Ka Leo o ka Lahui, Volume II, Number 255, 10 August 1891 — KE KULANA O KA HUAKAI A KA MOIWAHINE LILIUOKALANI NO OAHU NEI. [ARTICLE]

KE KULANA O KA HUAKAI A KA MOIWAHINE LILIUOKALANI NO OAHU NEI.

Ua haalele aku ka huakai alii ia Waimanalo i ka Poaha o ka pule i hala, a hoomaka ka huakai e motio no ke alahele o na Koolau. E haiolelo pokole ana ka Moiwahine ma ka luakini o Kaneohe, pela ma Heeia, a pela no ma Ahulimanu, Kaalaea, Waiahole a me Waikane. Hoo@umoe ka huakai ma Kualoa, a ma kekahi la ae, e haiolelo ana oia malaila, a i ka hora 10:45, hiki ma Laie, haiolelo malaila imua o na makaainana oia mau apana, a ma ka iapule e haiolelo hou ana oia ma Laie. Poakahi no Waialua, e noho ana malaila elua la, a he mau haiolelo ke wehe ia aku ana imua o na makaainana mai ka Moiwahine aku, i kokua ia e ka Hon. Samuel Parker ke Kuhina Nui a me Hon. C. @@@ @@@. Haalele ka huakai ia Waialua i ka Poaha ae nei no ke Kapitala alii nei ka pahu hopu. O keia ke kulana o ka huakai 'lii a i na e holo io ana ke Kuhina Nui no Kaleponi i ka la 11 ae nei o keia

mahina, alaila e hiki mai ana ka huakai alii i keia la. O kekahi o na kumu awiwi loa o keia huakai, mamuli no ia o ka lono i loaa aku i ka Moiwahine na Keiki Alii, he omaimai ka Moiwahine Kanemake, a mamuli o keia mau kumu, pela ka huakai alii i hele mama ai. I na aole keia mau kumu, i na la, ua kulike ia me ka makou i hoolaha mua aku ai, oia hoi i ka la 15 e hoohiki ai ka huakai alii i ke kapitata nei.