Ka Leo o ka Lahui, Volume II, Number 262, 19 August 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

Ma ka Hotele Hawaii kahi i kau lele ai ka Bana i ke ahiahi nei, a ua noi ka poe i hiki ae malaila.

 

Ua huli hoi nei ke kuna Kaalo kai, mai kana huakai lawaia mano aku nei, i na mokupuni liilii o ka hema. Ua haalele iho oia i keia awa o Puuloa, i ka la 24 o Mei, a hoea hou mai la i keia awa, i ka la 17 o keia malama.

 

He elua haneri pake e haalele iho ana ia Hawaii nei, ma ka mokuahi “Pekina” e ku mai ana, a e uku ana keia poe pake he $3.00 pakahi no ka hui malu a na pake o keia kulanakauhale. E hana io paha na keiki o ka aina pua, ke ku kulu mai nei i na hui malu.

 

Mai poino ke ola o kekahi kanaka, a me kana keiki opiopio, iaia e ku ana mawaho iho o ka mere go raunu ma alanui Moi, i ko lava hooku’i ia ana e na lio o ke kaa hapaumi, a uhina ana ilalo, aka, ua eleu koke ke kalaiwa kaa, a paa ko ke iho la ka holo o na lie, a pakele laua. E pono no ia kakou e makaala, aole i ike ia kahi o ka poino e hiki mai ai.

 

HE MOOLELO NO KAMAPUAA.

 

KE KEIKI PUAA A KAHIKIULA ME HINA – KA MOOPUNA PUAA A KAMAUNUANIHO – KA HOA PAIO HOI O PELE KA WAHINE O KA LUA I KILAUEA, A HALA LOA AKU I NA KUPUNA O KUKULU O KAHIKI.

 

O  oe ia e Hauouu, e Haulani

E Haalokuloku

Ka Mano e ka i’a nui

E ui, e Uilani

Ko inoa Puaa ia e o mai.

 

Nolaila, ua kaoalua waie iho la no o loko o kona naau, o hoea aku paha ia i kona hale, e ai mai ana ka iho i kana mau mea ai.

No keia mau kuko e ulu nei iloko ona, nolaila, ua hopohopo iho la oia i ka ilio; ina paha oia e huhu aku ana i kela ilio, a manao paha ia e hahau aku i ka laao, o lele mai paha ka ilio a nanahu iaia nei.

Ua manao keia, aohe ona kokua a aole hoi he manao ae e, eia ae o Kamapuaa i ka uahelehele kahi i ho iole mai ai.

Ia Kuolokele i hiki aku ai i ka hale ona, e nakeke mai ana no na paipu aia nei i ua ilio nei.

Ua pii ino ai la ko ia nei hahu, a hooho ae la oia me ka leo nui:

Eia no ua ilio hilahila ole nei i ka aihue i ka’u mau mea ai; e make ana oe ia’u i keia la.

Ua lalau koke aku la ua lima o Kuolokele i kekahi laau noi, i laau hahau nana i ka ilio.

            Iaia nei nae e hoomakaukau ana no ka hili aku i ua ilio nei, ia manawa oia i lohe aku ai i ka nunulu mai o ua ilio nei iaia.

            Ua maona loa ka ilio i kela wa me he mea la nae ua ilio nei e nahu mai ana iaia nei, e hahau aku ana o ua o Kuolokele i kana laau me ka ikaika nui i loaa iaia, ma ka puka o kona hale, me kona manaolana e puka mai ana ka ilio i kela manawa, a e loaa pono aku ana la hoi i kana hauna laau ke poo o ua ilio la ke puka mai oia, aka, aole nae pela ka noonoo o ka ilio.

            Ua manao io no ka ilio; ina e puka io mai ana oia i kela wa, alaila, he mea maopopo mua i ka ilio, e haalele ana kona ooo i kona kino.

            A oia ka Kuolokele i hooho ae ai me ka leo o ka ukiuki:

            Ina oe i puka mai la e kena ilio, a loaa pono aku ko poo i kuu hauna laau, ia kaikamakeloa; alaila, aole ou ahailono e kena kolohe nui wale.

            He aoa ana no ka leo o ua ilio nei aia hoi ua ilio nei ke puka mai la iwaho o ka hale me kona mau maka ulaula o ka huhu wela no Kuolokele, a holo pololei mai la ua ilio nei imua o Kuolokele.

            Ke ku mai la o Kuolokele me ka makaukau i kana laau e hahau mai i ua ilio nei, e like hoi me ka kakou i lohe ae nei i ka inoa o kana hauna laau, o kaikamakeloa.

            Eia nae ka mea kupanaha, a kaua e akaaka iho ai e ka mea heluhelu, a eha ka iwi aoao, ina o kaua kekahi ilaila:

            I ua ilio nei e holo pololei loa aku nei i ke alo o Kuolokele, aole e hiki i kana laau ke hahau mai, no ka mea, aohe he ikaika o ka Kuolokele laau ke hahau iho, ua kokoke loa ka ilio imua o kona alo.

            Ina he mamao iki aku ka ilio mai ke alo aku o Kuolokele, ina ua kani pono ka hauna laau a ua kaaka nei, aka nae, aole pela.

            Ua like o Kuolokele me he kinipopo paani la a kamalii i kela manawa.

            Ia Kuolokele no e ku pololei mai ana, ua komo pono aku la ua ilio nei ma ke kowa o na wawae oia nei.

            I ua ilio nei i kaa pono ae ai malalo o Kuolokele, ua hoanapuu ae la ua ilio nei i kona kuamoo, a haule pahu aku la o Kuolokele ilalo o ka honua, a ma ko ia nei eleu no hoi, ua ala koke ae la oia iluna e makaala i kona kulana a me kana hauna laau.

            Ua holo malie aku la no ka ilio a mamao iki aku, a huli mai la oia a nana kapakahi mai la kona mau maka iaia nei, a hookapakahi ae la ua ilio nei ia hope ona, a hookuu mala i kona hanawai, e hoohenehene mai ana ia Kuolokele, ma ke ano hoakaaka.

            Ma ia mau mea a pau a ka ilio e hana nei ke ike nei no kakou i ka ilio i keia wa, e hele ana no ka ilio me ka pono, a i kahi wa, e ike aku no oe i kona hookapeke ana ae ia hope ona, a hanawai aku la ma kela a me keia wahi ana e makemake ai.

            Ua hoomau aku la no ua ilio nei i kona holo ana imua ma kona alahele maa mau e hoi ai. no na pali Koolau a hiki i Laie. me kona haupu mua ole ae e. eia kona make mamua ona i kela wa.

 

Ke holo la ua ilio nei me kona mama nui, a eia no hoi o Kamapuaa ke holo ae la mamua pono o ua ilio nei, me kw kino kanaka no e ua o Kamapuaa.

 

I ka wa i huli ae ai o na maka o ua ilio nei ia Kamapuaa a ike he kanaka, hele malie iho la ua ilio nei, me kona manao no, aole oia e loaa i ua kanaka la.

 

Ia manawa i pa-e aku ai ka leo kahea a Kamapuaa i ua ilio nei:

 

E kela ilio e holo ae la, ina he ilio maoli oe ua aihue mai nei i ka mea ai a ke kanaka, alaila, e make ne e pono ai, a ina hoi oe he ilio kupua, alaila, e ku iho oe malaila a hiki aku wau, a halawai pu hoi ka ua he kino a he kino, he maka a he maka, kuka ana me ka maikai, ina no ka mihi i ka hewa aihue, alaila, he ola ko laila, a ina no hoi he ae ole mai i keia leo uwalo, me ka manao kuhihewa iho no i ka ikaika, alaila, e lilo auanei ia he moeuhane palaualelo; a na ka poino e ike i ka hewa a mihi iho, aka nae, ua hala ka wa kupono no ia leo.

Aole i pau.

 

Olelo hoolaha.

E ike aua nei ua kanaka a pau, eia ma ka Pa Aupuni o Makiki nei kekahi lie nele hewa; hookahi lio k aninahina. I wawae keokeo hope hema, hao kuni ano e ma ka aoao hema. hao kuni hou ma ka aoao akau hope. ekolu wawae ahinahina.

 

O ka mea a mau mea paha nona keia lio e pono e kii koke mai ina aole e kii koke mai a hala na la he 12, alaila, e kuai kudala aku no wau ma ka la 22 o Aug. M. H. 1891 awakea Poaono hola 12.

David Kaoao.

257 4ts-d* Luna Pa Aupuai

 

Aila Kuai.

 

E LOAA NO MA KAHI O

J.F. COLBURN.

(KEONI KOLEBANA.)

 

Ma ke Kihi o na Alanui Nuuanu me Moi.

 

E loaa no no ke kumukuai haahaa loa o $2.50 o ka pahu. Hele mai hookahi, hele mai elua, hele mai no a pau.

Kooukou hoaloha.

J.F. COLBURN.

Honolulu, Iulai 8, 1891. 232 dtf

 

Hale Hana Wai Momona Wai aniani

Sam. had me John Graee na Ona.

 

Ka poe wale no na lakou e hana nei

NA WAI HOOMAEMAE KOKO KAULANA

oia hoi ka

SASEPARILA A ME KA WAI-HAO.

 

NA WAI MOMONA AWAPUHI, SASEPARELA, LEMI, WAI PIPU, SODAMAOLI, SIDA, KAMEPENA, &c.

 

Mataal 350-TELEPONA-Bell 298

 

KUAI HOOPAU NUI.

 

Mai keia Manawa aku a hi ii ko Makou hoonee ana aku iloko o ko makou HALEKUAI HOU

            Ma ke Alanui Papu,-(NA HALE BURUA.

E hoolilo aku ana Makou i ko Makou waiwai a pau o na ano Lole:

NA LOLE NANI.

NA LOLE I HUMUIA.

KAPU A ME PAPALE

PAHU LELO. a pela aku

No na Uku Hooemi Loa Nae.

Egan & Gunn.

ALANUI MOI kokoke i ke ALANUI PAPU. tf-d.

 

HOOLAHA HOU

B. F. Ehlers & C.-PAINAPA.

 

            HELU 99 Alanui Papu.

            IA OUKOU E NA MAKAMAKA A ME NA HOALOHA, OIAI HOI UA makaukau makou i ke kuai ana aku ia oukou i na lako lole wahine o na ano @ - la a pau; oia hoi-

Na Silika hou

Na Mikilima hou

Na Lihilhii keokeo hou

Na ano Mamalu hou loa

Na lole hou o na wahine

Na Sateen hou

Na Lihilihi hou Na Lihilihi kau lole hou

Na Paku Pukaaniani

Na lole o na keiki liilii.

            Na lole o kela a me keia ano e loaa no ia oukou no na kumukuai haahaa loa.

                        E kipa mai e na makamak, i hoopau ia ai ko oukou kanalua no ka makou kuai hoopoho aku ia oukou. Owau me ka oiaio,

B. F. EHLERS & CO.

 

He Kuai Nui Hoopau aku.

E HOOMAKA ANA I KEIA

POAONO AUGATE 1, 1891.

Ua Lilo ko makou Waiwai he mea Mohai wale!

Ua Hoemiia ke Kumukuai ilalo, aole i ko Makou Pono, aka nou no-

Papa Kumukuai no 30 La wale no:

200 paa lihilihi keokeo puka aniani...$ .90

20 i-a Kalakoa maikai... 1.00

12 keokeo 1 i-a laula... 1.00

8 keokeo 1 i-a laula... 1.00

159 kakini lakeke o na Kamalii (huluhulu... .45

93 kakini ka’e waihooluu o na wahine... .05

Huluhulu no na paa lole kupono, .25 keneta o ka i a, e kuai no makou i keia mau la no 7 i-a no... 1.00

Papale Kula o na Kamalii... .25

Na Kawele nunui, 2 no... .25

Kakini eleele maikai... .25

Na Papale i kahiko maikai ia... 2.50

RUMI HANA LOLE MALUNA, HOLOKU etc., HANA IA ME KA OLUOLU LOA. E HOOPAA AKU NO MAKOU NO NA KUMUKUAI MALUNA NO 30 LA. NO KE DALA KUIKE WALE NO KEIA KUAI ANA.

C. J. Fishel.

            Ka makamua o na Hale lako o na Wahine, eia hoi ma alanui Papu a me Hotele, kahi i hanau ia ai na kuai hoopono a ano nui no hoi. 249-dt

 

KUAI HOOPOHO NUI.

MA KAHI O

104, alanui Papu N.S.SACH.Honolulu H.I.

E HOOMAKA ANA

POAKAHI AUG. 10, 1891.

NO ELUA PULE WALA NO KEIA KUAI ANA

IA WA E HOOLILO IA AKU AI NA WAIWAI A PAU O KA HALEKUAI LILO MUA. HE MAU KUAI OIAIO, AOLE HAMABAGA.

            He oiaio ka makou e olelo aku la, he hookahi no a makou kuai nui ana o ka makahiki, a ia manawa makou e hoemi ai i ke kumukuai o na mea a pau iloko o na pule elua. Aole makou e nonoi aku ana i ole no ka makou mea kuai, e makemake ana makou e hoemi iho i na waiwai a e loaa hoi ko makou kumu lilo ma ke dala kuike.

KA OI KEIA O NA KUAI ANA I HOIKE IA AKU.

Kalakoa maikai loa. 20 ia...$ 1.00

Keokeo halena 20 i-a... 1.00

Keokeo halena 1 i-a laula, 12 i a... 1.00

Keokeo maoli, maikai, 1 i-a laula, 12 i-a... 1.00

Lole Kinamu Papamu, hoemi ia he 10 i-a no... 1.00

Keokeo Papamu a kakauloloa, 7 i-a no... 1.00

Satina, hoemi ia o hookahi i a no... 1.00

Huluhipa Kakauloloa 10 i-a... .20

Na Uhimaka Virikine 5 i-a... 1.00

@@kiniia eleele, hoemi ia o hookahi i-a no .40 keneta.

Silika eleele lau, hoemi ia a ka hookahi ia no... 1.00

Lilina halena 6 i-a no... 1.00

Lakeke o Kamaliikane.. .0

Paku Puka aniani lihilihi, 10 i-a... 1.00

Nahenahe Vitoria, 8 i-a o ka @@, hoonui ia a ke... .60

Na hainaka Waihooluu o ka’eka’e, no ke kakini... .50

Muumuu o na lede he emi loa, he .25 keneta.

Na Pelekoki o ka lole 2 pihapiha he .60 keneta.

Na kaliki he $1.00 mamua, ua hoemi ia i keia manawa a ka... .50

Na Lole Keokeo, he 50 keneta.

Paku makika, 90 iniha ka laula, he 10 i-a o ka apa... 1.@@

Kakini maikai o na keiki ma ka paa, he .25 keneta.

Na palema’i kane, he 5 no 1 dala.

Na Palule i aiana ole ia he .50 keneta.

            He mau kuai makepono loa ma na Papale Wahine a me keiki. Na Palae Sela o na Lede, ua hoemi ia a 90 keneta. Na Papale hele kula o na keiki malalo o na Kumu lilo. E Hoomanao! E Hoomanao!!

            Elua pule wale no keia mau kumukuai.

254-drf.

N. S. SACHS.