Ka Leo o ka Lahui, Volume II, Number 312, 29 October 1891 — Page 3
| This text was transcribed by: | Betty Yang Green |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
NUHOU KULOKO.
Apopo makou e hooponopono aku ai i ka makou kanawai.
Ma ka Iwalani o nehinei, i kau aku ai kekahi poe lede no ka ua Ki puupuu o Waimea.
Ma ke ahiahi poaono e haawi hou ai o Ben Hogan i kekahi haiolelo ma ka Y. M. C. A.
Ua hoihoi aku o kauka Makihine i kona hookohu noho kauka aua ho ka Halema’i Moiwahine, a ua ae ia no.
Ua hoopai ia m McVeigh, he $25 no ka hoeha ana ia Mr. Dan. McKenzie. Heikau na Mc. i kahi hookahi.
I ka la 21 o keia mahine e haalele aku ai ka mokuahi Auseteralia i ka ipuka gula o Kaleponi no ke awa la’I o kou nei.
Ma ka moku W. H. Dimond i haalele mai ai i ka Poalua nei no Kaleponi, i kau aku ai maluna ona he 773 leta a 513 nupepa.
Eia kekahi haumana o ke kula a’o hanalima o na kaikamahine iloko oka ma’i pilikia
Ua hoohaunaele ae kekahi poe pake maloko o ka hale keaka pake, i kela po aku nei, a ua hului ia se no Kalakaua Hale e hoohaunaele ai.
Ma kekahi ahaaina kokua manawalea i haawi ia ai ma Kaleponi, e Miss Nolte a me Miss Hassinger kekahi o Honolulu nei ii komo pu aku no ka lawelawe kokua ana.
Piha-u ka luakini o Kaumakapili i ka poe puni hoolohe mele i ka po Poalua nei a ua nui ka mahalo o na makaikai no ka maikai o ka leo o na lede a me na keonimana.
Ma ka Malulani o ka Poalua nei, i holo aku ai o Mr. J. J. Williams pa’i kii, no ka lawe ana i na kii o ka lua o Pele o Kilauea, ka home hoi o ka eha koni a ka moopuna a Kamaunuaniho.
Ma Hauhaukoi, mai ka puhaka mai o ka wahine a Mr. Robert Waipa ke kaikamahino nui nepunepu, i ka 22 aku nei o keia mahina. No ke au keia o ka Moiwahine Liliuokalani.
Ua ike ia aku ia kekahi haluna me ke kukui e a ana, e lele ana ma luna o ke alanui beritania i ka po Poalua nei. He mau poka dainamaita kekahi ana e aha’i ana a kahi e paha aku ai haule hou iho ona kuaua.
Ma ka haalele ana iho o ka Waialeale i keia awa i ka Poalua nei no Kauai, ua kau pu aku me na keiki o ke Quintet Club, no ka hoo lealea ana i ka mare o Mr. Paulo Isenberg i malama ia ma ka iho la onehinei. He heluna nui o na hoaloha i kau pu aku.
Ua hiki aku i ke kaualima na hoa i akoakoa ae, no ka hoolohe ana i ka wehewehe haihala a Lunakahiko Starr ma ka po Poakahi nei ma ka Y. M. C. A. E haawi hou ana ia he halawai hou ma keia ahiahi ma ia hale no, a ua kono ia na mea a pau e naue ae.
Ua hina iho la a waiho malie ana ilalo, kekahi lio e huki ana i ke kaa mauu a kekahi pake, a ua aneane no hei o Keoni e uwe hamama hiki e mai ana na lima a kokua. Ua kaualako ia aku ua wahi lio nei a waiho ma kappa alanui; no kekahi manawa loihi, ua oluolu ae la ka maka poniuniu o ua wahi lio la, a ua hoomau aku la ma kana huakai. Pilikia no!
Puehu liilii ka lehu o kapuahi i ka poe hoolohe oana ma ka Emma Kuea i ka po Poakahi nei, i ka wa a kamalii kolohe o luna i hoohanini iho ai i ka lakou kapuwai. O ka hoopau koke no ia o ka paani ana o ka hana. Ua lohe pu ia aku no hoi ka leo mihi o kekahi mau lede no ka pulu loa o ko laua mau pepale hulu. Anuanu wale!
Ua gu ae kahi poe o ka aoao hoomaemae, a hoao e ha’i i ko lakou manao, iloko o ka halawai a na ma kaainana i malama ia ai ma ka po Poalua nei, a ua olelo koke ia aku e hamau, oiai, aohe o lakou wahi lihi kuleana iloko o ia auna. He aoao hoi na oukou i haalele ino iho, huli aku na alo o oukou i ka poe waiwai, a o na kua o oukou ka ii haawi mai ko oukou koko ponoi. Hoomau aku mao!
Ke hoolaha nei e kauka Trousseau e kuai aku ana ia i kana pa hanai manu Okalika mawaho ae nei o Ka piolani Paka, o ke kumu oia no ka Haalele ana iho o kona hoa hui ia Hawaii nei. Captain Morisseau, no Farani, he keiki keia na kona kaikuahine, a ua make mai nei kona makuane, a me he ala, oia ke kumu o kona hoi ana e auamo pu me kona makuahine i keia ukana luuluu a kaumaha.
OLELO HOOLALHA.
E ike auanei ne kanaka a pau, eia ma ka Pa Aupuni o Makiki nei, kekahi mau lio hele hewa. Lio k ulauia, 2 wawae mua i paa i ka hao , kiko keokeo ma ka a-I pela me ke kua, 1 wawae keokeo ho pe hema, kiko keokeo ma ka lae, hao kuni ano e, kohu kiaha puaniki kea no. Lio k melemele, 3 wawae keokeo, eleele keokeo ka hulu o ka wawae mua akau, kiko keokeo maluna o na kue maka a elua, hao kuni X hope hema. Lio k ula ula, keokeo uuku ma ka wawae hope akau, keokeo lokihi ma ka ka lae, kiko keokeo ma ke kua pela no ne aoao a elua, 4 wawae i paa i ka hao, hao kuni ano e hope akau hapela ka hao malao o keia mau kuni. O ka mea a mau mea paha no lakou keia mau lio, e pono ia la kou e kii mai, o hala auanei na la he 12 e kuai kudala aku no wau ke hiki aku i ka ia 7 o Novemaba 1891.
D KAOAO.
Oct. 27, 303-dtf. Luna pa Aupuni.
OLELO HOOLAHA.
E ike auanei na kanaka a pau eia ma ka Pa Aupuni o Makiki, kekahi mau lio hele hewa; lio k melemele, keokeo lokihi ma ka lae, huelo poemuku, 2 wawae eleele mua, 2 wawae keokeo hope; hao kuni E H uha hope akau. Lio k eleele keokeo lokihi ma ka lae, 1 wawae keokeo hope heme, 3 wawae eleele; hao kuni D hope akau. O ka mea a mau mea nona kela mau lio e pono e kii koke mai o hala na la he 14, kuai kukala aku no wau ke hiki aku i ka la 31 o keia malama, ma ka hora 12 o ke awakea Poaono.
David Kaoao
Luna Pa Aupuni
Oct. 20, 1891. 304 3td.
OLELO HOOLAHA.
Owau o ka mea nona na aina o Makailio. Kamakalalaukalo, Kaluaopalena, ke papa akea aku nei i na mea a pau aole e hele wale maluna o ka aina, a aole hoi e kuai i ua loi ai oo a me loi opiopio, me ka hele mua ole mai e kuka pu me a’u. O ka poe a pau o kue ana ii keia olelo maluna no o lakou ko lakou poho. MELE AKONI ROSE.
Aug. 4, 1891. 251 3m-d*
MOOLAHA KAI KONOHIKI.
Ke pa leo aku nei ke Konohiki o Waialae, i kona mau hoaloha a me na hoaaina o kona Aina, ua hoolimalima aku oia i ke kai i keia manawa, a ua hookapu iho oia ii ka hee nona ilio, a nolaila, ke poloai aku nei oia e ike a hoomaopopo i keia leo la. Owau no,
3ms-d. PAULO ISENBERG.
NAWAHI HUNTSMAN
NA LOIO LAHUI!
Ua makaukau mana e kokua aku i na poe o ka Lahui i loohia ia e na pilikia kivila a hewa paha; a e koi a e hoopii aku ma kekahi o ia mau ano i
OLELO HOOLAHA.
E ike ananei na kanaka apau, eia ma ka Pa Aupuni e Makiki nei, kekahi lio hele hewa, lio w, ulaula, 4 wawae keokeo, kikokiko keokeo ma ke kua, kiko keokeo ma ka lae hao kuni ano-e hope ak. O ka mea, a mau mea nona keia lio, e pono e kii koke mai, o hala na la he 14 e kuai kudala aku no au ke hiki aku i ka la 17 o Okatoba 1891.
D. Kaoao
Luna Pa Aupuni.
Honolulu , Okatoba 5, 1891. d-3ts.
Hoolaha Hookapu.
Ke hoike ia aku nui ka lohe i na ano kanaka a pau loa. Ua hookapu loa maua i ko maua mau Apana Aina ekolu i kapaia o Kalaheo, Kahaleuia a me Puuoihala no lokoe na eka 202 e waiho la ma ka Paa Kai
Owau ne me ka haahaa.
MRS. C. I. HIRAM.
Honolulu , Oahu, Oct. 8, 1890. 3ms-d.
KALOA & WAINEE.
NA KAMANA HUI KUKULU HALE.
(Me ka uku haaha.)
O na kanoha main a mokupuni mai, e huauna pololei mai i na mea no laua na inoa maluna ae, a e loaa no maua i kela Hale Hou ma ke kihi o na Alanui Nuuanu me Kukui ma Honolulu.
S. K. Kalea. & Geo. Wainee.
w-4ts Sept 11, 1891.
Kauka Yong Kam Pung.
(APANA.)
Helu 53, Alanui Maunakea.
Ke Kauka Loea o ka
Aina Pua!
Ua hiki ke hoola ia keia a me keia ane
ma’i, mai ko na kane, wahine a me
na keiki liihi. O na ma’i ha-no
ua hiki loa ia ke hoola ia me
ka maalahi. A e na ma’i
e pili ana i ka maka
pau pu ia o’ke
oia. Ke ho-
ike ia aku nei.
eia ke oia ia nei, me
ka oluolu pa o kahi au-
hau. Ka poe pilikia hanau
keiki a hele nui a paha o ke koko,
a paa a lohi paha ka hanau ana, paa
paha o ka waiu, e hele nui mai i o’u nei,
E KIPA mai a ka poe i hooluu
Lau ia me na haawina pilihuaia ka ma’i,
A na’u oukou e hooluolu aku.
KAUKA YONG KAM PUNG.
Honolulu Sept. 2, 1891. 272-d3m*
I KA LEHULEHU HAWH
Ke hooiaio aku nei ka mea nona ka inoa malalo, ua hoolaia ka’u wahine mai ka pilikia hoomailo a ka ma’i kokopaa, ka’u keiki elua makahiki hoi mai ka aneane loa anale make i ka ma’i emi pu wale no o ke kino, oia hoi ka pilikia ai maloko o ke kino. Mai ke ola ana o ka ma’i a hiki i keia la, aole i hoea hou main a pilihua o ia ano. Ke keno nei au i na makamaka Hawaii o’u e hele au ia Kauka Apana, (Yong Kum Pung) a e loaa no ka maha. Mai kaulana ma na ano olua – oia ka oluolu o na pilikia ma’i a me ka haahaa o na auhau ana.
Me ka oiaio,
P. M. AKA.
KUAI HOOPAU NUI.
Mai keia manawa aku a hiki i ko Makou noonee ana aku iloko o ko makou
HALEKUAI HOU
Ma ke Alanui Papu,-(NA HALE RURUA.
E hoelilo aku ana Makou i ko Makou waiwai a
Pau o na ano Lole:
NA LOLE NANI,
NA LOIE I HUMUKA,
KAPU A ME PAPALE
PANU LOLE, a pele aka
No na Uku Hooemi Loa Nae.
Egan & Gunn.
ALANUI MOI kokoke i ke ALANUI PAPU. U-d.
Poino i ka Wai!
POINO I KA WAI:
E hoomaku ona keia mawaena o
keia la a me ka Poalua a hiki mai
o keia pule ae, me ka nana ole ia o
na lilo.
N. S. SACHS.
263-dtf. Honolulu.
HOOLAHA HOU
B. F. Ehlers & Co-PAINAPA
HELU 99 Alanui Papu.
IA OUKOU E NA MAKAMAKA A ME NA HOALOHA, OIAI HOU, UA makaukau makou i ke kuai hoopoho aku i na lole o na Wahine, Kane a me na Kamalii, oiai, e hoi mai ana o B. F. EHLERS me na lole hou ma kaia moka mai a oia ke kumu o ke makou kuai hoopoho ana, i kaawal ai na wahi ne ne LOLA HOU.
E Kipa mai e na makamaka, i hoopau ia ai ko oukou kanalua ao ka makou kuai hoopoho aku ia oukou. Owau me ka oiaio.
tf B. F. EHLERS & CO.
He Kuai Nui Hoopau aku.
E HOOMAKA ANA I KEIA
POAONO, AUGATE 1, 1891.
Ua Lilo ko makou Waiwai he mea Mohai wale!
Ua Hoemiia ke Kumukuai ilalo, aole i ko
Makou Pono, aka nou no-
Papa Kumukuai no 30 La wale no:
200 paa lihilihi keokeo puka aniani ……………………………………………………. $ .90
20 ia Kalakoa maikai …………………………………………………………………. 1.00
12 keokeo 1 i-a laula …………………………………………………………………. 1.00
8 keokeo 1 i-a laula …………………………………………………………………. 1.00
130 kakini lakeke o na Kamalii (huluhulu …………………………………………….. .45
83 kakini ka’o waihooluu o na wahine ………………………………………………. .65
Huluhulu no na paa lole kupono, .25 keneta o ka i a, e kuai no makou i keia mau la
no 7 i-a no……………………………………………………………………… 1.00
Papale Kuia o na Kamalii ……………………………………………………………... .25
Na Kawele nunui, 2 no………………………………………………………………… .25
Kakini eleele maikai …………………………………………………………………... .25
Na Papale i kahiko maikai ia ………………………………………………………….. 2.00
RUMI HANA LOLE MALUNA, HOLOKU
LOA. E HOOPAA AKU NO MAKOU NO NA KUMUKUAI MALUNA
NO 30 LA. NO KE DALA KUIKE WALE NO KEIA KUAI ANA.
C. J. Fishel
Ka makaiana o na Hale lako elua Wahiae, oia hoi ma alanui