Ka Leo o ka Lahui, Volume II, Number 227, 1 July 1891 — KA MONAO O KA LAHUI. [ARTICLE]

KA MONAO O KA LAHUI.

E na Kuhina o ke alii ka Moiwahine, eia ka lahui ke ku nei me ka nana aku i ka oukou hana, me ke kali ana o ka ike e hana ia ana ka hana. Ma ke kiai ana a ka lahui holookoa mai o a o, aole loa he wahi lihi iki o ka ikea aku e eueu mai ana oukou, aka, o ka mea i ike ia, oia no kela mau olelo kaulana o ke au i ani aku la; "Alia." Hele a hiki i Kealia o ka po no ia. No ia kali ana, hoomanawanui ana, oia ka mea e hala ai o ka wa pono, a oia ka mea o ka lahui e kamailio nei ia oukou. Oia hoi. o ka lahui, oia ka haku maluna o oukou a pau, e ka poe e paa ana i na oihana o ke aupuni, o na mea a ka lahui e ike ai, oia ka hoolaha a ke Kuhina Kale e pili ana no ke alanui o ka Luapele mai Hilo aku a Kilauea. Aka ma ka makaikai ia ana o kahi i pau i ke a-na ia e ke A-na Aina hoopau dala o ka lehulehu, ua ike ia kana hoike, aole i makohi aku, a o ka hoolaha ana a ke Kuhina Kale no ke koho ana i ka mea koho haahaa e hana ua alanui ala, ua ike ia aole no e hana ia ana. Oiai hoi, ke nee aku nei ka manawa imua, a hoea mai ka 1892, a oia auanei ka wa a ka lahui e pehi mai ai i ka Aha Kuhina o ka Moiwahine, me na olelo o ka la ano keia ano, mai ko lakou mau wahaolelo mai. Nolaila, i mea no oukou e maemae ai imua o ka lahui, a e lohe ole ai, hoi i na kaina leo, e hana koke aku oukou i kekahi hana ano nui i hooholo ia ai e ka Ahaolelo o 1890. Nolaila, ma ko ka lahui aoao ke kamailio nei makou no ka pono laula o na mea a pau.

He mau puaa opio no ke kuai aku, aia ma ka aina o Kapohulu, ma ke alanui mawaena o Waikiki a me Kamoiiiili [Kamoiliili]. e loaa ai, ina e makemake kekahi e hele malaila. He leo kauoha, ke hai ia aku nei i na mea a pau e lawe ana i ka LEO a me ka OIAIO. e hookaa koke mai i ko oukou mau koena i koe. E hoolohe i keia leo, o i mai auanei no hoike mua ole ia aku ka hewa. Ma ke kauoha. Ina Luna lawe pepa a pau o KA LEO, ke hoike ia aku nei ka lohe ia oukou, i na o ka luna, a mau iuna paha o oukou he koena pepa kana o ka la 1 o Iune nei, e hoihoi mai i ke keena nei. Ma ke kauoha. I na Luna Lawe Pepa o KA LEO O KA LAHUI, ke haʻi ia'ku nei ka lohe ia oukou. ina he mau helu koe o ka la 3, 10, 20 o Aperila, a me ka la 5 o Mei nei. o ka nupepa KA LEO, ke kauoha ia aku nei e hoihoi mai ma ke keena nei. Ma ke kauoha.