Ka Leo o ka Lahui, Volume II, Number 299, 12 October 1891 — Page 2
| This text was transcribed by: | Elaine Ching |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
MA KE KAUOHA.
KUAI O KA HOOLIMALIMAO NA AINA AUPUNI O KAHOIWAI, MANOA, OAHU.
Ma ka Poakolu, Nov. 18, ma ke alo iho o Aliiolani Hale, hora 12 awakea, e kuai ia aku ai ka hoolimalima o ka aina aupuni o Kahoiwai, Manoa Oahu, nona na eka he 17 ½ oi a emi mai paha.
Manawa he 15 makahiki.
Kumu koho e hoomaka ai he $20 no ka makahiki. Uku hapa makahiki mamua.
C.N.SPENCER,
Kuhina Kalaiaina.
Keena Kalaiaina, Oct. 10, 1891.
299-4t.
NA APANA AINA PA-HALE KUAI MA KA AOAO MAUKA O ALANUI WAILA, A MAWAEO ALANUI MAKIKI A ME KA LAINA O ALANUI KEWALO, MAKIKI, HONOLULU OAHU.
HE 33 ka nui o na pa i hoolala ia, ma ka aoao mauka o Waila, a mawaena o ke alanui Makiki a me ka laina o ke alanui Kewalo, Makiki mawaena ka nui o .75 a .79 o ka eka, a ua makaukau ano no ke kuai.
E lawe ia no na palapala nonoi no keia mau apana aina pahale, ma ke Keena Kalaiaina, ma na kumukuai e hookumu aku ai ke koho ana e loaa ana ma ke ke Keena Aina, e loli ana mai ka $250 a ka $500 no ka pa hookahi, e like me ka nui a me kahi e waiho la.
E hoike mai hoi ka mea noi, he makemake kuai kona me ka manao e kukulu a hoohana hou ana ma ka aina.
He kuike kuai ana, a i ole, he uku hapaha e like me ka makemake o ka mea kuai,a o ke koena, e ulnu ia ma ka puunaue like ana iloko o hookahi, elua a me ekolu mau makahiki, me ka ukupanee he @ keneta o ka makahiki, e uku pa hapa makahiki ia.
E hoopuni hoi ka mea kuai i ka aina me ka pa kupono a maikai ilo ko o hookahi makahiki mai ka lilo ana laia, a e hoomoe i ka wai mai na paipu wai aupuni mai.
E hoopuka ia aku no na Palapala Sila no ka aina ma ke kaa pau ana mai o ke dala. E ike ia no ke kii o keia mau aina ma ke Keena Aina a me na hoakakaana a pau.
Aneane e hoomoe ia aku na alanui, a e hoomoe ia na paipu wai o ke alanui e pili ana i keia mau pa aina ma keia manawa mamua koke iho.
C. N. SPENCER.
Kuhina Kalaiaina.
Keena Kalaiaina, Oct. 4. 299—10tsd
Ua hookohu ia i keia la o Mr. S. E. Kaiue i Komisina Ala Liilii a me pono wai no ka Apana o Wailuku, Mokupuni o Maui, ma kahi o Eugene Bal@ waiho mai.
C. N. SPENCER,
Kuhinia Kalaiaina.
Keena Kalaiaina, Sept. 30, 1891. 293 3tsd.
I kulike ai me ka Pauku 1, Mokuna XXXV o ke kanawai o ka makahiki 1888. Ua loaa ia ko kuleana e mahele i na Pa Aupuni o Kekaha i elua apana, o kekahi apana aina aupuni makai o ke alanui aupuni o Kamanemana ma Kaloa Kona Akau, Hawaii.
I kulike ai me ka Pauku 2. Mokuna XXXV o ke kanawai o ka ma kahiki 1888. I keia la, ke hookohu ia aku nei o Mr. C. K. Kapa, i Luna Pa Aupuni no Kamanamana, Koloa, Kona Akau Hawaii.
C. N. SPENCER.
Kuhina Kalaiaina,
Keena Kalaiaina, Sept. 29, 1891. 291 3tsd.
KA LEO O KA LAHUI.
JNO. E. BUSH.
Lunahooponopono a me Puuku.
POAKAHI, OKATOBA 12, 1891.
KE KUHINA KAAKA.
Ma kekahi itamu mai na nupepa ua ike iho makou i keia no Mr. Kaaka:
“He ohua o Mr. Kaaka, he Kuhina no kekahi mau makahiki, he Hawaii i huli hoi aku no Nu Ioka, maluna o ka mokumahu Werra. He mai loihi kona, i ua haawi ia aku he kaa alahao nona e na luna o alanui hao o Perusia, a ua lawe pololei ia aku ia a kahi o ka moku e ku ana mai Hamebaga aku.
KA OPIUMA.
Eia iho kahi moku kuna mai Iapana a mai Kina mai ke kiai ia mai nei, ua ku mai me na tona opiuma. Eia na hoopae opiuma ke kiai ia nei i ka moku. Ua like lakou me ka uku, e ike ia ana maanei, a i ka hoomaopopo ana aole ka, aia aku la ma kahi e, ma kahi aole i manaoia. Ke hele hookano nei keia poe, me na minoaka, e hoonaikole ana i ka poe hoopono. Eia no hoi lakou ke hana nei i ka lakou hana me ka wiwo ole me he la, aole o lakou kanalua no na luna aupuni a no ke kanawai. Ke hele kohana nei ka hewa maluna o ka aina, a me he mea la ua make ka aina a me na kanaka hoopono mahope o ke ake e hoowaiwai a lilo i poe ona miliona.
Ina e ike ia ana na haua hewa ua makau na kanaka i ka hoike ae. No ke aha? No ko lakou hopohopo o lilo ko lakou hoike no ka pono, i mea e ahewa ia ai ko lakou mau hoaloha a me ko lakou mau hoalauna. Minamina makou i ka lohe ana i keia kulana.
Ua lohe makou i ka ike maka ana i kekahi mau hoahanau Kalawina e noho ala ma Pauoa, i ka halawai malu o na haole me na lako kaua, i na la e upu ia ana e kii e hopu i ka Moiwahine ke hoi mai mai kana huakai mai Maui mai. Ua hai ia mai no hoi makou i ka papa maoli ana aku no o kekahi hoahanau aole e kamailio i ko lakou ike.
Make ka aina ke make la ka hoopono o ka haipule i na hana a ka ai a e hana ana i na hana powa. O kekahi mea i ike maka ka i olelo i kona ike, aka, ua pani ia kona waha, oiai oia he paahana no ka aoao powa. O ke kanaka pena nae e no ho la i ike i keia mau hana he hoahanau oia, aka, ma keia hana, ua Ane-Karisto oia, a he kanikani wa ha kona hoopono e like me ko ka Paresaio.
Pela hoi ka opiuma. He hoopii opiuma kahiko ke waiho nei, ahea la hoi e hoao ia ai? Aia anei a hiki mai ka milenia? He kupaianaha ka hoolilo ia o ka pono i mea paani no kekahi poe.
E hoomanao ka lahui i keia mau mea a e malama kakou i ka hanu ma keia mua aku, o kipa hewa aua nei ke aloha i kahi o ka hewa, ka make.
O KA LEHULEHU KO’U HOIKE.
Ma ka nupepa Kuokoa a me Paoaina i huii ia, o ka la 3 o Oct, nona ko poo manao “Ka Hui Kalaiaina a me kona kino wailua paha’oha’o, a i ole ia ke Kino Iiwi Ola Kupanaha.”
O ka mea nona ka inoa huna, ke kiu ma kona ano, he ilio nahu ihu a Kakuhihewa, na ala mai kona mau hulu a keke hoi na niho a onioni hoi ka huelo, a lele mai la e nahu i ka hala ole, a no ke ko ole o kona iini i ua mea hanohano la o ka apana o Wailuku Akau, ma kona hoopuka ana i na huaolelo oiaio ole, a ku maoli i ka hoopunipuni ino loa i ike ole ia ma ka lehelehe o na daimonia, peniei na mahele manao:
1. Ua hele loa kona manao a hailiili maoli, ma ke ano hupo a kuaaina hoi. Ina aole oe e huna i kou inoa e kiu, a ina hoi eia no oe imua o ka lehulehu e m@aio nei, e ninau ana au ia oe penei:
“Heaha na olelo a’u i hailiili ai, ia wai la ia olelo ana, a heaha hoi no olelo hupo a ku i ke ano kuaaina?” E oluolu oe e hai ae ma ke akea a me kou inoa ponoi.
Na Olelo Hoakaka.
Kumuhana o ka Hui Kalaiaina—Na kahua o ke Aupuni a @ae ke Kumukanawai.
1. Ua manao makou, mahope iho o ka lawe ia ana o na kumuhana he 12, a ma ke noi e noonoo pakahi ia ai na pauku pakahi, hooholo ia e hoomaka ana ma ka pauku 1 aku:
Owau iho ma ko’u ano wahaolelo no ka apana o Wailuku Akau o ka makahiki 1890, penei na mano alakai:
1. O na Hawaii, na hapa haole a me na haole i hanau ia ma ka lepo o ke aupuni Hawaii, he hookahi kakou ma na ano a pau.
2. Ua hana ia ke kanaka i kinohi ma ke ano kuokoa, a he alii hoi maluna o na mea a pau.
3. O na pono pilipaa o ke kanaka, oia no ke ola, ka noho keakea ole ia mai, a me ka imi ana i waiwai e oluolu ai a e maluhia ai hoi.
4. O ka hookumu hou ana i kumukanawai hou no ke aupuni, ina e loaa ana i ka lahui he mau lunamakaainana kupono no ke kau o 1892 e hiki mai ana, aia wale no ka lanakila o keia kumuhana a lokahi ka lahui a hana hoi na lunamakaainana a me na alii me ka oiaio, alaila, e loaa auanei he aupuni nohoana lanakila kaulike no ka lehulehu, ma o ka Lehulehu la a no ka Lehulehu hoi.
O keia ae la ka’u mau olelo imua o ka nalawai a ka Hui Kalaiama i noho ai ma ka hale paikau kahiko, ma ka Poakahi la 28 o Sept. i noho lunahoomalu ia e J. A. Kahoonei, a ke waiho aku nei au na ka lahui e kaupaona ia’u a me keia kiu makau wale.
Heaha la ka manao o keia kiu, e hoinoino ana paha ia’u no ke kau holo balota paha ma Wailuku Akau i keia makahiki ae. E aha la ia e poalo nei? Ua ike ka lehulehu ma kela po aole loa a’u mau olelo hailiili a pilikino hoi i kekahi hoa kanaka, aole au he kanaka maa ia hana, e ninau i na makaainana o Wailuku holookoo, eha ae nei a’u mau kau i noho ai i ka Ahaolelo,le au i kamailio iki hookahi huaolelo hailiili a ano hupo hoi. Ua maopopo ia’u kou ano e ke kiu, a na ke au o ka manawa e hoike ao ma ke akea. Ke haawi nei au ia oe i na hoomaikai ana, no ka loaa ana i kou uhane na mano hakuepa daimonia. Ua lawa.
L. W. P. Kanealii.
Oct. 4, 1891.
Make o A. L. Smith.
Me ke aloha makou e hoike aku nei i ka make o keia kanaka opio i hanau ia ma Hawaii nei, i ke 39 a me 10 mahina o kona mau ma keia ola ana. E ola maikai ana no oia a keia mau pule aku nei, loaa iho la oia i ka ma’i ho, a mahope, luai koko. He hano no kona ma’i mau, a i ka loaa ana iho hoi i keia mau ma’i hou, ua haalele mai ka hanu, a ua lanakila ka make malu na ona no keia manawa. Ua hala aku kona mau luaui, a he kaikuahine o Mrs. Dilinahama, he wahine o ka mare koke ana iho nei no, aole paha i ekolu malama, e u a e kanikau nona. O keia hookahi ke keiki misionari a makou i hoomaopopo aku ai i lohe ole ia e hoino ana i ka lohui Hawaii, a me he la, e like me ka hana aloha a kona mau makua, pela no oia i hana ai e like me ka haawina i loaa iaia. Aloha no ia keiki hanau o ka aina nei.
E kanikau kakou me ka manaolana ana, e moe oia a kani mai ka leo o ka pu a Mikaela, e ala mai ana oia a e loaa ana iaia ka olelo: “Eia kahi ou i hoomakaukau ia’i.”
He nanea puhi ohe ko keia no ma ka Ema Kuea i keia po.
Ke kauoha, ia aku nei, na luna lawe nupepa a pau o Ka Leo, e hoihoi mai i na pepa o ka la 11, 14, 15, 16, 17 o Sepatemaba, ina he mau helu koe o keia mau la ia oukou.
Ma ke Kauoha.
E na Luna Lawe Pepa o ka Leo o ka Lahui, ke hai ia aku nei ka lohe ia oukou, ina he mau helu koe o ka la 3 o Augate nei, oia hoi ka Poakahi mua, alaila e pono e hoi hoi mai i keia keena.
HE HOOLAHA.
I na mea a pau no lakou kekahi aina ma Kalihi Oahu i loaa he pono wai, e akehele mai oukou i ke kakau ana i na inoa o oukou maluna o kekahi palapala noi e lawe hele ia nei e kekahi poe, e hana ke aupuni i mau lua hooki’o wai mauka o Kalihi no ka mea, no ko oukou mau aina no ka wai, aole e hiki i ke Aupuni ke lawe wale i ko oukou mau ponon wai me ko oukou ae ole a me ka uku pu hoi ia oukou no ia pono wai i lawe ia. Ina e kakauinoa oukou i ka palpala noi, ua like no ia me ko oukou ae ana e hoouele ia na aina, o oukou i ka wai, nolaila, e akehele mai oukou. Aole wai i koe o ke aupuni ma Kalihi, ua pau na aina i ke kuai ia, a ua lilo pu me ka wai i ka poe mea aina. E akehele, mai puni wale aku. Owau iho no me ka oiaio.
W. L. Wilcox.
He Kuai Nui Hoopau aku.
E Hoomaka ana i keia
POAONO, AUGATE 1, 1891.
Ua Lilo ko makou Waiwai he mea Mohai wale!
Ua Hoemiia ke Kumukuai ilalo, aole i ko Makou Pono, aka nou no.
Papa Kumukuai no 30 La wale no:
200 pua lihilihi keokeo puka aniani...................................................................$ .90
20 i-a Kalakoa maikai....................................................................................... 1.00
12 keokeo 1 i-a laula......................................................................................... 1.00
8 keokeo 1 i-a laula......................................................................................... 1.00
158 kakini lakeke o na Kamalii (huluhulu......................................................... .45
93 kakiui ka’e waihooluu o na wahine............................................................. .05
Huluhulu no na paa lole kupono, .25 keneta o ka i a, e kuai no makou i keia
mu’u la no 7 i-a no........................................................................................... 1.00
Papale Kula o na Kamalii.................................................................................. .25
Na Kawele nunui, 2 no..................................................................................... .25
Kakiui eleele maikai ........................................................................................ .25
Na Papale i kahiko maikai ia ........................................................................... 2.50
KUMI HANA LOLE MALUNA, HOLOKU etc., HANA IA ME KA OLUOLU LOA. e HOOPAA AKU NO MAKOU NO NA KUMUKUAI MALUNA NO 30 LA. NO KE DALA KUIKE WALE NO KEIA KUAI ANA.
C. J. Fishel
Ka makamua o na Hale lako o na Wahine, oia hoi ma alanui @ a me Hoele, kahi i hanau ia ai na kuai hoopono a ano nui no hoi. 49-dt