Ka Leo o ka Lahui, Volume II, Number 305, 20 October 1891 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke II.                       Honolulu.  Octoba 20, 1891.                        Helu 305.

 

He Moolelo Nanea.

 

NO

 

De Atanani.

 

 

Ke koa o ka Lio

Olohe,

 

A I OLE

 

NAKIAIEKOLU

O FARANI

 

 

E fulu mai ana anei oe ia'u e Consetina, e uhaki ana anei oe i ka kaua olelo aelike a ke aloha i hoopaa ai ?

            Oiai keia mau nonoo e huelani ana iloko o ke koa opio aia hoi, koele mai la ka wati o ka halepule Sana Cloud i ka hora 10.  a oia hou ka ua koa opio nei i pane ae ai penei:

            Akahi no ka a kani ka hora 10, ke kuhi nei au ua kala kahiko la i puehu ai alaila, he hoea mai koe o kuu Conesetina.

            I ke sekona hope loa o ka hama@e wati i koele iho ai i ka helu 10, aia n a maka o ua koa opio nei e haka pono ana imua no kahi o ka haleole e ku ana, a hala he hapa hora, aole i hoea iki aku kana aloha.

            Koele hou mai la ka wati i ka manawa o ka hora 10:30, aole no i hoea aku ua madame Bonacio la, a oia ka ua Atanani nei i huki ae ai i kana pahikaua iwaho, a pii pololei aku la oia no kekahi wahi pupupu hale e uiuiki mai ana kahi malamalama kukui, maloko mai oka pukaaniani.

            O ka hora 12 ponoi ia a Atanani i hoea aku ai mawaho o kahi pupupu hale, kikeke aku la oia no elua a ekolu paha manawa, a ia wa i we he ia mai ai ku puka a hemo mai la he wahi elemakule me ka pane pu ana mai iakeia mau olelo:

            Owai oe, a heaha kou makemake i keia wa o ka no?

            A ha! He misiona ka kau o ka hooko kauoha ea?

 

A--E

 

            Alaila e hai mai, heaha kau misiona hooko kauoha ma na palena o Sana Coud nei.

            O keia ninau a ka elemakule, oia ka Atanani i hoike ake ai ia na mea a pau, a ika pau ana, ninau aku la oia,ua ike anei oe e kuu hoaloha hapauea no keia mau mea au i hai aku la?

            Aole i pane mai ka elemakule no keia ninau a ke koa opio, aka, haawi mai la ia i na nana pono ana maluna o Atanani, a luliluli. ae la kona poo me he la e hoole mai ana oia aole e hiki iaia ke hoike mai.

            No keaha hoi oe i hoole ai i ka hoike ana mai ia'u i keia mau mea?

            Wahi a ka elemakule i pane mai ai,  mai ninau mai ia'u no ia mea, oiai, aia he hoopai weliweli ke kau mai ana maluna ou ke lohe ia ae, ua kumakaia aku au i ka'u mau mea i  ike ai ma keia po.

            Alaila e kuu hoaloha aoo, ma ka inoa ona lani, ke hoopaa nei au i ka'u hoohiki aole loa kekahi olelo au e hai mai ai ia'u e p@@a aku ma ko'u mau leheiehe, a eia mai kou uku.

            Me keia mau olelo a Atanani unuhi ae la ia mailoko ae o kona pakeke he hookahi pisetole, a haawi aku la i kahi elemakule, a oia ka ua elmakule nei i lalau mai ai me ka haka pono ana mai maluna o ke koa opio, a na na helehelena pihoihoi a ano kaunaaha o ke koa opio i kono aku i ua elamakule la, aole io ke kanaka opio e ku nei he alo a he alo me ia i loaa ia haawina o ka whahee a me ke kumakaia.

            Nolaila, me ka leo malie, pane mai la oia, o ka hora 9 paha ia o ke ahiahi nei, lohe aku la ua he mau leo o ka uluaoa, me he la aia ma ke alanui, a oiai, au he nele a me ka hune, nolaila, aole au i hopohopo no ko'u powa ia mai.

            Kii aku la au e wehe i ka puka o ko'u pupupu hale nei, a  iloko o ko'u pihoihoi nui, aia e ku ana he mau kapuai wale no mai ka puka aku he ekolu mau kanaka.

            Malalo o kela umalu laau la e ku mai la, e ku ana kekahi kaa me elua lio, a mahope iho o ua koa la, e paa ana kekahi kanaka he ekolu lio me ko lakou mau pono hololio.

            O ua mau lio la no na kanaka ekolu no ia e ku ana oia ka puka nei o kuu wahi hale a ma ka'u hoomaopopo aku, me he mea la he mau koa kawalia lakou.

Aole ipau.

 

            E wehe ia ak@ @ ana ma ka luakini o Heremona, Kalihi, e ka "Hui Lei Ahihi Puni Pono Karistiano." ma kena Poaono ae, hora 7 pm.  he aha mele hoikeike Huna Gula Baibala, no ka pomaikai o ko lakou punana hoomana.  E naue ae e na makamaka ake hana maikai.  300-d4ts.

 

 

He Moolelo

 

-:NO:-

 

MASEPA.

 

Ka Olalio Denemada!

 

-:A I OLE:-

 

Ke Kaulio Keokeo!!

 

Kakauia no Ka Leo o ka Lahui.

 

            Ua poha ae ka leo hoohe ahiu o na koa no ke kanaka kau lio keokeo a me ka lilo ana o ka haku Moneka.

            A oka leo haawi kauoha no ke kipoka ana aku i ua kaulio la, he mea waiwai ole ia, oiai, e like me ka hikiwawe o kana hoea ana mai, pela no oia i nalowale aku ai me ka emoole loa.

            Ua hoowela ia ka p@uwai o ka moi Carlo no keia kanaka hololio keokeo, a oia kana i huli ae ai maluna o kona mau naita hololio, a hoouna aku la ia lakou n ka hahai ana aku mahope o ke meheu o ua kanaka kaulio nei.

            A e loaa no hoi i ka mea nana e hopu pio i ua kaulio keokeo la he makana nui ma ke gula a me ka o kela a me keia ano.

            U a hoomoana iho ka mei Carlo maluna o ua kula laula nei no na la eha, me ke ake nui e loaa ua kanaka kaulio keokeo nei, ke kanaka hoi nana i hoopahu'a i kana olelo ahewa iaia no ka wa mua loa.

            Aka, a hala nae ia mau la eha aole loa he lono a mea e ae e pili ana i ua kaulio keokeo nei i loaa mai iaia.

            Ua huli hoi aku oia no ke kulanakauhale alii me na manao kuaki o ka inaina, a kuahaua ae la oia ia Denemaka holookoa, no ka loaa ana o ka makana kiekie i ka mea nana e hopu pioi ke kanaka kaulio keokeo.

            Mamuli o keia kauhaua alii, ua kono ia he lehulehu wale o na kanaka loa o ke kipuka ili o Denemaka, e hoohala i ko lakou mau la a me ka po, ma ka hanu ana ma ka meheu o ke kanaka kau lio keoko o ke kula laula o Denemaka.

            A haia he mau ia lehulehu mahope iho, aole he aweawe ike ia o ua kaulio ala, nona ka uku makana kiekie a ka nohoalii i hoolaha ae ai.

            Ua lilo ua kaulio la he puiakaumaka na ko Denemaka holookoa me ka ninau ana ia lakou iho, owai la ua koa kau lio, a mai hea mai la oia?

            A o kona loaa ole ana ma na palena o Denemaka, ua lilo ia i mea hoouahaohao loa aku i ua lahui la ao ka mea piha oi loa aku ke ku aki a me ka hoonaukiuki, oia no ka moi Carlo.

            Ua hia a kona poo, a o kona mau noonoo nui ana hoi i na wa a pau, aia no ia maluna o ua kau no keokeo nei.

            Me ko ua moi nei hoohiki paa ana, e make ua kaulio keokeo nei i kona minute mua loa e paa pio ai,  a ina he mea hiki ole ka hopu pio ana iaia , laila, e puhi ola ia oia iloko oka lewa ma ka waha o na batari pukuniahi o ko Denemaka mau mana kana.

            Ano e ka makamaka heluhelu eia kaua ke ike nei i ka hoopai o ka ahewa e kau aku ana maluna o ke kau lio keokeo, ke paa pio oia iloko o na maiuu o na mana kaua o Denemaka.

            Nolaila, ia kaua e hoomaha iho ai ia keia mokuna, e hoomau aku ko kaua ana no ke kanaka kaulio keokeo a me ka haku Moneka ma ka laua huakai o ka hoopakele kupaia naha.

 

            Na pai mauna o Denemaka. --Kamoolelo o ke kanaka kaulio,

            Ka puana a ka moe.

            Oiai ke kanaka kaulio keokeo e aha'i ala ka pupuhi me ka haku Moneka, aole oia i kaohi a hoopaa a hoopaa a hoopaa mai i ka holo a kona lio, a hiki wale i ka haule ana aku o ua kula laula nei o Denemaka he mau mile mamao mahope.

            Alaila, e like me ka holo ana o ka puahiohio, nalo aku la laua no loko o na ululaau o Denemaka.

            Oiai ua lio keokeo nei ma kona alahele o ka puahi, ua haawi mau ae ia i na olelo kaukau maluna o kona lio.

            A he mea oiaio e ka mea heluhelu, e like me na mea a pau a ua kau lio la e makemake ai, pela no kona lio i hooko ai, a no ka hope loa, hoea aku la laua no ke kunau o na pae mauna weliweli o Denemaka.

            Ma keia wahi i kaohi mai ai ua kau lio la i ka holo o kona lio, alaiila, lele iho la laua ilalo no ka haa wi ana i  mau minute no ka hoomaha ana.

            A oia ka kaua mea heluhelu e hoomanao ae ai i ke ahenui maoli o kela lio keokeo, ma ka aha'i pauaho ole ana i kona kahu a me kona hoaloha.

                        Aole i pau.

 

 

HE HOOLAHA I KA  AKEA.

 

E ike auanei na ano lahui a pau, e noho ana ma ke Aupuni Hawaii, mai na kane, wahine, a me na keiki; i loaa i na ma'i o kela a me keia ano, e naue mai i ko'u Keena hana, a na'u e hoopau aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau, ma'i iloko o ka opu, hu'i ke kino, aki iloko o ka iwi, eha o ke poo ma'iwahine a pela aku.  Mai hoololohe aku ena hoa, hele mai hoo@@li, hele mai elua, hele mai no a paa loa; he oluolu ka auhau, ke hui me ia; me na kukai olelo ana; ua makaukau wa@ e pulama mai i na kona ana mai  mai na Mokapuni mai, me ka eleu a me ka hikiwawe loa, ho makamaka a he hoaloha maikai no oukou o na Hawaii.

Ow@u iho no,

Dr. Leong Keng Pong.

Helu 40, Huina o alanui Kamika me

Ho@@e, Honolulu, Oahu.  Aug 31  1y.

 

OLELO HOOLAHA

Ua makaukau ka mea nona Oinoa malalo iho, e hana i na Pua HAKU PUNA ELEELE a me ka pohaku e ae no na pa kupapau a me na kahua kukulu kia-hoomanao. O ka Poe makemake e waiho mai i ka lakou mau kauoha me Ioane Akina.

J. Bowler.

Sept. 22 '90, d--1y*

 

Aila Kuai.

 

ELOAA NO MA KAHI O

 

J. F. COLBURN.

 

(KEONI KOLOHANA.)

 

Ma ke Kihi o na Alanui Nuuanu me Moi.

 

E loaa no no ke kumukuai haahaa loa o $2.50 o ka pahu.  Hele mai hookahi, hele mai elua hele mai no a pau.

KO oukou hoaloha,

J. F. COLBURN

Honolulu, Iulai 8, 1891.  232 dtf

 

Hale Hana Wai Momona

WWI-ANIANI

 

Sam. Dad me John Grece na Ona.

 

Ka poe wale no o=no lakou e hana nei

NA WAI HOOMAEMAE KOKO KAULANA

oia hoi ka

SASEPARELA

-A ME KA-

WAI-HAO.

 

NA WAI MOMONA AWAPUHI SASEPARELA.  LE@@WAI PIPII, SODAMAOLI, SODA KAMEPENAA@

 

Mutual 330-TELEPONA @@