Ka Leo o ka Lahui, Volume II, Number 301, 14 October 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

He Olelo Mahalo.

 

  Eia iho keia mau olelo e mahalo ana i na olelo a'o a alakai hoi a ka Maheleolelo Wilikoki i ka poe o Kalihi. O keia mea ana i olelo ai, ua pili no ia i ka pono o na pono wai o na kanaka a pau ma na wahi a pau o ka aina. He oiaio. eia ke lawe ia nei ka pono o kekahi poe le hulehu, e hoopoino ai ia lakou. no ka hoopomaikai ana i na aina o ka poe mea aina, mailoko ae o ka pono o kekahi poe a mai ka waihona hoi o ka lahui.

 

MR. W. L. WILCOX:

                     Me ka mahalo:

  "Ua nui ko makou mahalo ia oe no kau hoolaha e pili ana i ka wai o Kalihi, me ka wehewehe pu i kekahi olelo kanawai a kekahi poe naaupo e kuhihewa mai nei, oia keia: Ua kuleana ke aupuni e lawe i ka wai ma na wahi a pau me ka hoopoino ana i ka lehulehu. Kahi pono iho la no ia e ke kanaka Hawaii. ke kanu ana i ke kalo, aole hoi oia wale ka i pomaikai, aka, o ka lehulehu o ke kulanakauhale kekahi i pomaikai, mamuli o ko lakou hoolawa ia aua aku me ka ai. Alaila, o ka lawe ana aku o ke aupuni i ka wai o ka poe mea aina, na like no ia me ka lawe ana ae i ke ola o ke kanaka.

  "O makou no me ka haahaa, ka hapanui o ka lehulehu o Pauoa."

 

Pauahi.

  Ma ka wanaao o nehinei, ua hoopuiwa ia ko ke kulanakauhale nei e ka leo o hele pauahi, i ka hoike ana mai aia ka pauahi ma ka apana ekolu, ma ka huina o na alanui Maunakea a me Moi, ma ka aoao hikina o ke alanui Maunakea.

  Ua eleu ae na kaawai ma kahi o kela kupuino hooweliweli. O ke Kaawai Helu 5 ka hiki mua me elua kanaka wale no, a mahope mai kekahi mau hui kaawai e ae.

  Ua eleu no na keiki kinaiahi, ka poe hoi i moha i ko lakou ola no ka pono o na mea a pau.

  O keia hale i pau iho la i ke ahi, oia no kekahi o na halekuai nui o na pake e ku nei ma alanui Moi me na waiwai like ole he nui, a me he mea ala, he wani nonohua iki paha ke kumu o keia pauahi, koe hoi keia aole i ike ia.

 

NUHOU  KULOKO.

 

  He pauahi ko ka wanaao o nehinei, malalo ae nei o ka huina a Kale.

  Ma ka la inehinei i hoao ia ai ka hihia o Bila Kamaa ole imua o ka Aha Kiure.

  E haawi hou ia ana no he paina manawalea e ka hui Kaa Ahi malalo o Manana, Ewa.

  I ka Hotele Hawaii ka hana kahi i kaulele ai i ka ponei. A ma Kamaki Kuea i keia po.

  Nui ka poe iwaho o Maki Ailana i ka Lapule iho noi, no ka hoohala ana i ka weia o ke taona.

  O Pua Alani me Nu'a i ka Palai na mele a na keiki Puhi One i himeni ai ma ka po nei.

  I ka po nei i puka ae ai na keiki o ke kaawai Helu 2, no ka paikau hoomaamaa ana me ka malamalama o ka mahina.

  Ua ike ia aku ka ula mai o kekahi aoao o Pauoa a ke alelo ana ole o ke ahi i holapu ae ai i kela mau la aku nei. He mau haneri eka i a ia.

  He aha hulahula ka i malama ia ma Ariona Hale i ka po Poakahi nei, a ua nui no hoi ka poe i akoakoa ae malaia.

  Ke noonoo ia nei kekahi mau inoa i luna ama hou: aia a he kana ka akamai a maalea loa, alaila, lawa ke ano o ke kanaka e kupono ai ke noho ma ia wahi.

  Hora 5:25 am, o ke kakahiaka o nehinei, pili ana ka mokuahi Malulani i ka uwapo; nui no na ohua ka pena a me na ohua oneki, hookahi no nae hewa he ulua ole.

  Hora 8:30 am, o nehinei, o-u hua ka mokuahi Ausetaralia i kona, ua hele no hoi a lehau kona mau oneki i na ohua. Hookahi no nae hewa he ulua ole !

  Nana aku no hoi oe i ka holo o ko makou mau lio i ka Poaono nei, ku ka huelo i ka ihona pali, o kahi lio huelo poomuku no nae ka oi. Pela ka haanui a kekahi wahi kolohe i kela la aku nei.

  Nui ua kaua hoohuli aupuni o keia wa. Na Arabia kue ia Tureke, na kaua kuloko nui ma Kina, na kaua kuloko ma Guatamala. Ke kaua la ma Abeainia. O ke kaua nui koe a hiki mai. i keia mau makahiki koke mamua o kakou.

   @   I ko makou mau luna lawe nupepa, ke hoike ia aku nei ka lohe ia oukou a pau, o ka luna a mau luna paha he koena pepa "Ka Leo" ka lakou o ka la 2 a me ka la 6 o Okatoba nei, e hoihoi mai ma keia keena.      Ma ke Kauoha.

  E wehe ia aku ana ma ka luakini o Heremona, Kalihi, e ka "Hui Lei Ahihi Imi Pono Karistiano," ma keia Poaono ae, hora 7 pm. he aha mele hoikeike Huna Gula Baibala, no ka pomaikai o ko lakou punana hoomana. E naue ae e na makamaka ake hana maikai.   300-d4ts.

 

E HOAKOAKOA E NA MEKANIKA

A ME NA PAAHANA.

  E malama ana ka Hui Mekanika a me na Paahana i kekahi halawai ma ka rumi halawai Robikana, kihi ewa o  alanui Moi a me Nuuanu, i keia ahiahi Poaha, Oct. 15, hora 7:30. Ke poloai ia aku nei na hoa a pau e hele mai. a ke poloai pu ia aku nei no hoi ka lehulehu

               Ma ke Kauoha.

 

NAWAHI  ME  HUNTSMAN

 

NA LOIO LAHUI!

  Ua makaukau maua e kokua aku i na poe o ka Lahui i loohia ia e na pilikia kivila a hewa paha; a e koi a e hoopii aku ma kekahi o ia mau ano imua o na
Aha Kanawai, mamuli o na uku i aelike ia. Aia no ko maua keena Loio ma ke kihi akau o na alanui Moi a me Alakea maloko o ke kulanakauhale o Honolulu. Na hora hana mau, mai ka hora 9 am, a 3 pm., ma ka Poaono nae, e pau ana i ka hora 12 m.

 

MOOLAHA KAI KONOHIKI.

  Ke pa leo aku nei ke Konohiki o Waiaiae, i kona mau hoaloha a me na hoaaina o kona Aina, ua hoolimalima aku oia i ke kai i keia manawa, a ua hookapu iho oia i ka hee nona iho, a nolaila, ke poloai aku nei oia e ike a hoomaopopo i keia leo ia.         Owau no,

3ms-d.           PAULO  ISENBEERG

 

LEI PU-PU !  LEI PU-PU !!

  Ua makemake ka Hui o Haka ma, i 100 Le-i Pu-pu i hakuia, mai ka elua e ekolu papa o ka lei hookahi. Ina o ka poe e loaa ana o keia mau lei, e hoike ae ia

               HAKA MA.

  Hale Aiwaihau, alanui Hotele.

Sept. 23, 1891. 286-d3ts.

 

OLELO HOOLAHA.

  E ike auanei na kanaka apau, eia ma ka Pa Aupuni o Makiki nei, kekahi lio hele hewa, lio w, ulaula, 4 wawae keokeo, kikokiko keokeo ma ke kua, kiko keokeo ma ka lae hao kuni ano-e hope ak. O ka mea a mau mea nona keia lio, e pono e kii koke mai, o hala na la he 14 e kuai kudala aku no au ke hiki aku i ka la 17 o Okatoba 1891.

          D. Kaoao

        Luna Pa Aupuni.

Honolulu, Okatoba 5, 1891.  d-3ts.

 

Hoolaha Hookapu.

  Ke hoike ia aku nei ka lohe i na ano kanaka a pau loa. Ua hookapu loa mana i ko mana mau Apana Aina ekolu i kapaia o Kalaheo, Kahaleula a me Puuoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai. Nolaila, ke papa loa ia aku nei na holoholona o kela a me keia ano, aole e hookuu wale ia maluna oua mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hope paha, a e hooko ia e like me ke kuhikuhi a ke kanawai. O na poe a pau e makemake ana e komo iloko o keia Hui, e pono lakou e hele mai e hui pu me Mrs. C. I. HIRAM, a i ole la, me DAVID DAYTON, a i ole ia KUKA.

          Owau no me ka haahaa.

             MRS. C. I. HIRAM.

Honolulu, Oahu. Oct. 8, 1890,     3ms-d.

 

KALOA & WAINEE

NA KAMAKA HUI KUKULU HALE.

(Me ka uku haaha.)

  O na kauoha mai na mokupuni mai e hoauna pololei mai i na mea no laua na inoa maluna ae, a e loaa no maua i kela Hale Hou ma ke kihi o na Alanui Nuuanu me Kukui ma Honolulu.

      S. K. Kaloa. & Geo. Wainee,

w-4ts Sept 11, 1891.

 

Kauka Young Kam

Pung.

(APANA.)

 

Helu 53, Alanui Maunakea.

Ke Kauka Loea o ka

Aina Pau!

 

Ua hiki ke hoola ia kela a me keia ane

ma'i, mai ko na kane, wahine a me

na keiki liilii. O na ma'i ha-no

na hiki loa ia ke hoola ia me

ka maalahi. A o na ma'i

e pili ana i ka maka

pau pu ia i ke

ola. Ke

hoike ia aku nei,

ia aku nei.

eia ke ola ia nei, me

ka oluolu pu o kahi

auhau. Ka poo pilikia hanau

keiki a hele nui paha o ke koko,

a paa a lohi paha ka hanau ana, paa

paha o ka waiu, e hele nui mai i o'u nei.

 

  @   E KIPA mai e ka poe i hooluuluu ia me na haawina pilihuaa ka ma'i, a na'u oukou e honluulu aku.

KAUKA YONG KAM PUNG.

Honolulu Sept. 2, 1891.     272--d3m*

 

I KA LEHULEHU HAWAII

  Ke hooiaio aku noi ka mea nona ka inoa malalo, ua hoolaia ka'u wahine mai ka pilikia hoomailo a ka ma'i kokopaa, ka'u keiki elua makahiki hoi mai ka aneane loa ana e make i ka ma'i emi pu wale no o ke kino, oia hoi ka pilikia ai maloko o ke kino. Mai ke ola ana o ka ma'i a hiki i keia la, aole i hoea hou mai ua pilihua o ia ano. Ke kono nei au i na makamaka Hawaii o'u e hele ao ia Kauka Apana (Yong Kum Pung) a e loaa no ka maha. Mai kanalua ma na ano elua--oia ka oluolu o na pilikia ma'i a me ka haahaa o na auhau ana.       Ne Ka oiaio

                P. M. AEA.

 

KUAI  HOOPAU  NUI.

 

Mai keia manawa aku a hiki i ko Makou hoonee

ana aku iloko o ko makou

 

HALEKUAI  HOU

Ma ke Alanui Papu,--(NA HALE BURUA.

E hoolilo aku ana Makou i ko Makou waiwai a

pau o na ano Lole:

     NA LOLE NANI,

           NA LOLE I MUMUIA,

                  KAPU A ME PAPALE

                        PAHU LOLE, a pela ak@

No na Uku Hooemi Loa Nae.

                       Egan & Gunn.

ALANUI MOI kokoke i ke ALANUI PAPU.                  tf--d.

 

Poino i ka

Wai!

POINO I KA WAI:

E hoomaka ana keia mawaena o

keia la a me  ka  Poalua a hiki mai

o keia pule ae, me ka nana ole ia o

na lilo.                                        @

                                 N. S. SACHS.

263-dtf.                              Honolulu.

 

HOOLAHA HOU

 

B. F. Ehlers & Co--PAINAPA

 

HELU 99 Alanui Papu.

IA OUKOU E NA MAKAMAKA A ME NA HOALOHA, OIAI HOI, UA makaukau makou i ke kuai hoopoho aku i na lole o na  Wahine, Kane a me na Kamalii, oiai, e hoi mai ana o R. F. EHLERS me na lole hou ma keia moku mai a oia ke kumu o ko makou kuai hoopoho ana, i kaawale ai na wahi no na LOLE HOU.

   @   E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou.    Owau me ka oiaio,

    tf                      B. F. EHLERS & CO.