Ka Leo o ka Lahui, Volume II, Number 240, 20 July 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

LEO O KA LAHUI ko'u anoai a me na pauhana lawe kiani ko'u welina pau ole.

IKEMAKA.

            Koloa, Kauai, July 15, 1891.

 

            (O keia kekahi o na leta i loaa mai ia makou, a ua lawe ae makou i na hunahuna materia ma ke ano maikai, a ua kapae ia aku ka nui.  L. H.)

 

E HOOMAU I KA MAKAALA E PONO AI.

 

            E ka lahui Hawaii ka poe nona ke kuleana oiaio maluna o na mea a pau iloko o keia aupuni, ke hoike aku nei makou imua o ka lahui holookoa mai o a o, oia keia malalo iho:

            O ka waihona nui o ka lahui, aia no ia ma Aliiolani Hale, o keia ka hale o ka lahui, i komo kolohe ia ai e ka poe piko pau iole ai ole he poe manao ino paha i ko kakou Ilamuku hou.

NU HOU KULOKO.

 

            He leo kauoha ke hai ia aku nei i na mea a pau e lawe ana i ka LEO a me ka OIAIO, e hookaa koke mai i ko oukou mau koena i koe.  E hoolohe i keia leo, o i mai auanei no hoike mua ole ia aku ka hewa.

Ma ke kauoha.

 

            Ina Luna lawe pepa a pau o KA LEO, ke hoike ia aku nei ka lohe ia oukou, i na o ka luna, a mau luna paha o oukou he koena pepa kana o ka la S o Iunei nei, e hoihoi mai i ke keena nei.  Ma ke kauoha.

 

            I ka huakai alii i Niihau, nui ka ua, pela mai na hokeo kani ia makou.

            He puhi ohe ko keia po ma ke kahua maa mau, mai wikiwiki oukou i ka holo i ka Ema Kuea, maki'a paha, ei ae no i ka Hotele Hawaii kahi i houheuhene.

            Mahope aku o ka hora 10, o ke la po keia po a hiki i ka hora 4 o ka wanaao, ua kapu loa ke komo ana maloko o ka pa o Aliiolani Hale, o ka lohe ke ola o ke kuli ka make.

            Mamuli o ka ulia laki, ai ole he akamai maoli no paha, ua kaa ae ia i ka hui Hawaii ka lanakila o ka hookuku kinipopo, o ka auina la Poaona i hala, mawaena ona a me ka hui Kamehameha.

            Apopo e noho ai ka aha e hoolohe i ka hihia o ka Lunakanawai o Waianae a me kana Waiapo no ka hewa no i hiki mua ae ai ma mua aku nei imua o ia aha.

            O kahi aina ia

            I kipi ai na alii.

            Ma ka Poaono nei, hora 5:10 pm ua kipa ae la ka anela o ka make ma ka home o Mr. a me Mrs. Jas. Nott, a kaihi aku la i ka hanu ola mai a John Nott aku kekahi o ka laua mau ona mai ko laua puhaka mai, a i ka hora 1 o nehinei, ua manele ia aku la kona kino lepo no kona hale lua, ka home hoi o na mea a pau.

            Maloko o ka Home Hoohanau Keiki o ka Moiwahine Kanemake Kapiolani, i ka la 15 o Iulai, ua hanau mai la na Mrs. S. M. Maikai (w) he kaikamahine nui nepunepu, a i ka la 16 mai, ma ia home no na hanau mai na Malohi (w), he kaikamahine no:  He elua malihini hou o ke @u o ka Moiwahine Liliuokalani.

            Ma na hookipa ana i ka huakai alii, o Niihau ka oi, oiai, ua hanai ia mai ke alii a me kona huakai i na hipa keiki.

            Ma ke kakahiaka poniponi o nehinei, i huli hoi mai ai ka Moiwahine mai kana huakai makaikai aku nei no Kauai, me ke ola kino maikai.

            Haalele ka huakai alii ia Hanalei no Niihau, haalele ia Niihau no Waimea, mailaila mai no Koloa, a mai laila mai no Kalapaki paina malaila, kau i ka moku hora 4 pm. o ka Poaono nei, hiki i ka lai o Kou nei i ka hora 5:45 o nehinei.  Holo no hoi ka hana i ka mahimahi Mikahala.  O kona rula maa mau iho la no ia.

            Ma ka hoomaopopo ana i ka ka Moiwahine mau kipa ana, aia a nele kona hookipa ia ana e na haole, alaila, komo kauhale ia ae la na kamaaina.  Ka ke Kaikunane Alii hoi, ma kona lahui wale no oia a hiki aku la i kona make ana, ina no he hune ke kanaka ua maikai iho la no ia i kona manao.  Nolaila no i aloha ia ai o Kalakaua a hiki i keia la e na Hawaii, mamua o na alii a pau o keia Paeaina.

HE ANAINA HOOMANA MA BRITS HALE.

 

            O na Halawai i malama mau ia iho nei ma Ariona Hale, ua uwai ia ae nei ma Brits Hale, ma ke kihi o na alanui Moi a me Kamika.  E hoomaka ana ma na Lapule a pau ke anaina haipule i ka hora 10, o ka haiolelo ana i ka hora 11, mao ka mahele olelo la, a i ka hora 7 ahiahi no na mea a pau i lohe i ka olelo haole.

Lunakahiki A. Haws.

 

OLELO HOOLAHA.

 

            E ike auanei na mea a pau, eia ma ka Pa Aupuni o Makiki kekahi lio k, ulaula, hoailona hao, [U. I.] uha-hope akau, eha wawae eleele, elua wawae mua paa i kamaa hao, hookahi wawae hope, paa i kapuaihao hrm.  Moali keokeo ma ka a-i.  O ka mea a mau mea paha nona keia lio, e pono e kii koke mai, ina aole e kii koke mai a hala na la he 13, e kuai kudala aku no au ma ka la 25 o Iulai, 1891, awakea, Poaono, hora 12.

S. W. David Kaoao.

Luna Pa Aupuni.

July 13, 1891.  3t.d-*

 

Kauka Pake Akamai!

 

DR. LEONG KANG TONG.

 

MAKAUKAU OIA E LAPAAU I NA MA'I A PAU O KELA A ME KEIA ANO, ME KA ELEU A ME KA HOLOMUA.

 

HE OLUOLU KA AUHAU.

 

            KEENA OIHANA:--Aia ma ka aoao ma Ewa iho o ka halekua Puaa, e ku nei ma ke kihi o na Alanui Kamika me Hotele.

 

HE PALAPALA HOOLA.

Honolulu, April 29, 1891.

            Owau o C@n Sam Lan, no ke kulanakauhale o Honolulu, Mokupuni o Oahu Ko Hawaii Pae Aina.  Ke hooia a ke hooiaio aku nei au imua o ke akea, @@ ike au a ua maopopo ia'u a ke haawi nei au i ko'u mahalo pia ia Kauka Leong Kang Tong e noho nei ma Alanui Hotele, Honolulu, no ka mea, ua lapaau oia ia'u a ua ola au mamuli o kana mau lawelawe akahele ana, oiai o ko'u ma'i he ake pau, a he popo hoi ma ka olelo kahiko.  Ke noi aku nei au i ka poe a pau i loohia me keia ano ma'i, e hele ae iaia, a e loaa no ke ola.  Ua loaa au i keia ma'i mai ko'u wa opio loa mai, a ua aneane he 4 makahiki o ka hoomailo ana o keia ma'i i ko'u kino, aka, ma keia @a na loaa ia'u ke ola maikai loa.  E hele @@ e ka poe i @unl@u a kaumaha.

            Mei 12, 1891   1m.-d.

 

OLELO HOOLAHA.

 

            Ke hoike ia aku nei ka lohe i na mea a pau, eia ma ko'u wahi noho kekani lio ahinahina me ka hao kuni CPI.  O ka mea nona keia lio, e pono e kii koke mai, me ka uku pu mai i ko'u mau lilo a pau loa.  E au o hala auanei na la he 15, lilo loa ia'u keia lio.  E loaa no au ma kahi o Samuel Nakuia.

John Ua.

Auwaiolimu, July 6, 1891.      231-6td*

 

OLELO HOOLAHA.

 

            1.         E ike auanei na mea a pau, eia ma ka Pa Aupuui [Aupuni] o Makiki nei kekahi lio k, keokeo kikokiko kua nalo huelo poomuku hoailona kuni ano-e ak. uha hope.

            2.         Lio k, ulaula hauliuli kiko keokeo ma ka lae e 2 wawae keokeo hope hookahi wawae keokeo mua hema kiko keokeo ma ke kua aole hoaiiona [hoailona] kuni.

            3.         Lio k. ulaula lae-kea elua wawae keokeo hope 2 wawae eleele mua hoailona kuni ano-e ak. uha hope.

            4.         Lio w. ulaula kiko keokeo ma ka lae kikokiko keokeo ma ke kua 4 wawae eleele hoailona kuni C. J. ak. aia ma ka aoao akau o ka ai.

            5.         Lio w. ulaula lae-kea 4 wawae eleele huelo poomuku hoailona kuni ano-e ak. uha hope.

            O ka mea a mau mea paha nona keia mau lio e pono e kii koke mai ina aole e kii koke mai a hala na la he 15, alaila, e kuai kudala aku no wau ma ka la 18 o Iulai M. H. 1891 awakea Poaono hola 12.

David Kaoao.

231 6ts-d*       Luna Pa Aupuni.

 

I ka Poe Lawe Nupepa.

 

            Ke poloai aku nei makou i ka poe heluhelu e lawe nei i ko kakou nupepa, e makaala mai i ka hookaa ana i ka uku o ka Nupepa ma ka hebedoma, a e malama i na palapala hookaa mai na luna aku nona na inoa i hoike ia ma ke poo o keia Nupepa.  No ke paewaewa o ka hookaa ia ana o ke dala, a me ka hoohiki loa ana mai i ke keena nei, ua hooholo makou ma ka hebedoma ka hookaa, i mama ai ka hookaa ana a ka mea e lawe ana, a i maopopo mau ai ia makou, i kela ame keia hebedoma, ka poe i hookaa mai a me ka poe i hookaa ole mai, a ina ua hookaa me ka loaa aku o ka Palapala hookaa, he mea hoi e maopopo ai, ke ulu ae ka nele o ka mea heluhelu, ke okiia aku ka nupepa no ke kaa ole ma o na luna ae, alaila, no na luna ka hewa, aole no ka mea heluhelu, a ina aole io maoli no na luna ka hewa, alaila, e kala ia makou no ke oki ana aku i ka poe hookaa ole mai i ka lakou nupepa.

J. E. BUSH.

 

OLELO HOOLAHA.

 

            E ike auanei na mea a pau, eia ma ka Pa Aupuni lio o Makiki kekahi mau lio k. eleele, kikokiko keokeo ma ka lae, hoailona hao kuni ano-e ma ka aoao ak. ma ka a-i, hookahi wawae eha i ke kamaa hao.  Lio k eleele kikokiko keokeo ma ka lae, hao ano-e uha hope hema, hao ano e hou kha hope ak.  Lio w lokia, elua wawae keokeo hope, lae kea, elua wawae eleele mua, aole kuni.

            O ka mea a mau mea paha nona keia mau lio, e pono e kii koke mai, a ina aole e kii koke mai a hala na la 15, alaila, e kuai kudala aku no au ma ka la 25 o Iulai hora 12 awakea.

David Kaaoao [Kaoao].

235 Luna Pa Aupuni, ts*

 

AUWANA A AIHUE IA PAHA.

 

            Ua nalowale aku mai kahi o ke Kanikela Iapana [Lapana], alanui Nuuanu, kekahi lio ano hulupala hauliuli, he 6 makahiki, @o 15 @@@ peahi lima ke kiekie, a he kiko keokeo mawaena o na maka, paa eha wawae a pau i ke kapuai hao.  O kekahi [content unreadable] a hoihoi mai [content unreadable], ke hoike mai ana i kahi e loaa ai, e uku ia no me ka maikai kupono ma ka hele ana aku ma keena kanikela Iapan [Lapana].

Mei 18. d5t@.

 

OLELO HOOLAHA.

 

            Ke hoikeia aku nei ka lohe i ua mea a pau, eia ma kahi noho o ka mea nona ka inoa malalo iho, kekahi lio kane ae kea umauma keokeo me ka hao kuni @.  O ka mea nona keia lio, a mau mea paha, e pono e kii koke mai, me ka uku pu mai i ko'u mau lio a pau, a me ka uku o keia hoolaha ana.  E au, o hala ananei [auanei] na la he 15, o ka lio no ia o keia lio ia'u.

J. ALAPAI.

Kapalama, Honolulu, Iune 8.  3tsd*

 

$5.00 MAKANA.

 

            O ka mea a mau mea paha e loaa ai kuu lio kane ahinahina, nona ka hao kuni, W D. ma ka uha akau hope, a ma ka aoao hema o kona a-i ua hoailona ia penei:  ZZ.  E loaa kela makana i ka mea nana e hoihoi mai ma ke Keena o ka LEO.

Iulai 7, 1891.   5ts-d.

 

Hale Hana Wai Momona Wai Aniani.

 

Sam Lad me John Grace na Ona.

 

Ka poe wale no na lakou e hana nei NA WAI HOOMAEMAE KOKO KAULANA oia hoi ka

SASEPARILA

 -A ME KA -

WAI-HAO.

 

NA WAI MOMONA AWAPUHI, SASEPARELA [SASEPARILA], LEMI, WAI PIPII, SODAMAOLI, SIDA, KAMEPENA, &C.

 

Mutual 330 TELEPONA--Bell 298

 

            E hooia ia ana ka maemae o na wai a pau.  E hookoia no na kauoha a pau loa mai na Mokupuni mai a me ko ke kulanakauhale nei.

231 lyd

 

Aila Kuai.

 

E LOAA NO MA KAHI O

 

J. F. COLBURN.

 

(KEONI KOLOBANA.)

 

Ma ke Kihi o na Alahui Nuuanu

 

- A ME -

 

Moi.

 

            E loaa no no ke kumukuai haahaa loa o $2.50 o ka pahu.  Hele mai hookahi, hele mai elua, hele mai no a pau loa.

            Ko oukou hoaloha.

J. F. COLBURN.

Honolulu, Iulai 8, 1891.          232 dtf.

 

Hale Kuai Wati Nui

 

HELU 1

 

No C. Ah Kau.

 

            KA oi o na mea Gula, na DAIMANA, na POHAKU MOMI makamae loa, na WATI GULA, na WATI DALA & c., [content unreadable] kela a me keia @@@, DA lako wehi GULA a me DAIMANA, no KOMOLIMA GULA a me DAIMANA, na WATI nunui ano hou loa o kela a me keia ano, na PUPANAPANA a me na lako e ae e pili ana.

                                               

            E hoomanao e na makamaka, o keia AH KAU no ka mea nona i hana na WATI a me na lako GULA oi loa o keia Aupuni, a i kamaaina ma kona hale nona i noho ai ma Alanui Nuuanu Helu 37 mamua, a oiai @@ hoolilo aku oia i kona kuleana malaila, na wehe @e nei oia he hale hou ma Alanui Moi ma Waikiki iho o ke Keena o ka nupepa Elele, a oia no hoi ke Keena oihana mua Hui Alahao Hawaii.  E loaa no na mea a pau e pili ana i keia oihana me ka emi loa a e hana hou ia na wati a me na lako gula me ka hikiwawe a me ke emi loa.  E hoouna mai i na kauoha ma ka @ ah@ Leta Helu 268.          

            E nane nui mai, a e ike no oukou iho O na mea ho[contents unreadable] wale no i ike mua ole ia ma Hawaii nei.

C. Ah Kau.

 

NAWAHI E HUNTSMAN

 

NA LOIO LAHUI!

 

            Ua makaukau maua e kokua aku i na poe o ka Lahui i loohia ia e na pilikia kivila a hewa paha; a e ko@ a e hoopii aku ma kekahi o ia mau ano imua o na Aha Kanawai, mamuli o na uku ia aelike ia.  Aia no ko mana keena Loio ma ke kihi akau o na alanui Moi a me Alakea maloko o ke kulanakauhale o Honolulu.  Na hora hana mau, mai ka hora 9 am, a 3 pm., ma ka Poaono nae, e pau ana i ka hora 12 m.

            O na hana a na aina mahele aina a me ke kaha ana o na kii a me na palapala aina a pau, ua waiho aku mana na ka Loea ana Aina a Civila Kaekinia kaulana R. W. WILIKOKI e lawelawe, a e hooko me ka eleu.

            No na mea i koe, e kipa mai no ma ko maua keena nei e kuka pu ai.  O maua no me ke aloha,

J. NAWAHI me D. L. HUNTSMAN.

Honolulu, Iune 3, 1891.          208-dtf.

 

Kauka Yong Kam Pung.

 

(APANA.)

 

Helu 53, Alanui Maunakea.

 

Ke Kauka Loea o ka Aina Pua!

 

            Ua hiki ke hoola ia kela a me keia ano ma'i, mai ko na kane, wahine a me na keiki liilii.  O na ma'i ha-no ua hiki loa ia ke hoola ia me ka maalahi.  A o na ma'i e pili ana i ka maka pau pu ia i ke ola.  Ke hoike ia aku nei, eia ke ola ia nei, me ka oluolu pu o kekahi auhau.  Ka poe pilikia hanau keiki a hele nui paha o ke koko, a paa a lohi paha ka hanau ana, paa paha o ka waiu, e hele nui mai i o'u nei.

 

            E KIPA mai e ka poe i hooluuluu ia me na haawina pilihua a ka ma'i, a na'u oukou e hooluolu aku.

KAUKA YONG KAM PUNG.

Honolulu Iune 2, 1891.           206-d3m*

 

Ka buke Akeakamai.

 

- AO -

 

KE KI GULA

 

NO KEKAHI MUA MEA HUNA POHIHIHI I HULUA E KA NOEAU O KE KANAKA.

 

            KAKAU mua ia e ka Mea Hanohano DAVID KALAKAUA a me kekahi poe e ae he nui, a i Hoouluia, Hooponoponoia, a Hoomahuahua kou ia e Levi-iLevi ole ia ka A[contents unreadable] mai Hawaii o ke K[contents unreadable] 19.

 

Mahele o ka buke

 

MAHELE I.

 

ZODIALOGIA--Hoike [contents unreadable] ma na [contents unreadable.

 

MAHELE II.

 

NAEVIALOGIA--Hoike [contents unreadable] no ka [contents unreadable] o [contents unreadable].

 

MAHELE III.

 

METRAGARATI[contents unreadable]- [contents unreadable] ma [contents unreadable].

 

MAHELE IV.

 

ON[contents unreadable].

 

MAHELE V.

 

Ka Papa Ko[contents unreadable] Hoomaikai.

 

MAHELE VI.

 

Ka A@ima@ika Kama@@@@.

J. M. @O@P@N.