Ka Leo o ka Lahui, Volume II, Number 236, 14 July 1891 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO.

--

John E. Bush.

Luna Hooponopono a me

Puuku.

--

POALUA, IULAI 14, 1891.

--

He Molelo Kaao

No

KAMAPUAA

KE KEIKI PUAA A KAHIKIU-

LA ME HINA--KA MOOPU-

NA PUAA A KAMAUNUA-

NIHO--KA HOA PAIO HOI

O PELE, KA WAHINE O KA

LUA I KILAUEA, A HALA

LOA AKU I NA KUPUNA O

KUKULU O KAHIKI.

--

 

            O oe ia e Haunuu, e Haulani

            E Haalokuloku

            E Mano e ka I'a nui

            E ui, e Uilani

            Ko inoa Puaa ia e o mai.

--

            A hiki aku la o Pele ma ilalo o ka lua a komo aku la lakou iloko o ko lakou hale, a ku ana no hoi o Kamapuaa iluna o Akanikolea.

            Uwe ae la na kaikaina o Pele i ke aloh a i ka ike ana mai ia ia nei i ke ku aku, aka, pane mai la o Pele, mai uwe oukou, e puka aku kekahi o oukou i waho, malia paha ua hiki mai la ke kane a kaou iluna o Akanikolea.

            I aku la na kaikaina o Pele, aia ke ku mai la ua kane nei a kakou iluna o Akanikolea.

            Mama hoi ha ia kanaka, haalele aku nei no hoi makou aohe i pae mai i uka o ka aina, aia no paha oia iloko o ke kai kahi i lohi apaapa ai.

            E nana aku no naha oukou i keia manawa, ua puka io aku la kekahi mau kaikaina o Pele.  oia hoi o na wahine i ka pua Puahaenaena a me na wahine noho makalae.

            I ko laua puka ana iwaho a nana aku la iluna o Akanikolea, ua ike koke aku la laua i ke ku mai o ua kane nei a lakou iluna o Akanikolea.

            A hooho ae la laua me na leo nui o ka hauoli, aia ua kane nei a kakou la ke ku mai la.

            I aku la o Pele, e kahea ia aku hoi paha ke kane a kakou e hoi mai, eia ka hale, eia ka ai a me ka a, a me na mea no a pau.

            A eia no hoi ka makamaka o ka hale nei la, he mea hoi i olelo ia, he pili pakakole.

            Nolaila, e kahea ia aku hoi pah ake aloha kakia i ka iwi a kakou, ua pau aku la kana hoapaapa ana a na kakou aku hoi i keia wa ka hoapaapa.

            A ua pono no kona luhi ana, he puni kauoha mai na makua mai, e kahea ae ana, o Pele i kona kini akua o ka po, a oia keia malalo iho:

O na hoaiku kane

O na hoaiku wahine

O ka maka o ke ahi

O ka ula o ke ahi

E lawe aku i kuu kino ino

A kau i ka haka i Kailua

A o kuu kino maikai a e kuu mai.

 

            Kuu ia mai ana ke kino nani a maikai o Pele.

            Ia manawa i hoomakaukau mai ai o Kamapuaa e iho ilaio o ka lua, aka, ua aoao mai la kona kupunakane i kane mea e hana ai.

            A i iho oe ilalo a huipu me Pele ma@a kii mai na wahine ui ia oe mai ae aku oe o make auanei oe, e hoole aku oe, aole o'u makemake ia oukou, he wahine okoa no ka'u i makemake ai, a na'u no e wae aku iwaena o oukou a ku i ko'u iini.

            I mai la na kaikaina o Pele, he ui oe a he wahine ui no hoi makou a i ko kakou wa e hui kino pu ai, e kani pono auanei me ka naue, o ka helu kanalima iho la no keia pau ka palena iliwai.

            Hoole aku la o Kamapuaa, aole o'u makemake ia oukou, o ke ano o na wahine maikai ea, na ke kane no e wae aku a kana ono, nona ka ai iho, mikomio, nolaila e hele aku ana wau i waena o oukou e huli i ka'u aloha.

            Ua hoololi nou ae la o Pele i kona kino ui a lilo hou i kino pupuka a e noho aha i kapuahi me kahi kihei ahu moena.

            Ua ao mau aku no ke kupunakane o Kamapuaa iaia, o kahi luahine e noho ana i kapuai me kahi ahu moena, a oia no hoi o Pele, a e hele aku oe e halawai pu me ia, a e haawi hoi na aloha mawaena o olua.

            A i olelo mai ia oe, heaha la hoi ka hewa ua pa ae la no hoi ko'u ili kapu ia oe e ke kane, a ua noa keia kino ia oe, a e hookuu aku ana au ia oe, e hele oe a e hui kino me ko'u mau kaikaina, he kanaka maikai, a he mau wahine ui hoi kela, oia kou mau hoa e kohu ai ke kauana i Waialoha, he oolea he oolea, no ka hoolale ana, aohe kaukaula, o ka helena a ke kai nui.

            Nolaila, pehea e Kamapuaa i ka hoolale e ke ehukai, pane aku la o Kama:

            Mahope aku lakou, mamua ae no kaua e kuu ai na waa i ka lepo.

            I mai la o Pele, ke ike mai la no paha oe e ke kane, aohe wahi lihi i koe o Waihanau, aohe wahi lihi i koe o Waihanau, ua pupu mai ke kino ua hala na la o ka wahine, he mau la kanikoo keia e iho aku nei ma kela aoao.

            O ka'u ia e olelo aku nei ia oe e aloha, e naue aku oe me ko'u mau pokii, i hoolale aku na ai a ka ui, aka, aia no nae ia i kou manao e na hoa nei.

            I aku la o Hamapuaa, aohe keia kino i au mai nei i ke kai loa no lakou. aka, nou hookahi wale no, a he mau iwi make keia mahope ou e ka wahine.

            Maopopo iho la ia Pele, aole e loae ana ka ihu o ko Kamapuaa moku i ka hema, aka, e kuhi pololei ana no i ka akau.

            E like no me ke kuhikuhi a ka hoku Kauopae, o ka hoku hookele waa o na kanaka.

            I aku la o Pele, in a ha pela, e hele aku au e auau i ko'u kino i ka wai, a komo ae hoi ko'u wahi kapa a maikai iki ae hoi.

            I mai la o Pele, kupanaha no ka hoi ka hana a ke kane, i ka ulaloa no ka hoi e hookuu ai na waa o kaua hoi iho no hoi, he wahi a keia.

            He pahoehoe no ka hoi na ke kino, a he ino no hoi na ka oiwi, nolaila, mai kali wale kaua maanei, e hoonui hana ai.

            Nolaila ua hooko mau la o Pele i ka makemake o kana ipo hanau Kama.

            Malaila laua i awala iho ai i na ai a ka ui, a le'a ai kulou a ka lawaia he malie.

            Ua hui Kino iho la laua, a hala na la eha, me na po eha, a ua ku a uluhua maoli o Pele i keia hana puaa a ua Kamapuaa nei a ke uwe mai la na kaikaina o Pele, i ka make o ko lakou kaikuaana.

            E hoomanawanui iki iho oukou a puka hou aku i ka la apopo.

                        Aole i pau.

--

700--KAKINI--700

Hainaka Silika

--O NA--

LEDE!

--

Ma na kumukuai e hoomaka ana mai ka

$1.75

--A KE--

            $3.50

o ke kakini hainaka hookahi.

 

            Aole keia waiwai kuai i ike ia maanei mamua e like aku me kona ano ka @ wai a me ka emi o ke kumukuai, kihi o na alanui Papu a me Moi, ma Ewa mai o ka Huio Holo ma.     215-d2we.

 

Na Lole Komo o ke Kau

            Na LoLe komo o ke Kau

--

NA LAKO HOU LOA a me NA ANO HOU LOA!

E weheia nei ma kahi o N. S. Sachs, 104 Alanui Papu Hoonolulu,

Na Ano Lihilihi o Kela a me Keia Ano.

--

HE KUAI MAKEPONO LOA KEIA.

Ua wehe ae nei makou i na ano LIHILIHI a pau i loaa pololei mai ia makou, mai

na Hale Hana mai Europa mai, a nolaila, ua hiki ia makou ke kuai aku--

NO NA KUMUKUAI HAAHAA I KO KEKAHI MAU WAHI E AE!

Ua moakaka ke ano o na lau o ka lole, a ua pomaikai oe ke ike mua, ma@

NA HOLOKU LIHILIHI no $4.50 o ka lole i kuai ia no $6.50 a $7 m@

NA LOLE LIHILIHI NO KEIKI, e like ka laula me ko ka pelekoki, mai ka 60

            [keneta o ka i-a a pii aku.

 

HE NUI NA ANO O NA LOLE KEOKEO, KINAMU, LATINA.

 

KINAMU LOLE, maka hou, he 8 i-a no ka $1.00

            NA LOLE MAIKAI PAPAMU a kakau loloa, 20 a 25 keneta o ka i-a,

            NA LOLE oi loa aku o ka maikai, he 25 keneta wale no ko ka i-a.

            NA LOLE KIKOKIKO a me LAU, (Swiss) he on-i loa,

            NA PAA LOLE LIHILIHI iloko o na pahu, KEOKEO a KALAKOA, e ku-

                        {ai emi loa ia aku ana.

 

NA KAKINI ELEELE ADELINE.

Ina oukou e makemake i KAKINI ELEELE maikai, i KAKINI mae ole a kohu

ole, e ninau no ke KAKINI ELEELE ADELINE, ua hanaia keia KAKINI no

makou no keia Makeke, a ua hiki ia makou ke hooiaio aku i ko lakou mai-

kai, ua lawa no na wahine, kaikamahine, a me na keiki.

--

            Mai poina wale iho oukou i ka hele mai e ike i na ano Papale Italia hou no ke Kau, no mea, o na Papale Sila keokeo a eleele, i kahiko ia me na lipine no $1.25 $1.50 a me $2.00.

                        --AIA MA--

                                    Ka Halekuai Kaulana.

104, Alanui Papu.       Iulai 14, 1891. dtf.      WEHI O NA LEDE.

--

Papale!  Paple!!  Papale!!!

--

E Loaa no --Papale--maikai o na

maanei na ano a pau

Na PAPALE i hoonani ia a hoonani ole ia.

I loaa ole ka lua ma keia Pae Aina, a no na la hoomanao Kulaia, e loaa

no ia oe ma na kumukuai haahaa.

Ina oukou e kuai in a PAPALE ma ko makou halekuai nei,

alaila, e loaa no ia oe ke kaulike.

 

            Nolaila, e kipa mai io makou nei i hoopauia ko oukou kuhihew a

                                    C. J. Fishel.

Mei, 19, 1891  196-tf-d.

--

KUAI HOOPAU NUI.

--

Mai keia manawa aku a hiki i ko Makou hoonee

ana aku iloko o ko makou.

HALEKUAI HOU

            Ma ke Alanui Papu,--(NA HALE BURUA.

E hoolilo aku ana Makou i ko Makou waiwai a

pau o na ano Lole:

            NA LOLE NANI,

                        NA LOLE I HUMUIA,

                                    KAPU A ME PAPALE

                                                PAHU LOLE, a pela aku

No na Uku Hooemi Loa Nae.

                        Egan & Gunn.

ALANUI MOI kokoke i ke ALANUI PAPU.          4f-d.

--

HOOLAHA HOU

B. F. Ehlers & Co--PAINAPA.

--

HELU 99, Alanui Papu.

            IA OUKOU E NA MAKAMAKA A ME NA HOALOHA, OIAI HOI UA makaukau makou i ke kuai ana aku ia oukou i na lako lole wahia@ o na ano @la a pau; oia hoi--

            Na Silika hou                          Na Sateen hou

                        Na Mikilima hou                     Na Lihilihi hou

                                    Na Lihilihi keokeo hou           Na Lihilihi kau lole hou

                                                Na ano Mamalu hou loa                      Na Paku Pakaaniani

                                                            Na lole hou o na wahine                     Na lole o na keiki liilii.

            Na lole o kela a me keia ano e loaa no ia oukou no na kumukuai haahaa loa.

            E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou.            Owau me ka oiaio

            tf                                 B. E. EHLERS & CO.