Ka Leo o ka Lahui, Volume II, Number 341, 9 December 1891 — Page 2
| This text was transcribed by: | Mary Ching |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
MA KE KAUOHA
I keia la i hookohu ia aku ai o DOROTHEA LAMB, i Notari no ka lehulehu no ka apana Hookolakolo Ekahi o ke Aupuni. C. N. SPENCER.
Kuhina Kalaiaina
Keena Kalaiaina Dec. 3, ’91 338-3td
KUAI O KA HOOLIMALIMA O KA LOKO O OPU, MA PAWAA, OAHU.
Ma ka Poakolu, Dek. 16, 1891, ma ka hora 12 awakea, ma ke alo o Aliiolani Hale e kuai ia aku ia ma ke kudala, ka hoolimalima o ka loko aupuni o Opu ma Pawaa, Oahu. Ka ma nawa he 15 makakiki, ke kumukuai koho mua he $50 uku makahiki, e uku ia ma ka uku hapa makahiki mamua.
C. N. SPENCER
Kuhina Kalaiaina
Keena Kalaiaina Nov. 14, ’91. 324 35 sd
KUAI O ELUA APANA AINA AUPUNI MA KAAUWAELOA, PALOLO, OAHU
Ma ka Poakolu, Dek. 19, 1891, ma ka hora 12 awakea, ma ke alo o Aliiolani Hale e kuai ia aku ai ma ke kudala elua apana aina aupuni ma Kaauwaeloa Palo i o, Oahu, oia hoi: Apana 1. Nona ka ili he 18 eka a oi a emi mai paha, kumuku ai koho mua he $500. Apana 2. Nona ka ili aina he 18 eka a oi a emi mai paha, @umukuai koho mua $500.
C. N. SPENCER.
Kuhina Kalaiaina.
Keena Kalaiaina, Nov. 13, ’91. 324 3tsd
NA APANA AINA HOME LIILII MA PUNA HAWAII.
Ke hoolaha ia aku nei ma keia:
1 Aia he 20 mau apana ma Nauawale, Puna, Hawaii, e loaa no he mau apana kupono no ka noho ana kuonoono, mai keia mau apana aina home liilii mai.
2 E ike ia no ke kii o keia mau apana aina, maloko o ke keena Aina o ke aupuni, ma Honolulu a i ole ma ke keena o J. E. Elderts ma Kapoho, Puna, Hawaii.
3 Na J. E. Elderts, e kuhikuhi mai i na apana i ka mea e makemake ana e ike i ua mau apana la, a no ia hana ana e loaa iaia ka uku o $1.00 mai ka mea noi aku.
4 O ka poe makemake i mau apana aina, e nonoi mai no, ma ke kakou ana mai i ke Kuhina Kalaiaina maluna o ka pepa i pa’i hakahaka ia, a loa no ke kope oia mau palapala me ka uku ele mai a J. E. Elderts.
5 Aole e noonoo ia ke noi a kekahi mea he aina ponoi kona.
6 O keia a me keia mea nonoi e loaa iaia na makahiki oo me ke kanawai.
7 E ae ia no ka mea nonoi i umi makahiki e uku ai noka aina ma ia manawa, e hookuu ia no ka aina mai na auhau aupun a pau.
8 Iloko o hookahi makahiki, ke kauoha ia nei oe e kukulu i hale nou maluna o ka apana aina i lilo ia oe, a e hoomau aku oe i ka noho ana no ke koena o na makahiki he moi.
9 Iloko o ekelu makahiki, ke kauoha ia aku nei oe e hoopuni i aa aina la me kekahi pa kupono a paa hoi.
He mea pono ia oe e hookaa mua mai i kela a me keia hapa makahiki, i ka uku panee maluna o ke kumukuai o ka aina ma ka 5 pakeneka o ke dala i ka makahiki hookahi; ua hiki no hoi ia oe ke hookaa i ke kumukuai holookoa, a o ka kapa paha, ma kela a me keia wa, he mea ia e emi mai ai ka uku panee.
11 O ka aelike mua ana, aole hiki ke hoolilo ia aku, a aole no hoi e hiki ke hoolilo ia aku ka aina, a hiki i ka hooko piha ia ana o na kumu aelike.
12 Ke haule hope ka hooko ia ia ana o kekahi o kela mau kumu i hoike ia ae la, he mea ia e loaa ole ai ka aina.
C. N. SPENCER,
Kuhina Kalaiaina.
Keena Kalaiaina, Nov. 6, 1891.
318-4t.
NA AINA HOME MA HILO, HAWAII.
Ma keia ke hoolaha ia aku nei—
1. Ua hookaawaleia he Umi (10) Pahale, ma Kaieie, Hilo, Hawaii no ka hoo lilo ana aku i ka poe e makemake ana e loaa ia lakou na aina home i wahi e noho ai.
2. Ua hiki no ke ike ia na kii o keia mau apana aina ma ke Keena Aina, Keena Kalaiaina, Honolulu, a i ole ma ke Keena o Mr. A. B. Loebensteni ma Hile, Hawaii.
3. Na Mr. A. B. Loebenstein no e kuo hikuhi aku i na apana aina i kela a me keia mea e makemake ana e ike, a no ia hana ua kuleana oia e ukuia $1, mai ka mea e nonoi ana.
4. Na kanaka a pau e makemake ana i na apana aina, e ui mai no lakou ma ke kakau i ke Kuhina Kalaiaina ma kekahi palapala pa’ihakahaka, a oia mau pa’ihakahaka e loaa wale mai no mai a A. B. Loebenstein.
5. Aole kekahi nonoi mai kekahi mea e noonoo ia mai ka poe e noho ona aina nei.
6. O ka poe piha o na makahiki walno ke nonoi mai.
7. E haawi ia no iloko o umi makahiki e uku ia ai ka aina, a iloko oia mana wa ua kuu ia mai na auhau.
8. E kukulu hoi oia i hale noho maluna o ka aina nona iloko o hookahi ma kahiki a e hoomaka hoi e noho maloko o ia hale, a e hoomau aku no ke koena o ka manawa o umi makahiki.
9. E hoopuni hoi oia i ka aina, iloko o ekolu makahiki, me kekahi pa kupono.
10. E uku hoi oia ma ka hapaha ma kahiki mamua i ka uku panee maluna o ke koena i uku ole ia o ke kumukuai, ma ka pa 5 kenata pa haneri. Ua hiki no ia ka mea kuai ke hookaa pau a i ke kahi mahele paha o ka uku kumukuai i kela a me keia manawa, a i ka mea no hoi e oki ai o ka uku panee.
11. Aole e hiki ke hoolilo hou ia aku ka aelike mua, a aole no hoi ka aina e hiki ke kuai ia a pau mua na olelo aelike i ka hooko ia.
12. O ka kaule ana o ka hookoia o na kumu i aelike ia, he mea no ia e hoolilo wale ia ai o ka aina.
C. N. SPENCER.
Kuhina Kalaiaina.
Keena, Kalaiaina, Dek. 3, 1891. 4ts-d.
KA LEO O KA LAHUI.
JNO. E. BUSH,
Lunahooponopono a me Puuka.
POAKOLU, DEKEMABA 9, 1891.
Lanakila ka paa Balota o
J. ASCH.
O Hunts a me Kalawaia kona mau Kokua.
HAULE O ROBT. MOORE I NA BALOTA OI O KONA HOA HE 15.
I ka noenoe ahiahi o ka Poakahi iho nei, Dekemaba 7, hora 6 paha a oi, ua hoomaka ia na hana koho balota o ka Oihana Kinaiahi o ke kulanakauhale nei i ko lakou mau Luna nui hou no keia makahiki ae e like hoi me na mea i maa mau.
Ua hoomaka ia ke koho ana ma o na hana hookelakela ana a na lala o ka Oihana Kinaiahi, e kaena ana i ka lakou mau moho, a e hooku’emakanui aku ana hoi i ka kekahi aoao; e holo ana maluna o na kaa, a e hoohehelo ana hoi ma na alanui.
He anaina kanaka nui ke piha ana ma ka aoao mauka a me makai o ke kihi o na alanui Papu a me Hotele, no ke kali ana e lohe i na moho lanakila, a mawaena o keia mau mana e hoomaka nei na hana koho balota, aia ka bana Hawaii ke hoonanea a ke hoohauoli noi i na hoa o ka Oihana Kinai.
E like no me na mea i hoakaka ia aku mamua, he elua keia mau paa i hoike ae ia laua iho, oia hoi ka paa balota o Julius Asch, Luna Kinaiahi nui; James H Hunt, Kokua Ekahi; a o David L. Kalawaia Kokua Elua. A o kekahi paa hoi, oia o R. Moore, luna nui; J. W. McDonal kokua ekahi; W. Keawe kokua elua.
I ka hala ana ae he mau minute mahope iho o ka hora 9, ua hoike ia mai la ka nui o na balota o lakou mahope iho o ka pau ana i ka helu ia, a e ike ia no hoi malalo iho nei:
Luna Nui.
Julius Asch 148 Puka.
Robert Moore 133 Haule.
Kokua Ekahi.
James H. Hunt 167 Puka.
J. W. McDonald 114 Haule.
Kukua Elua.
David L. Kalawaia 161 Puka.
William Keawe 120 Haule.
O keia malalo iho ka huina nui o na lala o kela a me keia puali pakahi.
Hui kaawai Helu Ekahi, 51
“ “ “ Elua, 40.
“ “ “ Eha. 50.
“ “ “ Elima 48.
Ka Hui Polohuku, 49.
Na Makai Kinai Ahi, 43.
NUI KA INO O KA MOANA.
Ma ke kakahiaka nui onehinei i hoea hou mai ai ka mokuahi Mokolii, i ka la’i o Kou nei; na kona kapena i hoike mai i ka nui o ka ino o ka moana o Pailolo, ua pau iho la kona hiki ana ke holo imua, oiai ka makani a me na ale ahiu o ka moana, e hoemi mau ana iaia i hope, a ane hiki ole ke nee hou aku imua; nolaila, ua hoi hou mai la oia no Honolulu nei.
No ia nei hoi ka hoi, pili wale mai hoi o kuna Wailani, a okuu like ana i kou nei.
He mau ouli no keia no ka manawa, aka, ina aku ka ino nui a hoea mai, eia la: Wahiawa ia e lapuu mai la, ke pa ke Kona ala hoi Kauluau o ke ku no ia o Kaulumano aohe hao ai i ka papaa, papau kakou la, he aa ko ka hale, o ka makaala no ka pono, aole o ka hemahema, o ku mai auanei ka nalu nui mai Kahiki mai, po’i no la aohe opala kee.
O ka malama keia o Kaulua, a he hoea mai koe o Nana, ilaila e wae ai i ke au nui a me ke au iki, hoea mai hoi o Welo, o ke kokoke no ia i ke kupulau, o ka pau no ia o ka ino, oia ka wa e moea ai ke kai, aohe o kuku ale.
Ua hookohu ia o Mrs. Hana Kinimaka i Kakauolelo no ka Abahui hololio a Liliuokalani.
HOOMAHA KA BANA.
I ka la iho la inehinei, i haalele mai ai ke alakai o ka Bana Hawaii ia nei no Kaleponi, a ua hoomaha ka Bana mai nehinei aku a hiki i ka la Karisimaka, alaila, hoomaka hou ka paani malalo o ke alakai ana a Mr. D. K. Naone, aia iloko o ka malama o Ianuari e huli hoi mai ai o Mr. Berger mai kana huakai ike i kana mau keiki e noho mai la i ke kula ma Kaleponi.
NUHOU KULOKO.
E malama ana ka Hui Aoao Lahui Hawaii Liberala, he halawai ma ke ahiahi Poaono hora 7 p. m., Dec. 12, 1891, ma ka Hale Paikau Kahiko, maluna ae o kahi o Burua ma. Ma ke Kauoha,
Hon. J. E. Bush,
Peresidena.
Ua makemake ia na Luna lawe pepa, a pau o ka LEO O KA LAHUI, e hoihoi mai i na helu o na la, 19, 20, 26, 27 o Okatoba nei, ma keia keena nei; ina nae he mau helu koe ia oukou.
I ka la onehinei i haale mai ai ka mokuahi Ausetaralia i keia awa, no ka hau oki o Kaleponi.
Ma kahi koho balota ka bana kahi i hookapalili ai i ka lakou mau mea kani i ka po Poakahi nei.
E haawi hou ana ka leo nanahe Miss Dale, i kekahi anaina mele ma ka Punahou i keia po Poalima ae.
O ka ilio a o kela wahi ano fafine ua like a like, ka uhai hele i ke kahu i ke alanui. Ahea la ao kanaka ae.
He anaina hooluana ka i haawi ia e ke kapena Pass o Leny i ka po Poaono nei. Ua nui ka poe i hiki aku malaila.
Eia ke upu ia aku nei e ku mai ana na mokukaua Kap@ kiko, Mohikana a me kekahi @ ukana Iapana i o kakou nei i keia mau la iho.
Ina aole ku koke mai iloko o umi la, kekahi moku mai Ausetaralia mai me ka piha lanahu no keia awa, alaila, e pii hou ae ana ke kumukuai o ka lanabu.
Ma ka mokuahi Iwalani i lehe ia mai nei, ua hoomaha ka hana ana o ka wiliko o ka halewili o Honokaa, e hoomaka hou ana no mae iloko o hookahi mahina,
He hookahi tausani tona lanahu a na manuwa Kaletona, Garnet me ka Alabatrosa e lawe aku ana mai anei aku, no ko lakou mau kapuahi. He pomaikai ia no ka poe mea lanahu.
Ma ka uwapo ka bana kahi i kani ai i ka la inehinei. I ka manawa a ka Auseteralia i haalele iho ai i ka uwapo, ua hookau ia iho ke aloha maluna o na haumana no ke lakou kumu e ku mai ana iluna o ka oneki.
Oiai ka waapa mokuahi o ka me kukaua Kaletona, e huli hoi ana no ka moku i ke kakahiaka Poakahi nei, ua hihia ia ae la e ke kaula o ke kao e hoohikihiki maia ia nei, a kaulua iho la no hapa hora. Aole nae he poino i loaa.
Ua loaa mai nei ia makou he leta mai Kalawao mai, e hai mai ana i ka manao ana o kekahi kanaka e loohia i ka ma’i lepera e’lawe i kona ola; oiai hoi, i kekahi la, ua ninini iho la keia kanaka o Hilohanakahi kona inoa, i kona palule a pulu i ka aila mahu, a hele aku la mai kona hale aku, a kukuni iho la i kona lole i ke kukaepele, a ia wa no i holapu ae ai ke ahi i kona aahu, a e ole ka nui o na lima kokua pakele ai kona kino mai na alele mai o ke ahi.
MALCOLM BROWN!
(Palaunu.)
NOTARI O KA LEHULEHU, Aliiolani Hale, Honolulu H. I. 337-tf
HOOLAHA PILIKOKO.
E ike auanei na mea a pau ma keia, oiai, ma ka la 13 o Novemaba nei, 1891, ua make o Luka Kahului w, no Lahaina Maui, a i kona wa i make ai, ua waiho mai oia ma ko’u lima he palapala Sila no kona aina ma Lahaina Maui, a ua kuhikuhi mai hoi ia’u he mau palapala e ae kekahi no kona mau aina e ae ma Lahaina a me Waikapu, ma Maui. Nolaila, ke hoike ia aku nei ka lohe i na mea pau loa i pilikoko i ka mea i make e hele mai a hui me a’u ma Honolulu Oahu, no ka hoomaopopo ana i keia waiwai o ka mea i make a’u e paa nei, a na ka poe i kuleana e hana aku no lakou.
Owau no o KELUIA(w)
Ma o Nawahi a me Huntsman.
Honolulu Nov. 19, 1891. 328-1md.
HOOLAHA KUAI AINA.
Mamuli o ke kauoha a Hoa, ke ho ike ia aku nei ka lohe i na mea a pau, ua makemake maua e kuai aku i kona kuleana aina a pau loa iloko o kela apana aina e waiho la ma Haiku, Hamakualoa, Maui, nona ka Palapala Sila Nui Helu 183, no W. P. Alekanekero i iilo mai i ke kahi poe hui. E loaa no na kuka ana no ke kumukuai me maua ma Honolulu.
NAWAHI & HUNTSMAN.
323-d1m Na Loio no Hoa
AINA KUAI MA KAMAKELA.
He Umi Aina Pa-hale ma Kamakela
He 50 kapuai ka laula ma ke aio, a he 150 kapuai ka averika hohonu. Ua pili i ka Home o ka Ohana Buckle, a he oluolu ke komo ana aku. He wahi e puka aku ai ma Alanui Liliha, a ma ke Kula Nui o Sana Lui.
No na ninau hou aku e pili ana no keia mau aina, e u-i aku ia. C. J. McCARTHY.
338-dtf. 35 Alanui Kalepa, Honolulu H. I.