Ka Leo o ka Lahui, Volume II, Number 227, 1 July 1891 — NA MEA HOU. [ARTICLE]

NA MEA HOU.

Ua hoaie hou aku nei o Rusia he $100,000,000. He $1000,000.000 a oki aku ka moraki aie o Turekc e noho aie nei ia Rusia. Ua make ke Kuhina Nui o Kanada i ka la 6 o Iune, i ke 76 o kona mau makahiki. Ua hana o Pope Leo i kona palapala hooilina, e hooili ana a pau loa i kona waiwai i ka Oihana Hemolele Roma. Ma kekahi mau apana o Rusia he mau haneri ka nui o ka poe make wi iloko o na pule hope pokole mai nei. Ua noi mai ka Pope e hoonui ae i ka hookupu keneta hookahi o Petero. Ua haule ia keia hookupu he $2,000,000 malalo o ka mea i manaoia ai. Ua ku aku ka moku mahu Itata o na kipi o Kili, ma kekahi awa uuku o Tocopila, Kili, me 5,000 laipela a me 2,000,000 owili poka, ma ka la 4 o Iune. Aole oia i ike iki ia e ke Kaletona. a ku wale no. Mahope o kona ku ana, ua haawi ia mai oia i ka aumoku kauwa ma Iguiga, he haneri mile ma ka akau mai, a e hoihoi ia mai ana hoi e ke aupuni Amerika a Sana Diego.