Ka Leo o ka Lahui, Volume II, Number 279, 14 September 1891 — Page 3
| This text was transcribed by: | Lynn Miyata |
| This work is dedicated to: | Dedicated to Miyata Ohana |
KA LEO O KA LAHUI.
"E Mau ke Ea o ka Aina i ka Pono."
HE UKU HE MOHAI.
Ua loaa mai ia makou kekahi lono, a ua lono la oia iho keia; Ua hiki aku kekahi taata imua o kekahi mau kapulani, ma ka la inehinei, a mohai aku la i ka uku a ka leo, he elua nunu a me na mea like a oia ka makou i hoomanao ae ai i keia wahi kanaenae ana —
Noho ana Kapo i ka Ulu wehiwehi
Ku ana iluna o Omao-hea-laia
O ka Ohai ku i Maunaloa
Aloha mai Kaulana ula
Ina ma’i Kaula la he ula leo
Aloha na’u ia olua e na kapulani.
O keia ka pule a ua wahi taata la i kahoahoa aku ai, nui no ka ike o keia hana ana.
A ke hoomanao hou ae nei makou, i keia kanaenae ana oia au —
Hoihoi oe i ka ehu me he Mo-i la
Ua ikea —
A ma kekahi ane nae hoi, ma ka makou hookuku ana, ua manao makou ua kaulike no, oiai ka Baibala i hoike mai ai.
E hoolaulea mua aku oe i kou mea i lawehala ai.
O ka mea e kala ia ma ka honua nei, oia ke kala ia e ko’u makua i ka lani.
Ina nae pela i’o kona kahua, aka hoi, ina ma ke alo o ka anela uhi o ka po, alaila, aole no e nele ka moku a hana hou aku.
HE MAU PAINA LEHULEHU.
Ma ka la hoomalolo nei ua nui a lehulehu na paina i malama ia ma na wahi like ole o ke kulanakauhale, ekolu mau paina mawano aku o kona mau palena, a iwaena o na hauoli ana o ka poe na lakou ua mau papaaina la, hookahi no ka berita laahia o ka makelemonia, oia hoi kela papaaina i malama ia mauka o Auwaiolimu-
Ua nui no hoaloha, na makamaka i akoakoa ae malaila, ua haupa kela a me keia i na kohi kelekele o ka papaaina i hoomakaukau ia, a ua inu hoi a kena i ka wai Kiheneikepili.
Ua maikai a maluhia na mea a pau, a hiki i ka wa i hookuu ia ai ke anaina e hoi i ko lakou wahi iho O ka makou e kalokalo ae nei, e uhai ia na la o na mea mare me ka hauoli, oia hoi ka noho lokahi o ke kane me ka wahine, oia ka Solomona i hoike mai ai: “O ka wahine noho pono, he papale alii ia no kana kane.” Nolaila, e malama na kane i na wahine, a e ao hoi ma na hana e pono ai keia noho’na mauleule. Amene, Amene.
KEKAHI KAMAAINA UAHALA.
Ma ka Malulani o ka Poalima i lohe ia mai ai ka make o T.J. Hayelden, eia iho ke ano o kona make ana. Ma ka hora 10 o ka po Poakelu, ua hele aku la ia e auau kai a liuliu iki ua hele aku la ka wahine a kahea, a lobe aku la no nae ia i ka leo me ke ano koliuliu, me he la ua hala i kahi manao loa no ia kumu, ua ano haohao loa ia no ka hoi koke ole mai o kana kane, a ua hoounaaku la i ka laua mau keiki e hele e imi, aka no ka pouli loa ua loaa ole aku la i na keiki, a ua lohe koke ia ae la keia hoi ole mai, ua hoomaka ia aku e imi a loaa aku la kona kino make ma ka aekai, ua hoopae ia mai e ke kai a waiho iuka, na kana keiki i i@ua aku na helehelena make o kona makuakane.
Ua manao ia o ke kumu o kona make, ua loaa ia i kekahi ma’i huki i kona wa e auau ana. He k’aikuaana ia no ka Hon. F. H. Hayselden (Kikaha) a ua haalele iho ia he wahine me na keiki elima e kumakena aku nona ma keia aoao o ka luakupapau, ua hoouna ia ka lohe i kona kaikuaana e noho ana ma Lanai, aole nae ia i hiki koke mai e ike i kona kaikuaana, oiai ua hoolewa ia no ia ma ia la. Aloha wale ia.
HE ANAINA HOOMANA MA BRITS HALE.
O na Halawai i malama mau ia iho nei ma Ariona Hale, ua uwai ia ae nei ma Brits Hale, ma ke kihi o na alanui Moi a me Kamika. E hoomaka ana ma na Lapule a pau ke anaina haipule i ka hora 10, o ka haiolelo ana i ka hora 11, mao ka mahele olelo ala, a i ka hora 7 o ke ahiahi no na mea a pau i lohe i ka olelo haole. Lunakahiko
A. Haws.
HE ILIO PAE HEWA.
Ua loaa ia’u ma ko’u wahi noho ma Peleula, ika la 20 o Aug, kekahi ilio opiopio; eia kona ano, eleele ka ihu, ulaula ke kino, keokeo na wahi wawae aieha. O ko ona nana keia wahi ilio, e pono oia e kii koke mai, me ka uku pu mai i ko’u mau lilo o ka hoolaha ana, a me kuu malama ana iaia, a ina e hala na la he 15, e lilo loa no ia’u keia ilio.
Owau no me ka oiaio
Moses Waakahuli.
Peleula, a i ole, ma kahi kuai paka.
*1 w d
OLELO HOOLAHA.
E ike auanei kanaka na a pau, eia ma ka pa aupuni o Makiki nei, kekahi lio. 1 lio wahine keokeo ki kokiko, 2 wawae mua paa i kapuai hao, hao kuni ar.o e. Lio k keokeo aole kuni. O ka mea nona keia lio, e pono oia e kii koke mai o hala auanei na la he 12, pau ia’u i ke kudala ia i ka la 19 o Sept, i ka hora 12 o ke awakea Poaono.
D. Kaoao.
273–dtf. Luna Pa Aupuni.
OLELO HOOLAHA.
Owau o ka mea nona na aina, o Makailio, Kamakalalaukalo, Kaluaopalena, ke papa akea aku nei i na mea a pau aole e hele wale maluna o ka aina, a aole hoi e kuai i na loi ai oo a me loi opiopio, me ka hele mua ole mai e kuka pu me a’u. O ka poe a pau e kue ana i keia olelo, maluna no o lakou ko lakou poho.
MELE AKONI ROSE.
Aug. 4, 1891. 251 3m-d*
Ka Buke Akeakamai.
...... A O ......
KE KI GULA
NO KEKAHI MUA MEA HUMA POHIHIHI I HULIIA E KA NOEAU O KE KANAKA.
KAKAU mua ia e ka Mea Hanohan DAVID KALAKAUA a me kekahi poe e ae he nui, a i Hoouluia, Hoo ponoponoia, a Hoomahuahua hou ia e Levi-i-Levi ole ia ka Akeaka mai Hawaii o ke Keneturia 19.
Mahele o ka Buke.
MAHELE I.
ZODIALOGIA—Hoike Ouli ma na kau lana Mahina.
MAHELE II.
NAEVIALOGIA — Hoike Ouli no ka lia o ke kanaka.
MAHELE III.
METRAGARATIMA — Ka hoike Ouli ma ka Hoonohonoh Huahelu ma ka Helu Kabala.
MAHELE IV.
ONEIROLOGI.
MAHELE V.
Ka Papa Konane Hoailona Pomaikai.
MAHELE VI.
Ka Ari@ Kamahao.
J. M. POEPOE
OLELO HOOLAHA.
Eia ma ka Pa Aupuni o Makiki nei kekahi mau lio helehewa, lio weleele kiko keokeo ma ka lae, hao kuni ano-e hema hope, lio w eleele elua wawae keokeo hope, hookahi wawae keokeo o mua hema, hao ku ni ano e hema hope, hao kuni lll ak. hope, kiko keokeo ma ka lae; lio w ulaula, elua wawae keokeo hope, keokeo loihi ma ka lae, hao Pak hope haolll hemahope; lio w ulaula, hauliuli keokeo loihi ma ka lae, eha wawae keokeo, he mau hao kuni ano e ma ka aoao o na a-i. O ka mea a mau mea nona keia mau lio, e pono e ku koke mai o hala na la he 13, e kuai kudala aku no au ke hiki aku i ka ia 22 o Augate, 1891, hora 12 awakea Poaono
David Kaoao.
256-dtf. Luna Pa Aupuni.
Hoolaha Hookapu.
Ke hoike ia aku nei ka lohe i oa ano kanaka a pau loa. Ua hookapu loa maua i ko maua mau Apana Aina ekolu i kapaia o Kalaheo, Kahaleula a me Puuoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai. Nolaila, ke papa loaia aku nei na holoholona o kela a me keia ano, aole e hookuu wale ia, maluna o ua mau Apana Aina ia, a o ka mea a mau mea paha e kue ana i keia, a hopu ia no e mana, a i ole ia, e ko maua mau hope paha, a e hooko ia e like me ke kuhikuhi a ke kanawai. O na poe a pau e makemake ana e komo iloko o keia Hui, e pono lakou e hele mai e hui pu me Mrs C. I. HIRAM, a i ole ia, me DAVID DAYTON, a i ole ia KUKA.
Owau no me ka haahaa.
MRS. C. I. HIRAM.
Honolulu, Oahu, Oct. 8, 1890. 3ms-d.
OLELO HOOLAHA.
E ike auanei na kanaka a pau, eia ma ka Pa Aupuni o Makiki nei, kekahi lio hele hewa, hookahi lio k ahinahina, 1 wawae keokeo hope hema, hao kuni ano e ma ka aoao hema, hao kuni hou + ma ka aoao akau hope, ekolu wawae ahinahina.
O ka mea a mau mea paha nona keia lio e pono e kii koke mai ina aole e kii koke mai a hala na la he 12, alaila, e kuai kudala aku no wau ma ka la 22 o Aug. M. H. 1891 awakea Poaono hola 12.
David Kaoao.
257 4ts-d* Luna Pa Aupuni.
Aila Kuai.
E LOAA NO MA KAHI O
J. F. COLBURN.
(KEONI KOLOBANA.)
Ma Ke Kihi o na Alanui Nuuanu me Moi.
E loaa no no ke kumukuai haahaa loa o $2.50 o ka pahu. Hele mai hookahi, hele mai elua, hele mai no a pau.
Ko oukou hoaloha,
J. F. COLBURN.
Honolulu, Iulai 8, 1891. 232 dtf.
Hale Hana Wai
Momona
WAI-ANIANI
Sam. had me John Grace na Ona.
Ka poe wale no na lakou e haua nei NA WAI HOOMAEMAE KOKO KAULANA oia hoi ka
SASEPARILA
— A ME KA —
WAI-HAO.
NA WAI MOMONA AWAPUHI,
SASEPARELA, LEMI, WAI
PIPII, SODAMAOLI, SIDA. KAMEPENA, @.
Mutual SS@ TELEPONA – Bell @
KUAI HOOPAU HUI.
Mai keia manawa aku a hiki i ko Makou hoonee
ana aku iloko o ko makou
HALEKUAI HOU
Ma ke Alanui Papu, — (NA HALE BURUA.
E hoolilo aku ana Makou i ko Makou waiwai a pau o na ano Lele:
NA LOLE NANI,
NA LOLE I HUMUIA.
KAPU A ME PAPALE
PAHU LOLE, a pole akua
No na Uku Hooemi Loa Nae.
Egan & Gunn.
ALANUI MOI kokoke i ke ALANUI PAPU. tf—d.
HOOLAHA HOU
B. F. Ehlers & Co — PAINAPA.
HELU 99 Alanui Papu.
IA OUKOU E NA MAKAMAKA A ME NA HOALAHA, OIAI HOI, UA makaukau makou i ke kuai hoopoho aku i na lole o na Wahine, Kane a me na Kamalii, oiai, e hoi mai ana o B. F. EHLERS me na lole hou ma keia moku mai a oia ke kumu o ko makou hoopoho ana, i kaawale ai na wahi no na LOLE HOU.
E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou.
Owau me ka oiaio,
tf B. F. EHLERS & CO.
Poino i ka Wai!
POINO I KA WAI!
E hoomaka ana keia mawaena o keia la a me ka Poalua a hiki mai o keia pule ae, me ka nana ole ia o na lilo.
N. S. SACHS.
263-dtf. Honolulu.
He Kuai Nui Hoopau aku.
E HOOMAKA ANA I KEIA
POAONO, AUGATE 1, 1891.
Ua Lilo ko makou Waiwai he mea Mohai wale!
Ua Hoemiia ke Kumukuai ilalo, aole i ko Makou Pono, aka nou no-
Papa Kumukuai no 30 La wale no:
200 pas lihilihi keokeo puka aniani................................................................ $ .90
20 i-a Kalakoa maikai.................................................................................... 1.00
12 keokeo l i-a laula....................................................................................... 1.00
8 keokeo l i-a laula......................................................................................... 1.00
159 kakini lakeke o na Kamalii (huluhulu...................................................... .45
93 kakini ka’e waihooluu o na wahine........................................................... .05
Huluhulu no na paa lole kupono, .25 koneta o ka i-a, e kuai ao makou i kula
mau la no 7 i-a no........................................................................................... 1.00
Papale Kula o na Kamalii............................................................................... .25
Na Kawele nunui, 2 no.................................................................................. .25
Kakini oleole maikai...................................................................................... .25
Na Papale i kabiko maikai ia.......................................................................... 3.50
RUM (HANA LOLE MALUNA. HOLOKU etc., HANA IA ME KA OLUOLU LOA. E HOOPAA AKU NO MAKOU NO NA KUMUKUAI MALUNA NO SO LA. NO KK DALA KUIKE WALE NO KEIA KUAI ANA.
C. J. Fishel
Ka makamua o na Hale lako o na Wahine, oia hoi @
Holele, kahi i @ ai na kuai hoopono a ano nui no hoi.