Ka Leo o ka Lahui, Volume II, Number 272, 3 September 1891 — Page 3
| This text was transcribed by: | Inger Hojfeldt |
| This work is dedicated to: | Daughters of Hawaii |
KA LEO O KA LAHUI.
"E Mau ke Ea o ka Aina i ka Pono."
KA HAIOLELO A KA MOIKALAKAUA I., IMUA O KA HUI POOLA.
A ma keia hookahi, ua hookiekie ae oia i keia hui.
O Liholiho Kamehameha II, he poola oiaio'oia, oiai, ua wela kona poo i ka la, i ke kana ma Kuamoo, ua hoohiolo ia na kapu, make na oihana hoomana o ka wa kahiko, a ua loaa hoi i i ko Hawaii nei ka noho ana malamalama a me ka maluhia.
O Kamehameha III, he poola ia, oiai, ua hele oia me kona kahu oia o Kaahumanu e kaapuni ana i ka aina, e hoohuli ana i na kanaka i ka pono.
O Haalilio a me Rikeke, he mau poola no laua.
O Kamehameha eha, he poola no oia, oiai oia i hooikaika ai i puu dala e kukulu ia ai ka Halemai Moiwahine e ku nei i keia wa.
O Kamehameha V, he poola no oia, oiai, ua hele aku oia iloko o ka wela o ka la, e kokua ai i kela poe i poiko ai i ka pele ma Kau.
He poola hoi ka mea e noho nei i ke aupuni i keia wa, oiai, ua holo oia i Amerika no ka imi ana i ke Kuikahi Panailke, i pomaikai hoi no ko kakou nei aupuni.
O ka manao ana e hooulu a e hoola hoi i ka lahui, he hana wale no ia na ke poo wela i ka la; e wela ana hoi ko oukou poo ma ka oukou hana, a pela no hoi au ma ka'u hana.
He inoa hanohano keia no kakou a pau, a e lawe hoi kakou i ka hanohano o keia inoa a papahi iho me ka hauoli maluna o kakou a pau.
Ma keia wahi a na hoa o ka hui Poola, ua puili mai oukou, ua apo mai hoi i ka iini nui a kuu naau i lila ai, oia hoi ka hooulu a me ka hoola ana i ka lahui Hawaii.
HE LEO PAIPAI.
E na hoaloha, na makamaka, na kini a pau o ka la'i o Makena, e ipo ana me ka nalu koha'i o ka Ulupaina o Ulupalakua, kahi hoi nona kela olelo kaulana i puai ae, ka Ulupaina o Kapalakiko-e, aloha oukou:
Ke heike aku nei makou i keia kanaenae imua o oukou e ka poe e lawe ana i ka nupepa KA OIAIO, e hoomanao mai hoi oukou i ko oukou koena aie, a e hookaa ae ma ka lima o ka oukou mau luna, oiai hoi, ke nee aku nei ka manawa wa imua, a i mea e maemae like ai kakou, alaila, e kuehu mua mai ko kapuahi, alaila, aohe he olelo ana.
Nolaila, e na hoa o ka pupu hoohahi, e ike ia kakou hoakanaka, o kipa hewa ke alo i ka ilio, a o aloha hewa auanei ia Kaunuohua, oiai, he puu ia. Nolaila, he poloai keia i Waialoha. E welina auanei.
Ua ola kalai a Ehu.
Ma ke ku ana mai a ka mokuahi Malulani, ua loaa mai la ia makou kekahi lono hoohauoli oia iho keia:
Aia ma Kona Hawaii kekahi mau mahu-ai e poahi ala, o keia mahu-ai, na na keiki no ia o ka aina pua. O kekahi mahu, aia no ia mahope aku o ka luakini o Mokuaikaua, a o ka lua, aia ma Hulihee.
A wahi a ko makou lohe, ua hauoli loa na Kona, oiai, ua like loa ka ai ana o ka poi me ko ka ua Kukalahale nei ke koiawea @
Pulelo ke Ahi a kaWahine.
Ma ke ka ana mai, a mokuahi Malulani, ua loaa mai la na mea hou o Kilauea, Hawaii. Oiai hoi, wahi a ko makou lohe, ua hiki ke ike ia mai ka lele o ke pohaha mai Pahala mai, a ua hiki no hoi ke ike ia mai ka wena ula iluna o Halema'uma'u.
A me he mea ala, ua piha u @ ua hale ala o Mauliola i ka hoeno a ke ahi a Lonomakua, a he manawa maikai loa keia no na kamahele e hele ai e ike i kela ahi kaulana o Hawaii moku o Keawe.
O Lakou ia i ke alo Pali.
I ka la iho la inehinei, ua paniku ae kekahi hale kalepa nui o keia kulanakauhale, no ka hoomanao ana i ka la hanau o ko kakou Moiwahine.
Ua maikai no kela, he nani wale no ia i ke alo wao hihimanu, a oia ka makou i hooheno ae la i kela poo e kau ae la maluna,-"O lakou ia i ke alo pali.
No makou iho, ke haawi aku nei makou i na mahalo ana no oukou, ina nae mailoko loa mai, aka hoi, ina mai ka epaepa wale mai no, alaila, aole i kaulike. O kekahi poe ae hoi o keia kaona, aole i Leialoha eia iho no i nana-kuli kahi i onipaa ai. O keia ko makou ike ma na ouli manawa o ka la.
HALAWAI KUIKAWA.
Ua makemake ia na lala a pau o ka Hui Hooulu a Hoola Lahui, e akokoa ae ma Honuakaha, i ka Poalua ae nei, Augate 25, hora 2 p.m., no ke kuka ana i kekahi hana ano nui e hoike ia aku ana. E hoolohe i keia. Ma ke kauoha.
MRS. ANE K. ULUKOU.
Aug. 21, 3ts.-d
HALAWAI KUIKAWA.
Ua nei ia mai makou e ka Peresidena o ka H.K. Hawaii, Mr. J. A. Kahoonei, e akoakoa mai na lalala o ke Komite kumau, no ka noonoo ana i na mea e pili ana i ka huakai hoolewa o ka mea Kiekie ke Keikialii, Hon. J.O. Dominis, ma ke Keena o ka Elele i ke ahiahi Poaha, Sepatemaba 3, hora 7 ahiahi, ua makemakemake pu ia na lala o ke komite o na ahahui o na Mokupuni i hiki mai i Honolulu nei i keia maula; e hiki kino ae i ka halawai. Ma ke kauoha.
OLELO HOOLAHA.
E ike auanei kanaka na a pau, eia ma ka pa aupuni o Makiki nei, kekahi lio hele hewa. He lio ulaula kiko keokeo ma ka lae, a he keokeo na wawae hope a i elua a aia ka hao kuni ma ka uha hope, ano like me ke K. O ka mea nona keia lio, e pono oia e kii koke mai o hala auanei na la he 12, pau ia'u i ke kudala ia i ka la 29 o Aug. i ka hora 12 o ke awakea Poaono.
D. Kaoao.
Luna Pa Aupuni.
OLELO HOOLAHA.
E ike auanei na kanaka a pau, eia ma ka Pa Aupuni o Makiki nei kekahi mau lio. Lio k ulaula lokia, 1 wawae keokeo hope hema, hao kuni ano e, hapala ka hao maluna o ka uha hope ak, eha wawae paa i kapuai-hao, ekolu wawae eleele, kiko keokeo ma ka lae. Lio k ulaula kiko keokeo ma ka lae, hookahi wawae keokeo hope hema, elua wawae mua paa i kapuai hao, hao kuni ML hema hope. O ka mea a mau mea nona keia mau lio, e pono e kii koke mai, o hala na la he 15, e kuai kudala aku no au ke hiki aku i ka 5 o Sept. 1891, hora hora 12 awakea Poaono.
D. Kaoao.
264-dtf. Luna Pa Aupuni.
OLELO HOOLAHA.
Eia ma ka Pa Aupuni o Makiki nei kekahi mau lio helehewa, lio w eleele kiko keokeo ma ka lae, hao kuni ano-e hema hope, lio w eleele elua wawae keokeo hope, hookahi wawae keokeo o mua hema, hao kuni ano e hema hope, hao kuni @ ak. hope, kiko keokeo ma ka lae; lio w ulaula, elua wawae keokeo hope, keokeo loihi ma ka lae, hao @ ak hope hao @ hema hope; lio w ulaula, hauliuli keokeo loihi ma ka lae, eha wawae keokeo, hoomau hao kuni ano e ma ka aoao o na a-i. O ka mea a mau mea nona keia mau lio, e pono e kii koke mai o hala na la he 13, e kuai kudala aku no au ke hiki aku i ka la 22 o Augate, 1891, hora 12 awakea Poaono.
David Kaoao.
256-dtf. Luna Pa Aupuni.
Hoolaha Hookapu.
Ke hoike ia aku nei ka lohe i na ano kanaka a pau loa. Ua hookapu loa maua i ko maua mau Apana Aina ekolu i kapaia o Kalaheo, Kahaleula a me Puuoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai. Nolaila, ke papa loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hope paha, a e hooko ia e like me ke kuhikuhi a ke kanawai. O na poe a pau e makemake ana e komo ilokoo keia Hui, e pono lakou e hele mai e hui pu me Mrs. C.I. HIRAM, a i ole ia, me DAVID DAYTON, ai i ole ia KUKA.
Owau no me ka haahaa.
MRS. C.I. HIRAM.
Honolulu, Oahu, Oct. 8, 1890. 3 ms-d.
OLELO HOOLAHA.
E ike auanei na kanaka a pau, eia ma-ka Pa Aupuni o Makiki nei, kekahi lio hele hewa, hookahi lio k ahinahina, 1 wawae keokeo hope hema, hao kuni ano e ma ka aoao hema, hao kuni hou @ ma ka aoao akau hope, ekolu wawae ahinahina.
O ka mea a mau mea paha nona keia lio e pono e kii koke mai ina aole e kii koke mai a hala na la he 12, alaila, e kuai kudala aku no wau ma ka la 22 o Aug. M.H. 1891 awakea Poaono hola 12.
David Kaoao.
257 4ts-d* Luna Pa Aupuni.
Aila Kuai.
E LOAA NO MA KAHI O
J.F. COLBURN.
(KEONI KOLOBANA.)
Ma ke Kihi o na Alanui Nuuanu me Moi.
E loaa no no ke kumukuai haahaa loa o $2.50 o ka pahu. Hele mai hookahi, hele mai elua, hele mai no a pau.
Ko oukou hoaloha.
J.F. COLBURN.
Honolulu, Iulai 8, 1891. 232 dtf.
Hale Hana Wai Momona
WAI-ANIANI
Sam. @ad me John Grace na Ona.
Ka poe wale no na lakou e hana nei
NA WAI HOOMAEMAE KOKO KAULANA
oia hoi ka
SASEPARILA
-A ME KA-
WAI-HAO.
NA WAI MOMONA AWAPUHI,
SASEPARELA, LEMI, WAI
PIPII, SODAMAOLI, SI-
DA, KAMEPENA, &c.
Mutual 330-TELEPONOA-Bell 298
@
KUAI HOOPAU @
Mai keia manawa aku a hiki i ko Makou hoonee
ana aku iloko o ko makou
HALEKUAI HOU
Ma ke Alanui Papu,-(NA HALE BURUA.
E hoolilo aku ana Makou i ko Makou waiwai a
pau o na ano Lole:
NA LOLE NANI,
NA LOLE I HUMUIA,
KAPU A ME PAPALE,
PAHU LOLE, a pela aku
No na Uku Hooemi Loa Nae.
Egan & Gunn.
ALANUI MOI kokoke i ke ALANUI PAPU. tf-d.
HOOLAHA HOU
B.F. Ehlers & Co.-PAINAPA.
HELU 99 Alanui Papu.
IA OUKOU E NA MAKAMAKA A ME NA HOALOHA, OIAI HOI, UA makaukau makou i ke kuai ana aku ia oukou i na lako lole wahine o na ano Staila a pau; oia hoi-
Na Silika Hou Na Sateen hou
Na Mikilima hou Na Lihilihi hou
Na Lihilihi keokeo hou Na Lihilihi kau lole hou
Na ano Mamalu hou loa Na Paku Pukaaniani
Na lole hou o na wahine Na lole o na keiki liilii.
Na lole o kela a me keia ano e loaa no ia oukou no na kumukuai haahaa loa.
E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou. Owau me ka oiaio.
tf B.F. EHLERS & CO.
Poino i ka Wai!
POINO I KA WAI!
E hoomaka ana keia mawaena o
keia la a me ka Poalua a hiki mai
o keia pule ae, me ka nana ole ia o
na lilo.
N.S. SACHS.
263-dtf. Honolulu.
He Kuai Nui Hoopau aku.
E HOOMAKA ANA I KEIA
POAONO, AUGATE 1, 1891.
Ua lilo ko makou Waiwai he mea Mohai wale!
Ua Hoemiia ke Kumukuai ilalo, aole i ko Makou Pono, aka nou no-
Papa Kumukuai no 30 La wale no:
200 paa lihilihi keokeo puka aniani $ .90
20 i-a Kalakoa maikai 1.00
12 keokeo @ i-a laula 1.00
8 keokeo @ i-a laula 1.00
159 kakini lakeke o na Kamalii (huluhulu) .45
93 kakini kaʻe waihooluu o na wahine .05
Huluhulu no na paa lole kupono, .25 keneta o ka i-a, e kuai no makou i keia
mau la no 7 i-a no 1.00
Papale Kula o na Kamalii .25
Na Kawelo nunui, 2 no .25
Kakini eleele maikai .25
Na Palale i kahiko maikai ia 2.50
RUMI HANA LOLE MALUNA, HOLOKU etc., HANA IA ME KA OLUOLU
LOA, E HOOPAA AKU NO MAKOU NO NA KUMUKUAI MALUNA
NO 30 LA. NO KE DALA KUIKE WALE NO KEIA KUAI ANA.
C.J. FISHEL.
Ka makamua o na Hale lako o na Wahine, oia hoi ma alanui Papu a me Hotele, kahi i hanau ia ai na kuai hoo@ a ano nui no @ @