Ka Leo o ka Lahui, Volume II, Number 220, 22 June 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

UA KUU KA LUHI O A. W. MAIOHO

 

            MA KA la 16 o Iune nei, i pauaho mai ai o A. W. Maioho i keia ola ana.

            O A. W. Maioho, oia kekahi o na keiki mai ka puaha mai o Alo (Pake) a me Kukona (w), ua hanau ia oia ma Kolon. Kauai, a ua loaa iaia na la he 50 makahiki a oi.  He kanaka puuwai hamama oia, he heahea, he hookipa, he waipahe, a he piha lokomaikai no hoi, a he nui kona mau hoaloha.

            Oiai o A. W. Maioho, he kupa a he kamaaina no Kauai o Aikanaka, a he kanaka hana hoi malalo o ke Aupuni, ma ke oihana Lunakanawai, ma ia oihana oia a hiki wale i kona hoomaha ana aku la.

            Oiai he ma’I mua no kona, nana ii hoomailo i kona kino, a hiki wale i kona hala ana aku la.

            Nolaila, e na kini o Koloa-e, ua hala, ua halo o A. W. Maioho, e Haupu Maunakilohana i ka lai e-, lihaliha wale, e nah ala hoi o Naneikekai-e, luuluu wale, e ka haka lewa o Nualolo-e, ho’e-ha’a wale, e Hanamaulu i ka ehu a ke kai-e, ua nipoa oe, e ka pali o Ahi o Kalalau-e, ua moe o A. W. Maioho, i ka moe kapu o Niolopua.

            E ke one kani o Nohili-e, ua eha oe i ka eha lima ole a ke aloha, ke hihi ala Kaunaoa, hihi i Mana, aloha wale ia laau makua ole, ke hihi wale ala no i ka hihikelo.  O ka nihi kokelo a ka ohu i ka moana kaiewe hone a ka wai o na Molokama i na pali.

            Pali na maka o A. W. Maloho pau ka ikena, haalele oia i ka hoa puli he wahine, na keiki, na kaikuaana, na kaikuahine, na kini no a pau, e paiauma aku nona ma keia ka’e o ka muliwai eleele o ka make.

            Nolaila, e ka wahine i hoonele ia i ke kane ole, pela hoi na keiki i hoonele ia i ka makuakane ole, a me ka lehulehu a pau, o kakou pu ke auame i na ehaeha o keia ao, oiai, ua hoike mai ka Haku ii kinohi.

           Na ka lepo mai oe, a e hoi hou aku no oe i ka lepo; oiai, o ke’u la, aole loa e hiki ia oukou ke ike iaia.  Nolaila, e hoomania ia kakeu mao Iesu Karisto ‘la ka hoola panai o keia ao, ka mea hoi e uwao ana nou imua o kona makua.

            Nana no i haawi mai a nana no e lawe aku, e hoomaikai ia ka inoa e Iehova o na kaua.

            Aka, o ke aloha aole loa ia e mokuhia i na waikahe he nui.  Auwe walohia wale oia i nalo aku la.

 

NU HOU KULOKO.

 

            I na Luna Lawe Pepa o KA LEO O KA LAHUI, ke ha’i ia’ku nei ka lohe ia oukou, ina he mau helu koe o ka la 3, 10, 20 o Aperila, a me ka la 5 o Mei nei, o ka nupepa KA LEO, ke kauoha ia aku nei e hoihoi mai ma ke keena nei.

                                                Ma ke kauoha.

 

            He mau puaa opio no ke kuai aku, aia ma ka aina o Kapohulu, ma ke aianui mawaena o Waikiki a me Kamoiliili, e loaa ai, ina e makemake kekahi e hele malaila.

 

            Nui ka poe make i heia mau la e noe nei, mai ke nui a ka liilii, pau ka ike ana i na inoa o keia ao.

            Ma ke kakahiaka Poaono nei i ku mai ai ma ka nuku o Mamala, ka mokuahi Ooianioa, mai ka Hema mai.

            Kaneikiahoa-e, ko ikoi, hele a iluna, hele a ilalo, hele a i kaupoku o Hanalei, e ala e Hanalei i ka ua loku.

            He ui he ninau, na wai kela olelo kaulana, i kapaia ai no ko kakou awa nei, na Kawelo, pela io ka hoi pololei wale.

            E na hoaloha a me na makamaka, eia mai ka moolelo piha o ke kaeaea Kamapuaa ke panoe ia aku nei imua o oukou.

            Ina aole i moku kekahi alihi o ke koko a Makalii, ina la aole e iho mai kamalii kolohe o Kulanihakoi, nana aku ia la kawewe lua iluna o Waahila.

            I keia Poaha ae Iune 25, e haulani mai ai ao na ale ahiu o ka moana kai uli kai hohonu, ka mokuahi Mariposa, a e ku mai ana oia i o Kakeu nei i ka Poaha mua o Iulai 2, a e hii mai ana hoi oia maluna o kona oneki i ka meho hakaka kaulana o ke ao nei, John L. Salivana.

            Ua hala ma kela ao o Mr. A. W. Maioho ma ka la 16 o Iune, ma Koloa, Kauai, he Luuakanawai oia no ia Apana, a ua hakahaka ia noho, nolaila, ke ninau nei makou, owai la ke pani hakahaka kupono ma kona wahi, ke hai ia mai la e kaukaopua o Mr. W. A. Kiha, ina pela ka oiaio maemae wale.

            Ua kaa ka lanakila o ka paani kinipopo i malama ia ma ke ahiahi Poaono iho nei, i ka hui Honolulu nona hoi na hole 6, a he 4 hoi o ka hui Hawaii, a me he la ma ka hoomaopopo aku, e lilo ana ka inoa moho o keia makahiki ii ka hui Honolulu; alia nae hoi kaua e pulale koke, oiai, eia no ii kakahiaka.

            He leo kauoha, ke hai ia aku nei i na mea a pau e lawe ana i ka LEO a me ka OIAIO, e hookaa koke mai i ko oukou mau koena i koe.  E hoolohe ii keia leo, o i mai auanei no hoike mua ole ia aku ka hewa.

                                                Ma ke Kauoha.

            Ina Luna lawe pepa a pau o KA LEO, ke hoike ia aku nei ka lohe ia oukou, i na o ka luna, a mau luna paha o oukou he koena pepa kana o ka la 1 o Iune nei, e hoihoi mai i ke keena nei.  ma ke kauoha.

 

700 = KAKINI = 700

 

Hainaka Silika

 

- O NA -

 

LEDE!

 

Ma na kumukuai e hoomaka ana mai ka

$1.75

- A KE -

            $3.50

O ke kakini hainaka hookahi.

 

            Aole keia waiwai kuai i ike la maanei mamua e like aku me kona ano ka nani a me ka emi o kekumukuai, kihi o na alanui Papu a me Moi, ma Ewa mai o ko Hui o Holo ma.

215-d2wa.

 

Kauka Pake Akamai!

 

DR. LEONG KANG TONG.

 

MAKAUKAU OIA E LAPAAU I NA MA’I A PAU O KELA A ME KEIA ANO, ME KA ELEU A ME KA HOLOMUA.

 

HE OLUOLU KA AUHAU.

 

            KEENA OIHANA; -Aie ma ka aoao ma Ewa iho o ka halekuai Puaa, e ku nei ma ke kihi o na Alanui Kamika me Hotele.

 

HE PALAPALA HOOIA.

 

Honolulu , April 28, 1891.

            Owau o Chu Sam Lau, no ke kulanakauhale o Honolulu, Mokupuni o Oahu Ko Haawaii Poe Aina.  Ke hooia, a ke hooiaio aku nei au imua o kea kea, ua ike au a ua maopopo ia’u a ke haawi nei au i ko’a mahalo piha ia Kauka Leong Kang Tong e noho nei ma Alanui Hotele Honolulu, eo ka mea, ua lapaao oia ia’u a ua ola au mamuli o kana mau lawelawe akahele ana, oiai o ko’u ma’i he akepau, a he popo hoi ma ka olelo kahiko.  Ke noi aku nei au i ka poe a pau i loohia me kela ano ma’i, e hele ae iaia, a e loaa no ke ola.  Ua loaa au i keia ma’i mai ko’u wa opio loa mai, a ua aneane he 4 makahiki o ka hoomailo ana a keia ma’I i ko’u kino, aka, ma keia wa ua loaa ia’u ke ola maikai loa.  E hele ae e ka poe i luuluu a kaumaha.

                        Mei 12, 1891.              1m.-d.

 

Kuai Kudala

 

- O NA -

 

Pa-Hale ma Kalihi, Honolulu Oahu.

 

            Ua loaa mai ke kauoha ia’u e kuai aku ma ke kuai kudala akea, ma ko’u Keena Kudala, ma Alanui Moiwahine, i ka POAKAHI IUNE 29, 1891, HORA 12 M.  He 36 mau Paa aina Noho Nani, mawae na e alanui Moi me Beckley, he aneane hapaha mile ma Ewa aku o ke ula Kamehameha.  Ua mahele ia keia mau apana ma kekahi ano, a me ka nunui ku pono e hiki ai ke k mo mai iloko o ka lima o kela a me keia mea ka loaa ana e like me ka makemake, kekahi home no lakou ponoi iho iloko e na palena mamao kupono i ka piko o na wahi hana o ke kulanakauhale.

            Ke kulana a me na pono lehulehu e ae o keia mau apana aina, ua hiki ole ke hoohalike ia me na aina e ae o keia ano i kuai ia iloko o keia kulanakauhale i na makahiki i hala e aku.

            O kea no o ka waiho ana o keia mau aina, ma ka waha aku o ke awawa o Kalihi ma ke kiekiena kupono, ua loaa mau ke ea oluolu maikai a me ka maikai mao li no ka noho ana.

            E huli ana keia mau aina pa-hale ia pau i ke alanui Kalihi, he 55 kapuai, oia hoi ke alanui oi aku o kea kea ma na wa hi e pili kokoke ana i ke kulanakauhale o Honolulu, a e holo ana hoi mai alanui Moi a puka i alanui Beckley.

            Aia malalo iho o ekolu minute ke hele wawae aku a loaa keia mau apana aina mai kahi o ke alanui kaahao (Tramear) epau ai.

            Ka wai.  E hoomoe ia ana he paipu kumu wai, he 8 iniha ke ana-waena e hoomoe ia ma ke alanui Moi, main a hoo moe ana paipu o ke aupuni, e hooia ana i ka lawa i ka wai.  Ano e loaa no ka wai mai ka pa kula Kamehameha mai.

            E ike ia no kekahi palapala kii aina o keia mau hale pa hale ma ko’u Keena, kahi no hoi e loaa ai na hoike i makema ke ia e ninau aku.

            Ke ano o ke kuai ana.  Hookahi hapa ma ked ala kuike, ke koena iloko o hookahi makahiki ma ka ukupanee o 9 keneta pa-haneri i hoopea ia ma ka moraki.

            O na lilo o ka palapala kuai, me ka mea no ia e kuai ana i ka aina.

                                                JAMES F. MORGAN.

                                                            Luna Kudala.

Honolulu Mei 29, 1891                                   204-dtf.

 

OLELO HOOLAHA.

 

            Ke hoikeia aku nei ka lohe i na mea a pau, eia ma kahi noho o ka mea nona ka inoa malalo iho, kekahi lio kane lae kea umauma keokeo me ka hao kuni.  O ka mea nona keia lio, a mau mea paha, e pono e kii koke mai, me ka uku pu mai i ko’u mau lilo a pau, a me ka uku o keia hoolaha ana.  E au o haia auanei na la he 15, o ka lilo no ia o keia lio ia’u.

                                                J. ALAPAI.

Kapalama, Honolulu, Iune 8, 3tsd*

 

LA 11 O IUNE.                                                                                              LA 11 O IUNE.

E! Kakou i ka Heihei!

 

Na Papale Wahine ii hanaia.

 

E HOOMANAO,                                                                                           E HOOMANAO,

O ke Kilohana o kahi o na Papale i Hanaia.

- AIA MA -

N. G. SACHS:

(104, Alanui Papu, Honolulu.)

 

Eia ia makou, a e loaa mau mai ana ma na makumaku a pau.

Na Paikini Hope a me na Ano Hou Loa.

Na Papale Poepoe i-e nani, eleele a me keokeo, i kahikoia me na pua maikai, mai

 ka $4.50 o ka Papale a pii aku.

  Na Papale Sela i hanaia me na Lipine, $2.00 a pii aku.

   Na Papale Sela Spar, i hanaia me na kahiko a me na ho, $2.50 a pii aku.

Na Papale Keiki i kahiko ia, no ke kumakuai haahaa loa.

 

Na Pua hou! Na Hulu hou! Na Lipine hou!

He mau mea kupono wale no na La Nui e hoea mai ana.

            Na Lole Keokeo Lihilihi i-a loihi, ku i ka holoku, he $4.50 no ka lole holoku, Na Lihilihi laula kupono no na Lole Keiki, ma ke .60 a me .75 keneta o ka i-a.  Na Lole Keokeo maikai kakaulo’oa a papamu paha, ma ka .20 a .25 keneta o ka i-a Aole e lawa ke kahiko lole keokeo, ke ole me kekahi KAHEI SILIKA.  E loaa ana no i o makou nei o na ano waihooluu o na ano a pau, no $1.00 a me $1.25 pakahi.  Na Lihilihi kekahi no na Lole Lihilihi a me na kahiko lole ma ke kumukuai haahaa loa.  Ina oukou e imi ana i na ano i-e hana lole huluhulu a pulupulu keokeo, a waihooluu ia paha, eia ia makou ia ano a kupa’i, no ke kumukuai haahaa loa.  Ua hilinai makou i ke kuai hoopono ana, a e pomaikai ana oukou ke kipa mua mai mamua o ke kuai ana aku i kahi e.                                                                 N. S. SACHS.

“Ka Halekuai Kaulana o na Kahiko Wahine.”            104 Alanui Papu.

Honolulu , Iune 4, 1891.          208-dti.

 

Papale!  Paple!! Papale!!!

 

E Loaa no maanei na

Papale

maikai o na ano a pau

Na PAPALE i hoonani ia a hoonani ole ia.

I loaa ole ka lua ma keia Pae Aina, a no na la hoomanao Kulaia, e loaa no ia oe ma na kumukuai haahaa.

Ina oukou e kuai i na PAPALE ma ko makou halekuai nei, alaila, e loaa no ia o eke kaulike.

Nolaila, e kipa mai io makou nei i hoopauia ko oukou kuhihewa

                                                C. J. Fishel.

Mei. 19, 1891              196-tf-d.

 

KUAI HOOPAU NUI.

 

Mai keia manawa aku a hiki i ko Makou hoonee ana aku iloko o ko makou

HALEKUAI HOU

Ma ke Alanui Papu, - (NA HALE BURUA.

E hoolio aku ana Makou i ko Makou waiwai a pau o na ano Lole:

            NA LOLE NANI,

                        NA LOLE I HUMULA,

                                    KAPU A ME PAPALE

                                                PAHU LOLE, a pela aka

No na Uku Hooemi Loa Nae.

Egan & Gunn.

ALANUI MOI kokoke i ke ALANUI PAPU.

 

HOOLAHA HOU

B. F. Ehlers & Co-PAINAPA.

 

HELU 99, Alanui Papu.

            IA OUKOU E NA MAKAMAKA A ME NA HOALOHA, OLAI HOI, UA makaukau makou i ke kuai ana aku ia oukou i na lako lole wahine o na ano Staila a pau; oia hoi-

            Na Silika hou                                                  Na Selika hou

             Na Mikilina hou                                            Na Lihilihi hou

              Na Lihilihii keokeo hou                                 Na Lihilihi kau lole hou

               Na ano Mamalu hou loa                                Na Paku Paka

                Na lole hou o na wahine                              Na lole o na keiki

Na lole o keia a me keia ano e loaa no ia oukou no na kumukuai haahoa loa.

            E kipa mai e na makamaka, i hoopau ia ai ko oukou kanai ua no ka makou kuai hoopoho aku ia oukou,                                         Owau me ka oiaio.

  Tf                                        B. F. EHLERS & CO.