Ka Leo o ka Lahui, Volume II, Number 232, 8 July 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

KE AO OMAMALU O KA OIHANA

KOA KUMAU

            Ma ke ahiahi Lapule iho nei, Iulai 5, ua ulu ae la ka manao uluku iloko o na kiai ponoi o ka Moiwahine, no na hana hookaumaha a kekahi mau alii koa, oiai hoi na koa e hoomalu ia ana, hoopaahao ia ana, a pela aku.

            O na kumu nei o keia kuee mawaena o na koa, a me kekahi mau aliikoa, oia no ka hoopaa ia ana o Jno. Hamauku i ka hao no ka hewa he ona me ka hoopaa pokole ia ana, a i kona kii ia ana aku, ua laau la kona kino, aole e hiki iaia ke pelu mai i kona mau lima, a pela pu hoi me kona wawae, a ua ku a ma’i maoli oia e waiho nei i keia mau la.

            Oiai o ke ano o keia hoopaa ana he hoopaa pokole, oia hoi, hookahi lima a me hookahi wawae, a hookapono hao ke kowa.

            O ka lua o na kumu, oia no ka hoomalu ia o na koa, a oi aku mamua o ka mea pono, me ka hookolokolo mua oie ia, a me na ano like e ae.  Mamuli o keia mau hana a kekahi mau aliikoa, ua ulu mai la ka manao uiha iloko o na koa, a oia ke kumu i hoala ai lakou i keia hana.

            O ke kolu, ua waiho aku lakou he palapala noi imua o ka Moiwahine Liliu, e nana mai ia lakou kana mau keiki, aka, aole i loaa mai he pane, a hiki i ka wa i ala mai ai keia hana.

            Ma ka auina la Poakahi iho nei, ua komo ae ke Kuhina Nui, Sam Paka iloko o ka Halekoa, a launa pu me na koa, a ma ona ala i pau ai ka manao uilani o na koa.

            Mahope aku o ke Kuhina Nui, oia ka Loio Kuhina a me ka Ilamuku, aka, e like me ka waipahe o ke Kuhina Nui, pela i pau koke ai keia uluao’a, ina la ua onea kai o Malama.

            O keia na mea a makou i lohe ai, e pili ana no keia oihana o ke aupuni, ina he oiaio na mea i hoike ia mai ia makou, alaila ke ahewa nei makou i kela hana.

            Oiai o ka lokahi, oia ke kahua o ka maluhia o ke hookuee oia ke ala o ka mokuhana.  Nolaila, e na lliikoa a me na koa, e lokahi oukou e pono ai, oiai, he wahine ko kakou makua i keia wa, a he mea ehaeha ke lohea ka leo uwe o ka lehulehu no na hana o keia hano.

            Nolaila eia mai ka LEO ke a’o aku nei ia oukou hoolohe ia mai, oia ka mea e mau ai ka hanohano iluna o ke kanaka.

 

He Lono Hoehaeha

            Ua lohe mai makou, eia iloko o na kipena a ka ehaeha a ka ma’i, ke keikialii Jno O. Dominis e waiho nei i keia mau la.

            A wahi a ko makou lohe he hoala kanaka ka hiki ke ala iluna, aka, o ka ma’i ka ma’i, ola no ma ka apua.

            No makou iho, ke kalokalo ae nei makou, na ke Akua Mana Loa e kiai mai ia oe, a oia auanei kou kahuna lapaau o ka puu hoomaha hoi ia no ka wa pilikia.

            O keia a makou e hoike nei oia na lono i maalo ae ma na pipa alanui, paa i ka hopu ia e ko makou wahi kiu hanu mea hou.

            Aka, ua hoike e mai oia i ola honua i ka i ana mai: O ka mea i hanau ia na ka wahine, he hapa kona mau la, a ua puni hoi i na popilikia he nui.

            A pela kakou a pau e auwae ai i na ehaeha o kela ano keia ano.

 

HE HOINAINAU

Ke nee nei ka manawa imua

O na hana a ke kanaka

Ma na ano a pau

A ka manao e kono ae ai,

Ke lawe mau ia mai nei

O na lawehala ana a ke kanaka

Ua hooiliili ia a ahua

He mea e hoopoino ai,

Ia makou e kalai ana

He nui na enemi

Ia makou e noonoo ana

Aia makou e hoino ia manana

Lana mai na manaolana ana

Aia na kokua ana a ke Akua

Io makou nei,

Puapua’i mai na leo enemi

I ka makou maka-kila kaulana

Lana mau nae kona oni ana

Aole e hopo no na kanikani-a-ula

 

NU HOU KULOKO

            Ua makemake ia na lala a pau o ka Hui Hoonaauao Liliuokalani; mahele alua, e akoakoa ae ma ka hale o Mr. Luther Wilcox, ma Kuloloia, i ka hora 10 o ke kakahiaka Poaha, la 9 o Iulai 1891; no ka noonoo ana i kekahi mau kumu hana nui, e hana ia ana ma ia la.

Ma ke kauoha,

3t-d                                                                 MRS. LAHILAHI WEBB.

 

            E na hoaloha, na makamaka o ka na Kukalahale nei e noho ana hoi i ka moku o Kukuiawaa nei, ina e makemake oe e loaa ona puaa momona no ka la 4 o Iulai, aia kahi e loaa ai ia oe mauka o Kalihi, i kahi o Uilamama Kamaki; mai ka $3 dala a hiki i ka $7 o ka nunu hookahi.

 

            Maikai ke ola kino o ko kakou Moiwahine Liliuokalani.

            O Muko’i, Kuukanahes me Elepani na lala hou o ka hui “Hu ka Aka.”  O Ho!

            Ua maka’u loa na makai i keia mau la i ke kiki pu pololei, aohe paha ia he maka’u, he ola.

            E nana ae e na makamaka i ka hoolaha aila a Jno. F. Colbune, e puka akau nei ma ka pepa o keia la.

Ua ahewa ke jiure o ka aina ia Lui Self ma ke gekele ekolu, e like me ka ka Aha Hoomalua hooholo ai.

Apopo e ku mai ai ka mokuahi Zealandia, i o kakou nei, me na mea hou makamaka o ka aina Hikina mai.

Aia ke Keikialii J. O. Dommins iloko o ka ehaeha a ka ma’i e waiho nei i keia mau la, aole hiki pono iaia ke ala iluna ke ole e loaa kekahi mea kokua iaia.

He kudala lio a me bipi, ka Jas. F. Morgan o keia la; nolaila, e pono e ka poe e ake ana e loaa ona mau lio kau-o kaa, eia ka wa e loaa ai; a pela pu me na bipi waiu momona, e eleu ae i ka wa pono.

Ma ka auina la onehinei na ikea aku kekahi puai ai, e huli hele ana i ka mea kuai mai, pa iuka, pa i kai, a aikena maoli; nolaila e ka poe kii ai, mai wikiwiki oe i ka holo, a hookuu i ka pake e hoa a hele me ke kaumaha.

Nui mai nei ka naauao o keia au, oiai ua hiki i ke kanaka ke kauoha uku i ka ua e ua mai, a ua io mai la no, ua ike ia keia ma Canton O@.  O ka ike keia o na la hope o ka manawa e holoke nei i @ a ianei.

 

MAKANA

            E makana i ana he umi dala i ka mea a mau mea paha e hoihoi mai ana i kuu lio i nalowale aku mai ko’u wahi e noho nei ma kauhale o na paahana alanui hou.  Pantahis, ma ke kua o Puowaina.  He lio ahinahina kane, i kuni ia ma ka uha hope akau  C. K.  J. B. Grant.

229-tf.

 

OLELO HOOLAHA

            Ke hoike ia aku nei ka lohe i na mea a pau, eia ma ko’u wahi noho kekani lio ahinahina me ka hao kuni CPI.  O ka mea nona keia lio, e pono e kii koke mai, me ka uku pu mai i ko’u mau lilo a pau loa.  E au o hala auanei na la he 15, lilo loa ia’u keia lio.  E loaa no au ma kahi o Samuel Nakuia.

John Ua.

Auwaiolimu, Julu 6, 1891   231-6td*

 

OLELO HOOLAHA

            1. E ike auanei na mea a pau.  eia ma ka Pa Aupuni o Makiki nei kekahi lio k, keokeo kikokiko kua nalo huelo poomuku hoailona kuni ano-e ak. uha hope.

            2. Lio k. ulaula hauliuli kiko keokeo ma ka lae e 2 wawae keokeo hope hookahi wawae keokeo mua hema kiko keokeo ma ke kua aole hoaiiona kuni.

            3. Lio k. ulaula lae-kea elua wawae keokeo hope 2 wawae eleele mua hoailona kuni ano-e ak. uha hope.

            4. Lio w. ulaula kiko keokeo ma ka lae kikokiko keokeo ma ke kua 4 wawae eleele hoailona kuni C. J. ak. aia ma ka aoao akau o ka ai.

            5. Lio w. ulaula ae kea 4 wawae eleele huelo poomuku hoailona kuni ano-e ak. uha hope.

            O ka mea a mau mea paha nona keia mau lio e pono e kii koke mai ina aole e kii koke mai a hala na la he 15, alaila, e kuai kudala aku no wau ma ka la 18 o Iulai M. H. 1891 awakea Poaono hola 12.

David Kaoao.

231 6ts-d*                                                       Luna Pa Aupuni.

 

OLELO HOOLAHA

            E ike auanei na mea a pau, eia ma ka Pa Aupuni lio o Makiki kekahi pipi ulaula w, kiko keokeo ma ka ae hoailona kuni 83 ak. uha hope, kikokiko keokeo ma ka aoao ak. oki mawae ma ka pepeiao hema pepeiao ak. oki pahupu ma ka welelau o ka pepeiao malalo o kela ma na pepeiao, aole i paa maloko o ke pa’i hakahaka, mamuli o ka uhai o keia pipi.  O ka mea a mau mea paha nana keia pipi, e pono e ikii koke mai, a ina aole e kii koke mai a hala na la 15, alaila.  e kuai kudala aku mo au ma ka la 15 o Iulai, hora 12 awakea.

David Kaaoao.

229 3ts*                                                          Luna Pa Aupuni.

Hale Hana Wai

Momona

Wai Aniani.

 

Sam. Lad me John Grace na Ona.

 

            Ka poe wale no na lakou e haua nei NA WAI HOOMAEMAE KOKO KAULANA oia hoi ka

SASEPARILA

A ME KA

WAI-HAO

 

NA WAI MOMONA AWAPUHI

SASEPARELA, LE@I, WAI

PIPII, SODA MAOLI, STDA

KAMEPENA, @

Mu@ 230 TELEPONA – Bell 29

            E hooia ia ana ka maema o na wai a pau.  E hookoia no na kauoha a pau loa mai na Mokupuni mai a me ko ke kulanakauhale nei.                                      231-1yd

 

LA 11 O IUNE

E! Kakou I ka Heihei!

 

Na Papale Wahine i hanaia

 

O ke Kilohana o kahi o

na Papale i Hanaia

AIA MA

N. S. SACHS

(104, Alanui Papu, Honolulu)

Eia ia makou, a e loaa mau mai ana ma na mokumahu a pau,

Na Paikini Hope a me na Ano Hou Loa.

 

Na Papale Poepoe i-e nani, eleele a me keokeo, i kahikoia me na pua maikai, mai ka $4.50 o ka Papale a pii aku.

Na Papale Sela i hanaia me na Lipine, $2.00 a pii aku.

Na Papale Sela Spar, i hanaia me na kahiko a me na bo, $2.50 a pii aku.

Na Papale Keiki i kahiko ia no ke kumukuai haahaa loa.

 

Na Pua hou!  Na Hulu hou!  Na Lipine hou!

He mau mea kupono wale no na La Nui e hoea mai ana.

            Na Lole Keokeo Lihilihi i-a loihi, ku i ka holoku he $4.50 no ka lole holoku, Na Lihilihi lauala kupono no na Lole Keiki, ma ke .60 a me .75 keneta o ka i-a.  Na Lole Keokeo maikai kakaulo’oa a papamu paha, ma ka .20 a .25 keneta a ka i-a.  Aole e lawa ke kahiko lole keokeo, ke ole me kekahi KAHEI SILIKA.  E loaa ana no i o makou nei o na ano waihooluu o na ano a pau, no $1.00 a me $1.25 pakahi.  Na Lihilihi kekahi no na Lole Lihilihi a me na kahiko lole ma ke kumukuai haahaa loa.  Ina oukou e imi ana i na ano i-e hana lole huluhulu a pulupulu keokeo, a waihooluu ia paha, eia ia makou ia ano a kupa’i, no ke kumukuai haahaa loa.  Ua hilinai makou i ke kuai hoopono ana, a e pomaikai ana oukou ke kipa mua mai mamua o ke kuai ana aku i kahi e.                                                                             N. S. SACHS

“Ka Halukuai Kaulana o na Kahiko Wahine.”                       104. Alanui Papu.

Honolulu, Iune 4, 1891                       208-dtf.

 

Papale!  Paple!!  Papale!!!

E Loaa no Papale maikai o na maanei na ano a pau.

Na PAPALE i hoonani ia a hoonani ole ia.

 

I loaa ole ka lua ma keia Pae Aina, a no na la hoomanao Kulaia, e loaa

no ia oe ma na kumukuai haahaa.

 

Ina oukou e kuai i na PAPALE ma ko makou halekuai nei

alaila, e loaa no ia oe ke kaulike.

 

Nolaila, e kipa mai io makou nei i hoopauia ko oukou kuhihewa a

C. J. Fishel

Mei 19, 1891 196 tf-d

 

KUAI HOOPAU NUI.

 

Mai keia manawa aku a hiki i ko Makou hoonee

ana aku iloko o ko makou

HALEKUAI HOU

Ma ke Alanui Papu, - (NA HALE BURUA)

E hoolilo aku ana Makou i ko Makou waiwai a

pau o na ano Lole:

NA LOLE NANI ,

NA LOLE I HUMUIA

KAPU A ME PAPALE

PAHU LOLE, a pela aku

 

No na Uku Hooemi Loa Nae.

Egan & Gunn.

ALANUI MOI kokoke i ke ALANUI PAPU                                   tf-d

 

HOOLAHA HOU.

 

B. F. Ehlers & Co. – Painapa

HELU 99, Alanui Papu

            IA OUKOU E NA MAKAMAKA A ME NA HOALOHA OIAI HOU NA
makaukau makou i ke kuai ana aku ia oukou i @ lako lole wahine o na ano @ la a pau i oia hoi –

Na Silikahou                                       Na Sateen hou

Na Mikilima hou                                 Na Lihilihi hou

Na Lihilihi keokeo hou                       Na Lihilihi kau lole hou

Na ano Mamalu hou loa                      Na Paku Pakaaniani

Na lole hou o na wahine                     Na lole o na keiki liilii

            Na lole o kela a me keia ano e laua no ia oukou no na kumukuai haahaa loa.

            E kipa mai e na makamaka i hoopau ia ai ko oukou kanalua no ka makou kuai hoopoho aku ia oukou.

Owau me ka oiaio,

B. F. EHLERS & CO.