Ka Leo o ka Lahui, Volume II, Number 245, 27 July 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

LETA A NA MAKAMAKA.

            Ke hoolaha aku nei makou i na leta a na makamaka; aka, aole maluna o makou ke koikoi o na ahewa ana.

HE MAKANA ALOHA I NA MA`I LEPERA MA KALIHI.

            Ua hoopihaia ke keena nana mai o na kauka e ka poe mai lepera, e ku ana ma na laina elua, a na ka luna nui Joe Kaaiohelo i hoike aku i ka makaukau, a komo mai la ka Moiwahine i ukali pu ia mai e ka Mea Kiekie ke Keiki`lii David Kawananakoa, a puana mai la oia me ka leo walohia: Aloha oukou; a e like no hoi me ka huina i pa mai, pela no hoi ka huina i hoolele ia aku ma ke kahapili hookahi o ke aloha; wahi ana, i hele mai nei au e ike ia oukou, a e halawai pu kakou he maka a he maka, a ke iho makawalu ala na waimaka e hoopulu ana i na welelau lihilihi, oiai oia e kaomi malie iho ana me ka luuluu maluna o na kipoohiwi o ka opio alii Kaiwaokalani, a i ka mao iki ana ae, ua puana ae la oia he leo nahenahe i ke Keiki Alii, e haawi makana aku oe i na ma`i me na apana kala hookahi, a ua hooko ia me ka eleu. Mahope o ka loaa ana o na apana kala i na ma`i, ua panai ia aku ma ka aoao o na ma`i he mau olelo poole, mai a Wm. K. Makaka aku:

            E ko makou Makuahine Moiwahine Kanemake, Lani Ihikapu a ka manao e, anoai wale;-Ma ka aoao o na ma`i lepera, ke lawe nei au a pahola aku imua o kou Ihiihi, kou anoano, kou kapu a me kau eehia, i ka makou mau hoomaikai nui ana nou oiai hoi makou e noho aie ana na kou lokomaikai, aole a makou mohai e ae e makana aku ai ia oe, eia wale no o kanaenae a kamahele la o ka leo, a he leo wale no a. Ua kii mai ka anela o ka make i kau Haku Kane i alohe nui ia, a ua hala ia ma ka aoao mau o ko ka honua, a ke noho hookahi nei oe me ka aahu ana i kaahu o ke kanikau kumakena ana nona, aole hoi ooe wale, aka, o ka lahui hoolookoa mai ka lele a ka lele. Ua hele mai nei oe e ike ia makou, aole hoi me ka manao hookae, aole hoi me ka hoowahawaha, aka, e like me ka nui o na ehahea i loaa ia makou, pela no ke koikoi o ke kaumaha i ili iho maluna ou, a o kakou pu no hoi i ka unu. O keia mau haawina luulu au e ike mai la maluna o makou pakahi, he mea ia i kuko mua ole ia, a aole hoi makou i moe uhane mua e loaa ana ia makou keia mau haawina hoehaeha puuwai, e like me kou moeuhane mua ole ana e kii mai ana ka anela palanehe o ka make i kau Haku Alii Kane.

            Ke hele nei makou i ka aina e hiki ole ai ke hoi hou mai, a e haalele ana ia oe, i ko makou mau ohana, na kini makamaka, a i hooi loa ia aku hoi no ka hoa puili pu he wahine a me ka makou mau keiki liilii a hoomakua wale aku ana no ia hai. No makou iho, ua hoohiki paa makou imua o ke kaula Hemolele a ke Akua ma ka honua (Kahunapule), a imua hoi o ke Akua Mana Loa ma ka Lani, e malama makou i ka makou mau wahine i ke kau ai a me ke kau wi, a i ke kau ma`i hoi a me ke kau ma`i ole, a pela pu hoi me na wahine ma ia alanui hele hookahi, e noho pu a e kaana pu i na ehaeha a pau i loaa ke kane, a pela no hoi ke kane i ka wahine, a o ka make, oia ka mea nana e hookaawale i ka pili aloha a ke kane i ka wahine.

            Aole i pau.

 

NU HOU KULOKO.

            He leo kauoha, ke hai ia aku nei i na mea a pau e lawe ana i ka LEO a me ka OIAIO, e hookaa koke mai ko oukou mau koena i koe. E hoolohe i keia leo, o i mai auanei no hoike mua ole ia aku ka hewa.

            Ma ke kauoha.

 

            Ina Luna lawe pepa a pau o KA LEO, ke hoike ia aku nei ka lohe ia oukou, i na o ka luna, a mau luna paha o oukou he koena pepa kana o ka la 8 o Iune nei, e hoihoi mai i ke keena nei. Ma ke kauoha.

 

            Ma ka Poaono nei (La Ehiku), ua noho iho la ka halawai ia ka Papa Hoonaauae, e noonoo no na mea e pili ana i na kula a me na kumu a`o.

 

            Ua makaukau o Mr. L.J. Levey, Luna Kudala, e kudala aku ma ke akea, i ka waiwai o Mr. M.G. Correa o Hilo, i molaki ia aku iaia, oiai ua hala ka wa pono, o ke koena keia a ka Naulu i ai ai a haalele i ka uka i Olaa.

 

            Homalalo mai nei hoi ka aihue i keia mau po, no ka manao paha o wi ka niho o ke kalohe, nolaila hookamani, ua ike ia olua, a ma ka papa konane hoi a ka ua nohua, he ekolu ka ko oukou nui a ka ekake hookahi.

 

            Apopo, a aui ae ka la, oia ka hora 2, e pahee aku ana i ka ohuku ale ka hiapaiole o Maui a me Hawaii, ka mokuahi Kinau; nolaila, o ka poe e ake ana e ike i ke ahi a ka wahine, e eleu ae ka pono, o haule hope auanei.

 

            Eia mai ke hoopuka ia aku nei ka la e hoomaka ai ka huakai kaapuni a ka Moiwahine ia Oahu nei, e hoomaka ana ma ka la 4 o keia mahina ae. E hoomaka ana ke kaapuni ana mai Waimanalo aku, a i ka la 15 oia e huli hoi mai ai no ke kaona nei.

 

            Ua makaukau o Mr. J.F. Mokana, e kuai aku ma ke kudala akea i na waiwai lewa a pau o ke Moi Kalakaua i hala, no ka pono o kana Moiwahine aloha, o ke ano o na waiwai e kuai kudala ia aku ana, oia no na pono hoonani a me na mea e ae paha, ma ka hora 10 a.m. o keia la, ke ole he mea nana e keakea mai.

 

            Apopo ahiahi, hora 5 p.m., e haalele iho ai ka mokuahi Calaudine i ke awa la`i o Kou nei, a olali aku oia no na ale apiipii o ka moana, a e milikaa pu aku ana oia i ko kakou Moiwahine, na Keiki Alii, na hokeo kani a Prof. Berger a me ka huakai alii a pau. E malama ia ka maluhia o kau huakai alii e ka mana o ka haku Kiekie Loa.

 

            Ma ka auina la o ka Poaono nei, [La Ehiku], ua malama ia he papaaina luau nui, ma ka hale kula nui o ke kula Iolani, a ua akoakoa ae na haumana i ao ia, e hoohanohano i na papaaina ala, a malaila pu ae ka Moiwahine a me na Keiki Alii, a ua ai na mea a pau a ua lawa, aohe wahi hoohalahala a kaua ua hoa, he like wale no ia mai kaena a Waialua.

 

LOYALTY TRIUMPHANT.

            Under the above heading the readers of last Saturday’s Bulletin are treated to an ebullition of jenkinism on the gratifying spectacle of the royal pageantry through the islands. The royal trumpeter begins as follows: “The triumphal accompaniments of the Queen’s tour through many of the principal districts of the group are very gratifying. They are the more so in that they were not factitious-not planned from the capital” &c. We are truly glad to hear it, and would fain express the hope that the new Court Trumpeter would remind her Majesty that “such spontaneous outbursts of love,” &c., call for some recognition of the fact that there is a “people,” and a common people at that, whose claims to treatment at the hands of a Board of Health, presumedly appointed and kept in office by her Majesty’s approval, should be the exact reverse of what it is.

 

            Will Mr. Court Jenkins call the Queen’s attention to the fact, that the endorsed report of a special committee of the Legislature; referring to matters in which the very life of the people are at stake, remain to this day ignored?

 

            Not only are the mandates of the Legislature set aside by the government of her Majesty, but as if to exhibit, in its most offensive form, the contempt which the government and its satellite, the Board of Health, entertains for the people as expressed by the Legislature,-the abolition of the Kalihi Hospital is a signal proof.

 

            This Health matter is one of numerous instances of disregard of the common peoples rights, but we instance it as one of the most vital and at the same time the easiest for her Majesty through her own appointed ministry to rectify.

 

            We reprint the following extract from the article for the purpose of displaying the animus to ourselves as the “half and half” sheet:-

 

            The triumph of decency, not to mention gallantry, realized in the Qeen’s reception everywhere is all the more to be remarked, because of the vulgar campaign of seditious detraction carried on for a long time in a half-and-half native and foreign paper. Indeed, that sheet predicted as it worked hard for the egregious failure of the Queen’s tour. It is a significant act, as showing its malodorous campaign to have been the work of a contemptibly small faction, that the paper in question only lived to the English part of its constituency long enough to have its silly predictions disproved by popular displays of loyalty to the Sovereign, which in enthusiasm and generous devotion were very remarkable apart from any political significance.

 

            The court journalist is evidently well posted on the question of the non-factions character of the ovations. In the face of facts to the contrary, we might enquire for his source of information-or inspiration. It is a fact, patent to every reader of even the Bulletin, that weeks before the Queen’s visit to Hilo, the local office holders were working the hookupu oracle for all it was worth. The same may be said of all the districts where there was a deputy sherif or other officials, all ordered from Honolulu to beat a “roll up.”

 

            It is no part of our purpose, or even was, to lessen the Queen’s influence for good among her people, both native and foreign; nor to disparage any expressions of respect with which, both as a woman and ruler, she has been greeted on her tour of the islands; but we recoil from the fawning adulation of the lackey and the servitor who may be depending upon a patroness for daily bread.

 

            The recent triumphal tour of the German Emperor through London was brilliant and noisy, but it was no evidence that the democratic Londoner did not disagree with the stolid imperialism of, possibly, the four or five irresponsible men who may be running the Berlin Board of Health. Had Stanley the explorer, paraded a few of his forest dwarfs at the same time, there is a strong probability that the Emperor would have played to empty seats at Guildhall. Humanity loves a free show and a free feed.

 

            The Bulletin article is evidently an outburst of gratitude to the “powers that be” for a solid favor received. The whole brood of literary Jenkinses are of “malodorous” origin anyhow, and never succeeded-outside of their brother lackeys-in enthusing even “a contemptibly small faction.”

            The best friends of the Queen are those who are honest and independent enough to remain outside of the circle of office toadies or sycophants, and who are manly enough to present the truth-even to the Queen-without a coating of enamelled sugar.

            It has ever been an evil day for royalty, when it lends its ear to flattery and believes a syphocant mole bill to be a moving mountain.

 

OLELO HOOLAHA

E ike auanei na kanaka a pau, eia ma ka Pa Aupuni o Makiki nei, kekahi mau lio hele hewa. Hookahi lio kane ulaula kiko keokeo ma ka lae, hao kuni 67 nma ka aoao akau o ka a i a aia ma ka uha hope ak Y hao kuni hou no ma ka uha hope hema ma keia *. A he hookahi lio kane hulupala lae ke`a a o na kapuai apau he keokeo wale no a ua paa no na wawae i ke kapili ia i ke ka pili ia i ke kapuai-hao hao kuni T hema, o ka mea a mau nona keia mau lio e pono e kii koke mai o hala auanei na la he 15, pau ia`u i ke kudala ia i ke awakea Poaono o ka la 8 o Augate 1891 ehiki ika hora 12 nae.

David Kaoao.

Luna Pa Aupuni.

July 27, 1891.              5ts-d *

 

OLELO HOOLAHA.

            E ike auanei na kanaka a pau, eia ma ka Pa Aupuni o Makiki nei, kekahi lio k puakea, lae kea, elua wawae keokeo hope, elua wawae hope paa i kapuai-lino; lino-kuni NA akau. O ka mea, a mau mea nona keia lio, e pono e kii koke mai, o hala na la he 15, e kuai kudala aku no au ke hiki aku i ka la 8 o Augate, 1891, ma ke awakea Poaono, hora 12.

DAVID KAOAO.

Iulai 23.  3ts-H*.        Luna Pa Aupuni.

 

OLELO HOOLAHA.

 E ike auanei na kanaka a pau eia ma ka Pa Aupuni o Makiki, kekahi mau lio elua. Keokeo eha wawae paa i kapuai hao, hao kuni ano e. Lio k ulaula, elua wawae keokeo ma ka hema, hao AE, lio k ahinahina elua wawae keokeo hope, nao kuni ano e hema. O ka mea a mau mea paha nona keia mau lio, e pono e kii koke mai o hala na la he 13, alaila, e kuai kudala aku no au ma ka la 1 o Augate, 1891, hora 12 awakea Poaono.

David Kaoao.

Luna Pa Aupuni.

Iulai 22, 1891.   212 3td.

 

$5.00 MAKANA.

            O ka mea a mau mea paha e loaa ai kuu lio kane ahinahina, nona ka hao kuni, W D, ma ka uha akau hope, a ma ka aoao hema o kona a-i ua hoailona ia penei: ZZ. E loaa kela makana i ka mea nana e hoihoi mai ma ke Keena o ka LEO.

            Iulai 7, 1891.   5ts-d.

 

Hale Han Wai

Momona

WAI-ANEANI

Sam. Lad me John Grace na Ona.

Ka poe wale no na lakou e hana nei

NA WAI HOOMAEMAE KOKO KAULANA

oia hoi ka

SASEPARILA

            -A ME KA-

             WAI-HAO.

NA WAI MOMONA AWAPUHI,

SASEPARELA, LEMI, WAI

PIPII, SODAMAOLI, SIDA,

KAMEPENA, &C.

Mutual 330-TELEPONA-Bell 29@

E hooia ia ana ka maemae

o na wai a pau. E hookoia no na

kauoha a pau loa mai na Mokupuni

mai a me ko ke kulanakauhale

nei.      231 1yd

 

Aila Kuai.

E LOAA NO MA KAHI O

J.F. COLBURN.

(KEONI KOLOBANA.)

Ma ke Kihi o na Alanui

Nuuanu

            -A ME-

                        Moi.

E loaa no no ke kumukuai haahaa loa

o $2.50 o ka pahu. Hele mai hookahi,

hele mai elua, hele mai no a pau loa.

Ko oukou hoaloha,

J.F. COLBURN.

Honolulu, Iulai 8, 1891.          232 dtf.

 

Kauka Pake Akamai!

DR. LEONG KANG TONG.

MAKAUKAU OIA E LAPAAU I NA

MA`I A PAU O KELA A ME KEIA

ANO, ME KA ELEU A ME KA

HOLOMUA.

HE OLUOLU KA AUHAU.

KEENA OIHANA:-Aia ma ka aoao

ma Ewa iho o ka halekuai Puna, e ku

nei ma ke kihi o na Alanui Kamika me

Hotele.

 

HE PALAPALA HOOLA.

            Honolulu, April 29, 1891.

            Owau o @@@ @@@ Lau, no ke kulanakauhale o Honolulu, Mokupuni o Oahu Ko Hawaii Pae Aina. Ke hoola, a ke hooiaio aku nei au @@@@ o ke ak@@, ua ike au a ua maopopo @@ @@ @@ ke haawi nei au i ko`u mahalo piha ia Kauka Leong Kang Tong e noho nei ma Ahahui Hotele Honolulu, no ka mea, ua @@ @@@@ @@@ ia`u a ua ola au mamuli o kona mau lawelawe akahele ana, oiai o ko`u ma`i he ak@@au, a he popo hoi ma ka olelo kahiko. Ke noi aku nei ma i ka poe a pau i loohia me kela ano ma`i, e hele me iaia, a e loaa no ke ola. Ua loaa au i keia ma`i mai ko`u wa opio loa mai, a ua aneane he 4 makahiki o ka hoomailo ana a keia ma`i i ko`u kino aka, ma keia wa ua loaa ia`u ke ola maikai loa. E hele ae o ka poe i luuluu a kaumaha.

            Mei 12, 1891.              1@@@@.