Ka Leo o ka Lahui, Volume II, Number 267, 27 August 1891 — Page 3
| This text was transcribed by: | Maranda Thompson |
| This work is dedicated to: | Kaelene Puanani Ahu-Rey |
KA LEO O KA LAHUI.
"E Mau ke Ea o ka Aina i ka Pono."
No Manana! No Manana!!
(Reymond Grove).
Ma ka Poaono. la 29 o Augate, e malama ia ana he'aha lealea, ma ka ululaau o Manana, e pili 'la i ke alahao o hui Hooholo Kaaahi. Ua haawi ia keia malalo o na hookele ana a ka hui, i hookahi la iloko o ka malama i la hoolaulea a hoohala manawa a hoohala luhi o ka poe o ke kulanakauhale nei. Ke poloai ia aku nei na paahana o na hale hana na pa-hana, na limahana o ka uwapo. Ua haawi ia keia no na Hawaii, i hiki ai ia lakou ke hele me na kane, wahine a me na keiki. He paina luau a he mau hoonanea a luana ana, a he hula hao@ hoi ko ka poe hoihoi ia mea. He $1.00 ka uku pau o ke kaa no ka hele ana a hoi ana mai a me ka paina hookahi ana.
He hoao ana keia i mea e loaa ai kahi luana ana, a e hanu ai i na ea oluolu o ke kauahiwi. 265-dlw.
NUHOU KULOKO.
E hooia ia ana ka maemae o na wai a pau. E hookoia no na kauoha a pau loa mai na Mokupuai mai a me ko ke kulanakauhale nei. 231 lyd.
Ma keia hope aku, aole e hoouna ia kekahi pepa ma ka owili pakahi ke ole e uku mua ia mai, ke ola o ka pepa, ae hoolohe e na makamaka i keia no ka O@a@o, a me ka Leo, @ele no ka uku ana mea @ele no oukou i ke kukui ole.
Ma ke kauoha.
Eia ma ka Hotele Hawaii kekahi kamaaina o Waialua kahi i hoonanea ai.
Ma ka la mehinei i noho ai ka Aha Banco, no ka hoolohe ana i na hihia o ka poe i hoopii ia.
He olelo hoolaha ka ke Kuhina Kalaiaina, no ka mea e pili ana i na kaa hoolimalima. E pono e nana pono iho.
Me he ala, e hoea mai ana i o kakou nei kekahi moku hou o ka laina moku o Nu Ioka, iloko o Novemaba ae nei.
Ua anai ia o lalo o ka mokuahi Lehua iluna o ke ako'ako'a, a oia kona mea e kau mai nei iluna o ke alahuki moku.
O ka nui o na leta mai ko kakou @ale @eta aku nei a ka Ausetaralia, i kaili aku ai i ka Poalua nei, he 6,299 leta me 2,156 nupepa.
He eono ka nui o na loio o Jim Kaka, no kona hihia malama i kekahi hana pili waiwai; e hana ia aku ana keia hihia imua o ka Aha Banako.
I keia Poaono e paani ai na hui kinipopo a me Kamehameha ma ke kahua olohu popo maa mau; o ka paani hope ana keia o keia kau kinipopo.
Ma ka la inehinei, i haalele mai ai keia mau moku i ke awa la'i o Kou nei, Iwalani no Lahaina a me Hamakua, Waialeale no Nawiliwili Kilauea a me Hanalei.
Ua hala aku no Kona kai opua i ka la'i, ke Aliiwahine Poomaikelani ma ka Malulani o ka Poalua nei e hoomaha i kekahi mau la ma ia aina a ke aloha i noho ai.
Ma ka Ema Ku@a i ka po Poakahi aku nei, ua kaili ia aku la kekahi huila o kekahi kua, a koe iho la, he ekolu wale no huila. O ke kuma, i hooka'i ia me kokahi kaa okoa aku.
Ina oe e moe i keia po, a i ike oe i ke kapakahi o ka mahina, hele pololei oe a hookomo i hapalua dala ia Ahi banako, puka ino oe ihope ma kahi o na tausani. Nui kela, ola kakou.
Ua huli hoi mai ka Hon, C. P. @aukea mai kana huakai aku nei no na mea @ pili ana i na Aina Lei Alii i Hilo, a ua loaa mai ka makou leta e mahalo ana iaia no ka olu o na k@ka ana me ka poe makemake aina.
He pepehikanaka ka i hana ia ma Kohala maluna o ke kiao o ke kahi Kepani limahana o ka mahiko "Star Mill," ua loaa aku ia me na poka ekolu iloko o kona kino a ua hopu ia kekahi poe Kepani, no ka manao ia na lakou i hana keia karaima eleele.
Ua hoopai ia kekahi mau pake no ka pili waiwai oia hoi ka Pakapio, he $50 dala pakahi ko laua hoopai. Mahope no paha hana kou no, no ka mea, kela Paka pio no me kela sifa, nuinui dala no; nuinui wahine hele ma kela sifa, nui loa dala loaa lakou no.
Ke a'o mau ia nei kela mau lio nani nana e huki nei ke Kaawai Helu 1, e hoolohe i ke kani-ke ana a ka hele no hookahi mannawa ala ila, ua makemake ia laua no ka laua apana hana. Eia malalo o ka David Koii mau a'o ana, he opio Hawaii. Mahalo!
E Hana e, pehea hoi kaua, e hoonaue paha kaua makai o makaikai ai i keia mea hoi e wawa ia mai nei, malia hoi o hei mai i ka kaua mau @pena loaa ko kana mau lio @ holo ai i ka la hanau o ke Lii. O kaua wale no koe o ko kakou apana nei.
Ua lohe mai makou, i ka wa a na lima hooko o ke aupuni i miki aku ai ma kekahi hale e malama ia mai nei ke cifa, ua holo aku la o papa me ka pahu hao, a koe iho o mama i kauhale ua noke ka imi aohe nae he loaa iki:
"Ua hala e ka puulena aia i Hilo, Ua imi aku la ia Papalauahi."
Mai pau i ke ahi kekahi kaa ma ke ahiahi Poakahi nei, i ke kalaiwa e nanea ana i ka holo o ke kaa, me ka ike ole ae ua pahu ke kukui o kona kaa, e ole ka leo kahea a ka malii, pau oe i ke ani e, akahi no a ike iho ka ona waiwai, eia ka ia iluna o ka poino kahi i noho ai.
Ua loaa iho la kekahi poino i kekahi kanaka ma ka hale hana hao Uniona, ma ka haule ana o kekahi apana hao maluna o kona wawae, a ua lawe loa ia aku no ka halemai Moiwahine, malaila i wa-hi ia ai kahi i eha. E loaa mau ana no hoi na ulia ma keia hale hana hao.
O makou ma kekahi i ke kikokiko hua, i kela la aku nei he 5 kene ta ka'u i hookomo ai, puka mai e mea no hoi a'u dala; he ekolu hapaumi no Loi ka mea iho, e mea no hoi kona loaa. E aho ia, loaa ka hana o ka la noho wale, loaa na lole silika o oukou e hele ai i ka la hanau o ka Moiwahine.
OLELO HOOLAHA.
E ike auanei na kanaka a pau, eia ma ka Pa Auponi o Makiki nei kekahi lio w hele hewa, hulu melemele, lae-kea, huelo poomaka, 1 wawae keokeo hope hema, kikokiko keokeo kekahi ma na aoao. 3 wawae i paa i ka hao hao kani anoe ma ka uha hope hema. O ka mea a mau mea nono keia lio e pono e kii koke mai o hala na la he 15 ku ai kudala ia aku e a'u i ka la 12 o Sepatemaba, Poaono.
D. KAOAO
266-lw-d* Luna Pa Aupuni
OLELO HOOLAHA.
Eia ma ka Pa Aupuni o Makiki nei kekahi mau lio helehewa, lio w eleele kiko keokeo ma ka lae, hao kuni ano-e hema hope, lio w eleele elua wawae keokeo hope, hookahi wawae keokeo o mua hema, hao ku ni ano e hema hope, hao kuni III ak. hope, kiko keokeo ma ka lae; lio w ulaula, elua wawae keokeo ho pe, keokeo loihi ma ka lae, hao P ak. hope hao III hema hope; lio w ulaula, hauliuli keokeo loihi ma ka lae, eha wawae keokeo, he mau hao kuni ano e ma ka aoao o na a-i. O ka mea a mau mea nona keia mau lio e pono e k@ koke mai o hala na la he 13, e kuai kudala aku no au ke hiki aku i ka la 22 o Augate, 1891, hora 12 awakea Poaono.
David Kaoao.
256-dtf. Luna Pa Aupuni.
Hoolaha Hookapu.
Ke hoike ia aku nei ka lohe i oa ano kanaka a pau loa. Ua hookapu loa maua i ko maua mau Apana Aina ekolu i kapaia o Kalaheo, Kahaleula a me Puuoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai. Nolaila, ke papa loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hope paha, a e hooko ia e like me ke kuhikuhi a ke kanawai. O na poe a pau e makemake ana e komo iloko o keia Hui, e pono lakou e hele mai e hui-pu me Mrs C. I. HIRAM, a i ole ia, me DAVID DAYTON, a i ole ia KUKA.
Owau no me ka haahaa.
MRS. C. I. HIRAM.
Honolulu, Oahu, Oct. 8, 1890. 3me-d.
OLELO HOOLAHA
E ike auanei na kanaka a pau, eia ma ka Pa Aupuni o Makiki nei, kekahi lio hele hewa, hookahi lio @ ahinahina, 1 wawae keokeo hope hema, hao kuni ano e ma ka aoao hema, hao kuni hou ma ka aoao akau hope, ekolu wawae ahinahina.
O ka mea a mau mea paha nona keia lio e pono e kii koke mai ina aole e kii koke mai a hala na la he 12, alaila, e kuai kudala aku no wau ma ka la 22 o Aug. M. H. 1891 awakeo Poaono hola 12.
David Kaoao.
257 4ts-d* Luna Pa Aupuni.
Aila Kuai.
E LOAA NO MA KAHI O
J. F. COLBURN.
(KEONI KOLOBANA.)
Ma@ke Kihi o na Alanui Nuuanu me Moi.
E loaa no no ke kumukuai haahaa loa o $2.50 o ka pahu. Hele mai hookahi, hele mai elua, hele mai no a pau.
Ko oukou hoaloha.
J. F. COLBURN.
Honolulu, Iulai 8, 1891. 232 dti
Hale Hana Wai
Momona
WAI-ANIANI
Sam. Lad me John Crace na Ona.
Ka poe wale no na lakou e hana nei
NA WAI HOOMAEMAE KOKO KAULANA
oia hoi ka
SASEPARILA
A ME KA
WAI-HAO.
NA WAI MOMoNA AWAPUHI,
SASEPARELA, LEMI, WAI PIPII, SODAMAOLI, SIDA KAMEPENA @
Mutual @ TELEPONA-Bell 29@
KUAI HOOPAU NUI.
Mai keia manawa aku a hiki i ko Makou hoonee ana aku iloko o ko makou
HALEKU AI HOU
Ma ke Alanui Papu. - (NA HALE BURUA.
E hoolilo aku ana Makou i ko Makou waiwai a pau o na ano Lole:
NA@LOLE@NANI,
NA LOLE I MUMUIA,
KAPU A ME PAPAL@
PAHU LOLE a pela aku
No@na Uku Hooemi Loa Nae.
Egan & Gunn.
ALANUI MOI kokoke i ke ALANUI PAPU. tf-d.
HOOLAHA HOU
B. F. Ehlers & Co - PAINAPA.
HELU 99 Alanu@ Papu.
IA OUKOU E NA MAKAMAKA A ME NA HOALOHA, OLAI HOI, UA
makaukau makou i ke kuai ana aku ia oukou i na lako lole wahine o na ane @la a pau; oia hoi--
Na Silika hou Na Sateen hou
Na Mikilima hou Na Lihilihi hou
Na Lihilihi keokeo hou Na Lihilihi kau lole hou
Na ano Mamalu hou loa Na Paku Pukaaniani
Na lole hou o na wahine Na lole o na keiki liilii.
Na lole o kela a me keia ano e loaa no ia oukou no na kumukuai haahaa l@a.
E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou. O wau me ka oiaio,
tf B. F. EHLERS & CO.
Poino i ka
Wai!
POINO I KA WAI!
E hoomaka ana keia mawaena o keia la a me ka Poalua a hiki mai o keia pule ae, me ka nana ole ia o na lile.
N.S. SACHS.
263-dtf. Honolulu.
He Kuai Nui Hoopau aku.
E HOOMAKA ANA I KEIA
POAONO, AUGATE 1, 1891.
Ua Lilo ko makou Waiwai he mea Mohai wale!
Ua Hoemiia ke Kumukuai ilalo, aole i ko Makou Pono, aka nou no-
Papa Kumukuai no 30 La wale no:
200 paa lihilihi keokeo puka aniani @.90
20 i-a Kalakoa maikai 1.00
12 keokeo 1 i-a laula 1.00
8 keokeo 1 i-a laula 1.00
159 kakini lakeke o na kamalii (huluhulu .45
93 kakini ka'e waihooluu o na wahie .05
Huluhula no na paa lole kupono, .25 keneta o ka i @, e kuai no makou i keia mau la no @ i-a no 1.00
Papale Kula o na Kamalii .25
Na Kawele nuu@i, @ no .35
Kakini eleele maikai .25
Na Papale i kahiko maikai ia 2.50
RUMI HANA LOLE MALUNA, HOLOKU etc., HANA IA ME KA OLUOLU LOA. E HOOPAA AKU NO MAKOU NO NA KUMUKUAI MALUNA NO 90 I.A. NO KE DALA KUIKE WALE NO KE@A KUA@ANA.
C.J. Fishel.
K@makamua o na Hale lako o na Wahine, oia hoi @ Hotele, Kahi i hanau ia ai na kuai hoopono a ano n@i no hoi@ @