae ai ua luahine ala i kona mau lima iluna, a pane hou ae la me ka hehi ana iho o kona mau wawae i ka honua, penei:

 Ano e Saribano, e make no ia'u, o ka mea e hookiekie mai ana ia'u e hoohaahaa aku-no au iaia, e like hoi me oe e hana mai nei, e makanou iho ano.

 Ia wa hookahi no hoi, anehe mai la ua Kaukani ala e lalau mai i kahi kino uuku o ka kaua Saribano e ku aku ana hoi imua ona me ka hopo ole.

 Aka, mamua ae nae o ka hiki ana i ua luahine ala ke hooko i kona iini maluna o Saribano, aia hoi, me ka eleu lua ole, ua loaa pono aku la ua Tausani ala i na lima wikani o ka opio, a he pahu ana ka mea i lohe ia, hu-a-puaa ina ua luahine ala iluna o ka ili honua.

 A me ka eleu lua ole no hoi i lele iho ai o Saribano a paa aku la ke kani a-i Tausani, oia no kona wa i noke aku ai i ka onoonou hele i ua luahine ala ma o a maanei.

 Aia hoi o Tausani ke kupaka ala me ka ikaika nui, me kona manao la hoi, e hemo ae ana eia mai na umii wela ana a ke alii Saribano i kona kani a-i.

 He ole nae ka mohole iho

 Pakela oi aku ka panee ka holo imua

 Ke hana io ala ke kamaeu

 Ka umii holu-lua i Inia Hema.

 He mea oiaio e ka hoa heluhelu, aia o Tausani la ua pii e ka ena, ke hahana ala i ke kumu eeiao, ke kiei ala kona puka ihu ma ka'o o ka muli wai eleele.

 Oia hoi ka Saribano i pane iho ai me ka leo nui meakaka penei: Akahi no kaua a hana io, a e make ana oe ia'u uuku nei la.

 Ua hala kou mau la o ka hoohana, oiai au e hepe ana, aka, i keia la ua oo au, a na'u ka eha aohe nau, he pulupulu ahi oe na'u i keia wa.

 A o ka'u ia oe, ano e hoihoi mai i kuu wahine a me kuu keiki au i aihue ai, a i hookuli oe, e make no oe ia'u, o ke kuli ka make, a o ka lohe ke ola.

 I keia manawa i lohe ia aku ai ka leo o Tausani i ka pane ana me ka malie penei:

 E Saribano e, e hookuu mua oe ia'u, i hiki ai hoi ia'u ke kii aku i ko wahine a me ke keiki a elua e hoihoi mai.

 Ae, wahi a Saribano i pane aku ai, he oluolu au i na mea maikai a pau, a hookuu ae la oia i kana paa ana i ke kani a-i o ua Tausani ala, me ka lana o kona manao, e pono ana la hoi.

 I ka wa i ku ae ai ua Tausani la iluna, ua neenee aku la oia a ma kahi he 10 anana ka mamao mai a Saribano aku, ia wa oia i pane ae ai: Ano e ka opio iwi helelei wale, make oe ia'u.

 Ia wa i unuhi ae ai ua Tausani ala i kekahi kookoo kuau kikiwa, o aku la imua o Saribano, leha ae la kona maka iluna o ka lewa a pane ae la:

 E  ke ea-ume o ka hale poepoe kaapuni i ka lewa e- "ano e ume aku i keia wahi aeahaukae o ka honua lepe nei, e hahao aku iaia ma kou mau rumi o ka ehaeha mau loa.

 E hoopai iaia a oi aku mamua o ka ehaeha i loaa i kana wahine i keia manawai e hili mau iaia i kela a me keia hora, i ka po a me ko ao a hiki i kona moe ana iloko o imu kalua-loa a Tausani.

   Aole i pau.

 

AUWANA A AIHUE IA PAHA

 

 Ua nalowale aku mai kahi o ke Kanikela Iapana, alanui Nuuanu, kekahi lio ano hulupala hauliuli he 8 makahiki, he 15 ana peahi li ma ke kiekie, a he kiko keokoe mawaena o na maka, paa eha wawae a pau i ke kapuai hao.  O kekahi mea e hoihoi mai ana, a e hoike mai ana i kahi e loaa ai, e uku ia no me ka maikai kupono, ma ka hele ana aku ma ke keena kanikela Iapana.     Mei 18, d5ts

 

NAWAHI  ME  HUNTSMAN !

 

NA LOIO LAHUI !

 

 Ua makaukau maua e kokua aku i na poe o ka Lahui i loohia ia e na pilikia kivila a hewa paha; a e koi a e hoopii aku ma kekahi o ia mau ano imua o na Aha Kanawai, mamuli o na uku i aelike ia.  Aia no ko maua keena Loio ma ke kihi akau o na alanui Moi a me Alakea maloko o ke kulanakauhale o Honolulu.  Na hora hana mau, mai ka hora 9 am, a 3 pm., ma ka Poaono nae, e pau ana i ka hora 12 m.

 O na hana a-na aina, mahele aina a me ke kaha ana o na kii a me na palapala aina a pau, ua waiho aku maua na ka Loea Ana Aina a Civila Enekinia kaulana R.W. WILIKOKI e lawelawe, a e hooko me ka eleu.

 No na mea i koe, e kipa mai no ma ko maua keena nei e kuka pu ai.  O maua no me ke aloha,

  J. NAWAHI me D.L.HUNTSMAN.

Honolulu, Iune 3, 1891.   208-dtf.

 

Kauka Pake Akamai!

 

DR. LEONG KANG TONG

MAKAUKAU OIA E LAPAAU I NA MA'I A PAU O KELA A ME KEIA ANO, ME KA ELEU A ME KA HOLOMUA.

 

HE OLUOLU KA AUHAU.

 

  KEENA OIHANA:- Aia ma ka aoao ma Ewa  iho o ka halekuai Puaa, e ku nei ma ke kihi o na Alanui Kamika me Hotele.

 

HE PALAPALA HOOIA.

 

  Honolulu, April 29, 1891.

 Owau o Chu Sam Lau, no ke kulanakauhale o Honolulu, Mokupuni o Oahu Ko Haawaii@ Pae Aina.  Ke hooia, a ke hooiaio aku nei au imua o ke akea, ua ike au a ua maopopo ia'u a ke haawi nei au i ko'u mahalo piha ia Kauka Leong Kang Tong e noho nei ma Alanui Hotele Honolulu, no ka mea, ua lapaau oia ia'u a ua ola au mamuli o kana mau lawelawe akahele ana, oiai o ko'u ma'i he akepau, a he popo koi ma ka olelo kahiko.  Ke noi aku nei au i ka poe a pau i loohia me kela ano ma'i, e hele ae iaia, a e loaa no ke ola.  Ua loaa au i keia ma'i mai ko'u wa opio loa mai, a ua aneane he 4 makahiki o ka hoomailo ana a keia ma'i i ko'u kino, aka, ma keia wa na loaa ia'u ke ola maikai loa.  E hele ae e ka poe i luuluu a kaumaha.

  Mei 12. 1891.   1m.-d.

 

Kuai Kudala

-O NA -

Pa-Hale ma Kalihi, Honolulu, Oahu.

 

 Ua loaa mai ke kauoha ia'u e kuai aku ma ke kuai kudala akea, ma ko'u Keena Kudala, ma Alanui Moiwahine, i ka

POAKAHI IUNE 29, 1891, HORA 12 M.

He 36 mau Paa aina Noho Nani, mawae na o alanui Moi me Beckley, he aneane hapaha mile ma Ewa aku o ke Kula Kamehameha.  Ua mahele ia keia mau apana ma kekahi ano, a me ka nunui ku pono e hiki ai ke k@mo mai iloko o ka li ma o kela a me keia mea ka loaa ana e like me ka makemake, kekahi home no lakou ponoi iho iloko o na palena mamao kupono i ka piko o na wahi hana o ke kulanakauhale.

 Ke kulana a me na pono lehulehu e ae o keia mau apana aina, ua hiki ole ke hoohalike ia me na aina e ae o keia ano i kuai ia iloko o keia kuianakauhale i na makahiki i hala e aku.

 O ke ano o ka waiho ana o keia mau aina, ma ka waha aku o ke awawa o Kalihi ma ke kiekiena kupono, ua loaa mau ke ea oluolu maikai a me ka maikai mao li no o ka nohoana.

 E huli ana keia mau aina pa-hale a pau i ke alanui Kalihi, he 55 kapuai, oia hoi ke alanui oi aku o ke akea ma na wa hi e pili kokoke ana i ke kulanakauhale o Honolulu, a e holo ana hoi mai alanui Moi a puka i alanui Beckley.

 Aia malalo iho o ekolu minute ke hele wawae aku a loaa keia mau apana aina mai kahi o ke alanui kaahao (Tramcar) e pau ai.

 Ka wai.  E hoomae ia ana he paipu kumu wai, he 8 iniha ke ana-waena e hoomoe ia ma ke alanui Moi, mai na hoo moe ana paipu o ke aupuni, e hooia ana i ka lawa i ka wai.  Ano e loaa no ka wai mai ka pa kula Kamehameha mai.

 E ike ia no kekahi palapala kii aina o keia mau hale pa hale ma ko'u Keena kahi no hoi e loaa ai na hoike i makemake ia e ninau aku.

 Ke ano o ke kuai ana.  Hookahi hapa ma ke dala kuike, ke koena iloko o hookahi makahiki ma ka ukupanee o 9 keneta pa-haneri i hoopea ia ma ka moraki.

 O na lilo o ka palapala kuai, me ka mea no ia e kuai ana i ka aina.

  JAMES F. MORGAN.

  Luna Kudala.

Honolulu Mei 29, 1891.  204-dtf.

 

Kuai no ka Manawa

HE ELUA PULE WALE NO.

 

HE WAIWAI NUI !

HE WAIWAI NUI !

 

Na Kalakoa, - - mamua 10 i-a no $1.00, i keia wa 16 no $1.00.

 " Kawele - - - " .25 ken. pakahi, " 3 no .50

 " Vikolia - - - He .75 keneta no ka apana hookahi.

 " Kakini wahine eleele " .40 keneta paa, "  .25.

 

A HE LEHULEHU WALE AKU O NA MEA KUAI I HOOEMI IA KE KUMUKUAI A HAULE ILALO LOA, A NA OUKOU HOI IA E NA MAKAMAKA E WAE NO OUKOU IHO.

  Iloko keia kuai ana a makou, e hoololi aku ana makou i ko makou mau waiwai no ne kumukuai, hoemi.  E hoomaka aku ana keia kuai ana mai ka POAKAHI aku, ka la 4 a ka la 18 aku o MEI nei.

   S. EHRLICH.

Kihi o na alanui Papu a me Hotele.   Mei 6, 2w d.

 

KUAI HOOPAU NUI.

 

Mai keia manawa aku a hiki i ko Makou hoonee ana aku iloko o ko makou

HALEKUAI HOU

 Ma ke Alanui Papu,-(NA HALE BURUA.

E hoolilo aku ana Makou i ko Makou waiwai a pau o na ano Lele:

 NA LOLE NANI,

  NA LOLE I HUMUIA,

  KAPU A ME PAPALE

  PAHU LOLE, a pela aku

No na Uku Hooemi Loa Nae.

  Egan & Gunn.

ALANUI MOI kokoke i ke ALANUI PAPU.   tf-d.

 

HOOLAHA HOU

B. F. Ehlers & Co., -PAINAPA.

HELU 99, Alanui Papu.

 

 IA OUKOU E NA MAKAMAKA A ME NA HOALOHA, OIAI HOI, UA makaukau makou i ke kuai ana aku ia oukou i na lako lole wahine o na ano Sta@la a pau; oia hoi-

 Na Silika hou    Na Sateen hou

  Na Mikilima hou   Na Lihilihi hou

  Na Lihiihii keokeo hou   Na Lihilihi kau lole hou

  Na ano Mamalu hou loa   Na Paku Pukaaniani

  Na lole hou o na wahine   Na lole o na keiki liilii.

 Na lole o kela a me keia ano e loaa no ia oukou no na kumukuai haahaa loa.

  E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou,  Owau ma ka oiaio.

 tf-Daily.    B. F. EHLERS & Co.

 

Papale !  Paple !!  Papale !!!

 

 E Loaa no - Papale - maikai o na

 maanei na     ano a pau

 Na PAPALE i hoonani ia a hoonani ole ia.

 I loaa ka lua ma keia Pae Aina, a no na la hoomanao Kulaia, e loaa no ia oe ma na kumukuai haahaa.

 Ina oukou e kuai i na PAPALE ma ko makou halekuai nei, alaila, e loaa no ia oe ke kaulike.

  Nolaila, e kipa mai io makou nei i hoopauia ko oukou kuhihewa.

  C. J. Fishel.

 Mei 19, 1891.  196-tf-d.