Ka Leo o ka Lahui, Volume II, Number 270, 1 September 1891 — Page 3

KA LEO O KA LAHUI.

"E Mau ke Ea o ka Aina i ka Pono."

Paina la Hanau.

            M@@ka la hoomalolo nei, ua malama ae o Kimo Olo, he paina hoomanao no kona la hanau, oiai hoi, ka oi ana aku o kona mau la, mamua o ka hapa keneturia.

            Ua nui na makamaka, na hoaloha, i kipa aku ma kona home, ua ai a lawa, ua nuu a ko’u ka puu, ua inu hoi a kena.

            Oiai, ua hoopiha oia i ka papaai@a, me na kohi kelekele a ka puukolu, o kela ano keia ano; oiai hoi, ua pahoia mai oia i kona lima akau o ke aloha i ka poe a pau i kipa aku i kona home, ua hamama kona puuwai no na mea a pau, aohe he wahi hoohalahala a ka ua naulu oia like no mai Kaena a Waialua.

            He lua ole hoi na hiona mahiehie o ka mea nona ka la, oiaia oia iloko o ka olu waipahe.  Na ke Akua e @okua mai ia oe.

Ka Mokuahi Mariposa.

            Ma keia huakai aku nei a ka Mariposa no ka hema, ua loaa iho la oia i kekahi makani ikaika loa, ua hoonaueue ia ae la ia i o a ianei a ua nui ke pihoihoi o na ohua, me ko lakou manao, o ko lakou manawa hope ana ia; ua komo ia na rumi e ke kai mai mua a hala ihope, a ua lilo aku la kekahi o kona mau waapa, a o kekahi ukali o ka wahine keaka Farani, ua loaa aku malalo o ka waapa kahi i pili ai, na ke kai i hului aku a noho ana ilaila, a o ke kauka hoi keia, ua hooke ia aku la a pili i kekahi pou hao, a ua ha’i pu kekahi o kona mau iwi aoao.  O ka makamua keia o na ino i ulupa iho maluna o keia moku, a ua ano like kona kulana me ka mokulkaua “Caliopi,” ma kela ino nui ma Samoa; aka, aole ke kapena i hopo iho i ka hookele ana i kona waa iloko o ka ino e pa ana.  A ua maka’u loa o Sarah Bernhardt o ike hou ole ia i ka nani o Parisa, aka, ua ku mai lakou i anei me ka maalahi, a ua haawi aku na ohua i ko lakou mahalo kiekie ia Captain Hayward no kona hoomanawanui i ka hookele ana i kona moku iloko o keia pilikia.

KA HUAKAI WALOHIA A J. ALAPAINO KE PANALAAU O KALAUPAPA A ME KALAWAO.

            Ko lakou luna malama oia Wm Tell, wahi a lakou, akahi no a loaa ia lakou he makua kupono, oluolu, akahi, haahaa a aloha a launa pu me lakou ma na ano a pau, nolaila, ua aihue ia ko lakou naau, aole ka pela me na luna mua; hookahi wale no wahi hemahema iaia, aole i lawa ke ola iaia no $100 o ka malama, aole pela i@e na luna mua, he $300 ko lakou o ka malama.  Nolaila, mai poina e ka Papa Ola no ka hoomahuahua hou ana iho i ka uku o keia kanaka.

            Ka maluhia o ka noho ana o na ma’i i keia manawa.  Ma na makahiki mamua, i ka wa o na luna mua, ua nui ka haunaele pinepine o na mai, nui ka ona, hakaka, nui na hoopii ana.  Nohea mai keia maluhia ole?

            Ma ka hoike mai a ka Peresidena o ka Papa Ola ia’u, aole he mau hoopii i hiki mai imua ona mai na ma’i mai, a hiki wale i kona wa e hoi nei.

            Ua loaa ke kahunapule kupono no lakou oia Rev. S. Waiwaiole, kekahi kanaka maikai keia no ka hoo malu ana i na ma;i ma na @ea o

 

ke kino kekahi, a ma na mea o ka uhane kekahi, e kuhikuhi ana i ka mea pono e hana ai; a i ka mea pono ole hoi aole e hana.

            E malama mau ana lakou i na ahiahi o na la a pau ma ka hora 5 i ka hoomana i ke Akua; aka, hookahi mea pilikia o ko ka Papa Ola kaupalena ana aku i ka manawa hoomana, aole e oi aku mamua o ka hora 5.

            Ua kuhihewa paha ka Papa Ola, o haunaele paha ke poeleele.  Ko kanaka manao kela.

            Elua no aoao hoomana, o ka hoo mana Pope a me ka hoomana Hoole Pope.

            Ma ka’u hoomaopopo, ua oi aku ka ikaika a me ka mana maoli no o ka hoomana Pope mamua o ka aoao hoole Pope, ke huki ia nei na keiki, makua, kane a wahine o keia aoao e keia hooman.

            Me he la, ua haalele aku keia aoao hoomana i na uhane o keia poe na kela aoao e malama mai.

            Pahea la ka Papa Hawaii e hoohakahaka nei i keia puka liu o na kahu Hawaii e hookuu wale nei i ka lakou poe keiki malalo o keia hoomana.  Me ka mahalo,

            Owau iho no me ka naau i piha i ke kaumaha aloha keiki,

J. ALAPAI.

Kapalama, Aug. 26, 1891.

 

            E hooia ia ana ka maemae o na wai a pau.  E hookoia no na kauoha a pau loa mai na Mokupuni mai a me ko ke kulanakauhale nei. 231 1 yd

 

            E na Luna Lawe Pepa o ka LEO O KA LAHUI, ke hai ia aku nei ka lohe ia oukou, ina he mau helu koe o ka la3 o Augate nei, oia hoi ka Poakahi mua, alaila e pono e hoi hoi mai i keia keena.

 

            Ma keia hope aku, aole e hoouna ia kekahi pepa ma ka owili pakahi ke ole e uku mua ia mai, ke ola o ka pepa, ae hoolohe e na makamaka i keia no ka OIAIO, a me ka LEO, nele no ka uku ana mea nele no oukou i ke kukui ole.

Ma ke kauoha

 

HE ANAINA HOOMANA MA BRITS HALE.

            O na Halawai i malama mau i aiho nei ma Ariona Hale, ua uwai ia iho nei ma Ariona Hale, ua uwai ia ae nei ma Brits Hale, ma ke kihi o na alanui Moi a me Kamika.  E heomaka ana ma na Lapule a pau ke anaina haipule i ka hora 10, o ka haiolelo ana i ka hora  11, mao ka mahele olelo ala, a i ka hora 7 o ke ahiahi no na mea a pau i lohe i ka olelo haole.  Lunakahiko

A. Haws.

 

HALAWAI KUIKAWA.

            Ua makemake ia na lala a pau o ka Hui Hoouiu a Hoola Lahui, e akoakoa ae ma Honuakaha, i ka Poalua ae nei, Augate 25, hora 2 p.m., no ke kuka ana i kekahi hana ano nui e hoike ia aku ana.  E hoolohe i keia.  Ma ke kauoha.

MRS. ANE K. ULUKOU.

Aug. 21, 3ts.-d.

 

OLELO HOOLAHA.

            E ike auanei na kanaka a pau, eia ma ka Pa Aupuni o Makiki nei kekahi mau lio.  Lio k ulaula lokia, 12 wawae keokeo hope hema, hao kuni ano e, hapala ka hao maluna o ka uha hope ak, eha wawae paa i kapuai-hao, ekolu wawae eleele, kiko keokeo ma ka lae.  Lio k ulaula kiko keokeo ma ka lae, hookahi wawae keokeo hope hema, elua wawae mua paa i kapuai hao, hao kuni ML hema hope.  O ka mea a mau mea nona keia mau lio, e pono e kii koke mai, o hala na la he 15, e kuai kudala aku no au ke hiki aku i ka 5 o Sept. 1891, hora hora 12, awakea Poaono.

D. Kaoao.

264-dt@ Luna Pa Aupuni

 

OLELO HOOLAHA.

            Eia ma ka Pa Aupuni o Makiki nei kekahi mau lio helehewa, lio w eleele kiko keokeo ma ka lae, hao kuni ano-e hema hope, lio w eleele elua wawae keokeo hope, hookahi wawae keokeo o mua hema, hao ku ni ano e hema hope, hao kuni @@@ ak. hope, kiko keokeo ma ka lae; lio w ulaula, elua wawae keokeo ho pe, keokeo loihi ma ka lae, hao P ak hope haolii hema hope; lio w ulaula, hauliuli keokeo loihi ma ka lae, eha wawae keokeo, he mau hao kuni ano e ma ka aoao o na a-i.  O ka mea a mau mea nona keia mau lio, e pono e kii koke mai o hala na la he 13, e kuai kudala aku no au ke hiki aku i ka la 22 o Augate, 1891, hora 12 awakea Poaono.

David Kaoao.

256-dtf. Luna Pa Aupuni.

Hoolaha Hookapu.

            Ke hoike ia aku nei ka lohe @ oa ano kanaka a pau loa.  Ua hookapu loa maua i ko maua mau Apana Aina ekolu i kapaia o Kalaheo, Kahaleula a me Puuoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai.  Nolaila, ke papa loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hope paha, a e hooko ia e like me ke kuhikuhi a ke kanawai.  O na poe a pau e makemake ana e komo iloko o keia Hui, e pono lakou e hele mai e hui pu me Mrs C. I. HIRAM, a i ole ia, me DAVID DAYTON, a i ole ia KUKA.

Owau no me ka haahaa.

MRS. C. I. HIRAM.

Honolulu, Oahu, Oct. 8, 1890. 3 me-d.

OLELO HOOLAHA.

E ike auanei na kanaka a pau, eia ma ka Pa Aupuni o Makiki nei, kekahi lio hele hewa, hookahi lio k ahinahina, 1 wawae keokeo hope hema, hao kuni ano e ma ka aoao hema, hao kuni hou @ ma ka aoao akau hope, ekolu wawae ahinahina.

            O ka mea a mau mea paha nona keia lio e pono e kii koke mai ina aole e kii koke mai a hala na la he 12, alaila, e kuai kudala aku no wau ma ka la 22 o Aug. M. H. 1891 awakea Poaono hola 12.

David Kaoao.

257 4ts-d* Luna Pa Aupuni.

Aila Kuai.

E LOAA NO MA KAHI

J. F. COLBURN.

(KEONI KOLOBANA.)

Ma ke Kihi o na Alanui Nuuanu me Moi.

            E loaa no no ke kumukuai haahaa loa o $2.50 o ka pahu.  Hele mai hookahi, hele mai elua, hele mai no a pau.

            Ko oukou hoaloha.

J. F. COLBURN.

Honolulu, Iulai 8, 1891.  232 dtf

Hale Hana Wai Momona

WAI-ANIANI

Sam. @ad me John Grace na Ona.

Ka poe wale no na lakou e hana nei

NA WAI HOOMA@MAE KOKO KAULANA oia hoi ka

SASEPARILA

A ME KA

WAI-HAO.

NA WAI MOMONA AWAPUHI, SASEPARELA, LEMI, WAI PIPII, SODAMAOLI SIDA, KAMEPENA, & C.

Mutual @@@ TELEPONA – Bell 298

 

NOTE:  This las column takes up 2 normal columns and looks like ads.

 

KUAI HOOPAU NUI.

Mai keia manawa aku a hiki i ko Makou hoonee ana aku iloko o ko makou

HALEKUAI HOU

Ma ke Alanui Papu,--(NA HALE BURUA.

E hoolilo aku ana Makou i ko Makou waiwai a pau o na ano Lole:

NA LOLE NANI,

NA LOLE I HUMUIA,

KAPU A ME PAPALE @@

PAHU LOLE, a pela ak@

No na Uku Hooemi Loa Nae.

Egan & Gunn.

ALANUI MOI kokoke i ke ALANUI PAPU.  tf—d.

HOOLAHA HOU

B. F. Ehlers & Co – PAINAPA.

HELU 99 Alanul Papu.

            IA OUKOU E NA MAKAMAKA A ME NA HOALOHA, OIAI HOI, UA makaukau makou i ke kuai ana aku ia oukou i na lako lole wahine o na an@ Staila a pau; oia hoi –

Na Silika hou   Na Sateen hou

Na Mikilima hou  Na Lihilihi hou

Na Lihilihii keokeo hou  Na lihilihi kau lole hou

Na ano Mamalu hou loa  Na Paku Pukaaniani

Na lole hou o na wahine  Na lole o na keiki liilii.

Na lole o kela a me keia ano e loaa no ia oukou no na kumukuai haahaa loa.

            E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou.  Owau me ka oiaio,

            ti  B. F. EHLERS & CO.

Poino i ka Wai!

POINO I KA WAI!

E hoomaka ana keia mawaena o

keia la a me ka Poalua a hiki mai

o keia pule ae, me ka nana ole ia o

na lile.

N. S. SACHS.

263—dtf.  Honolulu.

He Kuai Nui Hoopau aku.

E HOOMAKA ANA I KEIA

POAONO, AUGATE 1, 1891.

Ua Lilo ko makou Waiwai he mea Mohai wale!

Ua Hoemiia ke Kumukuai ilalo, aole i ko Makou Pono, aka nou no-

Papa Kumukuai no 30 La wale no:

200 paa lihilihi keokeo puka aniana  $.90

20 i-a Kalakoa maikai  1.00

12 keokeo 1 i-a luala  1.00

8 keokeo 1 i-a laula  1.00

159 kakini lakeke o na Kamalii (huluhulu)  .45

93 kakini ka’e waihooluu o na wahine  .05

Huluhulu no na paa lole kupono, .25 keneta o ka i a , e kuai no makou i keia mau la no 7 i-a no  1.00

Papale Kula o na Kamalii  .25

Na Kawele nunui, 2 no  .25

Kakini eleele maikai  .25

Na Papale i kahiko maikai ia  2.@0

RUMI HANA LOLE MALUNA, HOLOKU etc., HANA IA ME KA OLUOLU LOA.  E HOOPAA AKU NO MAKOU NO NA KUMUKUAI MALUNA NO 30 LA.  NO KE DALA KUIKE WALE NO KEIA KUAI ANA.

C. J. Fishel.

            Ka makamua o na Hale lako o na Wahine, oia ho@ ma alanu@ @@ pu a m@ Hotele, @ahi i hanau ia ai na kuai hoopono @ @@@ nui no hoi.  349-dt