Ka Leo o ka Lahui, Volume II, Number 237, 15 July 1891 — Page 4
| This text was transcribed by: | Michele Pimentel |
| This work is dedicated to: | Kallee |
KA LEO O KA LAHUI.
"E Mau ke Ea o ka Aina i ka Pono."
KA LEO.
John E. Bush.
Luna Hooponopono a me Puuku.
POAKOLU, IULAI 15. 1891
He Moolelo
No
KAMAPUAA.
KE KEIKI PUAA A KAMAUNAUANIHO--KA HOA PAIO HOI O PELE,
KA WAHINE O KA LUA I KILAUEA, A HALA LOA AKU I NA KUPUNA
O KUKULU O KAHIKI.
O oe ia e Haunuu,e Haulani
E Haalokuloku
Ka Mano e ka I'a nui
E ui, e Uilani
Ko inoa Pusa ia e o mai.
A o na akua hoi keia o Pele ke hoaa hele lalau wale mai la no hoi lakou mawaho, kua lawe mai la ke oolea i ka moopuna puaa a Kamaunuaniho.
He mea maopopo e make ana o Pele, a ke uwe mai nei na makua o Pele a me makua o Pele a me na kaikaina; no laila, ua hooholo lakou e kii ia Lamaku e hele mai imua o lako.
E kuka pu ai no ka hoouna ana ia Lamaku i Maui, oiai e noho ana o Kapo i Wailua, ma ka pali Koolau o Maui, ne ka mea hoi, o ko Kapo mai ka mai lele i olelo ia ma keia moolelo o Kamapuaa, e lawe mai i Hawaii.
A nana ia e ike i keia kmea nui nepunepu e kaalo aku nei imua o kona mau maka, a ua hookoia ia manao i kuka ai, mawaene o ka ohana o Pele a me Lamaku.
A ua eleu aku la o Lamaku i kana huakai no Maui, a halawai pu oia me Kapo, ninau ka huaolelo a kamaaina ia Lamaku?
Heaha kau kuakai mama o ka holo ana mai nei?
He hoouna na ko haku kaikuaana.
I kii mai nei wau i ko mai e lawe i Hwaii, i ike mai o Kamapuaa, a nana ia e kii mai, o kau hana no hoi o ka lele hele, a nana ia e alualu aku, a halele iho ia Pele.
Aohe he wahi i koe o Pele ola, e make ana ia Kamapuaa, no ka iku naaupo, o ua puaa ala
I mai la o Kapo, kua pono hoi ha kai no he huakai ano nui, eia ka hoi, aole he nui, e paina a maona alaila huli hoi aku oe no Hawaii, a lawe pu is aku hoi me ua ipu holoholona la a kaua.
Ua ae aku la o keia, a mahope o ka pau ana o ka laua paina ana ua hoi aku la oia no Hawaii me kana ukana, a hiki aku la oia imua o kona mau haku nana i hoouna mai, a ua loaa ia lakou na hauoli ana.
Aka, no ke kulana kupilikii o Pele, he oia mau no, nolaila, ua ulu ae la ke aloha ia Aweaweikealoha, no ka kmea, o kana hana no ia @ ke aloha.
Ua hawanawana iho la oia i na kaikaina o Pele, ina olelo e loaa ai ia Pele ke ola.
O Aweaweikealoha, he pil@ ohana no na kupunakane o Kamapuaa no Pele, oia no ke kumu i ulu ai ke aloha ia Aweaweikealoha a puana malie iho la kona leo hawanawana i na Hiiaka:
Aole no hoi oukou e olelo aku penei i ka hanau mua o oukou; aoe no kau o ka hana kino ana o ka pono, hokai no hoi ua hana a ka puaa, ina paha hoi he hana na ke kanaka, aohe e kala aku la i pau ai o ia apana hana.
Lohe ae la o Pele laua o Kama i keia mau huaolelo a na kaikaina o Pele, i ae la o Kamapuaa, ua oki ae la hoi ha wau, he kaepalu kanawai o ke alii nonoi mai la o Pele, no'u ko kaua kanawai.
Ua hoole aku la o Kamapuaa, i mai la o Pele, ina ha pele, alaila, i kaiokia hoi ko'u kanawai.
Ia manawa i kii mai ai na Hiiaka ia Pele e hoi iloko o ka hale, a ua kono pu mai la o Pele ia Kamapuaa, e komo ai iloko o ka hale e paina pu ai.
A ua hele aku la o Kamapuaa, me na kaina wawae kaumaha hilahila, nonoi aku la o Kamapuaa ia Pele, i ekolu no hoi moku o Hawaii ia oe, a i ekolu no hoi ia'u, ua ae mai la o Pele i ke noi a ke kane ana, oia hoi o Puna, kau a me Kona, no Pele ia mau moku, Hilo, Hamakua a me Kohala ko Kamapuaa.
I aku la o Kamapuaa ia Pele, i noho oe a i hanau ke keiki a kaua a he kaikamahine, e kapa no hoi oe i kona inoa ma kou aoao, a i hanau ae no hoi a he keiki kane, ma ko'u aoao no hoi e kapa ai i ka inoa.
Ia hanau ana o Pele, he kaikamahine ke keiki a laua, nolaila, ua kajpa iho la oia i kona o Kaowakaikalani.
Ua haalele aku o Kama ia Pele ma, a ike mai la o Kama i keia mai i ke kau mamua o kona alo, alualu aku la oia a hiki i Keahialaka he aina ia, hiki aku nei o ua Kama nei ilaila, lele aku nei o ua mai nei a hiki i Kukii, o ku'a ka aina, hiki aku nei no o Kamapuaa ilaila.
Lele aku nei no ua mai nei a hihi i Puumai, o Kahuwai ka aina, hiki ana no o Kamapuaa ilaila, lele aku ana ka mai o Kapo i ka moana e alualu aku ana no keia ma ke kino i'a ona.
Elua po a he elua ao, hiki keia i Maui, ma ka Pueokahi ma Hana, ka aina i olelo ia:
Ka kua noenoe kea o Hana
O Hana o ka ia o Lanakila
O Hana a ka ia iki
Hule hele o Kama ma ke Koolau no ke alualu ana i ka mai o Kapo, hiki o Kama i Waialua-nui, lele aku la ua mai nei i Waialua-iki.
Hiki hou aku nei o Kama ilaila ua lele ae la ua mai nei iluna o kaupaku o ka hale, a hiki aku la o Kama mawahe o ua hale ala o Kapo ua nalo aku ua mai nei iloko o ka opeope; hele aku nei o Kama, a ku mawaho o ka hale, a kiei ana keia ma ka puka, a ike mai la o Kapo, i ke ku aku o keia kanaka maikai mawaho ohaoha aku la o Kapo, a kahea mai la: Aole i pau.
I na Luna Lawe epa o Ka Leo O Ka Lahui, ke ha'i ia'ku nei ka lokhe ia oukou, ina he mau helu koe o ka la 3, 10, 20 o Aperila, ame ka la 5 o Mei nei, o ka nupepa Ka Leo, ke kauoha ia aku nei e hoihoi mai ma e keena nei. Ma ke kauoha.
700=KAKINI=700
Hainaka Silika
-O NA-
LEDE!
Ma na kukukuai e hoomaka ana mai ka $1.75 a ke $3.50 o ke kakini kainaka hookahi.
Aole keia waiwai knai i ike ia maanei mamua e like aku me kona ano ka nani a me ka emi o ke komukuai, kihi ona alanui Papu a me Moi, ma Ewa mai o ka Hui o Holo ma. 215-d2ws.
PAPA KUHIKUHI
O
KA HUI ALAHAO A ME AINA O OAHU.
E HOOMAKA ANA MA KE LA
25 O OKATOBA, 1891.
A.M. A.M. P.M. P.M.
Haalele ia Honolulu *6:15 8:45 1:45 4:80+
Hoea ma Honoul@@@ *7:15 9:49 2:49 5:28+
Haalele ia " *7:45 10:51 3:51 5:50+
Hoea i Honolulu *8:40 11:55 4:55 6:45+
* Lapule wale no.
+ Poaono wale no.
Na Lole Komo o ke Kau
Na Lole Komo o ke Kau
NA LAKO HOU LOA a me NA ANO HOU LOA!
E weheia nei ma kahi o N.S. SACHS, 104 Alanui Papu Honolulu.
Na Ano Lihilihi o Kela ame Keia Ano.
HE KUAI MAKEPONO LOA KEIA.
Ua wehe ae nei maou i na ano LIHILIHI a pau i loaa pololei mai ia makou, mai
na Hale Hana mai Europa mai, a no laila, ua hiki ia makou ke kuai aku--
NO NA KUMUKUAI HAAHAA I LO KEKAHI MAU WAHI E AE!
Ua moakaka ke ano o na lau o ka lole, a na pomaikai oe ke ike mua, mamua o ke kuai ana ma kai e aku.
NA HOLOKU LIHILIHI no $4.50 o ka lole i kuai ia no $6.50 a $7 mamua.
NA LOLE LIHILIHI NO KEIKI, e like ka laula me ko ka pelekoki, mai ke 60 keneta o a i-a pii aku.
HE NUI NA ALO O KA LOLE KEOKEO, KINAMU, LATINA.
KINAMU LOLE, maka hou, he 8 i-a ka $1.00.
NA LOLE MAIKAI PAPAMU a kakau loloa, 20 a 25 keneta o ka i-a.
NA LOLE oi loa aku o ka maikai, he 25 keneta wale no ko ka i-a.
NA'LOLE KIKOKIKO a me LAU, (Swiss) he emi loa,
NA PAA LOLE LIHILIHI iloko o na pahu, KEOKEO a KALAKOA, i kuai emi loa ia aku ana.
NA KAKINI ELEELE ADELINE.
Ina oukou e makemake i KAKINI ELEELE maika, i KAKINI mae ole a kohu ole, e ninau no ke KAKINI ELEELE ADELINE,
na hanaia keia KAKINI no makou no keia Makeke, a ua hiki ia makou ke hooiaio aku i ko lakou maikai, ua lawa no na wahine, kaikamahine, a me na keiki.
AIA MA
Ka Halekuai Kaulana.
104, Alanui Papu. Iulai 14, 1891. dtf. WEHI O NA LEDE.
Papale! Paple!! Papale!!!
E Loaa na Maanei na- Papale-maikai o na ano a pau
Na PAPALE i hoonani ia a hoonani ole ia.
I loaa ole ku lua ma keia Pae Aina, a no no la hoomanao Kulaia, e loaa no ia oe ma na kumukuai haahaa.
Ina oukou e kuai i na PAPALE ma ko makou halekuai nei, alaila, e loaa no ia oe ke kaulike.
Nolaila, e kipa mai io makou nei i hoopauia ko oukou kuhihewa. C.J. FISHEL.
Mei 19, 1891 196-tf-d.
KUAI HOOPAU NUI.
Mai keia manawa aku a hiki i ko Makou hoonee ana aku iloko o ko makou
HALEKUAI HOU
Ma ke Alanui, Papu,-(NA HALE BURUA.
E hoolilo aku ana Makou i ko Makou waiwai a pau o na ano Lole:
NA LOLE NANI, NA LOLE I HUMUIA KAPU A ME PAPALE PAHU LOLE, a pela aku
No na Uku Hooemi Loa Nae.
Egan & Gunn.
ALANUI KMOI kokoke i ke ALANUI PAPU. tf-d.
HOOLAHA HOU
B.F. Ehlers & Co- PAINAPA.
HELU 99, Alanui Papu.
IA OUOU E NA MAKAMAKA A ME NA HOALOHA, OIAI HOI UA
makaukau makou i ke kuai ana aku ia oukou i na lako lole wahine o na ano @@@@
la a pau; oia hoi-
Na Silika hou Na Sateen hou
Na Miilima hou Na Lihilihi hou
Na Lihilihii keokeo hou Na Lihilihi kau lole hou
Na ano Mamalu hou loa Na Paku Pukaaniani.
Na lole hou o na wahine Na lole o na keiki liilii.
Na lole o kala a me keia ano e loaa no ia oukou no na kumukuai haahaa loa.
E kipa ma e na makamaka, i hoopau ia ai ko oukou kanalua n@ @ka makou kuai hoopoho aku ia oukou.
tf B.F. EHLERS & CO.