Ka Leo o ka Lahui, Volume II, Number 332, 26 November 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

NU HOU KULOKO.

            Ua makemake ia na Luna lawe pepa a pau o ka LEO O KA LAHUI, e hoihoi mai i na helu o na la, 19, 20, 26, 27 o Okatoba nei, ma keia keena nei; ina nae he mau heiu koe ia oukou.

            Ua makemake ia na Luna Lawe Pepa a pau o ka LEO a me ka OIAIO, e akoakoa mai ma ke keena nei, i ka hora 10 a.m., o ke kakahiaka Poalima, no ka noonoo ana i kekahi hana i manao ia.

            Ua makemake ia na Luna lawe pepa a pau o ka Leo e hoihoi mai i na helu o ka la 2, 9, 10, o Novemaba nei, ma keia Keena, ina nae he mau helu koe oukou.

            I ka la apopo e niau aku ia ka Malulani no Kona.

            He kinipopo ko keia la ma ke kahua olohu popo.

            He eha pule mai ka la aku enehinei, hlki mai ke Karikamaka.

            I keia pule ae e hoihoi ia aku ai ke kino make o ke alii Paka no Waimea.

            I ke ahiahi onehinei i holo aku ai ka mokuahi Zamberi, no Wikolia a me Potalana.

            He ewalu apana aina a Mr. J. T. Waterhouse i koho ai i kela la aku nei, me ke kulanakauhale momi.

            Ma ka Poaono, e malama ia ana he elua heihei kaa hehihehi wawae aole nae i maopopo kahi e malama ia ai.

            Ua kono aku o Mr. E J. Wythes ka ona nona ka moku holo lealea St. George i ka Moiwahine no ka holo ana no ka luaopele maluna o kona moku.

            O ke kanaka wale no ke hopuhopu ia mai nei no ke cifa, a o ka pake hoi aole he hopu nui ia. No ke aha la, no ka ilihune paha o ka Hawaii waiwai ka pake.

            Ke kiai pono nei ka luna kiai awa Crable i na ukana a me na mea a pau e hoouka ia nei iluna o ka moku Samberi, a pela no hoi ka ukana lele mai mai ia moku mai.

            Ma ka hora 4 o ka auina la Poalua nei, i malama ia ai ka haipule maluna o ke kino kupapau o ka Hon. J. P. Parker, e Rev. H.H. Parka. Malaila ka bana kahi i ka ni ai, a na ka papa himeni mai na mele kanikau. I ka la apopo e haalele iho ai ka moku mikanele Hokuao no na mokuaina o ka hema. E kau aku aua o Rev. Z. S. K. Paalubi a me kana wahine, no ka hoomau ana aku i ka laua apan hana ma Kapiteuea, a o Rev. F. E. Rand ka wahine ma Ponape.

            Ua makanaaia aku o Hamuku Wilson e Mr. Whaley me kekahi ilio kumukuai aui, o $250, wahi a kekahi nupepa namu o ke kulamakau i kela wahi olelo ma ke baipala oia hoi kein. "O ka makana malu, pale aku no ia i ka inaina." O ka mea nana keia makana o ka ona no ia o kahi otoku opi@a a ke Kalaudine i imi ai me ka pualikoa a me na pukumahi.

 

He Moolelo Nanea

 

NO

 

De Atanani.

 

Ke Koa o ka Lio Olohe,

 

--A I OLE--

 

NAKIAIEKOLU

O FARANI.

 

            A ia laua i noho iho ai maluna o na noho, ua kaa mua aku la na ka lede Calarika ka hoohali olelo ana me ka pahee, e hiki ai ke kaihi ia na manao o ke koa opio, aka o ka manao paa a me ke aloha oiaio iloko o ua koa opio la no kana Conestina na ia mea wale no i heopakele ae iaia mai ka hei ana i ka upena kuu a ka lede Calarika.

            O ka ua koa opio wale la no i hopohopo ai o ka ike a hoomaopopo mai o ua lede la iaia e like me kana mau olelo ahiu o ka po aku i hala, a na ia mea aunei o kumaia aku iaia imua o na mana o ke Cadinel.

            Ua ala pu mai no hoi iloko o na hoomanao ana o ua koa opio nei kana palapala i pakaha ia ai ma Muna e ke kanaka o ke koloka loihi, a o ka hoa kuka olelo hoi o keia lede Calarika malalo o ka ino Milede.

            Aka e ka mea heluhelu; mai ka hiki ana aku o ua koa opio la malalo o na kaupoku hale o ua lede Calarika nei a hiki i kona haalele ana iho, aole loa he mau hoohuoi ana iloko o na olelo a ua lede la e pili ana iaia.

            He aneane e hookahi hora keia kipa ana aku a Atanani, haalele iho la ia i ka hale o ka lede Calarika iloko o na lulu lima aloha ana me ua lede la a me kona hoaloha ke kauna Wineta, me na kono hou mai mai ia laua e kipa hou aku ilaila i kekahi la ac.

            Ia Atanani i haalele iho ai i ka hotele Halealii, huli hoi pololei aku la ia no kona keena ma Rue des Fosoia.

            Ma kekahi la ae, mahope iho o ka pau ana o kona paina kakahiaka, hai aku la ia i kana kauawa no kona hele ana ma kekahi wahi i kono ia mai ai iaia, a aole paha ia e hoea hou mai ana a hiki i ka auina la.

            Me keia mau olelo a Atanani i ka na wahi kauawa, haalele i ho la ia ia Rue des Fosoia no ka hotele Halealii o ka lede Calarika.

            A iaia i hoea aku ai no ka Hale aii hotele, aole koua hoaloha kauna o ka hale, o kona kaikuahine wale no ka lede Calarika a ua hoo kipa ia aku @@ kau opio la me ka hanohano i oi aku i ko ke ahiahi i hala.

            Ua boomahele ae na lawena olelo a ua lede Calarika la no na mea e pili ana i ke Cadinela, e laa ka hanohano a me ka ihiihi o na kulana o ka poe a pau e lilo@ana he mau lima hana a lawelawe malalo o ua Cadinela la.

            O keia mau palu ahele a ka milede e hooonaona maka nei i ke koa opio, oia ka ua koa opio la i ike a hoomaopopo i ho ai aia he hana nui ka ua lede nei i makemake ai e hoike mai imua ona.

            Nolaila, o like me na maalea a me na pahele olelo ana a ua milede la, pela ke koa opio Atanani i lawe ae ai i na minute a ka makaala ana nona iho, a me na olelo maalea mua o ka hoolauna, pane aku la ia me keia mau olelo:

            He kupa Farani anei oe?

            Aole e ka monasiua, aka he Ferani nae au ma ke noho ana. He lede Enelani au, a mailoko 'u a waho he Enelani, aka o kuu puu wai nae, he puuwai i hoolilo ia no Farani.

            O keia pane a ka milede, oia ka ke koa opio i namunamu iho ai iaia iho me keia mau olelo, "ka nahesa he lede Pelekane oe me ka puuwai kipi," alaila me kela mau olelo ae la a ke koa opio iaia iho, pane aku ia oia i ka lede.

            Alaila, he kanaka Enelani no anei kou kaikunane ke kauna Wineta?

            Ae e ka monasiua, he kanak Enelani no ia, a e noho haku ana ma ke ano he Barona no Sebila, aole oia he kaikunane ponoi no'u aka, he kaikunane ia ma ke ano ua mare aku au i ka muli loa o ka ohana Wineia, a pela oia i pili ai ia'u.

            A he, akahi no au a maopopo aole ka oukou mai ka ohana hooka hi mai.

            Alaila, he kauna a Barona waiwai anei ka haku Wineta?                  

            Ae e ka monasius, he kanaka waiwai loa oia aka o ka apiki wale no, aole oia i mare wahine, koe wale iho no au a me ka'u koiki, a ina e make ana ua kauna la me ka mare wahine a loaa keiki ole, alaila e ili mai ana kona mau waiwai a pau maiuna o na keiki la a'u.

Aole i pau.

 

E Kuai Hoopau

Ana!

 

Na Kaa Huila Lua

 

a me

 

Ili Kaa Malalo o ke Ku

mu Lilo

 

Ma kahi o--

 

S. G. Sehuman.

 

            Alanui Hotele kokoke i ke kihi o Alanui Papu.          329-1wd.

 

KUAI HOOPAU NUI.

Mai keia manawa aku a hiki i ko makou noone

 ana aku iloko o ko makou

 

HALEKUAI HOU

Ma ke Alanui Papu,--(NA HALE BURUA.

E hoolilo aku ana Makou i ko Makou waiwai a pau o na ano lole:

NA LOLE NANI,

NA LOLE I HUMUIA

KAPU A ME PAPAI@

PAHU LOLE. a ne@a aka

 

No na Uku Hooemi Loa Nae.

Egan & Gunn.

ALANUI MOI kokoke i ke ALANUI PAPU.          tf--d.

 

NA Paikini Hou

Na Paikini Hou

O NA ANO A PAU, E KINIKOHU AI O KE ANO AHIAHI, E LOAA NO MA KARI--

Chas. J. Fishels,

KIHI O ALANUI PAPU A ME HOTELE,

            Ko makou halekuai hoopau nui, ma o MR. CHAS. J. FISHELS la, he mau wai wai hou loa ko makou i loaa mai nei mai ka hikina mai, o na ano like ole he nui wale. Eia ma ko makou halekuai nei ua paa lole e linohau ai o na Keonimana a luhiehn o na Ledc, na aulii o na Kamalii--

Na KINAMU

Na KALAKOA Malina

NANAHE o na ano he nui

Na ALAPIA

Na KIHEI Silika

A pela wale aku.

E huea pau ia aku ana keia mau waiwai a pan imua ou, aole hoi o oe wale o na Lede kekahi, pau pu aku hoi me na keiki, nau e wae nou iho i na anoai a kou puuwai, eia ka papa lohi o Apua la, ke anapa nei ka wai liula i Mana.

            E hele mai i hookahi, e hele mai no a pau loa, mai ke nui a ka liilii.

Chas. J. Fishels.

356--tfd.          Halekuai alakai o nakumukuai haahaa loa.

 

NA WAIWAI HOU!

NA AULII HOU!

 

NA PAIKINI HOU O KEIA KAU HOOILO

O KA MAKOU IA LA AULII KOLOMANU

KU KE PAI HANA KA HAAWE

 

NANI WALE KA IKE I NA MEA NANI O KA HAU OKI O KA AINA GULA O KALEPONI--MA KA HALEKUAI WA@

OLU NAWE MALIE O--

N. S. SACHS.

            He oia mau no ke emi o ke kumukuai o ko makou mau waiwai, a oia ke kumu o ko makou paa mau ana i ka hana--A he wahi puka iki ko makou e kaa mau nei--Eia he heluna hou o na waiwai hou, ka makou o na ano like ole--Na MA KALENA lau, a me @a MAKALENA puu, o kela a me keia ano, o ke ano mai kai loa.

 

Mai Puiwa Oukou! Mai Puiwa Oukou!!

 

EIA IHO KA PAPA LOHI O APUA NA LOLE AAHU O NA L@

DE I HANA MIKIOI IA MAI A AULII.

Na Muumuu o na Lede 40 keneta; Palekoki aulii o na Lede 50 keneta; Na luhio hu o ke ano ahiahi $1.00; Na Kihei kaekae huihui 40&50 keneta; Na Kawele hoomaemae ili o pa Lede 60 keneta; Na Kaliki molina maikai loa 50 keneta, Na pai kini hou o na wahine ma ka hoopaa ana ia loko 50 keneta; Na kakini lilina pahee o na Lede, elua paa no ka 25 keneta.

NA PAIKINI AULII O NA KEIKI, NO NA KUMUKUAI HAAHAA LOA, A EMI NO HOI.

Na aahu keokeo o na keiki 75 keneta; Na lole komo o na keiki 3 paa $1.00; Na Papale aulii o na keiki 25 keneta; Na kaliki o na kaikamahine 40 keneta; Na A-i kala o na keikikane 25 keneta, na Muumuu o na pepe 25 keneta; na Popale Lilina maikai o na kaikamahine he 50 keneta, mamua he $1.00, na Papale auili o na keikane he 50 keneta, mamua he $1.00.

NA PAHOEHOE HULE PAHEE! NA PAHOEHOE HINUHINU!!

            Ua piha u ko makou halekuai nei i na waiwai like ole o na ano a pau, o @ hulu hoonani o na papale o na iwa maka onaona oia ia ia makou nei la, ko hihi lua nei i Moeawakea he eleele he ahiehie, a nau e wae e like me kou makemake pala, he kau maoli no ka iwa he la makani oia la ke ahu a lala kukui m@i nei. E na makua me na keiki pu mai no, e wae oukou no oukou iho. He makepono ke@a i ike ole ia kona lua, oiai, o keia kuai he haawi wale no. O na ano no a pau, he aulii maoli no. O ka papale no hoi keia no na keikikani, he pani'o ia la ke nana aku  oe, eia he 50 keneta wale no ke kumukuai. E loaa no ma kahi o.

 

N. S. SACHS:

318--dt@.       104. Alanui Papu, Honolulu

 

HOOLAHA HOU

B.F. Ehlers & Co--PAINAPA

HELU 99 Alanui papu.

            IA OUKOU E NA MAKAMAKA A ME NA HOALOHA, OIAI HOI, UA makaukau makou i ke kuai hoopoho aka i na lole o na Wahine Kane a ma na Kamalii, oiai, e hoi mai ana o B. F. EHLERS me na lo@ hou ma kela moku @ a oia ke kumu o ko makou kuai hoopoho aha, i kau wale ai na wahi ae na LOLE HOU.

            E kipa mai e na makamaka, i hoopau ia ai ko oukou kanalua @o'ka makou kuai hoopoho aku ia oukoa.             O@au me ka oiai@

B.F. EHLERS & CO.