Ka Leo o ka Lahui, Volume II, Number 315, 3 November 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

Hawaii e lilo ia lakou. Nolaila, ua hoahu a ua hoiliili lakou i mau dala e like me ka hiki ma ka hoomanawanui, no ke koho aku ma ka la kudala. Ua nui ko lakou makemake e loaa ona wahi e keehi iho ai o ko lakou mau wawae. E hoomanao ia no hoi, o keia poe I hoahu I ka lakou mau wahi kenikeni, he lehulehu loa lakou, mai Koolauloa Koolaupoko a hoea loa aku i Honolulu.

            I ka hiki ana i ka la kudala o ua aina nei, ua lehulehu ka poe o na Koolau i pii aku no Honolulu no ke koho ana i ka aina, a i ko lakou hoomaopopo ana, o ka Hon. Kikila Baraunu ka i hoolimalima ia e ka hui pake mahi raiki e koho ma ko lakou aoao, ua hele aku na kanaka Hawaii a noi aku i ua haole nei e lokomaikai mai a e oluolu mai e hookuu i ka aina no lakon na kanaka Hawaii, aole hoi o ke koho nui loa a lilo no na Pake, me ka hoakaka pu ia aku ka pau o ka aina i ka pake a me ka haole, a ua ilihune hoi na kupa o ka aina, a ua makemake ia i home no lakou a me ka lakou mau mamo aku. No keia noi haahaa imua o ua o Kikila Baraunu, ua pane haakei ea mai la na kanaka Hawaii, a hookoka kumakaia Hawaii, a hookoka kumakaia inoino loa ia me na olelo a ka ai-a a me ka lokoino, a ua koho ua haole la i ka aina ma ka aoao o na pake, a ua nele na Hawaii ma kana hana ana.

            Nolaila, he mea maopopo, aia no i ka pakeke ke aloha o Kikila, aole i na kanaka Hawaii, a ua oi aku kona manao nui e hana i na mea e pomaikai ai ka pake mamua o ke kanaka Hawaii. Ua poina oia i na hookipa maikai a ko Koolau iaia, a kona hiki malihini ana mai a hoohanohano aku lakou iaia no na makahiki lehulehu. Ua palaka oia i na hooluhi a hookano ana i na kupa o Koolau e hooko a e hoolawa mau i kona mau makemake me ka manawalea wale ia. Ua Iuda a ua kumakaia maopopo oia i na kanaka Hawaii, mamuli o kela mau dala a ka pake, a heaha la ka oi o ia mau apana dala i na hana lokomaikai  a hoohanohano a ko Koolau poe? Nolaila, ke hoike aku nei makou i keia ano hana i moakaka pono ai kona ano. Ua koho na kanaka a hiki i ka $18,750, me ka manao e komo iho ana ke aloha iloko o keia wahi haole, aka, aole, ua lilo aku la no i kana mau punahele pake no $18,800; ka poe hoi i hana ole nona a i hoohanahano ole iaia.

            Ke hoike nei makou i ka pau o ka hilinai iaia, a ke kapa nei he enemi oia no na pono o Hawaii, a ke kukala nei, aole makou e koho hou iaia i lunamakaainana a ke a'o aku nei iaia o Honolulu no ia noho aku, he makehewa ka iho mai e holo balota, ua ike ia kona ano a me kana hana a ua pau kuhihewa.

            Me ke aloha no, Na kekahi Poe Koho Balota o Koolauooko. Koolau, Oct. 20, 1891.

 

KE KIU LALAU O KE KUOKOA

Ma ka nupepa "Kuakoa" o Oct. 31, ua hoopuka ia ae e Kiu Lalau kekahi manao hoiaaina nou, a ua hoopuka pu ia ae he manao haole i kou kuleana he hoa no ka Hui Kalaiaina.

            @oea e h@ohoka loa ia ai nou e Kia Lalau; ke hoike aka nei au ia oe. Eia ma ko'u lima ka Pepa Hookohu Laia no'u, i kakau inoa e J Kahoonei-mahope mai nei o Sept. A.D. 1890, au @ke @ ole ai.

            Ina he hupo o Kiu Lalau, ua makaukau au e kala aku iaia, aka, ina ua piha oia me na manao o ka uhane hehena, a me ka manao ino; alaila, he makehewa loa ke hoonaauao aku.

            Owau no me ka haahaa,

            Joseph Nawahi. Honolulu, Nov. 3, 1891.

 

UWILA SONG

Lawe ia mai ana ko aloha

E na makani kehau o uka

AAla mapuna i ka poli

Me he ipo 'la na ka noe.

Hui: Ko leo ka'u e hoolono nei

Ma ke telepone hui ai kaua

Na Uwila la i hui mai

A loaa wau i ka ahe makani.

E kuu aloha hoi e

Mili ia i ka la mehameha

Hiinoi ia iho ka anoi

I kuleana like ai kaua.

O ke onaona lau wahine

Maliu mai oe ianei

Oiai ka pili'na ma lai

Hoolawa pono i ko makemake.

            Kalama.

 

NUHOU KULOKO

                        Ua makemake ia na Luna lawe pepa a pau o ka LEO O KA LAHUI, e hoi hoi mai i na helu o na la, 19, 20, 26, 27 o Okatoba nei, ma keia keena nei; ina nae he mau helu koe ia oukou.

 

            Ua makemake ia na Luna Lawe Pepa a pau o ka LEO a me ka OIAIO, e akoakoa mai ma ke keena nei, i ka hora 10 a.m., o ke kakahiaka Poalima, no ka noonoo ana i kekahi hana i manao ia.

 

            E puka ino ana kahi ailikimana mahope. Ooe ka oi.

            He kapalulu mai koe o ka mokuahi Malulani i keia a luna la.

            I ka holo koloua kekahi poe i ka I'a hamau leo i kela la aku nei.

            Aia ka mokuahi Kinau iluna o ke alahukimoku kahi i hoomaemae hou ia ai.

            E haiolelo ka Dan. Logan, ma ka Y.M.C.A. i po Lapule nei. Ua hiki no.

            Aohe he ua o keia mau la, a ua pau no hoi ka ukele o na alanui o ke taona nei.

            I hea iho la hoi oukou i ka penei oiai na hokeo e houheuhene ana i ka Ema Kuea.

            I keia ahiahi e holo aku ai ko Kauai mau moku, oia hoi o Mikahala a me Waialeale.

            He elua hoikeike hoolele kii a Mr. Ben Hogan i malama ae ai i ka po Poaono nei, o na lede mamaua a mahope aku na kane.

            Eia mai ka kakou hiwahiwa i ka wa kakahiaka nui poeleele wale, a e aloha wale iho hoi iaia, a hoomanao mai i kona wahi hanu.

            Ke hookokoke aku nei kakou i ko kakou mau la kulaia, a ma ka la apopo makou e hoolaha aku ai i ka olelo hoolaha a N.S. Sachs.

            E hoomanao mai e na makamaka i ko oukou koena aie i ka kakou hiwahiwa, oiai ua pau ka mahina, a ke komo nei i ka mahina hou.

            Ua hoopai ia o Kamaua he $81 me na koina, a me ka hoopaahao pu no eono malama me ka hana oolea, no kona aihueana i kekahi waao.

            Ua makemake ia ka mea nana kela uwati ma ke keena loio o Akipoka ma, e kii aku. E eleu o lilo aku auanei i ka hiki mua.

            Ma ka Poaono me ka Lapule nei, he mau la pamaloo loa ia o Kalakaua Hale. Noke ano puanuanu no paha kekahi o kaia mau kakahiaka.

            Ina oukou e makemake e kuai i na ipu momona, mai poina i ke kuai ana i ka ipu a Hon. W.H. Cummings, no ka mea, he ono a kuhikuhinia maoili no hoi. Oia ka rula.

            I keia po, e malama hou ai o Mr. Starr i kana wehewehe Baibala ma ka Y.M.C.A. Hall. A ke kono ia aku nei kela me keia, e ake ana e lohi e kekahi olelo wehewehe no ka pono o ka uhane.

 

            He Moolelo Nanea

NO

De Atanani.

Ke Koa o ka Lio Olohe, A I OLE

NA KIAIEKOLU

O FARANI

E ka Monasiua, wahi a ua ona hotele la; ua hai ia mai ia'u ka lohe, e hoea mai ana ma ko'u hotele nei he poe kaahele me na dala apuka, a i aahu malalo o na kahiko hu na o ka poe koa kiai.

            Amo e ka monasiua, ma keia lono i loaa mai ai ia'u, na ia mea i ko no mai i ko'u mau makaala loa ana no ua poe la, a i kela a oukou i hoea mai ai, hoomanao ae la wau i ka oiaio o ka'u mau mea i lohe mua mai ai, aka e ka monasiua, ua ike au i ko'u kuhihewa nui mahope mai, a oia ka'u i nihi loa ai.

            Alaila aia i hea ua keonimana la o ka wiwo ole i keia wa? wahi a Atanani i ninau aku ai.

            Aia oia maloko o ke koena hoahu ai o ka hale hotele nei.

            A e ka monasiua, wahi hou a ka ona hotele, he kanaka wiwo ole kela o na wiwo ole, a he lua ole hoi ma ka oniu makakila imua o eono iaia hookahi wale no.

            Alaila nawai i hoopaa iaia ma ke la kena?

            Nana no, no ka hoopakele ana iaia iho mai ka inaina aku o na kanaka e holomeku ana me na manao kuaki o ka hopu pio iaia a haehae liilii ae.

            A-ha, ke ike ala au, alaila, e Mr. Ona hotele, e lawe aku ia'u no kahi o ua koa la o ka wiwo ole.

            Wahi a ka haku hotele i pane mai ai; ke hopehope nei au no ia mea e ka monasiua, oiai aole loa he kanaka i aa e maalo ma ua wahi la no ka mea na nui ma heao ana a'u e hoomahelie i kona inaaina aka ua hiki ole nai.

            Alaila, he kanaka hoohe wale oe? Ha, ha, ha, ma ka oi o keia pahikaua, ke kauoha aku nei au ia oe e lawe koke aku ia'u no kahi i noho ai o kuu, hoaloha La Fere, a ke hoao hou oe e pane mai me na olelo kolohe o ke apuka, alaila i ke ia la, aole kou poo ma kona wahi.

            O keia mau olelo kauoha o ka hookikina a ke koa opio Ata@ ka'ona hotele me ka maka o ka pahikaua, oia ka ua ona hotele la i ku ae ai iluna me ka naka haalulu a alakai aku la i ke koa opio no ke keena a La Fere e noho ana.

            Ia laua i hoea aku ai niawaho o ua keena la, huli ae la ka ona hotele a pane mai la ia Atanani me ka leo haahaa o ka hoohe wale:

            E ka monasiua, eia ma keia keena nei ua koa la o ka wiwo ole, a o ko'u hoaloha hoi.

KUAI HOOPAU NUI.

 

Mai keia manawa aku a hiki i ko Makou hoonee ana aku iloko o ko makou

HALEKUAI HOU

Ma ke Alanui Papu, (NA HALE BURUA.)

E hoolilo aku ana Makou i ko Makou waiwai a pau o na ano Lole:

NA LOLE NANI, NA LOLE I HUMUIA KAPU A ME PAPALE PAHU LOLE, a pela aka

No na Uku Hooemi Loa Nae. Egan & Gunn.

ALA NUI OI kokoke i ke ALANUI PAPU.

HOOLAHAHOU

B.F. Ehlers & Co. PAINAPA

HELU 99 Alanui Papu

IA OUKOU E NA MAKAMAKA A ME NA HOALOHA, OLAIHOI, UA makaukau makou ike kuai hoopoho aka I na lole o na Wahine, Kane a me na Kamalii, oiai, e hoi mai ana o B.F. EHLERS me na lole hou ma keia moku mai a oia ke kumu o ko makou kuai hoopoho ana, ikaawale ai na wahi no na LOLE HOU.

            E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou. Owau me ka oiaio, tf

B.F. Ehlers & CO.

He Kuai Nui Hoopau aku.

E HOOMAKA ANA I KEIA

POAONO, AUGATE 1, 1891.

Ua Lilo ko makou Waiwai he mea Mohai wale!

Ua Hoemiia ke Kumukuai ilalo, aole i ko Makou Pono, aka nou no Papa Kumukuai no 30 La wale no:

200 paa lihilihi keokeo puka anlani                             $.80

20 ku Kalakoa maikai                                                 1.00

12 keokeo 1 i-a lauha                                                  1.00

8 keokeo 1 i-a laula                                                     1.00

159 kakiui hakeko o na Kamualii (huluhulu)              .45

143 kakini ka'e waihooluu o na wahine                      .05

Huluhulu no na paa lole kupono, .23 keneta o ka i-e e kuai no makou i keia niau la no 7 i-a no                                                                                            1.00

Papale Kula o na Kamalii                                            .25

Na Kawelo nuuui, 2 no.                                              .25

Kakini eleele maikai                                                    .25

Na Papele i kahiko maikai ia                                       2.00

RUMI HANA LOLE MALUNA. HOLOKU etc., HANA LA ME KA OLUO LOA. KE HOOPAA AKU NO MAKOU NO NA KUMUKUAI MALUNA NO. 30 LA. NO KEDALA KUIKEWALE NO KEIA KUAI ANA.

C.J. Fishel.

Ka makamua'ohalaie ka@ Wahine oia hei ma aka@ Pupu a me Hotele, kahi i hanau in ai ma kuai hoopono a anohei a @.