Ka Leo o ka Lahui, Volume II, Number 299, 12 October 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

NUHOU KULOKO.

            Eia i ke kaona nei na Iapana i hoohuoi ia ai, na laua i pepehi kela Iapana ma Wailuku Maui.

            He keu a ka ikiiki o ka la inehinei ke hele ala a lali aku lali mai ka poe kino nunui hele pule.

            Ke ole a alai ia e na kumu i ike ole ia, e ku mai ana ka mokuahi Auseteralia i o kakou nei i ka la apopo.

            Wahi a ko makou lohe mai, aole no ka he piha loa o ka ahaaina ma Manana i ka Poaono nei, i haawi ia e ka hui alahao.  He keu aku.

            He komo kapa-hau ke huaolelo a kekahi mau alakeko i ke kakahiaka onehinei, a o ke ano ka o ia, no ka wela kikiki ka o ka la inehinei.  O-ho!

            I ka Ema Kuea ka bana kahi i hoonanea ai i ka auina la Poaono nei, mahope iho o ko lakou huli hoi ana mai mai ka i`a hamau leo mai o Ewa.

            He hoolaha malalo o ke poo Ma ke Kauoha, ke hoopuka ia aku nei ma ka pepa o keia la, he mau pahale hoolimalima hou no.  Mai poina i ke kilohi ae.

            Ma na lono i loaa mai nei ma ka Mikahala, i ke kakahiaka onehinei, ua lohe ia mai, ke holopapa la ma Koloa, Kauai, a he ku ka ka maea ma kehaki mau wahi.

            E alawa ae i ka leka a ko makou makamaka Hon. L.W.P. Kanealii e hoopuka ia aku nei ma ka pepa o keia la, e pane ana i na mea i hoopuka ia ma ka nupepa “Kuokoa.”

            Ua kukala leo nui ae ka bele hoailona pauahi i ke ahiahi o ka Poaono iho nei; a i ka maopopo ana, eia ka, no kahi o ke `lii Bihopa ma alanui Ema, aohe no nae he nui o ke ahi.

            Ua lohe mai makou, e hoohalike ia aku ana ka hoohana ia ana o na lio o ka hui Kaawai Helu 2 me ko ka hui Kaawai Helu 1.  E ano puikaika aku ana paha na kakele ana o keia mau hui elua.

            Nui na leta hoohalahala a na makamaka, no kekahi mau luna aupuni o na kuaaina; aka, o ka makou kauleo nae ia oukou e na makamaka, e hoopii ae imua o ka Aha Kiekie, aole ia makou e hoopii mai ai.

            Ma ka hale inu@rama Pantheon i ka po Poaono, i ke ia aku ai kekahi mau keiki Hawaii maka hanohano o kakou, ua pau nui i sahi`ohi`o, a o ka lakou hana, oia no ke aumeume papale ana; a o ka mea aka nae, ua lepe pu ke po`i o ka papale o kekahi o lakou.

            Ua hoolohe ka Aha Kiekie make keena imua o lunakanawai Dole, i ka hoopii a na pake ia Aseu, o Alee ka ayena o Kina a me ke Komisina Wodehouse kekahi malaila, i hoolono ae i ka hana imua o ka Aha.  O Mr. S. Hatawela ma ka aoao hoopii, a o Mr. Hatch, ma ka aoao o Aseu.

            Ke hoike ia aku nei ka lohe i na poe lawe pepa a pau a Mr. Palao, ua hoopau ia kona lawe ana i ka nupepa “Ka Leo,” a ua oki ia aku kona moa mai na luna aku no keia pepa; nolaila, o ka poe i aie i keia pepa, e oluolu e hookaa mai ma keia keena.  Ma ke Kauoha.

 

HOOLAHA KAI O HEE.

            Ke hoike ia aku nei ka lohe i na poe a pau e makemake ana e o hee, e hele mai ma ko`u wahi, oiai e o ana ke hee o ke kai o Koula, ina la 24. 26. a me 27, no ka uku $2.00 o ka mea hookahi no keia mau kakahiaka ekolu, e hui mua me a`u mamua o ka hele ana iloko o ke kai, a e uku mua ia mai hoi ka auhau.  D. Kailimai.  297-3tsd.*

 

OLELO HOOLAHA.

            Owau o ka mea nona na aina o Makailio.  Kamakalalaukalo, Kaluaopalena, ke papa akea aku nei i na mea a pau aole e hele wale maluna o ka aina, a aole hoi e kuai i na loi ai oo a me loi opiopio, me ka hele mua ole mai e kuka pu me a`u.  O ka poe a pau e kue ana i keia olelo, maluna no o lakou ko lakou poho.  MELE AKONI ROSE.  Aug. 4, 1891.   251 3m-d*

 

OLELO HOOLAHA.

            E ike auanei na kanaka a pau, eia ma ka pa aupuni o Makiki nei kekahi mau lio helehewa.  Lio k, ulaula kikokiko keokeo ma ka lae, ekolu wawae eleele hookahi wawae keokeo hope hema, hao kuni ano e uha hope akau, hao kuni ano e uha hope hema.  Lio w ulaula, hauliuli keokeo loihi ma ka lae, eha wawae keokeo, hao kuni ano e ma na aoao a elua o ka a-i.  O ka mea a mau mea paha nona keia mau lio, e pono e kii koke mai o hala na la he 15, e kuai kudala aku no au no ke hiki i ka la 10 o Okatoba, 1891.  D Kaoao.  Sept 23, 286-d1w.  Luna pa Aupuni.

 

NA WAHI ME HUNTSMAN

NA LOIO LAHUI!

            Ua makaukau maua e kokua aku i na poe o ka Lahui i loohia ia e na pilikia kivila a hewa paha; a e koi a e hoopii aku ma kekahi o ia mau ano imua o na Aha Kanawai, mamuli o na uku i aelike ia.  Aia no ko maua keena Loio ma ke kihi akau o na alanui Moi a me Alakea maloko o ke kulanakauhale o Honolulu.  Na hora hana mau, mai ka hora 9 am. a 3 pm., ma ka Poaono nae, e pau ana i ka hora 12 m.

 

HOOLAHA KAI KONOHIKI.

            Ke pa leo aku nei ke Konohiki o Waialae, i kona mau hoaloha a me na hoaaina o kona Aina, ua hoolimlima aku oia i ke kai i keia manawa, a ua hookapu iho oia i ka hee nona iho, a nolaila, ke poloai aku nei oia e ike a hoomaopopo i keia leo la.  Owau no, PAULO ISENBERG.  3ms-d.

 

LEI PU-PU!  LEI PU-PU!!

            Ua makemake ke Hui o Haka ma, i 100 Le-i Pu-pu i hakua, mai ka elua a ekolu papa o ka lei hookahi.  Ina o ka poe e loaa ana o keia mau lei, e hoike ae ia.  HAKA MA.  Hale Aiwaihau, alanui Hotele.  Sept. 23, 1891. 286-d3ts.

 

Haule!  Haule!

$5.68 Makaua $5.00 Makana.

            E HAAWI ia no keia uku makana i ka mea e hoihei mai ana i kekahi pale-noho ili noho paniolo i haule i ka piina ana mai o ka Nuku o Nuuanu.  E hoihoi ia mai ma keia Keena ke loaa.  286 lw.

 

NALOWALE.

            Ua haule ka Buke Banako Hale Leta Helu 2222.  E oluolu i ka mea e loaa ana e hoihoi mai ma keia keena pa`i.  247-tf.

 

OLELO HOOLAHA.

            E ike auanei na kanaka apau, eia ma ka Pa Aupuni o Makiki nei, kekahi lio hele hewa, lio w, ulaula 4 wawae keokeo, kikokiko keokeo ma ke kua, kiko keokeo ma ka lae hao kuni ano-e hope ak.  O ke mea a mau mea nona keia lio, e pono e kii koke mai, o hala na la he 14 e kuai kudala aku no au ke hiki aku i ka la 17 o Okatoba 1891.  D. Kaoao, Luna Pa Aupuni.  Honolulu, Okatoba 5, 1891.  d-3ts.

 

Hoolaha Hookapu.

            Ke hoike ia aku nei ka lohe i na ano kanaka a pau loa.  Ua hookapu loa maua i ko maua mau Apana Aina ekolu i kapaia o Kalaheo, Kahaleula a me Puuiohala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai.  Nolaila, ke papa loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hope paha, a e hooko ia e like me ke kuhikuhi a ke kanawai.  O na poe a pau e makemake ana e komo iloko o keia Hui, e pono lakou e hele mai e hui pu me Mrs. C.I. Hiram, a i ole ia, me DAVID DAYTON, a i ole ia KUKA.  Owau no me ka haahaa,  Mrs. C.I. Hiram.  Honolulu, Oahu.  Oct. 8, 1890.  3ms-d.

 

KALOA & WAINEE.

NA KAMANA HUI KUKULU HALE. 

(Me ka uku haaha.)

            O na kauoha mai na mokupuni mai, e hoauna pololei mai i na mea no laua na inoa maluna ae, a e loaa no maua i kela Hale Hou ma ke kihi o na Alanui Nuuanu me Kukui ma Honolulu.  S.K. Kaloa & Geo.. Wainee.  w-4ts Sept. 11, 1891.

 

Kauka Yong Kam Pung.  (APANA.)

Helu 53, Alanui Maunakea.

Ke Kauka Loea o ka Aina Pua!

Ua hiki ke hoola ia kela ame keia, ano

ma`i, mai ko na kane, wahine a me

na keiki liilii.  O na ma`i ha-no

ua hiki loa ia ke hoola ia me

ka maalahi.  A o na ma`i

e pili ana i ka maka

pau pu ia i ke

ola.  Ke ho-

ike ia aku nei,

eia ke ola ia nei, me

ka oluolu pu o kahi au-

hau.  Ka poe pilikia hanau

keiki a hele nui paha o ke koko,

a paa a lohi paha ka hanau ana, paa

paha o ka waiu, e hele nui mai i o`u nei.

E KIPA mai e ka poe i hooluu

luu ia me na haawina pilihua a ka ma`i

a na`u oukou e hooluolu aku.

KAUKA YONG KAM PUNG.

Honolulu Sept. 2, 1891.  272-d3m*

 

I KA LEHULEHU HAWII

            Ke hooiaio aku nei ka mea nona ka inoa malalo, ua hoolaia ka`u wahine mai ka pilikia hoomaile a ka ma`i kokopaa, ka`u keiki elua makahiki hoi mai ka aneane loa ana, e make i ka ma`i emi pu wale no o ke kino, oia hoi ka pilikia ai maloko o ke kino.  Mai ke ola ana o ka ma`i a hiki i keia la, aole i hoea hou mai na pilihua o ia ano.  Ke kono nei au i na makamaka Hawaii o`u e hele ae ia Kauka Apana (Yong Kum Pung) a e loaa no ka maha.  Mai kanalua ma na ano elua—oia ka oluolu o na pilikia ma`i a me ka haahaa o na auhau ana.  Me ka oiaio, P.M. AEA.

 

KUAI HOOPAU NUI.

Mai keia manawa aku a hiki i ko Makou hoonee ana aku iloko o ko makou.

 

HALEKUAI HOU.

Ma ke Alanui Papu, -(NA HALE BURUA.

E hoolilo aku ana Makou i ko Makou waiwai a pau o na ano Lole:

NA LOLE NANI:                                                                                                     

                                    NA LOLE I HUMUIA.

                                                                        KAPU A ME PAPALE

                                                                                                            PAHU LOLE, a pela aku

No na Uku Hooemi Loa Nae.  Egan & Gunn.  ALANUI MOI kokoke i ke ALANUI PAPU.

 

Poino i ka Wai!  POINO I KA WAI!

            E hoomaka ana keia mawaena o keia la a me ka Poalua a hiki mai o keia pule ae, me ka nana ole ia o na lilo.  N.S. SACFS.  263-dtf.  Honolulu.

 

HOOLAHA HOU

B.F. Ehlers & Co-PAINAPA.

HELU 99 Alanui Papu.

      IA OUKOU E NA MAKAMAKA A ME NA HOALOHA, OIAI HOI, UA makaukau makou i ke kuai hoopoho aku i na lole o na @, Kane a me na Kamalii, oiai, e hoi mai ana o B.F. EHLERS me na @ ma keia moku mai a oia ke kumu o ko makou kuai hoopoho ana, i kaa wale ai na wahi no na LOLE HOU.

            E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou.  Owau me ka oiaio,  B.F. EHLERS & CO.  tt