Ka Leo o ka Lahui, Volume II, Number 228, 2 July 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

NU HOU KULOKO.

 

Ua makemake ia na lala a pau o ka Hui Hoonaauao Liliaokalani; mahele elua, e akoakoa ae ma Iolani Hale i ke kakahiaka Poalima, Iulai 3, 1891.

 

Ma ke kauoha,

3 t-d.  MRS. HAHILAHI WEBB.

 

E na hoaloha, na makamaka o ka ua Kukalehale nei, e noho ana hoi i ka moku o Kukuiawaa nei, in a e makemake oe e loaa on a puaa momona no ka la 4 o Iulai, aia kahi e ioaa ai ia oe mauka o Kalihi, i kahi o Uilamama Kamaki; mai ka $3 dala a hiki i ka $7 o ka nunu hookahi.

 

He elepani ka makou, i ke kakahiaka o nehinei kona mio ana aku mai a makou aku.

 

Ma ka hele ana o kamailio pu me N. S. Sachs, Alanui Papu, e loaa no i kekahi keiki kane i ike i ka olelo haole a kakou hoi, ke loaa ka hana ma kona hale kuai. He manwa kupono keia, e hoohana ai i ka ike.

 

Ma ke kakahiaka Poakolu nei, ua holapu ia ae ka hale kuai o Kakela me Kuke e ka piko pau iole a ua puehu aku ke kolohe me ka ike ole ia. Ma ka nana aku, he kamaaina no ka mea nana i hana awaawa.

 

Ano e ka nanaina o Ewa i ka la inehinei, oiai oia i maalo ae ai ma waho ae nei o ko makeu keena nei, me he la e hoaa ana ia Adamu, oiai kela e walea ana ma ka oneki o ka Auseteralia me na ulua paku'iku'i. Hu ana ka puaa e.

 

Ua ike aku makou ia Abela ke kaikaina o Kaina, e kau ana maluna o ke kaa bage i ka la inehinei me Ewa kona makuahine, e huli ana no paha ia pap Adamu. Aloha ino. No ka lawa ole no paha kahi o ka hana'na.

 

NA OPIO AUWANA.

 

M na po Poaono a pau, e ike mau ia ana he mau keiki opiopio e pokaakaa mau ana ma ka Meregoraunu, ma ke ano o ka makou koho aku, me ho poe keiki makua ole ala lakou, no ka mea, i kekahi po Poaono aku nei, ua pau ka holo ana o na lio laau uhane ole o ua Meregoraunu ala, aka aia nae he elua mau keiki e pupue ana iluna o ka maua, malalo o kekahi kumu laau kiawe, ua pa'uhia i ka hiamoe kulipolipo. Ea, o na opio o keia ano, he mea pono loa e hoopaa ia lakou ma kahi a ke aupuni i hoomakaukau ai no ia ano hana, malia o ike iho i ka hewa o ka haalele i ka makua, huli ma ka hana pono. E keia poe opiopio, penei noonoo ka naau a hookauaka makua, mai ae ia oukou iho e hoauwana ia e like me keia ke ano.

 

UA HALA KA PUULENA AIA I HILO.

 

He mau lalani mele hooheno keia ou e Hawaii, a oia kekahi o na mele kaulana loa. Aka, me keia poo maluna ae, ke hoomanao nei makou ka Liona Have o ka Pakipika. ka Hon. R. W. Wilikoki, me ka mahui mua ole ia. a lono la hoi, a wahi hiona iki la hoi, he oki loa no. a o ka mea i ike ia, oia ka hui ana a ka Auseteralia iaia ma kekahi o kona mau keena alohilohi.

 

A nolaila makou i hoomanao ae ai i kela mau hua mele. i kakua ia mai hoi e ka ua Waahila e loloku ana i ke ama'u, penei:

 

"Haalele i Puna na hoa'loha."

 

Nolaila ua kupono maoli no kela mau lalani mele ou e Hawaii, oiai, aia oia ke au la i ke kai loa no ka hui ana aku me kana aloha poina ole, ka ui hoi o Italia. Nolaila hoi makou e hoomanao ae nei i keia mau lalani mele:

 

Aia i ka iu ka'u aloha

I ka hau anu a o Kaleponi

E pa-e mai ana e ka leo

E hoi maua la e pili.

 

Nolaila, e na Hawaii oiaio, aole a kakou hana maikai e ae e oanai aku ai imua ona a me kana wahine eia wale no, e haawi aku kakou i na hoomaikai ana iaia a me kana wahine ka ui hoomahie o Italia, oiai ua haawi oia i kona ola nou e Hawaii ponoi, mai ke nui hoi a ka liilii.

 

EHAEHA WALE.

 

E na hoa'loha o ka i'o, ke koko, ka iwi ou e Hawaii ponoi e, weline oukou

 

He mea ehaeha no makou ka ike ia ana o na kane e hoeha ana i ka lakou mau wahine, oiai, o ka wahine he paepae ia nou e ke kane, a o kou hoeha ana i ka wahine, ua lilo ia ia mea no makou e haeha ai. Nolaila ke ao aku nei ka LEO ia kakou Hawaii, e like me kona rula paa, he kiai oia no ke ia lahui ma na ano a pau, nolaila, eia ka leo o ke ola, a hoolohe ia mai.

 

Ua lawa kona eha ia oe ma ka leo aole me ka lima, oiai he iwi aoao wale no oia nou, aole hoi he iwi kuamoo.

 

Nolaila, he mea pono ia kakou na kane ke akahele, a e uumi i ka inaina. oiai o oe e ka Hawaii ka lahui oluolu loa malalo iho o ka la i lilo hoi i mea kamailio nui ia a puni ke ao.

 

Nolaila, he mea pono ia kakou e hoomanao i keia mele a ko kakou Kani Moi i hala aku:

 

E nihi e ka hele mai hoopa

Mai pulale i ka ike a ka maka

Hookahi no makamaka o ke aloha

A hea mai o Kalani e kipa.

 

HE ULU PAHA NO KA HOI?

 

O keia ae la maluna ka olelo a kekahi loea kamailio i pane mai ai i ka wa i hoea aku ai ke kii iaia, ma o ke kauoha a kona Moi. Oiai, mamua aku oia  manawa, ua hele aku keia kanaka me ka naau aloha alii, a e hui a kuku kamaiiio me ia, aka. mamua o kona hiki ana aku imua o ka Moi. ua pa e mai la oia i na olelo a kekahi kauwa lawelawe o ua Moi ala, penei: "Owaho no kena noho aku, aohe makemake o ka Moi e ike i kou mau helehelena maloko o na paia o kona hale alii nei." Ia wa no i huli ae ai ua loea ala a hoi hope aku la me na kapuai wawae kaumaha o ka hoka no kona home, me ke kaui ana iho o ka uhu. A pane ae la oia: Aia no he wa, aole i mamao loa mai keia la aku au e kuu Moi i kiuaku mai nei ia'u. e hoea mai no ka wa ou e ma kemake ai ia'u e hui kuku pu me a'u. no kou pomaikai.

 

Ho oiaio, aole i hala pono ae na pule elua, aia hoi, ua hoea mai la kekahi ninau ano nui imua o ke alo alii. a ua hiki ole i ua moi la ke pane koke aku. O ka mea mua i komo iloko o kona noonoo, e hoouna no keia kanaka loea, a hoouna aku la oia no ua kanaka ala; aka, i ka wa i hiki aku ai ke kii imua o ka loea, ua pane mai la oia, penei: "Heaha iho la la. he ulu paha no ka hoi." O hoi a hai aku i ka Moi o kakou, he wahi Palaama nuha ko'u i ka wai, he hoololohe i ka auwai, hoi iho no hoi, ua lepo ia ko'u wahi kaukini, a he hoohalahala mai ka hopena o kuu kamaa buti, nolaila ea, aohe au e hiki aku. E haawi aku i ko'u aloha a nui iaia.

 

O KE ALII WALE NO KA'U MAKEMAKE, O KA LUHI O

 

MAUA ME IA NEI.

 

O keia poo e kau ae la maluna, oia kekahi o na hopuna olelo hooheno i haku ia e kekahi o na kupuna o ko kakou lani Moiwahine e noho nei i keia au.

 

Ma keia mau hopunaolelo, ua ikea ka naauao palena ole oia au, oiai, he hope loa mai ka hoea ana mai o ka malamalama i o kakou nei, a he mua aku keia.

 

Aka, ma ko makou makaikai ana i na manao o kekahi poe kakau o ka nupepa Kuokoa o 1862, ua ike ko lakou kuhihewa, oiai ua hoohaahaa loa lakau ia kakou Hawaii.

 

Nolaila, ua makemake makou e hoomalamalma aku ia kakou Hawaii.

 

Oiai hoi, aole kakou he lahui naaupo haalele loa, aka, he lahui naauao kakou, he lokomaikai hoi, he heahea a he hookipa hoi i na malihini.

 

O kela mau mapuna olelo maluna ae, no ia au ia aole no keia au, a oia ka makou i hoomanao ai, i ka olelo a na kaula o ke au i hala; ka i ana mai: O ka mea hoole i ka ke alii, oia kai hoole i ke Akua. Nolaila, ua hoomanao makou i keia a hiki i keia la.

 

Kauka Yong Kam Pung.

 

(APANA.)

 

Helu 53, Alaaui Maunakea.

 

Ke Kauka Loea o ka

 

Aina Pua!

 

Ua hiki ke hoola ia keia a me keia ano

ma'i, mai ko na kane, wahine a me

na keiki liilii. O na ma'i ha-no

ua hiki loa ia ke hoola ia me

ka maalahi. A o na-ma'i

e pili ana i ka maka

pau pu ia i ke

olà. Ke ho-

ike ia aku nei.

eia ke ola ia nei, me

ka oluolu pu o kahi au-

hau. Ka põe pilikia hanaii

keiki a hele nui paha o ke koko.

a paa a lohi pahaka hanau ana, paa

paha o ka waiu, e hole nui mai i o'u nei.

 

E KIPA mai e ka poe i hooluu luu ia me na naawina pilihua a ka ma'i, a na'u oukou e hooluolu aku.

 

KAUKA YONG KAM PUNG.

 

Konolulu Iune 2, 1891.  206-d3m

 

LA 11 O IUNE.

 

E! Kakou i ka Heihei!

 

Na Papale Wahine ihanaia.

 

E HOOMANAO,                                                                               E HOOMANAO,

 

Oke Kilohana o kahi o

 

na Papale i Hanaia.

 

AIA MA

 

N. S. SACHS:

 

(104, Alanui Papu, Honolulu.)

 

Eia ia makou, a e loaa mau mai ana ma na mokumahu a pau,

 

Na Paikini Hope a me na Ano Hou Loa.

 

Na Papale Poepoe i-nani, eleele a me keokeo, i kahikoia me na pua maikai, mai

            ka $4.50 o ka Papale a pii aku.

                        Na Papale Sela i hanaia me na Lipine, $2.00 a pii aku.

                                    Na Papale Sela Spar, i hanaia me na kahiko a me na bo, $2.50 a pii aku.

                                                Na Papale Keiki i kahiko ia, no ke kumukuai haahaa loa.

 

Na Pua hou! Na Hulu hou! Na Lipine hou!

 

He mau mea kupono wale no na La Nui e hoea mai ana.

 

Na Lole Keokeo Lihilihi i-a loihi, ku i ka holoku, he $4.50 no ka lole holoku, Na Lihilihi laula kupono no na Lole Keiki, ma ke .60 a me .75 keneta o ka i-a. Na Lole Keokeo maikai, kakaulo'oa a papamu paha, ma ka .20 a .25 keneta o ka i-a Aole e lawa ke kahiko lole keokeo, ke ole me kekahi KAHEI SILIKA. E loaa ana no i o makou nei o na ano waihooluu o na ano a pau, no $1.00 a me $12.5 pakahi. Na Lihilihi kekahi no na Loie Lihilihi a me kalike loie @@ ke kumuku-ai haahaa loa. Ina oukou e imi ana i na ano i-e hana lole huluhulu'a pulupulu keokeo, a waihooluu ia paha, eia ia makou ia ano a kupa'i, no ke kumukuai haahaa loa. Ua hilinai makou i ke kuai hoopono ana, a e ponoaikai ana oukou ke kipa mua mai mamua o ke kuai ana aku i kahi e.    N. S. SACHS. 104, Alanui Papu.

"Ka Halekuai Kaulana o na Kahiko Wahine."

Honolulu, Iune 4, 1891.         208–dtf.

 

Papale!            Paple!! Papale!!!

 

E Loaa no–Papale– maikai o na

maanei na                    ano a pau

 

Na PAPALE i hoonani ia a hoonani ole ia.

 

I loaa ole ka lua ma keia Pae Aian, a no na la hoomanao Kulaia, e loaa no ia oe ma na kumukuai haahaa.

 

Ina oukou e kuai i na PAPALE ma ko makou halekuai nei, alaila, e loaa no ia oe ke kaulike.

 

Nolaila, e kipa mai io makou nei i hoopauia ko oukou kuhihew@a

           

            C. J. Fishel.

 

Mei, 19, 1891              196–tf–d.

 

KUAI HOOPAU NUI.

 

Mai keia manawa aku a hiki i ko Makou hooneo

 

ana aku iloko o ko makou

 

HALEKUAI HOU

 

Ma ke Alanui Pau, – (NA HALE BURUA.

 

E hoolilo aku ana Makou i ko Makou waiwai a pau o na ano Lole:

 

NA LOLE NANI,

 

                        NA LOLE I HUMUIA,

 

                                    KAPU A ME PAPALE

 

                                                                        PAHU LOLE, a pela aku

 

No na Uku Hooemi Loa Nae.

 

Egan & Gunn.

 

ALANUI MOI kokoke i ke ALANUI PAPU.                                              tf–d.

 

HOOLAHA HOU

 

B. F. Ehlers & Co.–PAINAPA.

 

HELU 99, Alanuil Papu.

 

IA OUKOU E NA MAKAMAKE A ME NA HOALOHA, OIAI HOI, UA wakaukau makou i ke kuai aua aku ia oukou i na lako iole wahine o u@ ano St@@la a pau; oia hoi–

 

            Na Silika hou                                                                                      Na Sateen hou

                        Na Mikilima hou                                                                                 Na Lililihi hou

                                    Na Lihilihii keokeo hou                                                                      Na Lihilihi kau lole hou

                                                Na ano Mamalu hou loa                                                                      Na Paku Pukaaninni

                                                            Na lole hou o na wahine                                                                     Na lole o na keiki liilii.

 

Na lole o kela a me keia ano e loaa no ia oukou no na kumukuai laa@aa loa.

 

E kipa mai e na makmaka, i hoopau ia ai ko oukou kanalua no ka makou kuai hoopoho aku ia oukou.                    Owau me ka ouio.

 

tf                                                                                                                                 B. R. EHLERS & CO.