Ka Leo o ka Lahui, Volume II, Number 238, 16 July 1891 — Page 4

KA LEO O KA LAHUI.

"E Mau ke Ea o ka Aina i ka Pono."

 

KA LEO.

 

John E. Bush.

 

Luna Hooponopono a me Puuku.

 

POAHA, IULAI 16, 1891.

 

He Moolelo

No

KAMAPUAA.

 

KE KEIKI PUAA A KAHIKIU-LA ME HINA—KA MOOPUNA PUAA A KAMAUNUA-NIHO—KA HOA PAIO HOI O PELE, KA WAHINE O KA LUA I KILAUEA, A HALA LOA AKU I NA KUPUNA O KUKULU O KAHIKI.

 

O oe ia e Haunuu, e Haulani

E Haalokuloku

Ka Mano e ka I'a nui

E ui, e Uilani

Ko ino Puaa ia e o mai.

 

       E komo mai hoi paha maloko nei, eia ka hale, kahi mehana, e komo mai oe, mai hopohopo oe, a mai hoohilahila hoi, nou oloko a me waho o keia hale.

       I aku la o Kamapuaa, ua pono e hoomaha ae kamahele mawaho nei a kuu ae ka nae, alaila, komo aku maloko o ka hale, a noho iho la ua puaa nei mawaho, e hooluolu ai, a noho mai la no o Kapo, kani no kana ie kuku.

       A i ke kuu ana iho o koinei nae maloeloe, kahea hou mai la o Kapo komo mai hoi, ua komo io aku la no o Kamapuaa iloko o ka hale, a ninau aku la o Kamapuaa:

       Auhea ka hoi kanaka o ko oukou wahi nei?

       Aia i kai i ka lawaia, a mahea mahea mai nei hoi oe i hoea mai nei?

       Maanei no hoi au i hoea mai nei, he oi oe o ka wahine ui a ka launa ole mai o keia pali Koolau o Maui nei.

       Ae he ui hoi paha wau la au e ike mai la maluna, aka, malalo aku o'u nei la, aohe he lihi, he pali wale no.

       I aku la o Kamapuaa, he ui maluna he ui aku la no malalo, o ko Kamapuaa ike aku la no ia i ke kau mai o ka mai o Kapo iloko o ke opeope, lalau aku la oia a hoopili aku la me, a ua hoomaka laua e hui kino.

       A i ka hele ana mai o kekahi kanaka i ka hale o Kapo ma, ike iho la ia laua nei, o kono kau iho la no ia maluna o ka waa a holo no kahi a Puanui ke kane a Kapo e lawaia ana, a ninau mai la o Puanui i ua kanaka ala:

       Awakea hoi kou waa lawaia i holo mai nei?

       I holo mai nei no hoi au ia oe, wahi a kekahi o laua.

       Ma keia hele ana a Puanui i ka lawaia, mai kakahiaka mai a hiki i keia wa a laua e hui kuka nei, aohe aki ia iki o kana makau e ka ia eia ka ke kumu ua hewa kau hale, a ua ninau aku la o Puanui i ua kanaka nei:

       Heaha ka hoi ka hana a kou waa o ka holo ana mai nei?

       E hoike aku au ia oe, i hele ae nei au ma ko olua hale me ka manao, ua hoi anei la hoi oe, e moe mai ana o Kapo me kekahi kanaka a he kanaka malihi i ko'u maka, a oia ke kumu o ko'u holo ana mai nei e hoike aku ia oe.

       Ia manawa i pii ae ai ke kai o Puanui a i ae la, o ka mea no ka hoi ia e hemohemo nei o ka'u i'a ua hewa kauhale.

       Nolaila, ua hoohuli ae la o Puanui i kona waa no uka o ka aina, ke hao ala na mapuna hoe ikaika a ua kanaka nei, ua wela o loko ke pii ala ke kai i kumu pali.

       Aohe i emo iho pae aku la laua nei iuka, haalele iho la i ka waa, lalau aku la i ka hoe a paa ma ko ia nei mau lima, a hoi aku la oia me na kaina wawae mama.

       I hoea aku ka hana e nonoke mai ana no o Wailua-nui ma laua o Wailua-iki, ua hele a kunewane-wa kaiki, i ka pa a ka makani he Ulumano.

       Ia ike lihi ana o ua mea waiwai nei i keia palaualelo e kiliopu mai nei, ma ka iliwai o Punahoa, ua ha pai ae la oia i ka hoe a kiekie a hahau iho la maluna pono iho o Kamapuaa.

       Ia pa ana iho o ka hoe a Puanui maluna pono o Kamapuaa, ua olu iho la kela, ua lele mua ka eiki ka mea makau.

       E hoomoe hou iho ana o Puanui i kana hoe no ka lua o ka manawa e hoanapuu ae ana o Kamapuaa i kona kua i ole e pa iho o Kapo, no ka mea, ke waiho pepe ala o Kapo i ka wai o Niulii.

       Kahea ae la o Kapo me ka leo nui, e Puanui e, mai hahau iho oe ia ia nei, aohe keia he kanaka okoa o Kamapuaa keia.

       Aohe oi ala maliu mai i keia leo uwalo a ka wahine, ke iliki pau ala no na ai a ka ui.

       Palua a pakolu ka leo kahea o Kapo i kana kane, ua ala ae o Kamapuaa a noho iluna a kamailio aku la ia Kapo.

       I hea keia, iluna ilalo i kai, ua hoole aku la o Kapo, aohe ilaila, a ihea ka hoi?

       I uka o ke kuahiwi, ua kunou mai la ke poo o Kapo, ia manawa i lalau mai ai na lima o Kamapuaa ia Puanui, a hoolei aku la i@ka o Wailua-iki.

       Ua kapaia ia Ulumaia e ulu ala iuka o Wailua-iki o Puanui, a hiki i keia la, ma ka inoa o Puanui kane a Kapo.

       Ua hoomakaukau mai la o Kapo i mea ai na laua; a noho iho la laua nei paina, a pau la laua paina ana ua noho iho la o Kamapuaa ilaila a hala na anahulu elua, ua hoeu aku la ua Kamapuaa nei e hele; no ka mea, ua hu mai la kona aloha i ke ka@kuaana ona.

       Ua maopopo no iaia, ua haalele mai kona kaikuaana i keia ola, mamuli hoi o kona honi ana i ka ho-hono hul uwahi.    

       I mai la o Kapo, mai hele oe e nono no kaua, e noho i ko puni.

       Ae, he puni io no hoi paha na na'u, aohe hoi e hihi, ua hu mai la ke aloha o ko'u hanau mua, wahi a Kama.

       Nolaila, i hoomau aku ai o Kamapuaa i kana kamailio ana, ma ke kakahiaka o ka la apopo, e haa-lele iho ai au ia oe e noho hookahi i kahi o kaua.

       Aole, i pau.

 

       I na Luna Lawe Pepa o KA LEO O KA LAHUI, ke ha'i ia'ku nei ka lohe ia oukou, ina he mau helu koe o ka la 3, 10, 20 o Aperila, a me ka la 5 o Mei nei, o ka nupepa KA LEO, ke kauoha ia aku nei e hoihoi mai ma ke keena nei.

       Ma ke kauoha.

 

700―KAKINI―700

 

Hainaka Silika

O NA

LEDE!

 

Ma na kumukuai e hoomaka ana mai ka

 

$1.75

― A KE ―

$3.50

o ke kakini hainaka hookahi.

 

       Aole keia waiwai kuai i ike ia maanei mamua e like aku me kona ano ka nani a me ka emi o ke kumukuai, kihi o na alanui Papu a me Moi, ma Ewa mai o k@ Hui o Holoma.  215—d2ws.

 

PAPA KUHIKUHI

. . . . . . O . . . . . .

KA HUI ALAHAO A ME AINA O OAHU.

 

E HOOMAKA @A MA KA LA 25 O OKATOBA, 1891

 

	A.M	A.M	P.M.	P.M.
Haalele ia Honolulu	*6:15	8:45	1:45	4:30†
Hoea @ Honouliuli	*7:15	9:49	@:49	5:28†
Haalele ia    "	*7:45	10:51	3:51	5:50
Hoea i Honolulu	*8:40	11:55	4:55	6:45

       * Lapule wale no.

       † Poaono wale no.

 

Na Lole Komo o ke Kau

Na Lole Komo o ke Kau

 

NA LAKO HOU LOA a me NA ANO HOU LOA!

 

E weheia nei ma kahi o N. S. Sachs, 104 Alanui Papu Honolulu.

 

Na Ano Lihilihi o Kela a me Keia Ano.

 

HE KUAI MAKEPONO LOA KEIA.

 

Ua wehe ae nei makou i na ano LIHILIHI a pau i loaa pololei mai ia makou, mai na Hale Hana mai Europa mai, a nolaila, ua hiki ia makou ke kuai aku―

 

NO NA KUMUKUAI HAAHAA I KO KEKAHI MAU WAHI E AE!

 

       Ua moakaka ke ano o na lau o ka lole, a ua pomaikai oe ke ike mua, mamua o ke kuai ana ma kahi e aku.

NO HOLOKU LIHILIHI no $4.50 o ka lole i kuai ia no $6.50 a $7 mamua.

       NA LOLE LIHILIHI NO KEIKI, e like ka laula me ko ka pelekoki, mai ke 66 keneta o ka i-a a pii aku.

 

HE NUI NA ANO O NA LOLE KEOKEO, KINAMU, LATINA.

 

KINAMU LOLE, maka hou, he 8 i-a no ka $1.00.

       NA LOLE MAIKAI PAPAMU a kakau loloa, 20 a 25 keneta o ka i-a.

       NA LOLE oi loa aku o ka maikai, he 25 keneta wale no ko ka i-a.

       NA LOLE KIKOKIKO a me LAU, (Swiss) he emi loa,

       NA PAA LOLE LIHILIHI iloko o na pahu, KEOKEO a KALAKOA, e ku-ai emi loa ia aku ana.

 

NA KAKINI ELEELE ADELINE.

 

Ina o@kou e makemake i KAKINI ELEELE maikai, i KAKINI mae ole a kohu ole, e ninau no ke KAKINI ELEELE ADELINE, ua hanaia keia KAKINA no makou no keia Makeke, a ua hiki ia makou ke hooiaio aku i ko lakou maikai, ua lawa no na wahine, kaikamahine, a me na keiki.

 

       Mai poina wale iho oukou i ka hele mai e ike i na ano Papale Italia hou no ke Kau, no mea, o na Papale Sila keokeo a eleele, i kahiko ia me na lipine no $1.25

$1.50 a me $2.00.

 

―― AIA MA ――

Ka Halekuai Kaulana,

104, Alanui Papu.            Iulai 14, 1891.    dtf.        WEHI O NA LEDE.

 

Papale! Papale!! Papale!!!

 

E Loaa no maanei na       ― Papale ―       maikai o na ano a pau

Na PAPALE i hoonani ia a hoonani ole ia.

 

I loaa ole ka lua ma keia Pae Aina, a no na la hoomanao Kulaia, e loaa no ia oe @a na kumukuai haahaa.

 

Ina oukou e kuai i na PAPALE ma ko makou halekuai nei,

alaila, e loaa no ia oe ke kaulike.

 

       Nolaila, e kipa mai io makou nei i hoopauia ko oukou kuhihew a C.J. Fishel.

Mei@ 19, 1891         196-5f-d.

 

KUAI HOOPAU NUI.

Mai keia manawa aku a hiki i ko Makou hoonee ana aku iloko o ko makou

HALEKUAI HOU

Ma ke Alanui Papu, ―(NA HALE BURUA.

E hoolilo aku ana Makou i ko Makou waiwai a pau o na ano Lole:

NA LOLE NANI.

       NA LOLE I HUMUIA,

       KAPU A ME PAPALE

       PAHU LOLE, a pela aku

 

No na Uku Hooemi Loa Nae.

Egan & Gunn.

ALANUI MOI kokoke i ke ALANUI PAPU.          tf―d.

 

HOOLAHA HOU

 

B. F. Ehlers & Co. —PAINAPA.

 

HELU 99, Alanui Papu.

 

       IA OUKOU E NA MAKAMAKA A ME NA HOALOHA, OIAI HOI UA makaukau makou i ke kuai ana aku ia oukou i na lako lole wahine o na an@ @tei-la a pau; oia hoi—

       Na Silika hou                                        No Sateen hou

       Na Mikilima hou                                  Na Lihilihi hou

       Na Lihihii (@, Lihilihi?)                      Na Lihilihi kau lole hou

       Na ano Mamalu hou loa                       Na Paku Pukaaniani

       Na lole hou o na wahine                       Na lole o na keiki liilii

 

       Na lole o kela a me keia ano e loaa no ia oukou no na kumukuai haahaa loa.

 

       E kipa mai e na makamaka, i hoopu ia ai ko oukou kanalua no ka makou kuai hoopohu aku ia oukou.

       Owau me ka oiaio,

       tf    B. F. EHLERS & CO.