Ka Leo o ka Lahui, Volume II, Number 334, 30 November 1891 — Page 3

KA LEO O KA LAHUI.

"E Mau ke Ea o ka Aina i ka Pono."

 

NUHOU  KULOKO.

 

   @   Ua makemake ia na Luna lawe pepa a pau o ka LEO O KA LAHUI. e hoihoi mai i na helu o na la, 19, 20, 26, 27 o Okatoba nei. ma keia keena nei; ina nae he mau helu koe ia oukou.

 

   @   Ua makemake ia na Luna Lawe Pepa a pau o ka LEO a me ka OIAIO, e akoakoa mai ma ke keena nei, i ka hora 10 a. m., o ke kakahiaka Poalima, no ka noonoo ana i kekahi hana i manao ia.

 

  Ua haohao makou i ka ike ole ia o ka hae o ko kakou aupuni maluna o ka huini o ka apahu o ka hale koa.

  Ke kokoke mai nei ka wa e koho ai na hoa o ka oihana kinaiahi i ko lakou mau Luna Nui, a ke puikaika nei hoi na aoao elua.

  Ua hookahakaha ae ka puali kaa hehihehi wawae ma ke kuea mamua iho o ka Pa'lii i ka Poaono nei. Ua maikai no hoi lakou!

  Heaha la ka mea i aahu ole ai na koa o ka Moiwahine i ka lole piha i ka La Kuokoa nei, oiai lakou e ku kiai ana, a i ka paikau ana, ike ia aku e kahiko mai ana.

  Ma ka auina la o ka La Kuokoa iho nei, ua paikau hookahakaha ae na pualikoa o ka Moiwahine a Me ka puali Makai. Ua eleu no, miki oi no, na lawelawe ana o ka o-o elau.

  Hora 7 p.m., Nov. 28, ua malama ia he halawai nui ma ke kuea o ka Pa Alii, a ua nui a lehulehu ka poe i hiki kino ae malaila, e lohe i na mea pili aupuni; a he mea oiaio, ua momona ka puu, a ua pomaikai ka poe i malama.

  Ua lohe mai makou, o ka manawa holo i hoao ia iho nei o na lio o ka Hui Kaawai Helu 2, i ka hookau ana i ka ili a me na hemahema e ae i ka hoomaka ana o ke kana mua ana o ka bele pauahi he 40 sekona. Ina oia maoli ka oiaio, alaila, aole loa ia i lihi launa aku i kona hoa oia hoi ka Hui Kaawai Helu 1.

  Ua wehe ia ka haiolelo a ka Aoao Lahui Hawaii Liberala, e Peresidena nui o ka Hui Hon. J.E. Bush, a o na haiolelo, oia no o S. D. Kapono, W. Mossman, Capt. J. Ross, Pipikane, D. L. Huntsman, a me na Honabala J. Nawahi, Willam White, W. H. Cummings a me ka Iiona hae o ka Pakipika W. R. Wilikoki.

  Ma ka Poalima aku nei i ku mai ai ka mokukaua Beritania nona ka inoa hoohono `Pohakumoiuiulaula,' mai Hilo mai oia, a mamuli o ka leta kauoha i kona aliimoku kiekie e hoi mai no Honolulu nei pela oia i kipa mai ai. Ua haawi mai oia i na ki-pu aloha ana no ka Hae Hawaii, a pela i panai aku ai ka pa-pu o Kakaako.

  Ua nui a lehulehu na makaaina na aloha aina aloha Pah@ a aloha. Alii i okoakoa ae ma Kamaki Kuea ma ka Poaono nei, no ka lohe ana i na haiolele o ke la @@ lahui. He auaina kela i ike ia kona maluhia, ka mea hoi a ke poe opuino i olelo ai e haunaele ana, aka, aole i ike ia ia mea, he maluhia ka mea i ike ia.

 

He Moolelo Nanea.

NO

De Atanani.

 

Ke Koa o ka Lio

Olohe

-- A I OLE --

NA KIAIEKOLU

O FARANI.

 

  Ane e ka monasiua, ua maopopo aku la anei ia oe ka'u mau mea i kamailio aku la? wahi a ka lede i pane mai ai.

  Ma na ano a pau, ua maopopo ia'u e ka lede maikai! wahi a ua koa opio Atanani nei.

  Alaila e ka mea heluhelu, me kela mau huaolelo ae la a kahi lede kauwa, huli ae la oia maluna o kona mau kapuai a alakai aku la i ke koa opio me na kapuai mama o ka palanehe.

  O ka nalu ana iloko o ua opio nei, oia kana e hiipoi ana iloko o kona nooonoo, e paila ae ana, me he la, he nu hou ano nui kana e lohe ana, a puana malie ae la ia iloko o kona noonoo ana penei:

  He lono hoolele hauli anei ka'u e lohe ana, a i ole, heaha la na ouli o ka manawa e hoea mai ana?

  Me keia mau manao e hoolauwili ana iloko o na noonoo ana o ua koa opio Atanani nei, komo aku la laua maloko o kekahi mau rumi ololi pouliuli.

  I ka hope loa o keia nihi palanehe ana aku a ko lana mau keehina wawae, hooa loa aku la laua maloko o kekahi keena uuku i hoouluwehiwehi ia me na mea nani e hoihoi ai ka maka.

  Ua kinohinohi ia ua wahi keena nei me na pale weleveta, a o na kii hoonani, e hihipe'a mai ana ia ma na wahi paia uuku o ua keena la, a o na k  ha pua hoi, e hookokohi mai ana ia i ke ala kupaoa o na pua.

  Ma keia wahi keena i huli hou mai ai na wahi lede kauwa nei a pane mai la penei:

  O kahi kupono keia no kaua e kamailo ai!

  Nowai keia keena? wahi a Atana ni i ninau aku ai.

  O ko'u keena moe keia ! i pane mai ai ua wahi lede sauwa nei.

  Alaila, aole anei e loa ia pai na mea a pau a kaua e @ailio ai @ia loko nei o keia wahi keena?

  Mai hopohopo no ia mea e ka monasina le kavalia, aole loa he mea hookahi nana e @oolohe mai i ka kaua mau hawaiiawana ana, o ka lani iluna a me ke aheahe makani kololio e pa mai nei, o laua wale no na mea e hoolohe mai ana i ka kaua anaina malu.

  Ina pela, na pono. alaila, e hoike mai e kuu lede maikai, heaha la kau mea huna i makemake ai na Atanani e hooko ?

  Aole i pane koke mai ka lede a liuliu, alaila, kamailio mai la ia penei:

  E ka monasiua le kavalia, mamua o ko'u hoike ana aku i ko'u manao ia oe, he makemake au e ninau mua aku ia oe, he hoaloha oiaio anei ka lede Calarika nou, a o kuu haku wahine hoi"?

  Ae e ka lede ? a i ke aha la o kau ninau ana?

  A pehea kou manao nona, aole anei oe i haulehia iloko o na hoohihi ana nona?

  Ae e ka lede, ua komo na hoohihi ana iloko o'u nona, aka, aole nae ia i kulipolipo loa e like ai me kuu ---

  Aole i pau pono aku na olelo a ua koa opio nei, ua pane e mai la ka wahine kauwa:

  Auwe! e ka monasiua le kavalia. o kuu haku wahine, aole oia i ike ia mea he aloha nou, he aloha kona ma ka lehelehe, aka, he puuwai keleawe nae kona o ka ma-kona.

  A i hooiaio a hooia ai oe no ka'u mau mea e hoike aku nei ia oe, e nana mai i keia leta, a e hoomaopo hoi nou iho ma na ana a pau, a e ike no oe, aole loa kuu haku i hau le he hookahi iniha o ke aloha ana nou, a oki loa aku hoi a ka hoolo he ana mai i kau mau olelo e hoopuka aku ana imua ona.

  Alaila, nawai keia leta, na'u anei?

  E heluhelu iho i ka inoa mawaho,l a e ike no oe, wahi a ka lede kauwa.

  Lai@u aku la ua opio nei i ka leta, a n@wi iho la i na nana awiwi ana maluna o ka inoa i kakaa ia ai maluna o ka wa.hi, a me ka leo hooho malie, puana ae la ua koa opio la peneia

 

NA LUNA NUI O KA HUI AOAO

LAHUI HAWAII LIBERALA.

Hon. JNO. E. BUSH      Peresidena

  "     J. NAWAH@ Hope    "

Mr. J. K, PRENDERGART Kakauolelo

  "   C. B. MAILE     Puuku.

KOMITE

            Hon. R. W. WILIKOKI

            Nob. D. W. PUA

            Mr. J. K BIPIKANE

              "   A. SMITH

              "   GEO. MARKHAM.

 

E Kuai Hoopau

Ana!

Na Kaa Huiia Lua

Mi Kaa Malalo o ke Ku

mu Lilo

M@hi o--

S. G. Schuman.

Alanui Hotele kokok@ i ke kihi o

Alanui Papu.                          329-1wd.

 

KUAI  HOOPAU  NUI.

 

Mai keia manawa aku a hiki i ko Makou hoone

ana aku iloko o ko makou

HALEKUAI  HOU

Ma ke Alanui Papu,--(NA HALE BURUA.

HALEKUAI  HOU

Ma ke Alanui Papu,--(NA HALE BURUA.

E hoolilo aku ana Makou i ko Makou waiwai a

pau o na ano Lole:

     NA LOLE NANI,

           NA LOLE I MUMUIA,

                  KAPU A ME PAPALE

                        PAHU LOLE, a pela ak@

No na Uku Hooemi Loa Nae.

                       Egan & Gunn.

ALANUI MOI kokoke i ke ALANUI PAPU.                  tf--d.

 

Na Paikini Hou

                  Na Paikini Hou

O NA ANO A PAU, E KINIKOHU AI O KE ANO AHIAHI, E

LOAA NO MA KAHI--

Chas. J. Fishels,

KIHI O ALANUI PAPU A ME HOTELE,

  Ko makou halekuai hoopau nui, ma o MR CHAS. J. FISHELS la, he mau wai wai hou loa ko makou, i loaa mai nei mai ka hikina mai, o na ano like ole he uni, wale. Eia ma ko makou halekuai nei na paa lole e linohau ai o na Keonimana, a luhiehn o na Lede, na aulii o na Kamalii--

                  Na KINAMU                          Na ALAPIA

                           Na KALAKOA Malina         Na KIHEI Silika

                   NANAHE o na ano he nui      A pela wale aku.

E huea pau ia aku ana keia mau waiwai a pau imua ou, aole hoi o oe wale o na

Lede kekahi, pau pu aku hoi me na keiki, nau e wae nou iho i na anoai

a kou puuwai, eia ka papa lohi o Apua la, ke anapa nei ka wai

liula i Mana

@  E hele mai i hookahi, e hele mai no a pau loa, mai ke nui a ka liilii.

                                  Chas. J. Fishels.

356-tfd           Malekuai alakai o na kumukuai haahaa loa.

 

Na Waiwai Hou!

              Na Aulii Hou!!

     NA PAIKINI HOU O KEIA KAU HOOILO

              O KA MAKOU IA LA AULII KOLOMANU

                            KU KE PAI HANA KA HAAWE

NANI WALE KA IKE I NA MEA NANI O KA HAU OKI O KA AINA

         GULA O KALEPONI--MA KA HALEKUAI WAIOLU

                   NAWE MALIE O--

                                                N. S. SACHS.

    He oia mau no ke emi o ke kumukuai o ko makou mau waiwai, a oia ke kumo o ko makou paa mau ana i ka hana--A he wahi puka iki ko makou e kaa mau nei--Eia he heluna hou o na waiwai hou, ka makou o na ano like ole--Na MA KALENA lau, a me na MAKALENA puu, o kela a me keia ano, o ke ano mai ka loa.

     Mai Puiwa Oukou !  Mai Puiwa Oukou!!

EIA IHO KA PAPA LOHI O APUA< NA LOLE AAHU O NA LEDE

                I HANA MIKIOI IA MAI A AULII.

@a Maumau o na Lede 40 keneta; Pelekoki aulii o na Lede 50 keneta ; Na luhie @a o ke ano ahiahi $1.00; Na Kihei kaekae huihui 40&50 keneta; Na Kawele hoo maemae ili o na Lede 60 keneta; Na Kaliki molina maikai loa 50 keneta. No pai aiai hou o na wahine ma ka hoopaa ana i loko 50 keneta: Na Kakini lilina paheo o na Lede, elua paa no ka 25 keneta.

NA PAIKINI AULII O NA KEIKI, NO NA KUMUKUAI HAAHAA

                                 LOA, A EMI NO HOI.

 @a aahu keokeo o na keiki 75 keneta; Na lole komo o na keiki 3 paa $1.00; Na Papale a@lii o na keiki 25 keneta; Na kaliki o ua kaikamahine 40 keneta; Na A-i kala o na keikikane 25 keneta. na Muumuu o na pepe 25 keneta; na Papale Lilina maikai o na kaikamahine he 50 keneta, mamua he $1.00 na Papale aulii o na keikane he 50 keneta, mamua he $1.00.

NA PAHOEHOE HULU PAHEE! NA PAHOEHOE HINUHINU!!

    Ua piha u ko makou halekuai nei i na waiwai like ole o na ano a pau, o na hulu hoonani o na papale o na iwa maka onaona eia ia ia makou nei la, ke hihi'o ina nei i Moeawakea, he eleele, he ahiehie, a nau e wae e like me kou makemake, he $1.00 wale no o ka lala hookahi, mamua he $2.00. O na papale keia o na hua pala he kau maoli no ka iwa he la makani, eia la ke ahu a lala kukui mai nei. E hele mai e ke kun@aka i ka nani e alohi nei, he ole hoi ka lohe pep@ao, hele mai na makua ma na keiki pu maino, e wae oukou no oukou iho. Hemakepono keia i ike ole ia kona lua oiai, o keia kuai he haawi wale no. O na ano no a pau, he aulii maoli no. O ka papale no hoi keia o na keikikane, he pani'o ia la ke nana aku oe, eia he 50 keneta wale no ke kumukuai. E loaa no ma kahi o

---: N. S. SACHS :---

31S-dtf.                            104. Alanui Papu, Honolulu.

 

HOOLAHA HOU

 

B. F. Ehlers & Co--PAINAPA

 

HELU 99 Alanui Papu.

IA OUKOU E NA MAKAMAKA A ME NA HOALOHA, OIAI HOI, UA makaukau makou i ke kuai hoopoho aku i na lole o na  Wahine, Kane a me na Kamalii, oiai, e hoi mai ana o R. F. EHLERS me na lole hou ma keia moku mai a oia ke kumu o ko makou kua hoopoho ana, i kaawale ai na wahi no na LOLE HOU.

   @   E kipa mai e na makamaka, i hoopau ia ai ko oukou kanalua no ka makou kuai hoopoho aku ia oukou.    Owau me ka oiaio,

    tf                      B. F. EHLERS & CO.