Ka Leo o ka Lahui, Volume II, Number 341, 9 December 1891 — Page 3
| This text was transcribed by: | Kt Olson |
| This work is dedicated to: | Awaiaulu |
He Moolelo
NO
MASEPA.
Ka Olialio Denemada!
A I OLE
Ke Kaulio Keokeo!!
Alaila e ka mea heluhelu; na keia mau leo kupinai lehulehu o na o-le i hoike aku i ke kaulio keokeo, ua paa oia i ka hoopuni ia e ka enemi, ma kona mau aoao a pau e like me ka hoike a na leo o-le.
Oia ka ua kaulio Masepa nei i hoomaopopo iho ai o ka holo ana imua he enemi, i hope he enemi, a ma kela a me keia aoao, ua like no a like, aia ka enemi ma na wahi a pau.
Nolaila, o na hilinai a me na pau lele ana o ua Masepa opio la, aia wale no ia maluna o ka holo a me ka puahiohio o kona lio, a o ka pou li o ua wanaao la, oia wale no kona manaolana hope loa.
Oiai aia oia ke lohe la i ka leo haawi kauoha o na alii pukuniahi maluna o ko lakou mau koa no ka makaukau ana me ka lakou mau poka kila o ke kukala, a o na alakai hoi o na koa kaulio a me hele wawae me ka oi o ka lakou mau makakila a me na elau pu.
Na kela mau leo kauoha a ua kau na Masepa opio la i lohe aku ai, na ia mea i kauoha aku iaia e kaohi mai i ka holo o kona lio, a me na huaolelo kaukau a ua opio la pane iho la ia i kona lio:
E Wiliahiu, o keia ko kaua la e halawai ai me na minute hope loa o ko ka@a ola ana ma keia ao, ke haule hope kaua me na minute hikimua o ka makaala.
Ano e Wiliahiu aloha, ka puahiohio haaheo o Denemaka nei e haawi i kou kulana o ka makaala e hiki ole ai i ka hikiwawe, a me ka mama o na poka pukuniahi ke alualu, a e lilo hoi ia oe ka hanohano o ke eo ana o ka waha o na pukuniahi i kela a me keia wa a lakou e luai mai ai i na ulaaahio ke ki poka.
Me keia mau olelo a ua kaulio opio la e ka mea heluhelu, o aku la oia i kana huipa hololio imua, a uina poha ae la kona welelau me na kani pohapoha ana ekolu, alaila e like me ka puahiohio, aia ua lio keo keo nei ke holo la imua me ka ikaika, ua hoea aku la oia no kahi o na laina kaua kuea o ka aoao komo hana me ka manao e—
Noelo ke ahi a Makuaiki
Pahapaha i ka wai o Polihale.
Aka, ua keakea ia mai la ia e ka wana hamama o na pukuniahi e hamama pono mai ana imua a na ko lakou leo uina nakolokolo o ia wehena kaiao i kipaku hope mai i ka lio keokeo no ke kahua o ka laina kuea ma ka aoao hikina.
E like me na haawina i halawai mai me ua lio keokeo la ma kona alaholo ma ke komohana, pela no keia, a ma ka olelo pokole ana ae:
Ua olali ia e ua lio keokeo la na kihi a pau eha o ka leina kaua kuea a ka haku Kasela, aole loa he ipuka nona a me kona haku opio e hemo aku ai, a na keia hemo ole ana aku o ua kaulio la, na ia mea i hoike aku i ka haku Kasela aole io ke kaulio keokeo he lapu, aka he kanaka kino ola maoli no oia.
Nolaila o ka paa pio ana o ua kaulio la oia kana i makemake nui loa ai e hooko ia, a no ia mea hoouna aku la oia i kekahi o kona mau ukali kino no ka pii ana aku imua o na alakai o na mahele kana kuea a hai aku i ka lohe, ua makemake ia kela a me keia aoao e lawe ae i ko lakou kulana pii like imua ma ke ano hoopaahao i ke kaulio keokeo iloko o ka mana o kana [Kasela] laina kaua kuea.
E like me ke kauoha, pela ka ele le i ahai mama aku ai i ka lohe a emoole, aia ka leo poha alapine o na o-le alakai ke haehae la i na eheu uluaoa o ia kakahiaka o ka wehe’na kaiao, a o ke kani hoomau o na pukuniaki, ua hoomaha iho la lakou no ka manawa, aka nae, o na minute no ko lakou hohana ia, aole loa ia i nele me ka makaukau mau i na sekona a pau e loaa aku ai o ka huaolelo.
He wa pihoihoi nui keia no ka puali holookoa ia lakou e pii no ka puali holookoa ia lakou e pii ae ana e halawai i kahi hookahi, malia @ pakele aku ke kaulio ma ka apua, ahai ka pupuhi he ia no Uko’a.
Aole i pau.
Ua makemake @a na Luna Lawe Pepa a pau o ka LEO a me ka OIAIO, e akoakoa mai ma ke keena nei, i ka hora 10 a. m., o ke kakahiaka Poalima, no ka noonoo ana i kekahi hana i manao ia.
NA LUNA NUI O KA HUI AOAO LAHUI HAWAII LIBERALA.
Hon. JNO. E. BUSH Peresidena
“ J. NAWAHI Hope “
Mr. J. K. PRENDERGART Kakauolelo
“ C. B. MAILE Puak@
KOMITE.
Hon. R. W. WILIKOKI
Nob. D. W. PUA
Mr. J. K. BIPIKANE
“ A. SMITH
“ GEO. MARKHAM.
Aila Kuai.
E LOAA NO MA KAHI O
J. F. COLBURN.
(KEONI KOLOBANA.)
Ma ke Kihi o na Alanui Nuuanu me Moi.
E loaa no no ke kumukuai haahaa loa o $2.50 o ka pahu. Hele mai hookahi@ hele mai elua, hele mai no a pau.
Ko oukou hoaloha,
J. F. COLBURN.
Honolulu, Iulai 8, 1891. 232 dtf
A. HERING. M. PAULY
Ka Hale Hana Novelty.
E lawe no laua a e hana i@na ano hana kalai a hana hoonihoniho ma ka laau a ma ka niho palaoa paha; hoohinuhinu a anaanai ana a mania na pupu a me kukui, a me na pena hoonani o na kaupoku o na rumi; hooponopono hou hoomaemae ana o na pila, na pu, na mea kaupaona a mea mama oia ano.
NA HANA MEA UWILA, NA HANA MEKINI, A ME HANA LAKA.
E hana ia no na kuui, na ana kii, a pela aku, e like me ke kauoha.
E hele mai io maua.
132 Alanui Papu, Honolulu 335-tf-d.
E Kuai Hoopau Ana!
Na Kaa Huila Lua
a me
Ili Kaa Malalo o ke Ku@mu Lilo
Ma kahi o—
S. G. Schuman.
Alanui Hotele kokoke i ke kihi o Alanui Papu. 329-1wd.
O kahi Emi Loa
A ME
Kahi Kupono loa
E PA’I AI OE I KOU
KII,
AIA NO IA MA KE
KEENA PA’I KII ALOHA!
(Alanui Nu@anu, ma kekahi aoao mai o Ema Hale).
E pa’i ia ana na Kii o na ano a pau
e la hoi @a kii puulu o ka oha-
na, na keiki, na bebe, na
hale noho, na papa-ai-
na luau, a me na
kino make.
Na Kii hoonuiia a hoemi ia mai paha mai na Kii e ae!
Nolaila, mai poina i ke pa’i ana i ko oukou mau Kii ma ke KEENA PA’I KII ALOHA, e loaa ana ia oukou na Kii maikai loa me ke emi loa ma Hawaii nei.
THEO. P. SEVERIN:—Kapolena.
Keena Pa’i Kii Aloha, ma alanui Nuuanu me Beritania, ma o mai e Ema Hale. 324-3md.
HAULE! HAULE!
$10.00 MAKANA.
Mawaena o ka halekuai pake ma ke kihi mauka o ke alanui Moi a me Puowaina me ko’u hale ma Na@ia, ma ke alanui Moi aku i kai, ma ke kua aku o ka halepule o Kawaiahao a ka hale aila mahu iho nei, a malaila, holo pololei a hiki iwaho o ko’u wahi, ua haule aku he eke lima a na wahine, me kekahi mau dala gula a me dala maoli. E uku ia no keia makana ae la ka mea o @ olu e hoihoi mai ia’u a i ole, i ke Keena o ka Leo.
319-dtf. W. H. Kailima
HOOLAHA.
E p@ni ia ana ka u@wapo o Waikiki e hele aku ai i Kapiolani Paka, i na kaa o na ano a pau, ma ka Poaha a me ka Poalima, Nov. 19 a me 20. H. F. Heb@ard.
327-3ts. Luna Alanui, Honolulu.
KUAI HOOPAU NUI.
Mai keia manawa aku a hiki i ko Makou hoonee ana aku iloko o ko makou
HALEKUAI HOU
Ma ke Alanui Papu,—(NA HALE BURUA.
He hoolilo aku ana Makou i ko Makou waiwai a pau o na ano Lole:
NA LOLE NANI,
NA LOLE I HUMUIA,
KAPU A ME PAPALE
PAHU LOLE, a@ aku
No na Uku Hooemi Loa Nae.
Egan & Gunn.
ALANUI MOI kokoke i ke ALANUI PAPU. tf-d.
Na Paikini Hou
Na Paikini Hou
O NA ANO A PAU, E KINIKOHU AI O KE ANO AHIAHI, @ LOAA NO MA KAHI—
Chas. J. Fishels,
KIHI O ALANUI PAPU A ME HOTELE,
Ko makou halekuai hoopau nui, ma o MR CHAS. J. FISHELS la, he ma@ wai@wai hou loa ko makou, i loaa mai nei mai ka hikina mai, o ma ano like ole he @ wale. Eia ma ko makou halekuai nei na paa lole e linohau ai o na Keonima@, a luhieh@ o na Lede, na aulii o na K@malii—
Na KINAMU Na ALAPIA
Na KALAKOA Malina Na KIHEI Silika
NANAHE o na ano he nui A pela wale aku.
E huea pau ia aku ana keia mau waiwai a pau imua ou, aole hoi @ oe wale o na
Lede kekahi, pau pu aku hoi me na keiki, nau e wae nou iho i na anoai
a kou puuwai, eia ka papa lohi o Apua la, ke anapa nei ka wai
liula i Mana.
E hele mai i hookahi, e hele mai no a pau loa, mai ke nui a ka liilii.
Chas. J. Fishels.
356-tfd. Halekuai a@akai o na kumukuai haahaa loa.
Na Waiwai Hou!
Na Aulii Hou!!
NA PAIKINI HOU O KEIA KAU HOOILO O KA MAKOU IA LA AULII KOLOMANU KU KE PAI HANA KA HAAWE
NANI WALE KA IKE I NA MEA NANI O KA HAU OKI O KA AINA GULA O KALEPONI—MA KA HALEKUAI WAIOLU NAWE MALIE O—
N. S. SACHS.
He oia mau @o ke emi o ke kumukuai o ko makou mau waiwai, a oia ke kumu @ ko makou paa mau ana i ka hana—A he wahi puka iki ko makou e kaa mau nei—Eia he heluna hou o na waiwai hou, ka makou o na ano like ole—Na MA KALENA lau, a me na MAKALENA puu, o kela a me keia ano, o ke ano mai kai loa.
Mai Puiwa Oukou! Mai Puiwai Oukou!!
EIA IHO KA PAPA LOHI O APUA, NA LOLE AAHU O NA LEDE I HANA MIKIOI IA MAI A AULII.
Na Muumuu o na Lede 40 keneta; Palekoki aulii o na Lede 50 keneta; Na @ hu o ke ano ahiahi $1.00; Na Kihei kaekae huihui 40&50 keneta; Na Kawele hoo maemae ili o na Lede 60 keneta; Na Kaliki molina maikai loa 50 keneta; Na p@i o na Lede, elua paa no ka 25 keneta.
NA PAIKINI AULII O NA KEIKI, NO NA KUMUKUAI HAAHAA LOA, A EMI NO HOI.
Na aahu keokeo o na keiki 75 keneta; Na lole komo o na keiki 3 paa $1.00; Na Pepale aulii o na keiki 25 keneta; Na kaliki o na kaikamahine 40 keneta; Na A-i kala o na keikikane 25 keneta, na Muumuu o na pepe 25 keneta; ua Papale Lilina maikai o na kaikamahine he 50 keneta, mamua he $1.00, ua Papale aulii o na keikane he 50 keneta, mamua he $1.00.
NA PAHOEHOE HULU PAHEE! NA PAHOEHOE HINUHINU!!
Ua piha u ko makou halekuai nei i na waiwai like ole o na ano a pau, o na hulu hoonani o na papale o na iwa maka onaona eia ia ia makou nei la, ke @ loa nei i Moeawakea, he eleele, he ahiehie, a nau e wae e like me kou makemake@ he $1.00 wa@ @ o ka lala hookahi, mamua he $2.00. O na papale keia o na hua hele mai o ike kumaka i ka nani e alohi nei, he ole hoi ka lohe pep@, hele mai i ike ole ia kona lua, oiai, o keia kuai he haawi wale no. O na ano no a pau, he aulii maoli no. O ka papale no hoi keia o na keikikane, he pani’o ia la ke nana aku oe, eia he 50 keneta wale no ke kumukuai. E loaa no ma kahi o
:N. S. SACHS:
318-dtf. 104. Alanui Papu, Honolulu.
HOOLAHA HOU
B. F. Ehlers & Co—PAINAPA
HELU 99@ Alanu@ Papu.
IA OUKOU E NA MAKAMAKA A ME NA HOALOHA, OIAI HOI@ Ua makaukau makou i ke kuai hoopoho aku i na lole o ua Wahine@ Kane a me @ a oia ke kumu o ko makou kuai hoopoho ana, i kaawale ai na wahi no @ LOLE HOU.
E kipa mai e na makamaka, i hoopau ia ai ko o@kou ka@ ua @o ka makou kuai hoopoho aku ia@ oukou. Owau me ka oiaio.
@tf B. F. EHLERS & CO