Ka Leo o ka Lahui, Volume II, Number 313, 30 October 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

Rula o ka Hui Kalaiaina.  A mahope o ke koho ana a ke anaina ua ike ia ka lokahi o na mea a pau.

  Nolaila, e ka lahui, ua maloo ae nei na iwi o Hua i ka la, a ua ikeia ka no'a huna a keia poe moo deragona i upu ai nou e Hawaii.

 

HALAWAI HUI KALAIAINA.

  E halawai ana ka Hui Kalaiaina i keia ahiahi hora 7, no ka noonoo ana i na hana hololua a ka Hope Peresidena a me kekahi mau hoa o ke Komite Hooko Mana Ole mamuli o na Hui ana me na Komite Hooko o ka Hui Mekanika.  No keia mau hoao ana a kekahi mau hoa uuku o ka Hui Mekanika a me keia mau hoa o ke Kalaiaina e wawahi i ka Hui Kalaiaina i lilo ai lakou i mau moho holo balota i keia kau ae, nolaila keia kahea, e halawai kakou.

  Ma o ka mana, mai ka halawai hope mai ia'u.

R. W. WILIKOKI.

Peresidena Hui Kalaiaina.

 

E HOOLOHE I KELA.

  E ka hoaloha a me na makamaka, ke hoike ia aku nei ka lohe ia oukou a pau, e heluhelu ana i ke kino lahilahi o ke kiai o ka lahui, KA OIAIO, ma keia helu e puka aku nei e loaa ana ia oukou a pau kona kine, a e ike ana oukou a me kana mau nuhou maikai, a me he mea la o ko oukou halawai hope ana ia me ia, oia hoi, aole oukou i kokua mai iaia, aiai hoi oia e hoomanawanui ana no oukou i ke anu o ka po a me ka wela o ka la o ke ao, nolaila, o keia ka wa e hooko ia ai ka makou i hoolaha mua aku ai a o ka poe i uku mua mai o lakou wale no ke loaa ana na ipukukui, a e hoouna pololei ia aku ana ma o lakou ala a puni ka Paeaina, a o ka poe i uku ole mai e nele ana lakou.

  Nolaila, ke hoike ia aku nei oukou i ola honua i ole ai oukou e hpohuoi mai, a i ole hoi e kali makehewa mai a hala ka manawa.  A ina e makemake oe e ike i na mea huna pohihihi, alaila, e hoolele mua mai ko kapuahi, aohe hoi au olena ana o Kauhikoa kou lua, ua kau kou poo i ka uluna, a o Welehu ka malama, a o Puna hoi ua taata a o Kau hoi ka aina, a na makou aku hoi ka pau ana, alaila makepono hoi paha ka wela ana o ka maka i ka uwahi papa o Puowaina.  Me keia mau kahoahoa ana e lulu lima pu ai kakou.  Welina pu kakou.

Ka Nupepa KA OIAIO.

Keena o KA OIAIO a me KA LEO, Okatoba 29, 1891,

Hoolaha ia ma Honolulu.

 

HOIKEIKE KII HOOLELEAKA A BEN HOGANA.

  E haawi ana o Mr. Ben Hogana ma ka Y. M. C. A. Hall, i ke ahiahi o ka la apopo, Oct. 31, i kekahi o kona manawa ma ka Hoikeiki ana i na kii o na aina kaulana loa o ke ao nei, e like me keia:  Nu Ioka, Ilelani, Enelani, Kekokia, Palika, Nolewai, Italia a me Hawaii nei.

  A e hoikeike pu ia mai ana ke kii o na kahua kaua, na kahua lealea, a me na wai kaulana loa o ke ao nei.  A ua makemake ia na Keonimana, na Lede e akoakoa ae e ike i keia mau hana mikioi a keia loea o ke ao nei, ma ka hooleleaka.  E hoike pu ia mai ana ke kii o Ladana a me Roma.  No ka manawa mua, hookahi hora me ka hapa, no ka lua, he hapalua hora.

  He pomaikai nui keia, oiai, e hoi keiki wale ana no oia i keia mau mea me ka uku ole.  Nolaila, e hele nui ae e na poe e ake ana e ike i na mea hou.

 

NUHOU KULOKO.

  Ua hookohu ia aku o Mr. W. H. Daniels, i Kakauolelo no ka Aha Kaapuni Elua o Maui.  E hoomaka ana oia e lawelawe i kana apana hana ma ka la 1 o Novemaba.

 

  Ua makemake ia na Luna lawe pepa a pau o ka LEO O KA LAHUI, e hoihoi mai i na helu o na la, 19,20,26,27 o Okatoba nei, ma keia keena nei; ina nae he mau helu koe ia oukou.

 

  Ua makemake ia na Luna Lawe Pepa a pau o ka LEO a me ka OIAIO, e akoakoa mai ma ke keena nei, i ka hora 10 a.m., o ke kakahiaka Poalima, no ka noonoo ana i kekahi hana i manao ia.

 

  I ka la apopo e pauaho mai ai keia malama i keia ola ana.

  Iloko o keia malama ae e mala ma ia ia ke kau kiure o Waimea, Hawaii.

  Ua akoakoa ae na lala o ka Hui Aloha Aina, ma kahi o Mrs. Kamana, no ka noonoo ana e hoopau ia Hui.

  Ua hoohui ia ma ka berita maemae o ka mare, o Mr. W. O. Barnhardt me Miss F. M. Giles ma ka po nei.

  O na aha mele e haawi ia nei ma ka halepule o Kaumakapili, no ka pomaikai no ia o ka hoomalamalama ana ia hale.

  Mai poina i ka hoomanao aku i Kapuaiwa Hale, i ko ke aupuni kuleana iloko o ko oukou waiwai, oiai o na la ohi auhau aku keia.

  Mai poina i ka naue ae ma ka halekuai pookela o na mea maikai, ma kahi o N. S. Sachs.  E loaa no ia oukou e na lede na papale o na nupaikini hou loa.

  I ka po Poalua nei, na puka makehewa ae la na kaawai, me ka manao ia la hoi he ahi io, eia ka auanei aohe he ahi, he mea paani wale no na Kamalii kolohe o Leleo.

  E kuai kudala aku ana o Mr. Mogana, i kekahi mau apana aina kupono i ke kukulu home ma ka aekai o Waikiki ke hiki aku i ka la 7 o keia mahina ae.

  Ma ka Halemai Moiwahine ka Bana Hawaii, kahi i hoolaulea ai i na kini oia home, mawaena o ka hora 2 a me 5 p.m., o ka la inehinei.  Hala iki ae kahi manawa o ka pilihua.

 

OLELO HOOLAHA.

  E ike auanei na kanaka a pau, eia ma ka Pa Aupuni o Makiki nei, kekahi mau lio hele hewa.  Lio k ulaula, 2 wawae mua i paa i ka hao, kiko keokeo ma ka a-i pela ma ke kua, 1 wawae keokeo hope hema, kiko keokeo ma ka lae, hao kuni ano e, kohu kiaha puaniki ke ano.  Lio k melemele, 3 wawae keokeo, eleele keokeo ka hulu o ka wawae mua akau, kiko keokeo maluna o na kue maka a elua, hao kuni X hope hema.  Lio k ulaula, keokeo uuku ma ka wawae hope akau, keokeo lokihi ma ka ka lae, kiko keokeo ma ke kua pela no na aoao a elua, 4 wawae i paa i ka hau, hao kuni ano e hope akau hapala ka hao malalo o keia mau kuni.  O ka maa a mau mea palua no lakou keia mau lio, e pono ia la kou e kii mai, o hala auanei na la he 12 e kuai kudala aku no waa ke hiki aku i ka la 7 o Novemaba 1891.

D. KAOAO.

  Oct. 27, 308 - dtf.                                                Luna pa Aupuni.

 

OLELO HOOLAHA.

  E ike auanei na kanaka apau, eia ma ka Pa Aupuni o Makiki nei, kekahi lio hele hewa, lio w. ulaula, 4 wawae keokeo, kikokiko keokeo ma ke kua, kiko keokeo ma ka lae hao kuni ano-e hope ak.  O ka mea a mau mea nona keia lio, e pono e kii koke mai, o hala na la he 14 e kuai kudala aku no au ke hiki aku i ka la 17 o Okatoba 1891.

D. Kaoao

Luna Pa Aupuni.

  Honolulu, Okatoba 5, 1891.                                                          d - 3ts.

 

Hoolaha Hookapu.

  Ke hoike ia aku nei ka lohe i na ano kanaka a pau loa.  Ua hookapu loa maua i ko maua mau Apana Aina ekolu i kapaia o Kalaheo, Kahaleula a me Puuoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai.  Nolaila, ke papa loa ia aku nei na holoholona o kela a me keia ano, aole e hookuu wale ia maluna o na mau Apana Aina la, a o ka mea a mau mea paha e kue ana i keia, e hopu ia no e maua, a i ole ia,e ko maua mau hope paha, a e hooko ia e like me ke kuhikuhi a ke kanawai.  O na poe a pau e makemake ana e komo iloko o keia Hui, e pono lakou e hele mai e hui pu me Mrs. C. I. HIRAM, a i ole ia, me DAVID DAYTON, a i ole ia KUKA.

Owau no me ka haahaa.

MRS. C. I. HIRAM.

  Honolulu, Oahu, Oct. 8, 1890.                                                        3me-d

 

KALOA & WAINEE.

NA KAMANA HUI KUKULU HALE.

(Me ka uku haaha.)

  O na kauoha mai na mokupuni mai, e hoauna pololei mai i na mea no laua na inoa maluna ae, a e loaa no maua i kela Hale Hou ma ke kihi o na Alanui Nuuanu me Kukui ma Honolulu.

S. K. Kaloa & Geo. Wainee.

  w-4ts Sept 11, 1891.

 

Kauka Yong Kam Pung.

(APANA.)

Helu 53, Alanui Maunakea.

Ke Kauka Loea o ka Aina Pua!

Ua hiki ke hoola ia kela a me keia ano ma'i, mai ko na kane, wahine a me na keiki liilii.  O na ma'i ha-no ua hiki loa ia ke hoola ia me ka maalahi.  A o na ma'i e pili ana i ka maka pau pu ia i ke ola.  Ke hoike ia aku nei, eia ke ola ia nei, me ka oluolu pu o kahi auhau.  Ka poe pilikia hanau keiki a hele nui paha o ke koko, a paa a lohi paha ka hanau ana, paa paha o ka waiu, e hele nui mai o o'u nei.

  E KIPA mai e ka poe i hooluuluu ia me na haawina pilihua a ka  ma'i, a na'u oukou e hooluolu aku.

KAUKA YONG KAM PUNG.

  Honolulu Sept. 2, 1891.                                                                      272 - d3m

 

I KA LEHULEHU HAWII

  Ke hooiaio aku nei ka mea nona ka inoa malalo, ua hoolaia ka'u wahine mai ka pilikia hoomailo a ka ma'i ko kopaa, ka'u keiki elua makahiki hoi mai ka aneane loa ana e make i ka ma'i emi pu wale no o ke kino, oia hoi ka pilikia ai maloko o ke kino.  Mai ke ola ana o ka ma'i a hiki i keia la, aole i hoea hou mai na pilihua o ia ano.  Ke kono nei au i na makamaka Hawaii o'u e hele ae ia Kauka Apana (Yong Kum Pung) a e loaa no ka maha.  Mai kanalua ma na ano elua - oia ka oluolu o na pilikia ma'i a me ka haahaa o na auhau ana.

Me ka oiaio,

P. M. AFA.

 

KUAI HOOPAU NUI.

Mai keia manawa aku a hiki i ko Makou hoonee ana aku iloko

o ko makou

HALEKUAI HOU

Ma ke Alanui Papu, -

(NA HALE BURUA.)

E hoolilo aku ana Makou i ko Makou waiwai a

pau o na ano Lole:

NA LOLE NANI,

NA LOLE I HUMUIA,

KAPU A ME PAPALE

PAHU LOLE, a pela aku

No na Uku Hooemi Loa Nae.

Egan & Gunn.

ALANUI MOI kokoke i ke ALANUI PAPU.           tf-d.

 

Poino i ka Wai!

POINO I KA WAI!

  E hoomaka ana keia mawaena o

keia la a me ka Poalua a hiki mai

o keia pule ae, me ka nana ole ia o

na lilo.

N. S. SACHS.

263-dtf.                 Honolulu.

 

HOOLAHA HOU

B. G. Ehlers & Co - PAINAPA

HELU 99 Alanui Papu.

  IA OUKOU E NA MAKAMAKA A ME NA HOALOHA, OIAI HOI, UA

makaukau makou i ke kuai hoopoho aku i na lole o na Wahine, Kane a me na

Kamalii, oiai, e hoi mai ana o B. F. EHLERS me na lole hou ma kala moku mai

a oia ke kumu o ko makou kuai hoopoho ana, i kaawale ai na wahi no na LOLE

HOU.

  E kipa mai e na makamaka, i hoopau ia ai ko oukou kanalua go ka makou kuai

hoopoho aku ia oukou.  Owau me ka oiaio.

tf                                       B. F. EHLERS & CO.

 

 

 

 

He Kuai Nui Hoopau aku.

E HOOMAKA ANA I KEIA

POAONO, AUGATE 1, 1891.

Ua Lilo ko makou Waiwai he mea Mohai wale!

Ua Hoemiia ke Kumukuai ilalo, aole i ko

Makou Pono, aka nou no-

Papa Kumukuai no 30 La wale no:

200 paa lihilihi keokeo puka aniani................................................................$    .90

  20 i a Kalakoa maikai....................................................................................   1.00

  13 keokeo 1 i-a laula.....................................................................................    1.00

   8  keokeo 1 i-a laula.....................................................................................    1.00

159 kakini lakeke o na Kamalii (huluhulu).....................................................      .45

  93 kakini ka'u waihooluu o na wahine..........................................................      .05

Huluhulu no na paa lole kupono, .25 keneta o ka i-a, e kuai no makou i keia

       mau la ao 7 i-a no......................................................................................    1.00

Papale Kula o na Kamalii.................................................................................      .25

Na Kawele nunui, 2 no.....................................................................................      .25

Kakini eleele maikai.........................................................................................      .25

Na Papale i kahiko maikai ia............................................................................    2.50

 

RUMI HANA LOLE MALUNA, HOLOKU etc., HANA LA ME KA OLUOLU LOA.  E HOOPAA AKU NO MAKOU NO NA KUMUKUAI MALUNA NO 30 LA.  NO KE DALA KUIKE WALE NO KEIA KUAI ANA.

C. J. Fishel.

  Ka makamua o ua Hale lako a na Wahine, oia hoi ma alanui Papu a me Hotele, kahi i hanau ia ai na kuai hoopono a ano nui no hoi.                                                       94@-d@