Ka Leo o ka Lahui, Volume II, Number 302, 15 October 1891 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II.

HONOLULU , OKATOBA 15, 1891.

Helu 302

 

He Moolelo Nanea.

NO

De Atanani.

Ke Koa o ka Lio Olohe,

- A I OLE -

NAKIAEKOLU O FARANI.

  Alaila ke manao nei anei oe ua mahui a maopopo i ke Cadinela ka'u huakai aku nei i Ladana.

  Manaoio!  Aole anei oe mai Ladana mai, aole anei nau i lawe mai kela mau pihi daimana mai Ladana mai, a aole anei no ka huakai i Ladana i loaa ai ia oe kena komo daimana ma kou manamana lima?  Ea, e Atanani, e hai mai, aole anei o keia ka oiaio?

  Ae e kuu kapena Terevila, mai Ladana io mai au me ia mau mea, aka no keia mau komo, mai Farani ae nei no ia i makana ia mai ai ia'u.

  A e kuu hoaloha opio, e manaoio mai i ka'u, o na makana, a ke ole au e kuhihewa, aia he mau huapalapala ma ka olelo Latina e pili ana i na makana o keia ano.

  Ae e Atanani, he mau huaolelo Latina io no kakahi, a ke hoomanao la au, oia hoi, "Timeo Danaoset dona ferentes," a o ka mahele ana o kela mau huaolelo, "E akahele no ka enemi e haawi mai ana ia oe he makana."

  Ua hoopuiwa ia ke koa opio e keia mau olelo a kapena  Terevila, a oia ka ua koa opio nei i pane aku ai, aole mai ka enemi mai keia komo, aka mai ka moiwahine mai no ia.

  Aha!  Mai ka moiwahine mai ka ea?  alaila he kuhihewa iki ko'u, aka e Atanani, ma o wai la i hoouna ia mai ai keia komo ia oe e ka moiwahine?

  Ma o kona lede hookomo kapa la ka madame Bonacio, wahi a Atanani.

  Ahe, ke koomaopopo ia au, aka e hai mai i ka moolelo a me ke kumu o ko ka moiwahine haawi ana mai i kena komo ia oe.

  Ua hoike aku ke koa opio i na mea a pau, a ua hoolohe mai no hoe ke kapena me ka hiaai nui, a i ka pau ana o ka Atanani hoike ana ua pane mai la ua kapena nei:

  E Atanani e ae ana no anei oe i ka'u mau haomanao ana.

  Ae e ke kapena ina he mea e loaa ai ka hanohano i ka'u pahi kaua.

  Alaila e Atanani, o ka'u mea i makemake ai ia oe e hooko oia no kou kuai ana aku i kena komo, malia o loaa ia oe no keia komo he 800 pisetole ina oe e kuai aku ana i kekahi o na kanaka hana gula.

  A-ha i hooho ae ai o Atanani, oia ka ka'u i makemake ai, e kuai anei au i keio komo ka mea a ko'u moiwahine i haawi makana mai ai ia'u?  Aole loa!  E kapena Terevila aole loa au e hana i kela mea ma ke ano hoohaahaa i ka hanohano o ka mea nana i haawi makana mai.

  Alaila e kiai oe me ka makaala nou iho i na wa a pau, a ke ole pela, alaila he pio oe na ka manao ke Cadinela.

  Ma na kumu hea au e lilo ai he pio nana?

  Ma na ano no a pau, ina he wahi palapala hopu wale no e paa ana no oe.

  Heaha!  Pehea!  E hoopuka anei kela Cadinela i palapala hopu no Atanani no kona hooko ana i na kauoha a kona moi?  Ho!  Ho!  Ho!  Aole loa ka pahi a Atanani e ae aku ana e hopu ia ke kino o kona haku e kekahi kanaka i piha kona mau aoao me na hana pakaha a alunu o ka haowale.

  Pela io no e Atanani, aka e hoomanao no ka'u mau olelo ia oe, ke halawai oe me kekahi o kou mau enemi, e hoohamau i kona leo. ina oe e kue a i ole hoao ia mai paha e hoeha ia e ku aku imua ona a paio aku me ka wiwe ole o na wiwo ole i loaa ia oe, aka e Atanani, ua lawa ka'u hoonaauao ana ia oe.

  No ka hope o ka'u mau olelo, e hai mai aia la ihea kou mau hoaaloha.

  No ko'u mau hoaloha, aia lakou ma na kahua hoolulu o na kanaka koa e paio ana no ka nohoalii a me ka haaheo o ka hae kaha-kolu o Farani nei.

  Aha, aia ka lakou ma na kahua hoolulu o na kanaka koa, alaila o na kahua hoolulu hea keia, a owai keia poe kanaka koa?

  O na kahua hoolulu lehulehu a ke Cadinela i hoonoho ai no ke kiai ana i kona mau enemi, a o ua poe kanaka koa la o lakou no na paa lalo o kela Cadinela ino.  O Velona aia oia ma Canetila, e Hapale hoi aia oia ma Creveciones, a o La Fere, aia oia ma Amiena.

  Aha, ke ike la oe ia?  alaila mahea ae la oia e pakele ai?

Aole i pau.

 

He Moolelo

-: NO : -

MASEBA,

Ka Olalio Denemada!

-: A I OLE : -

Ke Kaulio Keokeo!!

Kakauia no KA LEO O KA LAHUI.

  Ua kipi mai oe maluna o kau no hoalii, na pakaha hoi maluna o kuu lahui kanaka, a i keia la, na piha oe i ka haaheo a me ka hookano, a me ka ake ana e mawahi i ka ihiihi o kuu nohoalii ilalo.

  Ano e Moneka, e haawi pio mai ia oe iho, a ina aole oe e hoolohe mai ana i ka'u hauoha, alaila, e haawi aku no au i ke kauoha o ke kipoka ana aku ia oe a weluwelu lilili.

  He mau maka oolea ko ua haku Moneka la i piha me na kuakoko o ka inaina iaia e nana pono mai ana maluna o ka moi Carlo, a i ka wa a ka moi i hoomaha iho ai i kana mau olelo, pane mai la ua haku Moneka nei:

  No ka hanohano o ke koko o kuu makuakane au i pepehi ai me na manao lili o ka hoohe wale, a me ka laahia nane ole o ke koko, ke ho ino mau loa aku nei au ia oe, ina o na poka pu lehulehu ko'u luakupapau.

  A o kau noi, wahi a ua Moneka la i hoomau aku ai, no ka haawi pio ana aku o ua moi nei iaia iho, aole loa ia e loaa mai iaia aku, e ku ana oia maluna o kana pahikaua, a e paio aku ana oia no ka make a me ke ola.

  ua hookahaha loa ia na manao o ka moi Carlo no keia mau olelo olelo a ka haku Moneka, a oia ka ua moi nei i hoomaopopo iho ai i ke koa lua ole o keia kanaka, ma o kona aa ana e ku hookahi imua o kekahi heluna ikaika i oi pa tausani aku hoi imua o kona, a i kapaia hoi malalo o ka inoa pualikaua.

  Ua hilahila loa ia na moi Carlo nei ina oia e hoao ana e hopu pio i na haku Moneka nei me ka ikaika o kona puali holookoa.

  Nolaila, me na olelo hookanaaho a ua moi nei, pane aku la oia:

  E Moneka, e like ana a makou pepehi ana a make ko'u kenerala nui Sir, Herewada me kau pua kakaka o ke kukala kaua, pela au e hoouna aku ai ia oe ilalo o ka honua ma ka maka o ka pahikaua a kekahi o kou mau naita.

  E like me na olelo a ua moi la, pela oia i hoouna aku ai i kekahi o kona mau naita, no ka hele ana'ku a hopu pio ae i ka haku Moneka me ka oi o kana pahikaua.

            "Loea mikioi no Lehua

            Aohe kii'na hala a ka noeau."

  Aka e ka mea heluhelu, o na naita la a ka moi Carlo i hoouna aku ai aia oia ke waiho oni ole ala ilalo o ka honua he luahi na ka pahi kaua a ka haku Moneka.

  I ka naita a ka moi Carlo i haule make aku ai, hoouna hou mai la ua moi nei i kekahi naita, aka e like me ka mua pela no keia.

  No ekolu a eha manawa a ua moi Carlo nei i hoouna mai ai i na naita no ka hopu pio ana i ka haku Moneka a he ekolu a eha no hoi manawa a ua haku la i kiola aku ai i ka moi Carlo mau naita ilalo o ka honua me ko lakou mau aho hope loa.

  Alaila ike iho la ka moi Carlo o ke kanaka ana e ake nei e paa pio aole oia i haaheo wale no me kela inoa ka weli o Denemaka, aka, he loea a he olali maopopo oia no ka makakila e hiki ai ke ulupa i kona puali holookoa ina o ke ku pakahi kana kulana e lawe ai.

  Nolaila, me na manao lili o ka inaina, huli ae la oia i kona mau ukali a me na naita, a hoouna aku la ia lakou nui ia, no ka holo ana aku imua a hopu pio aku i ka haku Moneka.

  E like me ka anapu ana a ka uwila, pela ua mau naita nei a me na ukali o ua moi Carlo i holo aku ai imua me ka ikaika, me ka manao koa e hopu, pio aku i ka weli o Denemaka.

  Ala, ua hookuhalu ia mai la lakou, oiai, ia minute, ua hoike maoli mai la ka haku Moneka i kona loea lua ole o ke kii'na makakila.  E niniu ana kana mau kii'na pale, a o kana mau oniu pahi ana o ka eleu, he lua ole ia o ka poahi a me ke eleu.

  Ua haule pahu aku ilalo o ka honua ho eono o na naita, a iloko o ia mau minute o ka hahana, aia hoi, haki pu ae la ka pahi a ua haku Moneka nei, a ku lohaloha iho la oia, me he manu ala ua ku kona mau eheu i ka poka pu a ke kanaka ki manu.

  Ma keia haki ana o ka pahi a ua haku Moneka nei, akahi no oia a ae aku e haawi pio iaia iho imua o kona mau enemi i maka welawela ino loa ai.

Aole i pau.

 

HE HOOLAHA I KA AKEA.

  E ike auanei na ano lahui a pau, e noho ana ma ke Aupuni Hawaii, mai na kane, wahine, a me na keiki; i loaa i na ma'i o kela a me keia ano, e nane mai i ko'u Keena hana, a na'u e hoopau aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau, ma'i iloko o ka apu hu'i ke kino, aki iloko o ka iwi, eha o kepoo, ma'i wahine a pela aku.  Mai hoololohe aku o na hau, hele mai hookahi, hele mai elua, hele mai no a pau loa; hooluolu ka auhau, ke hui ma ia ma na kukai olelo ana; na makaukau wae o pulama mai i na kepo ana mai mai na Mokupuni mai, me ka eleu a me ka hikiwawe loa, he makamaka a he hoaloha makai no oukou e na Hawaii.

Owou iho no,

DR. KEONG KENG PONG.

Helu 40, Huina o na alanui Kamika me Hotele,

Honolulu , Oahu.        Aug. 31.   1y.

 

OLELO HOOLAHA.

  Ua makaukau ka mea nona O

inoa malalo iho, e hana i na Pua

HAKU PUNA ELEELE a me ka

pohaku e ae no na pa kupapau, a

me na kahua kukulu oia hoomanao. 

O ka poe makemake e waiho mai i

ka lakou mau kauoha me Ioane Akina.

J. BOWLER.

Sept. 22, '90, d - 1y

 

Aila Kuai.

E LOAA NO MA KAHI O

J. F. COLBURN.

(KEONI KOLOBANA.)

Ma ke Kihi o na Alanui

Nuuanu me Moi.

  E loaa no no ke kumukuai haahaa Ioa

o $2.50 o ka pahu.  Hele mai hookahi,

hele mai elua, hele mai no a pau.

  Ko oukou hoaloha,

J. F. COLBURN.

Honolulu , Iulai 8, 1891          232 dtf

 

Hale Hana Wai

Momona

WAI - ANIANI

Sam, had me John Grece na Ona.

Ka poe wale no na lakou o hana nei

NA WAI HOOMAEMAE KOKO

KAULANA oia hoi ka

SASEPARILA

- A ME KA -

WAI - HAO.

WA WAI MOMONA AWAPUHI

SASEPARELA, LENI, WAI

PIPII, SODAMAOLI ST

DA KAMEPENA

Mutual 20@ TELEPONA Bell @