Ka Leo o ka Lahui, Volume II, Number 297, 8 October 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

NUHOU O NA AINA E.

 

  Maluna mai o ka mokupe'a Waila, mai Kapalakiko mai, ua loaa mai he mau nupepa e hoike ana i na mea hou o na aina mamao:

  Ua lawe ae o Peresidena Balamaceda i kona ola. Mamua o kona haka ana pela, ua kakau iho oia a waiho he leta i kahi o kona hoaloha, ke Kuhina o ka Repubalika o ka Argentine.

  Ua ulu ae na haunaele ma Kili mawaena o na koa, ma ke ano kuhalahala no ka ai, a no ko lakou hoihoi ole ia no ko lakou home.

  Ua hoopau ia ka laibela elua ana a ke aupuni Amerika i ka moku Itata. no ka hahaki ana i ke kanawai dute awa.

  Ma ka la 22 o Sepatemaba, ua ike aku ke aupuni o Enelani i ke aupuni ahaolelo o Kili.

  Ua hoomaka ae ka haunaele kipi ma Kina, a me he la, a me he la, e pau pu ana me ka poe haole i ka luku ia ke loaa i ka poe kipi, oiai, no lakou kekahi kumu o keia kipi ana. Ua huliamahi ke awaawa o ka muliwai Yangtae-kiang. Aneane na kulanakauhale o ka mokuaina e Viceroe e kipi. Ke holo nei na haole mai Shanghai aku no ka hopohopo. Ke hoakoakoa ia ala he ekolu mokukaua ma Shanghai.

  Ua holo aku ke Kuhina Farani Lemaire no Pekina.

  Ke hoomakaukau ia o Europa no ke kaua.

  Ua haiolelo ae ke Duke Nui o Baden i ka Puali Mahele Kaua o ka hema komohana o Geremania penei: "Ua kokoke mai ka manawa o Geremanaia e unuhi hou ai i ka pahikaua no ka malama ana i kona kuokoa e kue aku i ka enemi i ike ole i ke ao a ka hoopio kaua kahewai o ke koko. O ka hanohano o ka hana mua a ka pualikoa o Badena, oia no ke kakoo ana i ka hauna mua, i ka hoolele ana i ka poka mua a papahi hoi i ka lanakila mua."

  Ma Viena, i ka la 22 o Sept , ua hui ae ka Emepera o Auseturia me kona aha kuhina, a hooholo iho la, he 6,000,000 florina, a e hoopuipui i ka ikaika i na kiai hoomalu o ka wa kaua ole.

  He leta ka ka nupepa `Standard' o Ladana, e hoike ana, ua hoouna ia aku kekahi mau aliikoa e hooma kaukau i palapala kii aiua o ka mo kuaina Karaimia, no ka Oihana Kaua o Rusia.

  Ua waiho ae ke Kuhina Kana o Holani, i ka manao e hoolilo ia i manawa e lilo ai na mea a pau i koa e like me na aina e.

  Ke manao ia la, e na'i papa ae ana ka unihi ia i kekahi mau mokuaina o ka Repubalika o Argentine.

  Ua kipi ae na Arabia ma ka mokuaina o Yemen, a ua haalele iho ke kiaaina o ia Panalaau o Tureke me na luna aupuni, a ua lanakila na kipi, a e manao ana lakou e lawe ia Mecca, a e hoonoho aku i alii kalepa Arabia.

  Ua lukuia kekahi o na kahua hoomana o ka Farani ma Giana, e na kamaaina o ia wahi.

  Nui ka pilikia make-ai ma Rusia. Ua manao ia, e ahulau ana ka make no ka nele ke noho pono mai ke anu. Na haawi na Kuhina o Rusia i ko lakou au uku oihana i kokua ao ka poe pilikia.

  Nui ka ino ma Enelani, a nui na moku i ili a poino.

   @   Ke hoike ia aku nei ka lohe i na poe lawe pepa a pau a Mr. Palao, ua hoopau ia kona lawe ana i ka nupepa "Ka Leo," a ua oki ia aku kona moa mai na luna aku no keia pepa; nolaila, o ka poe i aie i keia pepa, e oluolu e hookaa mai ma keia keena. Ma ke Kauoha.

 

HOOLAHA KAI O HEE.

  Ke hoike ia aku nei ka lohe i na poe a pau e makemake ana e o hee, e hele mai ma ko'u wahi, oiai e o ana ka hee o ke kai o Koula, ina la 24, 26 a me 27, no ka uku $2.00 o ka mea hookahi no keia mau kakahiaka ekolu, e hui mua me a'u mamua o ka hele ana iloko o ke kai, a e uku mua ia mai hoi ka auhau.

           D. Kailimai.

297-3tsd.*

 

OLELO HOOLAHA.

  E ike auanei na kanaka a pau, eia ma ka pa aupuni o Makiki nei kekahi mau lio helehewa. Lio k, ulaula kikokiko keokeo ma ka lae, ekolu wawae eleele hookahi wawae keokeo hope hema, hao kuni ano e uha hope akau, hao kuni ano e uha hope hema. Lio w ulaula, hauliuli keokeo loihi ma ka lae, eha wawae keokeo, hao kuni ano e ma na aoao a elua o ka a-i. O ka mea a mau mea paha nona keia mau lio. e pono e kii koke mai o hala na la he 15, e kuai kudala aku no au no ke hiki ika la 10 o Okatoba, 1891.

         D. KAOAO.

Sept. 23,286-d1w. Luna pa Aupuni.

 

NAWAHI -ME HUNTSMAN

 

NA LOIO LAHUI!

  Ua makaukau maua e kokua aku i na poe o ka Lahui i loohia ia e na pilikia kivila a hewa paha; a e koi a e hoopii aku ma kekahi o ia mau ano imua o na
Aha Kanawai, mamuli o na uku i ae ike ia. Aia no ko maua keena Loio ma ke kihi akau o na alanui Moi a me Alakea maloko o ke kulanakauhale o Honolulu. Na hora hana mau, mai ka hora 9 am, a 3 pm., ma ka Poaono nae, e pau ana i ka hora 12 m.

 

MOOLAHA KAI KONOHIKI.

  Ke pa leo aku nei ke Konohiki o Waiaiae, i kona mau hoaloha a me na hoaaina o kona Aina, ua hoolimalima aku oia i ke kai i keia manawa, a ua hookapu iho oia i ka hee nona iho, a nolaila, ke poloai aku nei oia e ike a hoomaopopo i keia leo ia.         Owau no,

3me-d.           PAULO  ISENBEERG

 

LEI PU-PU !  LEI PU-PU !!

  Ua makemake ka Hui o Haka ma, i 100 Le-i Pu-pu i hakuia, mai ka elua e ekolu papa o ka lei hookahi. Ina o ka poe e loaa ana o keia mau lei, e hoike ae ia

               HAKA MA.

  Hale Aiwaihau, alanui Hotele.

Sept. 23, 1891. 286-d3ts.

 

Haule !  Haule !

$5.00 Makana  $5.00 Makana.

 

  E HAAWI ia no keia uku makana i ka mea e hoihei mai ana i kekahi pale-noho ili noho paniolo i haule i ka piina ana mai o ka Nuku o Nuuanu. E hoihoi ia mai ma keia Keena ke loaa.      286  1w.

 

NALOWALE.

  Ua haule ka Buke Banako Hale Leta Helu 2222. E oluolu i ka mea e loaa ana e hoihoi mai ma keia keena pa'i.          247-tf.

OLELO HOOLAHA.

  E ike auanei na kanaka apau, eia ma ka Pa Aupuni o Makiki nei, kekahi lio hele hewa, lio w, ulaula, 4 wawae keokeo, kikokiko keokeo ma ke kua, kiko keokeo ma ka lae hao kuni ano-e hope ak. O ka mea a mau mea nona keia lio, e pono e kii koke mai, o hala na la he 14 e kuai kudala aku no au ke hiki aku i ka la 17 o Okatoba 1891.

          D. Kaoao

        Luna Pa Aupuni.

Honolulu, Okatoba 5, 1891.  d-3ts.

 

Hoolaha Hookapu.

  'Ke hoike ia aku nei ka lohe i na ano kanaka a pau loa. Ua hookapu loa mana i ko mana mau Apana Aina ekolu i kapaia o Kalaheo, Kahaleula a me Puuoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai. Nolaila, ke papa loa ia aku nei na holoholona o kela a me keia ano, aole e hookuu wale ia maluna oua mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hope paha, a e hooko ia e like me ke kuhikuhi a ke kanawai. O na poe a pau e makemake ana e komo iloko o keia Hui, e pono lakou e hele mai e hui pu me Mrs. C. I. HIRAM, a i ole la, me DAVID DAYTON, a i ole ia KUKA.

          Owau no me ka haahaa.

             MRS. C. I. HIRAM.

Honolulu, Oahu. Oct. 8, 1890,     3ms-d.

 

KALOA & WAINEE

NA KAMAKA HUI KUKULU HALE.

(Me ka uku haaha.)

  O na kauoha mai na mokupuni mai e hoauna pololei mai i na mea no laua na inoa maluna ae, a e loaa no maua i kela Hale Hou ma ke kihi o na Alanui Nuuanu me Kukui ma Honolulu.

      S. K. Kaloa. & Geo. Wainee,

w-4ts Sept 11, 1891.

 

Kauka Young Kam

Pung.

(APANA.)

 

Helu 53, Alanui Maunakea.

Ke Kauka Loea o ka

Aina Pau!

 

Ua hiki ke hoola ia kela a me keia ane

ma'i, mai ko na kane, wahine a me

na keiki liilii. O na ma'i ha-no

na hiki loa ia ke hoola ia me

ka maalahi. A o na ma'i

e pili ana i ka maka

pau pu ia i ke

ola. Ke

hoike ia aku nei,

ia aku nei.

eia ke ola ia nei, me

ka oluolu pu o kahi

auhau. Ka poo pilikia hanau

keiki a hele nui paha o ke koko,

a paa a lohi paha ka hanau ana, paa

paha o ka waiu, e hele nui mai i o'u nei.

 

  @   E KIPA mai e ka poe i hooluuluu ia me na haawina pilihuaa ka ma'i, a na'u oukou e honluulu aku.

KAUKA YONG KAM PUNG.

Honolulu Sept. 2, 1891.     272--d3m*

 

I KA LEHULEHU HAWAII

  Ke hooiaio aku noi ka mea nona ka inoa malalo, ua hoolaia ka'u wahine mai ka pilikia hoomailo a ka ma'i kokopaa, ka'u keiki elua makahiki hoi mai ka aneane loa ana e make i ka ma'i emi pu wale no o ke kino, oia hoi ka pilikia ai maloko o ke kino. Mai ke ola ana o ka ma'i a hiki i keia la, aole i hoea hou mai ua pilihua o ia ano. Ke kono nei au i na makamaka Hawaii o'u e hele ao ia Kauka Apana (Yong Kum Pung) a e loaa no ka maha. Mai kanalua ma na ano elua--oia ka oluolu o na pilikia ma'i a me ka haahaa o na auhau ana.       Ne Ka oiaio

                P. M. AKA.

 

KUAI  HOOPAU  NUI.

 

Mai keia manawa aku a hiki i ko Makou hoonee

ana aku iloko o ko makou

 

HALEKUAI  HOU

Ma ke Alanui Papu,--(NA HALE BURUA.

E hoolilo aku ana Makou i ko Makou waiwai a

pau o na ano Lole:

     NA LOLE NANI,

           NA LOLE I MUMUIA,

                  KAPU A ME PAPALE

                        PAHU LOLE, a pela ak@

No na Uku Hooemi Loa Nae.

                       Egan & Gunn.

ALANUI MOI kokoke i ke ALANUI PAPU.                  tf--d.

 

Poino i ka

Wai!

POINO I KA WAI:

  E hoomaka ana keia mawaena o

keia la a me ka Poalua a hiki mai

o keia pule ae, me ka nana ole ia o

na lilo.

                      N. S. SACHS.

263-dtf.                   Honolulu.

 

HOOLAHA HOU

 

B. F. Ehlers & Co--PAINAPA. @

 

HELU 99 Alanui Papu.

IA OUKOU E NA MAKAMAKA A ME NA HOALOHA, OIAI HOI, @a makaukau makou i ke kuai hoopoho aku i na lole o na  Wahine, Kane a m@ na Kamalii, oiai, e hoi mai ana o R. F. EHLERS me na lole hou ma keia moku mai a oia ke kumu o ko makou kuai hoopoho ana, i kaawale ai na wahi no na LOLKHOU.

   @   E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou.    Owau me ka oiaio,

    tf                      B. F. EHLERS & CO.