Ka Leo o ka Lahui, Volume II, Number 258, 13 August 1891 — Page 3
| This text was transcribed by: | John Reppun |
| This work is dedicated to: | Dr. Fred Reppun |
KA LEO O KA LAHUI.
"E Mau ke Ea o ka Aina i ka Pono."
Ke Ano o ka Hoopono a ine Kona Kulana.
-
O ke ano o ka huaoloelo hoopono, he ano maemae oia, he akahele oia, he haahaa oia, aohe inaina iloko ona, he hooko hoi oia i na mea a pau, a he malama hoi i ka maluhia o na kanawai o ke Akua, a me ko ka aina. Ma keia kalaimanao ana, na loaa ia makou he kumu kupono e kamailio ai no keia mau mamala olelo, a he kumu kupono hoi i na mea a pau e lawe a e malama i keia mau a’o ana, oiai, o “Hoopono,” he hopunaolelo ano nui keia, aohe kue iloko ona, aohe mokuahana, nohe leoleo-a he oki loa no. Pomaikai ke kanaka ke loaa iaia keia haawina, o keia mea o ka Hoopono.
Oiai, o ka Hoopono o ke kanaka, oia kona mea e hilinai ia ai, a e lilo ai hoi oia i mea mahalo nui ia e na mea a pau, a e aala auanei kona inoa iwaena o kona lahui a me ko na aina e.
Oiai hoi, e Hoopono, he kue oia i ka hoopunipuni, a me na mea ano like e ae he nui, a oiai o hoopono e kue mau mai ana oia ia oe, i ka wa au e hana hewa ai. A o keia Hoopono hoi, oia ka makia o ko kakou Moiwahine, ana i koho ai, maluna oia o keia kahua e ku ai, a pela hoi kona mau makaainana.
He oiaio, he kulana onipaa keia, e hiki ole ai ke kulai ia, aia iluna o ka pohaku kihi kahi i ku ai. A oia haawina hookahi no hoi kai loaa i ko kakou Moi Kauikeaouli, “oke kanaka pono, oia ko’u kanaka, a o ke kanaka hewa, aole ia no’u.
Ua maikai a ua hooko oia i kona moto a pela i loaa ai na huapalapala iloko o ko kakou kalaunu. A o Hoopono hoi, aole loa kakou ka lahui Hawaii i ike iki i kona hooko ia ana a hiki i keia la, eia nae paha i ka poe kakaikahi ia e loaa nei o Hoopono.
Nolaila, e ka makua o keia lahui na minamina makou i kou moto, a ke ake nei kou lahui, e ike i kona hoohana ia ana, a me ka hua e loaa mai ana, oiai o kou lahui ponoi, he poe makee alii oiaio lakou, aole loa i like ke kuleana o keia lahui me ka poe au e iki nei, a e koo nei hoi, aole loa.
Nolaila, ina he wa nou e oluolu ai kou puuwai i kou lahui, alaila, e pono kou ihi kapu alii e hoike ae ia oe iho, i kulike ai hoi me kou noto oia hoi ka Hoopono.
A i ka wa e ike ai ka lahui i kono ano ia maoli, oia ka wa e huli mai ai a kakoo i ka noho alii, a me ke aupuni. A oia kou wa e ka makua o ka lahui e iko iho ai, ua hooko ia kou leo alii, e like me-kau e haiolelo nei ma na wahi a pau au i kipa aku ai.
Nolaila, maluna o ka Hoopono, aia kou lahui ilaila, a ke kiai nei hoi ma na ano a pau, e ake ana o ka ike iki ia aku o kekahi wahi hiona oia ano hana, e hana ia uku, a hookahi no puana a Kauanahua i hoike mai ai. “mahope nana.”
-
HE LONO HOOLELE HAULE
-
Ma ke kakahiaka onehinei ua hoopuiwa ia ko ke kulanakauhale nei mau makaainana i ka pahola ana ae o kekahi lono , e i ana: O ke keikialii Italia Wilikoki, ua make, ua hanai ia i ka laau make, a ua ki malu ia i ka ou, a pela wale aku. A ua lilo hoi i mea kamailio nui ia, me ka ninau ana ma o a maanei ma he oiaio.
Mamuli o keia lono, ua noii pono aku la makou i ka oiaio; a ua loaa aku la ia makou penei: Aohe i make ka Hon. Robaka Wiliama Wilikoki, ua hui kino makou me ia, ke noho nei oia me ke ola kino maikai, aohe puu aohe kee.
O ka mea nana i pahola ae keia lono oia no kakahi kanaka o na pae moku o ka Hema aku nei; a mamuli no hoi o keia lono, ua nui ka poe i hooiaio, me ka olelo ana: Aloha wale kakou, he mea maopopo, e poino aku ana ka aina, a he a noai aku auanei paha ka Buki ia kakou, ana hoi e hooikaika hookahi aku ai a hiki i ka hopena.
Nolaila, e na ho’aloha, na makamaka, o Honolulu iho la no keia nunu aku nunu mai na olelo aka me ka hauoli makou e puka aku nei, oiai aole i oiaio ka palau ana a ka mea hoopunipuni me kona alelo mana-lua o ka wahahee. E hele oe e kela imi-epa, a mai hana hou aku. E huli mai no auanei a nahu i ka 10 ponoi. “E puka Wilikoki me ka lanakila – E OLA WILIKOKI I KE AKUA.”
-
ABIGAILA KALANIKUIKAPOOLOKU, I NALOHIA AKU NEI KONA MAU HOIHIONA WAIPAHE, AUWE LUULUU WALE.
-
MELE INOA KOIHONUA.
O Keawe o ke alii o Waauloa
He alii no kaili maia o Haloakalani
E noho ana i Kuili i Kakahakuomua
He haku paa Kalanikauleleiwi
Hanau Kalani waihoe i ke kapu
Hoowiliwili, hoonaku
Hookokohi ke kuakoko
Hanau iloko o Mana
He ‘lii i ka pou o manu
Kani a ka pahu i Waiea
I kahale maukoli aina
Moka piko i ke alo o ka makua
Puka mai o kalani he ihe ole
He ihi ole Kalanikaumakaowakea
Mailoko o Kapukinialii
Ona hou kapu o Kalani imua
He hou koki no Kalaninuiakeaumoku
Mailoko o Kamanwa kapu o Keawe
O Keawe ia o ka auhuhu ke awa
E mulea ai ka waha pakakui ka ihu
Pakui ka uwahi kanaka a Kalani
I kuahu kanaka a Kalani imua
He kanaka, puhi moa nolu i ke ahi
Pupuhi mai keaka Poomaikalani
Ia ike ka noa kapuahi kanaka a eono
I hiku i ke ahi a Kalani wahineaekapu
Ae mai Kalani i ke kuohi helii
Ke kuku kamahele ka pua o Umi
Ka hoomahele mahele ka pua o kiha
Ke kaele ulu o ke kapu Laloa
Ke ahi mailoko mai o Hanuaula
Ka ula paa i ka pili manawa kapu
Ka haiki manawa kapu o Lono
O Lono hooe Lonoikamakahiki
A ua lono ka ua me ka makani
Hele aku o Lono he kiakahi
Ka niho ike aki o ke kapu
Kapu ke kua mehameha ke alo
Hele i ke one kapu o Kalani
Kapu Kalani i Moaula
Kuilino i ka aha kanaka
Umi ahupuaa i Mana
He ‘lii no Mahukaipoko
O Mahukaku o Lelekohana
Ke naha i ke kua o Wakea
He ‘lii ka Hookolonuha
O pupue alalo o Hanakalani
Loaa kuu lani makahou
Mailoko o kahi like liko liko
Hanau i heeheeua
I ka piko i Kahakahakeone
O ke one kai lele a hena
Mailoko o ka hiki maiaea
A e Ku, a e Lono
A e Keawe ka laulaha ole
Kapua alii akpu na Kalani
Na Kalanikuihelekapu
Hanau Kanaloa ka mahu alii
Noho ia Kaikilaniwahine
Ka wahine hoomamau wahi kapu
Ka wahine kea wahine eleele
O ke kowa kapu iwaena
O Keakealaniwahine
O ke kumu o na lii i laha mai ai
Laha ke kawowo ke ulu nei na lii.
-
HE ANAINA HOOMANA MA BRITS HALE
-
O na Halawai i malama mau ia iho nei ma Ariona Hale, ua uwai ia ae nei ma Brits Hale, ina ke kihi o na alanui Moi a me Kamika. E hoomaka ana ma na Lapule a pau ke aiaina haipule i ka hora 10, o ka haiolelo ana i ka hora 11, mao ka mahele olelo la, a i ka hora 7 ahiahi no na mea a pau i lohe i ka olelo haole. Lunakahiko A. Haws.
-
KUAI KUDALA.
Poaha, Augate 13, 1891, hora 12 awakea Elna Pahale iliwai ma Alanui Guarrg he 50 x 130. He wai a na pa ia.
Elua Pahale Iliwai ma alanui Magazine 50 x 200 Paia.
¼ dala kuike, ke koena no 1,2,3 maka hiki maka ukupanii 7 keneta pahaneri.
Ha’e a me Pa ma Alanui Green, e kokoke la i ke kihi o Alanui Kapiolani. Hookahi hapakolu uku kuige. Koena no 1 2 a me 3 makahiki, 7 keneta pa haneri ukupanee.
He hiki ke ike maikai ia ka moana mai keia mau pa aku.
He wa maikai loa keia e loaa ai na kuai makepono lao - E ninau ia.
J. F. MORGAN
H.M. DOW.
-
OLELO HOOHALA.
E ike auanei na kanaka a pau eia ma ka Pa Aupuni o Makiki nei, kekahi lio hele hewa, hookahi lio k ahinahina. @wawae keokeo hope hema, hao kuni ano e maka aoao hema hao kuni hou @ ma ka aoao akau hope, ekolu wawae ahinahina.
O ka mea a mau mea paha nona keia lio e pono e kii koke mai ina aole e kii koke mai a hala ua la he 12, alaila, e kuai kudala aku no wau ma ka la 22 o Aug. J. H. 1891 awakea Poaono hola 12.
David Kaoao
257 4ts-d Luna Pa Aupuni
OLELO HOOHAHA
Owau o ka mea nona na aina o Makailio. Kamakalalaukalo, Kalauopalena, ke papa akea aku nei i na mea a pau aole hoi e kuai i na loi ai oo a me loi opiopio, me ka hele mua ole mai e kuka pu me a’u. O ka poe a pau e kue ana i keia olelo, maluna no o lakou kolakou poho.
MELE AKONI ROSE.
Aug. 4, 1891 251 3m-d
-
Hale Hana Wai Momona
WAI-ANIANI
-
Sam. Lad me John Grace na Ona.
-
Ka poe wale no na lakou e hana nei NA WAI HOOMAEMAE KOKO KAULANA oia hoi ka
SASEPARILA
-A ME KA-
WAI-HAO.
-
NA WAI MOMONA AWAPUHI,
SASEPARELA, LEMI, WAI
PIPII, SODAMAOLI SI-
DA. KAMEPENA, & C.
-
Mutual 338 – TELEPONA –Bell 298
E hooia ia ana ka maemae o na wai a pau. E hookeia no na kauoha a pau loa mai na Mokupuni mai a @@@ ke kulanakauhale nei. 231 1 yd.
KUAI HOOPAU NUI.
-
Mai keia manawa aku a hiki i ko Makou hoonee ana aku iloko o ko makou
HALEKUAI HOU
Ma ke Alanui Papu, - (NA HALE BURUA)
E hoolilo aku ana Makou i ko Makou waiwai a pau o na ano Lole:
Na LOLE NANI.
NA LOLE PUUMUIA
KAPU A ME PAPALE
PAHU LOLE, a pela aku
NONA UKU HOOEME LOA NAE.
EGAN & GUNN.
ALANUI MOI kokoke i ke ALANUI PAPU.
-
HOOLAHA HOU
B. F. EHLERS & CO – PAINAPA
-
IA OUKOU E NA MAKAMAKA A ME NA HOALOHA, OIAI HOI, UA makaukau makou i ke kuai ana aku ia oukou i na lako lole, wahen o na ana @@@ la a pan; oia hoi –
Na Silika Hou Na Sateen hou
Na Mikilima hou Na Lihilihi hou
Na Lihilihi keokeo hou Na Lihhilihi kau lole hou
Na ano Mamalu hou loa Na Paku Pukaaniani
Na lole hou o na wahine Na lole o na keiki liilii.
Na lole o kela a me keia ano e loaa no ia oukou no na kumukuai haahaa loa.
E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou. Owau me ka oiaio
Tf B. F. EHLERS & CO.
-
He Kuai Nui Hoopau aku.
E HOOMAKA ANA I KEIA
POAONO, AUGATE 1, 1891.
Ua Lilo ko makou Waiwai he mea Mohai wale!
Ua Hoemiia ke Kumukuai ilalo, aole i ko
Makou Pono, aka nou no –
Papa Kumukuai no 30 La Wale no:
2@0 paa lihilihi keokeo puka aniani $ .90
20 i-a Kalakoa maikai 1.00
12 keokeo 1 i-a laula 1.00
8 keokeo 1 i-a laula 1.00
159 kakini lakeke o na Kamalii (huluhulu) .45
93 kakini ka’e waihooluu o na wahine .05
Huluhulu no na paa lole kupono, .25 keneta
O ka i a, e kuai no makou i keia mau la no 7 i-a no 1.00
Papale Kula o na Kamalii .25
Na Kawele nunui, 2 no .25
Kakini eleele maikai .25
Na Papale i kahiko maikai ia 2.50
RUMI HANA LOLE MALUNA HOLOKU etc. HANA IA ME KA OLUOLU LOA. E HOOPAA AKU NO MAKOU NO KA KUMUAI MALUNA
NO 30 LA. NO KE DALA KUIKE WALE NO KEIA KUAI ANA.
C. J. FISHEL.
Ka makamua o na Hale lako o na Wahine, oia hoi ma alanui Papu a me Hotele, kahi i hanau ia ai na kuai hoopono a ano nui no hoi 249 – dt
-
KUAI HOOPONO NUI.
-MA KAHI O –
104, alanui Papu N.S.SACH. Honolulu H.I.,
- E HOOMAKA ANA-
POAKAHI AUG. 10, 1891
-
NO ELUA PULE WALA NO KEIA KUAI ANA
IA WA E HOOLILO IA AKU AI NA WAIWAI A PAU O KA HALEKUAI LILO MUA. HE MAU KUAI OIAIO AOLE HAMABAGA.
He oiaio ka makou e olelo aku la, he hookahi no a makou huai nui ana o ka makahiki, a ia manawa makou e hoemi ai i ke kumukuai o na mua a pau iloko o na pule elua. Aole makou e nonoi aku ana i ola no ka makou mea kuai, e makemake ana maku e hoemi iho i na waiwai a e loaa hoi ko makou kumu lilo ma ke dala kuike.
KA OI KEIA O NA KUAI ANA I HOIKE IA AKU.
Kalakoa maikai loa, 20 ia $1.00
Keokeo, halena 20 i-a 1.00
Keokeo halena 1 i-a laula. 12 i a 1.00
Keokeo maoli, maikai, 1 i-a laula, 12 i-a 1.00
Lole Kinamu Papamu, hoemi ia ho 10 i-a no 1.00
Keokeo Papamu a kakauloloa, 7 i-a no 1.00
Satina, hoemi ia o hookahi i a no .30
Huluhipa kakauloloa 10 i-a 1.00
Na uhimaka Virikine 5 i-a 1.00
Kakimia eleele, hoemi ia o hookahi i-a no 10 keneta 1.00
Silika eleele lau, hoemi ia a ka hookahi ia no 1.00
Lilina halena 6 i-a no 1.00
Lakeke o Kamahikane .30
Paku Puka aniani lihilihi 10 i-a 1.00
Nahenahe Vitoria, 8 i-a a ka ap. Hoemi ia a ke .60
Na hainaka Waihooluu o ka eka e no ke kakini .50
Muumuu o na lede he emi loa, he .25 keneta
Na Pelekoki o ka lole 2 pihapiha he .60 keneta
Na kaliki he $1.00 mamua, na hoemi ia i keia manawa a ka .50
Na Lole Kinamu he .25 keneta
Na Lole Keokeo, he 50 keneta
Paku makika, 90 iniha ka laula, he @@@@ o ka apa 1.75
Kihei uhimoe keokeo, ka o kuuwela, he I dala @@ 2 keneta
Kakini maikai o na keiki ma ka paa, he .25 keneta.
Na palema’i kaua, he 5 no 1 dala
Na Palnio i aiana ole ia he .50 keneta
He mau kuai makepono loa ma na Papale Wahine a me Keiki. Na Papale Sela o na Lede, na hoemi ia a @@ keneta. Na Papale heie kuia o na Keiki malalo o na Kumu lilo. E Hoomanao @@@
Elua @@ wale no keia @@@ akau.
254-dtf N.S.SACHS