Ka Leo o ka Lahui, Volume II, Number 309, 26 October 1891 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke H.   HONOLULU. OKATOBA 26, 1891.     Helu 309

 

--------

He Moolelo Nanea.

NO

De Atnani.

Ke Koa o ka Lio

Olohe,

A I OLE

NAKIAIEKOLU

O FARANI.

 

Heaha a kona makemake no'u i hele mai nei anei e hopu ia'u?

Pela ko'u manao wale aku no.

Aole ka hoi oia i hai mai ia oe?

Ua hai mai no oia ia'u ma ka hapa o Cadinela, ua makemake ia oe e koea aku no ka hale alii o ke Cadinela me ka hakalia ole, oiai ua makemake ua Cadinela la e ikeia oe.

Na keia mau olelo a ua kapena la i hoala mai i na noonoo a na iloko o'u, aole kela Cadinela i makemake ia oe no kekahi mea, aka, o ka hopu wale no ia oe a hoopaa hao aku.

A pehea aku kau pane no na olelo a ua kapena la?

Ua tai aku au aole oe ma ka hale nei.

A pehea mai na olelo a ua kapena la?

Ua hai mai oia ia'u me keia mau olelo o ka leo malie penei:

E hai aku i kou haku, aia he hana nui na ke Cadinela i makemake ai no koi haku e hooko, a o ka hanohano a me ka waiwai e loaa no ia iaia.

A-ha, aole i lawa ka umii iole hoowalewale a ke Cadinela no ke apuhi ana mai ia Atanani, aka, e Palaneke, heaha kau pane no kela mau olelo a kapena Caverisa.

Ua apuka aku au iaia me ka wahahee, ua hala oe no Tervi ma Camapena.

Ua ninau hou mai oia ia'a i kou manawa i hele ai, a ua wahahee hou aku au inehinei oe i hele ai.

A, ua lawe aku oe i na hoomaikai ana o Atanani o kau Paianeke maikai, no keia mau olelo wiwo ole au o ke kanaka koa, wahi a Atanani i pane aku ai, Aka e Palaneke, i hoomau aku ai ua koa opio ia i ke kamailio. Iloko o ka hapaha hora e haalele iho ai kaua ia Parisa nei no kahi kauhale o Canetila.

Nolaila, e makaukea@ nou  iho no ka kaua huakai, a pela@ hoi au o'u iho.

Me keia mau olelo aie la a Atanani, komo loa aku la ia no kona keena moe, a iloko o 10 minute, aia laua e kamoe ana i ko laua alahele no ka hotele des Gada.

----

 

Ka huakai hele -- Ke koa Velona iloko o ka hune.

He elima minute i hala ae mahope iho o ko Atanani ma hoea ana aku no ka hotele des Gada, aia hoi e kamoe ana ko laua alahele ma ke ala aku o Veleta a me Mont Matere.

He mau lio kai kekahi a laua e alakai ana, a iloko o kekahi mau hora o ka laua hele ana, hoomaha iho la laua ma kahi kauhale o Pierafita.

No kekahai mau minute loihi o ko laua hoomaha ana, hoomau hou aku la laua i ka laua huakai no Canetila ka pahu hopu.

O ka hora 4 a oi iki o ka auina la, hoea aku la laua ma Canetila, a ma ka hotele Sana matina kipa aku la laua lalaila.

O keia hotele, oia no ka hole hotele a lakou i kipa ai oiai lakaou ma ka lakou huakai o ka misiona hooko kauona no Ladana a o kahi hoi o ke koa Velona haule ai i muliwaa.

I ka ona hotele i ike mai ai i keia kanaka opio me kana kauwa, ua miki mai la oia, a pa kahea, me ka pane leo ole aku o ke koa opio, lele iho la ia ilalo, alaila pane aku la i ka ona hotele:

E Mr. ona hotele, ua makemake au i elua mau rumi no maua, a e malama ia hoi ko maua mau lio me ka maikai.

Ua haawi mai ka ona hotele i na hoolohe ana non na olelo a ke koa opi, kahea aku la ia no na kauwa o ka hotele no ka hoihoi ana aku i na lio iloko o ka hale lio, a e malama ia hoi me ka maikai, alalia huli ae la ia i ke koa opio a komo mai la e ukali aku mahope ona no ke keena hooluolu o ka hotele.

E like ma na mea maa mau ma na hale hotele ka hoolawa ia mai o na malihini kaahele me na wai hooikaika kino, pela ka ona hotele i hoolako mai ai no kana mau malihini ia mea, a no ka hanohano o ka launa mua loa ana ae o ka ona hotele a me ke koa opio, na kike kiaha ae la laua me na olelo kahoahoa o ka hoomaikai ana maluna pakahi o laua, me ko laua kiola pu ana ae i kekahi mau hua mele mai loko ae o ko laua mau kileo-- "Kiss me my darling huki ka ulua."

        Aole ipau.

 

[hand dingbat] Ke hoike ia aku nei ka lohe i na poe lawe pepa a pau a Mr. Palao, ua hoopau ia koa lawe ana i ka nupepa "Ka Leo," a ua oki ia aku kona moa mai na luna aku no kela pepa: nolaila, o ka poe i aie i keia pepa, e oluolu e hookaa mae n@ keia keena. ma ke Kauoha.

 

He Moolelo

--:NO:--

MASEPA.

------

Ka Olalio Denemada!

--:A I OLE:--

Ke Kaulio Keokeo!!

------

Kakauia non KA LEO O KA LAHUI.

------

Ma ka hora 10 o ua po la, hoomaikai hope aku la au i ke anaina me keia mau huaolelo:

Ua hookuu ia na hana o keia ahi ahi, a iloko o ekolu po, e haawi hou ia ai na hoikeike ana o ka'u mau hana akamai.

Ua huli hoi aku ke anaina me na manao ohohia o ka makaho no ka'u mau haua, a ua liio ko'u inoa ma kekahi la ne i mea kaao nui ia e na kanaka.

mamua ae o ka hookuu ia ana o ke anaina, ua loaa ia'u ka hanohano mua loa o ka launa ana me ka ui o Denemaka, mamuli o kona hiki kino ana ae ma kahi a'u e ku ana a hoomaikai i ke anaina.

Ua haawi mai la oia ia'u he wahi po-ke pua uuku me ka panai pu ana mai i keia mau wahi huaolelo hoolana:

E lawe aku i keia wahi po-ke pua e porotesa Kauna Mazezepa, ma ke ano, he makana na ka lede Isabela Aderiana o ka hale o Kilaweta, a e hoomanao e ka Porofesa, ma ka hora 11 o keia po, e loaa no au ia oe ma ke kihi hikina o ka pa kaua Denisa.

O keia mau huaolelo hope a ka lede Isabela i kamailio mai ai ia'u, ua kamailio ia mai ia me ka leo hilii, ma ke ano, o maua wale iho no ke lohe.

Ua haawi aku au i na kunou haahaa ana i ua lede la nana i hoane e i ko'u mau noonoo, me ko'u haawi ana iho i kekahi honi loihi loa malana o ka po-ke pua a ua lede la i haawi mai ai na'u.

A e kuu keiki, o kela mau huaolelo a ua lede la i kauoha mai ai ia'u, no ko mana halawai ana ma ke kihi hikina o ka pa kaua Denisa, ua liio ia i mea na'u i ake nui loa ai e hiki koke ae i ka hora 11 o ua po nei.

Nolaila, i ke anaina i pau aku ai i ka hoi, hooponopono awiwi iho la au i na mea e pili ana i ka'u hana, hoihoi aku la au i na lio no ka hotele kahi i noho ai, alaila, liuliu ae la au no ka'u huakai a hele aku la hoi no kahi i kauoha ia mai ai ia'u.

O ka hora 11 ponoi ia o ua o la ia'u i hoea aku ai ma ua kihi hikina nei o ka pa kaua, a iloko o ko'u hauoli palena ole, halawai mua loa ae la maua me ua lede isabela nei, iloko o ka honi muki o ka hoolauna alaila, pane mai la ua lede nei o ka nani:

E Porofesa Kauna Mazezepa ka lua ole o na hana akamai a'u i ike ua kaili aku oe i kuu puuwai holokoai loko o ke aloha hoohihi ana nou; aka e kuu Porofesa, e ha'i mai heaha na noonoo ana iloko ou, a pehea hoi kou manao no keia mau olelo mahaoi a'u ia oe?

Auwe e kuu keiki! wahi a ua ma kuakane la o'u me ka paa ana mai i kuu lima aia kuu nui kino iloko o ka haalulu ia mau sekona a ua lede la i pane mai ai i kela mau hua olelo ae la.

        Aole i pau.

 

K Buke Akeakamai.

…… A O ……

KE KI GULA

NO KEKAHI MUA MEA HUNA

POHIHIHI I HULIIA E KA

NOEAU O KE KANAKA.

 

KAKAU mua i e ka Mea Hanohano DAVID KALAKAUA a me kekahi poe e ae he nui, a i Hoouluia, Hooponoponoia, a Hoomahuahua hou ia e Levi-i-Levi ole ia ka Akeakamai Hawaii o Kenetinia 19.

Mahele o ka Buke.

MAHELE 1.

VIOIA-- Hoike Ouli ma na kaulana Mahina.

Oulin oA LO

GZOi ILA -- HokeADAIEka 8 II    G

oke kanaka.

 

MAHELE III.

METRAGARATIMA-- Ka hoike Ouli ma ka Hoonohonoho Huahelu ma ka Helu Kabala.

MAHELE IV.

ONEIROLOGI.

MAHELE V.

Ka Papa Konane Hoailiona Pomaikai.

HOOLAHA KAI KONOHIKI.

 

Ke pa leo aku nei ke Konohiki o Waialae, i kona mau hoaloha a me na hoaaina o kona Aina, na hoolimalima aku oia i ke kai i keia manawa, a na hookapa iho oia i ka hee nona iho, a nolaila, ke poloai aku nei oia e ike a hoomaopopo i keia leo la.     

                                                Owau no,

3ms-d.                                    PAULO ISENBERG.

 

OLELO HOOLAHA.

Owau e ka mea nona na aina o Makailio, Kamakalalaukaio, Kaluaopalena, ke papa akea aku nei i na mea a pau ole a hele wale maluna o ka aina, a aole hoi e kuai i na loi ai oo a me loi opiopio me ka hele mua ole mai e kuka pu me a'u. O ka poe a pau e kue ana i keia lelo, maluna no o lakou ko lakou poho.

                        MELE AKONI ROSE.

Aug. 4, 1891          251   3m-d*

 

HE HOOLAHA I KA AKEA.

E ike auanei na ano lahui a pau, e noho ana ma ke Aupuni Hawaii, mai na kane, wahine, a me na keiki; i loaa i na ma'i o kela a me keai ano, e nane mai i ko'u Keena hana, a na'u e hoopau aku i na ehaeha a ka ma'i maluna o okou e na makamaka, he hiki ia'u ke lapaau i na ano ma'i a pau, ma'i iloko o ka opu, hu'i ke kino aki iloko o ka iwi, eha o ke poo, ma'iwahine a pela aku. Mai hoolohelohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; ua makaukau wau e pulama mai i na kono ana mai mai na Mokupuni mai, me ka eleu a me ka hikiwawe loa, he makamaka a he hoaloha maikai no oukou e na Hawaii.

        Owou iho no,

        DR. LEONG KENG PONG.

Helu 40,  Huina o na alanui Kamika me Hotele, Honolulu, Oahu.  Aug. 31.  1y.

 

OLELO HOOLAHA.

Ua makaukau ka mea nona Oinoa malalo iho e hana i na Pna HAKU PUNA ELEELE a me ka pohaku e ae no na pa kupapau, a me na kahua kukulu kia hoomanao. O ka poe makemake e waiho mai i ka lakou mau kauoha me Ioane Akina.

                                J. BOWLER.

Sept. 22,  90, d--1y *

 

Aila Kuai.

E LOAA NO MA KAHI O

J. F. COLBURN

(KEONI KOLOBANA.)

Ma ke Kihi o na Alanui

Nuuanu me Moi.

E loaa no no ke kumukuai haahaa loa o $2.50 o ka pahu. Hele mai hookahi, hele mai elua, hele mai no a pau.

Ko oukou hoaloha.

                J. F. COLBURN.

Honolulu, Iulai 8, 1891. 232 dtf

 

Hale Hana Wai

        Momona

        WAI-ANIANI

Sam. Lad me John Grace no Ona.

 

ka poe wale no na lakou e hana nei

NA WAI HOOMAEMAE KOKO KAULANA

oia hoi ka

SASEPARILA

        --A ME NA--

                WAI-HAO.

NA WAI MOMONA A@

SASEPARILA, LE@ WAI

PIPI@ SODA MAOLI, SIDA, NA M@

Mutual @ TELEPONA @.