Ka Leo o ka Lahui, Volume II, Number 269, 31 August 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

Ma keia hope aku, aole e hoouna ia kekahi pepa ma ka owili pakahi ke ole e uku mua ia mai, ke ola o ka pepa, ae hoolohe e na makamaka i keia no ka OIAIO, a me ka LEO, nele no ka uku ana mea nele no oukou i ke kukui ole. Ma ke kauoha

 

He Moolelo Kaao

NO

KANA.

KE AHI KANANA-KA HIAPAIOLE-KA MOOPUNA A ULI-KA MEA NANA I HOOHIOLO O HAUPUKELE KA PUU KAUA I MOLOKAI.

Ua hele mai ko laila makaainana aloha alii e ike i na 'lii o lakou. Ua hoopiha ia o Hilo i na kanaka iloko oia mau la, i huipu ia hoi me na lealea like ole o kela a me keia ano. Nolai, e waiho kakou i na makaainana e noho ana, a hiki i ka wa e kahea ia aku ai na makaainana, no ko lakou wa e ike mai ai i na alii. I ka mo'a ana o ka puaa, i'a, ai, a me na mea a pau i kupono i ka papaaina, ua hookipa aku la o Niheu i kona kaikaina ia Kana, no kona ai ana i na mea ai i hoomakaukau ia nana. Ua noho like iho la laua e ai ia wa, me na makaainana aloha alii o laua. Mahope o ka pau ana o ka laua paina ana me na makaainana, ua kuka iho la laua, no ka wa e hui pu ai o Kana, me ko laua mau makaainana. Ua hooholo iho la laua, ma kekahi la ae e hui pu ai laua, me ko laua mau makainana. Ua hoike ia aku la keia lohe imua o na makaainana, e hui pu mai lakou me na alii, ma ko Niheu hale noho. A i ka hiki ana o ka la i kauoha ia ai o na makaainana e ike mai ia Kana; ua akoakoa mai la na kanaka he nui a ka launa ole mai, a he la kanaka nui hookahi ia o Hilo, aohe i ike ia kekahi la kanaka o Hilo mamua aku e like me keia. Ua hoomalu ia ke anaina a malu, a ua ku aku la o Niheu a hoike aku la imua o na makaainana me na huaolelo o ka hoohauoli manao penei: I keia wa, e ku aku ana imua o oukou ko'o kaikaina, oia hoi o Kana ko oukou haku, ke koa kaulana hoi ma ka ikaika, i na la o kela kaua poina ole me Kapepeekauila. Ua hoolauna ae la o Niheu i kona kaikaina imua o ke anaina kanaka nui i akoakoa mai. Ua ku aku la o Kana a haawi aku la i kona aloha nui i na makaainana, a ua aloha mai la no hoi na makaainana me ke ohohia nui; a hoomaka aku la o Kana e kamailio me ka leo moakaka penei:  Aohe no a'u mea ano nui e hoike aku ai ia oukou e na makainana aloha a ko maua mau makua i hala e aku nei; aka, he wahi olelo pokole wale no ka'u a o pau no ia; a oia keia:  Pehea ko oukou noho ana me ko oukou alii? oia hoi o Niheu o ko'u hanau mua nei; he maikai anei, a i ole he ino paha. He maikai no ko makou noho ana, aohe he ino, wahi a ka leo pane o na makaainana. Pehea, aohe anei he mea nana e hookue i ko oukou noho ana.  Aole mea nana e hookue a hookue a hoomakuahana hoi i ko makou noho ana, aole no he kipi i hoea mai io makou nei.  Ina pela, wahi a Kana, oia ka'u i manaolana ai e noho ka maluhia a me ka oluolu o na manao lokahi o ke aloha.  Nolaila, ke hoopau nei o Kana i kona manao, a haawi hou aku la oia i kona aloha nui i na makaainana; a hookuu ia aku la kela hala wai ana me ke aloha, a hoi aku la o Nikeu i kona hale.  Ia laua iu-hoi aku ai a niki i kau hale, ua olelo mai la o Kana i kona hanau mua, ua pau ae la no ko'u noho ana i kai nei o Hilo, e hoi ana wau i ko'u wahi i ke kuahiwi, me ko'u kupunawahine; a e noho no hoi oe, a kuia ka pilikia, alaila, imi ae no oe ia'u a loaa i ke kuahiwi anoano mehameha kanaka ole.  Nolaila, e aloha auanei oe, eia wau ke hoi nei i ke kula mehameha a kanaka ole hoi.  Ua hoi aku la o Kana a hui pu me kona kupunawahine me Uli, a ua ninau mai la kona kahu hanai iaia nei:  Pehea ka noho ana o kou hanau mua, a pehea hoi na makaainana o olua?  He maikai ko lakon noho ana, aohe pilikia mawaena o lakou; nolaila, aole a'u mea o koe no lakou, oia ko'u mea i hoi mai nei.  Ua noho no o Kana me kona kahu hanai me ka oluolu, aohe mea nana e kue ia laua a me kona kaikuaana, oia hoi o Niheu, aohe mau kupueu a kupua nana e hoonioni; oiai na la o ko Kana ola ana ma keia ao; ua lawe mau oia i ke lulana o ke koa lanakila.  Nolaila ma keia wahi o ko kakou moolelo ua hiki mai kakou i ka pahu hopu o ko kakou moolelo o Kana.  Ke haawi aku nei kou mea kakau moolelo i kona aloha nui i ka poe e heluhelu ana i keia hoonanea; a ke haawi ae nei i ko'u lulu lima aloha ana i ka Luna Hooponopono ahonui a me na keiki ulele hua metala ko'u welina ana. Mea unuhi moolelo; Niuhelewai.

OLELO HOOLAHA.

 

E ike auanei na kanaka a pau, eia me ka Pa Aupuni o Makiki nei kekahi mau lio. Lio k ulaula lokia, @wawae keokeo hope hema, hao kuni ano e, hapala ka hao maluna o ka uha hope ak, eha wawae paa i kapuai-hao, ekolu wawae eleele, kiko keokeo ma ka lae. Lio k ulaula kiko keokeo ma ka lae, hookahi wawae keokeo hope hema, elua wawae mua paa i kapuai hao, hao kuni ML hema hope. O ka mea a mau mea nona keia mau lio, e pono e kii koke mai, o hala na la he 1@, e kuai kudala aku no au ke hiki aku i ka 5 o Sept. 1891, hora hora 12, awakea Poaono. D. Kaoao. 264-dtf Luna Pa Aupuni.

OLELO HOOLAHA.

 

Eia ma ka Pa Aupuni o Makiki nei kekahi mau lio helehewa, lio w eleele kiko keokeo ma ka lae, hao kuni ano-e hema hope, lio w eleele elua wawae keokeo hope, hookahi wawae keokeo o mua hema, hao ku ni ano e hema hope, hao kuni @@@ ak hope, kiko keokeo ma ka lae; lio w ulaula, elua wawae keokeo ho pe, keokeo liohi ma ka lae, hao P ak hope hao@@@ hema hope; lio w ulaula, hauliuli keokeo loihi ma ka lae, eha wawae keokeo, he mau hao kuni ano e ma ka aoao o na a-i. O ka mea a mau mea nona keia mau lio, @ pono @ kii koke mai o hala n@ la he 13, e kuai kudala aku no au ke hiki aku i ka la 22 o Augate, 1891, hora 12 awakea Poaono. david Kaoao.256-dtf. Luna Pa Aupuni.

 

Hoolaha Hookapu.

 

Ke hoike ia aku nei ka lohe @ na ano kanaka a pau loa. Ua hookapu loa maua i ko maua mau Apana Aina ekolu i kapaia o Kalaheo, Kahaleula a me Puuoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w)  mai. Nolaila, ke papa loa ia aku nei na holoholona o keia ano, aole e hookuu wale ia maluna o ua mau Apanaa Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hope paha, a e hooko ia e like me ke kuhikuhi a ke kanawai. O na poe a pau e makemake ana e komo iloko o keia Hui, e pono lakou e hele mai e hui pu me Mrs C. I. HIRAM, a i ole ia, me DAVID DAYTON, a i ole ia KUKA. Owau no me ka haahaa. MRS. C. I. HIRAM. Honolulu, Oahu. Oct. 8. 1890. 3ms-d.

 

OLELO HOOLAHA.

 

E ike auanei na kanaka a pau, eia ma ka Pa Aupuni o Makiki nei, kekahi lio hele hewa, hookahi lio k ahinahina, 1 wawae keokeo hope hema, hao kuni ano e ma ka aoao hema, hao kuni hou  @ ma ka aoao akau hope, ekolu wawae ahinahina.  O ka mea a mau mea paha nona keia lio e pono e kii koke mai ina aole e kii koke mai a hala na la he 12, alaila, e kuai kudala aku no wau ma ka la 22 o Aug. M. H. 1891 awakea Poaono hola 12. David Kaoao. 257 4ts-d Luna Pa Aupuni.

Aila Kuai.

E LOAA NO MA KAHI O

J.F. COLBURN.

(KEONI KOLOBANA.)

Ma ke Kihi o na Alanui Nuuanu me Moi.

 

E loaa no no ke kumukuai haahaa loa o $2.50 o ka pahu. Hele mai hookahi, hele mai elua, hele mai no a pau. Ko oukou hoaloha, J.F.COLBURN. Honolulu, Iulai8, 1891. 232 dtf

 

Hale Hana Wai

Momona

WAI-ANIANI

 

Sam. Lad me John Grace no Ona. Ka poe wale no na lakou e hana nei NA WAI HOOMAEMAE KOKO KAULANA oia hoi ka SASEPARILA-A ME KA- WAI-HAO.

NA WAI MOMONA AWAPUHI, SASEPARELA, LEMI, WAI PIPII, SODAMAOLI, SI. DA, KAMEPENA, @C.

Mutual 330 TELEPONA-Bell 29@

 

KUAI HOOPAU NUI.

Mai keia manawa aku a hiki i ko Makou hoonee ana aku iloko o ko makou HALEKUAI HOU Mahoolilo aku ana Makou i ko Makou waiwai a pau o na ano Lole: NA LOLE NANI, NA LOLE I HUMUIA, KAPU A ME PAPALE PAHU LOLE, a pele aku No na Uku Hooemi Loa Nae. Egan & Gunn. ALANUI MOI kokoke i ke ALANUI PAPU. tf-d.

 

HOOLAHA HOU

B.F. Ehlers & Co-PAINAPA.

 

HELU 99 Alanul Papu. IA OUKOU E NA MAKAMAKA A ME NA HOALOHA, OIAI HOI, UA makaukau makou i ke kuai ana aku ia oukou i na lako lole wahine o na ano St@ila a pau; oia ho Na Silika hou Na Mikilima hou Na lihilhii keokeo hou Na ano Mamalu hou loa Na lole hou o na wahine Na Sateen hou Na Lihilihi hou Na Lihilihi kau lole hou Na Paku  Pukaaniani Na lole o na keiki liilii. Na lole o kela a me keia ano e loaa no ia oukou no na kumukuai haahaa loa. E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou. Owau me ka oiaio, B.F.EHLERS & CO.

Poino i ka Wai!

POINO I KA WAI!

 

E hoomaka ana keia mawaena o keia la a me ka Poalua a hiki mai o keia pule ae, me ka nana ole ia o na lile. N.S.SACHS. Honolulu. 263-dtf.

 

He Kuai Nui Hoopau aku.

E HOOMAKA ANA I KEIA

POAONO, AUGATE 1, 1891.  Ua Lilo ko makou Waiwai he mea Mohai wale! Ua Hoemiia ke Kumukuai ilalo, aole i ko Makou Pono, aka nou no- Papa Kumukuai no 30 La wale no: 200 paa lihilihi keokeo puka aniani...$.99 20 i-a Kalakoa maikai...1.09  12 keokeo 1 i-a laula...1.09  8 keokeo 1 i-a laula...1.09  159 kakini lakeke o na Kamalii (huluhulu....45  98 kakini ka'e waihooluu o na wahine....@5  @@@@la no 7 i-a no...1.00  Papale Kula o na Kamalii....25  Na Kawele nunui, 2 no....25  Kakini eleele maikai....25  Na Papale i kahiko maikai ia...2.@@ HUMI HANA LOLE MALUNA, HOLOKU etc., HANA IA ME KA OLUOLULOA. E HOOPAA AKU NO MAKOU NO NA KUMUKUAI MALUNA NO 30 LA. NO KE DALA KUIKE WALE NO KEIA KUAI ANA. C.J. Fishel.  Ka makamua o na Hale lako o na Wahine, oia hoi ma alanui Papa a me Hotele, kahi i hanau ia ai na kuai hoopono a ano nui no hoi. @@@-dt