Ka Leo o ka Lahui, Volume II, Number 229, 3 July 1891 — Page 3
| This text was transcribed by: | John Reppun |
| This work is dedicated to: | Teresa Chartrand Rogers |
KA LEO O KA LAHUI.
"E Mau ke Ea o ka Aina i ka Pono."
He ala na C. K. Haole e Wawahi ai.
-
Ina, wahi a Ioane, “O ka mea e hana aku ana i ka hewa oia ka mea e haihai ana i ke kanawai; a o ka hewa, oia no ke kue ana i ke kanawai,” Ioane 3:4, “A oo ka hewa, alaila, hoopukaia mai ka make,” Iakona 1:15. Pehea la e hiki ai ia Haole ke wehewehe i kona kulana he haipule oia o ka hoomana o Karisto o na La Hope, e like me ka olelo a ka baibala i ke ano oia poe ina pia he hoahanau e ae ana i ka moekolohe ka mea a ke kanawai o Iehova ka Haku i papa ai, a me ke kanawa a Karisto i olelo mai ai, ma Mataio 5:17, 18, “Mai manao oukou i hele mai au e hoole i ke kanawai a me ka poe Kaula. O ka hooiaio ka’u i hele mai nei aole o ka hoole. No ka mea, he oiaio ka’u e olelo aku nei ia oukou, e lilo e ka lani a me ka honua, aole e lilo kahi huna, aole hoi kahi lihi iki o ke kanawai, a pau loa ae la ia i ka hookoia.” O keia kanawai oia no ke kanawai a na makua mua o kakou i hahaki ai, a no ia make laua a me na mea a pau mai a laua aku, oia no na kauoha he umi i haa wiia ma Mauna Sinai: a oia no ke kanawai alii a Paulo i olelo ai, i kona hoomaopopo ana ike iho la oia he kanaka make oia ke mau kona kue. Ua wehwehe mai no hoi ke Keiki a ke Akua i ke ano o na kanawai hemolele a mau loa o ke Akua, ma ka hapa hope o ka Mokuna elima o Mataio, a malaila i olelo mai ai oia he hewa ka moekolohe, a ina no e kuko i kekahi wahine, ua hewa no.
Oiai o keia kanawai, oia ka ke Akua i papa ai aole e kue ia. Alaila, heaha la ka C. K. Haole olelo no kona ano haipule hemolele ina oia ke ae nei he pono no ka moekolohe? E kali aku ana makou i ke nali ana a haole e naha ai keia ala.
-
HILAHILA OLE.
-
Ma kekahi anaina paina hoomanao la make, i malama ia i ke ahiahi Poakolu nei, ua ike ia aku kekahi makuahine i ano sahio i ka wai a ka Naulu e lelepi ana, a e nuku ana me ka lele pu ana aku e paluku i kana kaikamahine me kekahi paa kamaa e paa ana ma kona lima, e huku ana hoi i ka lauoho, me he unuunu ala la i ka puaa.
Mahope iho o keia, ua kahiea aku la ua makuahine nei i ke kane e hele mai e hoopai i kekaikamahine no ka hewa he hookuli. Ua hele mai keia makuakane, me ka maopopop ole iaia o ka hewa o ke keiki, a hopu iho la ma ka lauoho a huki ae la, me ka hoopuka ana i olelo kupono ole e lohe ia imua o ke anaina maikai e luana ana. Aka i ka lohe ana o keia makuakane aole i hewa ke kaikamahine ua mimihi hou iho la oia no kana mea i hana ai.
Ea, auhea olua e na makua, “e nihi ka hele na i ka uka o Puna” a mai pulale h oi i ka hoopai i kahua a ka puhaka i hoohua mai ai i keia no malamalama. E uumi i ka inaina, a mai hoomau i ka huhu a po ka la; oiai, aia ka Mea Mana Loa ma ka Lani a ma na wahi no a pau me ka makaukau e hoopa’i i na mea a pau e hahaki ana i kona kanawai likoki a me Sulavena. Ke au la ka mua no ke kai maokioki o ka huli Akau, a o ka hope hoi ua hehu mai no ka Hema, a mai nei aku e holo ioa ai no Auseteralia. Ua lohe makou makou, mamua kau nei , i kona agena, ina he mea hiki, e noho ana oia me kakou no hookahi mahina.
-
KEIKIALII KAWANANAKOA.
-
Ua lohe mai makou, ei ae make ala moana ke Keikialii Kawananakoa, e kipa mai ai i na kaiaulu o Hawaii nei o oia kekahi o na ohua kiekie a ka Mariposa e hii mai nei, ma kekahi o kona mau keena alohilohi.
A e hui ana oia me kona mau makuahine alii, a me kona pokii, iloko o na kipona a ka ehaeha.
-
PAINA LA HANAU
-
Makai ae nei o Honuakaha, i ka Poakolu nei, ua haawi ae o Mr. a me Mrs. W. H. Firrier, he paina la hanau no ka laua kamalei, o ka puni ana o ka lua o na makahiki. Ua hoopiha ia ka papaaina me na ono o kela a me keia ano, na lipo o ka wao, na oopu peke o Hanakapiei, ua ai a ua lawa, ua inu hoi a kena. A ke kalokalo ae nei makou e ola loihi ke kama a kau i ka pua aneane.
-
UA IKEA O KIPIKONA.
-
Aole io no e nele ka manao o kekahi poe ua ike ia ke kino wailua l Kipikona. A loaa ka hoi ke kuhihewa i ka poe naauao he hoi ka uhane o ke kanaka a noho pu me ke Akua ke make aku, e like me ka olelo a na kahuna pule o na hoomana e olelo nei. O na hena hoopunipuni iho la no ia a Satana, i mea e huli ai kanaka i na hana hoonohonoho uhane a hana mana. E o kakou o na la hope, no ka mea e hoike kino mai ana o Satana iaia i na la hope, a e hana ana oia, i na hana mana, me he la e iho mai ana ke ahi mai ka lani mai a aneane no e puni na haipule o ke Akua,.
-
MENEMENE OLE
-
Ma ka auina la Poakolu nei, mawaho ae o ka hale koa, e kokoke la i na hale ohua o ke alii, ua pepehi iho la kekahi makuahine i kekahi keiki opiopio nona hoi na iwi i oo pono ole, me kekahi laau oolea loa, i kupono ole e kau malun ao ke kino o kekahi mea kino uhane, aka nae, i keia wahine, ua hili oia i keia opio iwi palupalu me ka ikaika a pau i loaa iaia.
Ua pepehi oia i keia opio a hiki i ka haki ana o ka laau, kai no hoi o ka pau ia, eia ka aole, noke no i ka hahau me kahi poomuku laau i koe i kona lima. Aohe wahi hili ole ua halahula ke kino o ka opio i keia laau a ka wahine naau menemene ole, aloha ole i ka imo ae a ka ma ka, i ka uwe ae a ke keiki: “Ua pau – na hewa au.” Oi puka ae ha leo o ka opio a – puka ole.
Ua nui ka eha o keia keiki ua ula pu kona mau lima, ka a-i a me kona mau wawae, a pela pu na paha me kona kino holookoa. Oiai, aohe wahi pa ole o ka laau; a ua huki hele ia na opio ala ma kona mau lima a hiki i kona komo ana ma ka Halekoa.
Ea, auhea oe e ka wahine lima menemene ole, pehea la oe i aa ai e pepehi naaupo i ka opio pela, me ko ike iho no aole i oo pono na iwi o ke keiki; e hoopa’i ma ka mea kupono, a mai hoao hou oe e hana hou pela, mai ae oe i kou inaina e alakai ia oe. He mau maka nunui ko ke aupuni e nana aku nei i na hana oia ano. Ina he lede oe; e aole hoi e like me kela hana hehena au i hana ai.
-
NU HOU O NA AINA MAMAO.
-
Ua kuai aku la kekahi moremona i kekahi apano aina he 125 ka loa a he 15 ka laela, ma ka apana e Chihuahua, Mekiko, a eia lakou ke haalele nei i kahi i ae ole ia e noho me na haia wahin, ma ke ano kue i ka inoa a me ke Karistiano oiaio.
Ua hoihoi hou ia ka haawina i hoopau ia e ke Kulter Kampt o 1873, mai na kahuna o ka hoomana Roma, ma kekehi kanawai a ka Ahaolelo o Perusia.
Ua hoopaa loa ia aku la ka olelo hooholo oki mare mawaena o O’Shea a me kana wahine i hoopii ia ai me Panela.
Ua powa ia aku la e na powa Tureke, ke kaa lawe ohua alaaho e ko koke ana ia Aderianopela, a lawe ia aku la he eha mau Geremania; a ua paa ia kau hoi lakou a uku ia aku he $40,000, hookuu ia mai.
He mea hoopa-hu hou ko Amerika, na Lieut. Grayton, no na pu ki mamao i oi aku ka ikaika i ke dainamaita.
Nui ka make-we ma Rusia, no ka emi mai o ka hua o na hui ai e ola ai. Ma na haneri e make la ka poe ilihune ma na kuaaina, a ke noke la no hoi ka hoopai hili kaula a ke aupuni i ka poe kaa ole o na auhau aupuni. Nui na poino i oi aku mamua o kakou, nolaila, e hoomanawanui kakou i ko lakou mau wahi uha a pilikia ano ole, oiai aole i hiki aku i ka make, a e hoomaikai ae i keia palekana.
Ua makaukau na mokukaua ewalu no na Panalaau o Auseteralia. Ua olelo o Adminrala Scott, he mau moku maikai loa keia. E ulu mau ana na lilo no na hana make, a e kolo mau ana hoi na haa wina no na mea hoola. O keia iho ia paha ka milenia e olelo ia nei e ka poe kuhihewa, a alakai hewa, a makapo.
-
$10 MAKANA $10
E makana ia ana he umi kala i ka mea a mau mea paha e hoihoi mai ana i kuu lio i nalowale aku mai ko’u wahi e noho nei ma kauhale o na paahana alanui hou Pantalus, ma ke kua o Puowaina. He lio ahinahina kane, i kuni ia maka uha hope akau C. K. J. B. Grant.
229 – rf
-
OLELO HOOLAHA.
E ike auanei na mea a pau eia ma ka Pa Aupuni lio o Makiki kekahi pipi ulaula w, kiko keokeo ma ka lae hoailona kuni 83 ak. Uha hope, kikokiko keokeo ma ka aoao ak. Oki mawae ma ka pepeiao hema pepeiao ak, oki pahupu ma ka walalau o ka pepeiao malalo o kela ma na pepeiao, aole i paa maloko o ke pa’i hakahaka, mamuli o ka ubai o keia pipi. O ka mea a mau mea paha nana keia pipi, e pono e kii koko mai, a ina aole e kii koke mai a hala na la 15, alaila, e kauai kudala aku no au maka la 15 o Iulai, hora 12 awakea.
David Kaaoao.
229 @@@ Luna Pa Aupuni.
LA 11 o IUNE
E! Kakou i ka Heihei
-
Na Papale Wahine i hanaia
-
E HOOMANAO: E HOOMANAO.
O ke Kilohana o kahi na Papale i Hanaia.
-AIA MA-
- N. S. SACHS –
(104, Alanui Papu, Honolulu.)
Eia ia makou, a e loaa mau mai ana ma na mokumoku a pau.
Na Paikini Hope a me na Ano Hou Loa.
-
Na Papale Poepoe i-e nani, eleele a me keokeo, i kahikoia me na pua maikai, mai ka $4.50 o ka Papale a pii aku.
Na Papale Sela i hanaia me na Lipine, $2.00 a pii aku.
Na Papale Sela Spar, i hanaia me na kahiko a me na bo, $2.50 a pii aku.
Na Papale Keiki i kahiko ia, no ke kumukuai haahaa loa.
-
Na Pua hou! Na Hulu hou! Na Lipine hou!
He mau mea kupono wale no na La Nui e hoea mai ana.
-
Na Lole Keokeo Lihilihi i-a loihi, ku i ka holoku, he $4.50 no ka lole holoku, Na lihilihi laula kupono no na Lole Keiki, ma ke .60 a me .75 keneta o ka i-a. Na Lole Keokeo maikai kakaulo oa a papamu paha, ma ka .20 a .25 keneta o ka i-a. Aole e lawa ke kahiko lole keokeo, ke ele me kekahi KAHEI SILIKA. E loaa ana ao i o makou nei o na ano waiholuu o na ano a pau, no $1.60 a me $1.25 pakahi. Na Lihilihi kekahi no na Lole Lihilihi a me na kahiko lole ma ke kumukuai haahaa loa. Ina oukou e imi ana i na ano i-e hana lole huluhulu a pulupulu keokeo, a waihooluu ia paha, eia ia makou ia ano a kupa’i, no ke kumukuai haahaa loa. Ua hilinai makou i ke kuai hoopono ana, a e pomaikai ana oukou ke kipa mua mai mamua o ke kuai ana aku i kahi e. N. S. Sachs.
“Ka Halekuai Kaulana o na Kahiko Wahine.” 1-4 Alanui Papu.
Honolulu, Iune 4, 1891. 208-dtf.
Papale! Papale! Palale!!!
-
E Loaa no – Papale – maikai o na
maanei na ano a pau
NA PAPALE i hoonani ia a hoonani ole ia.
I loaa ole ka lua ma keia Pae Aina, a no na la hoomanao Kulaia, e loaa no ia oe ma na kumukuai haahaa.
Ina oukou e kuai i na PAPALE ma ko makou halekuai nei, alaila, e loaa no ia oe ke kaulike.
Nolaila, e kipa mai io makou nei i hoopauia ko oukou kuhihew a,
C. J. Fishel.
Mei. 19, 1891 196 tf-d.
-
KUAI HOOPAU NUI.
-
Mai keia manawa aku a hiki i ko Makou hoonee ana aku iloko o ka makou
-
HALEKUAI HOU
Ma ke Alanui Papu, - (NA HALE BURUA.
E hoolilo aku ana Makou i ko Makou waiwai a pau o na ano Lole:
NA LOLE NANI,
NA LOLE I HUMUIA.
KAPU A ME PAPALE
PAHU LOLE, a pela aku
No na Uku Nooemi Loa Nae.
Egan & Gunn.
ALANUI MOI kokoke i ke ALANUI PAPU. Tf-d.
-
HOOLAHA HOU
B. F. Ehlers & Co. – PAINAPA.
-
HELU 99, Alanui Papu.
IA OUKOU E NA MAKAMAKA A ME NA HOALOHA OIAI HOI, UA makaukau makou i ko kuai ana aku ia oukou i na lako lole wahine o na ano St@@-la a pau; oia hoi-
Na Silika hou Na Sateen hou
Na Mikilima hou Ka Lihilihi hou
Na Lihilihi keokeo hou Na Lihilihi kau lole hou
Na ano Mamalu hou loa Na Puku Pukaaniani
Na lole hou o na wahine Na lole o na keiki liilii.
Na lole o kela a me keia ano e loaa no a oukou no na kumukuai haahaa loa.
E kipa mai e na makaukau, i hoopau ia ai ke oukou kanalua no ka makou kuai hoopoho aku ia oukou. Owau me ka oiaio.
B F. EHLERS & CO.