Ka Leo o ka Lahui, Volume II, Number 341, 9 December 1891 — NUI KA INO O KA MOANA. [ARTICLE]

NUI KA INO O KA MOANA.

Ma ke kakahiaka nui onehinei i hoea hou mai ai ka mokuahi Mokolii, i ka la'i o Kou nei; na kona kapena i hoike mai i ka nui o ka ino o ka moana o Pailolo, ua pau ihola kona hiki ana ke holo imua, oiai ka makani a me na ale ahiu o ka moana, e hoemi mau ana iaia i hope, a ane hiki ole ke nee hou aku imua; nolaila, ua hoi hou mai la oia no Honolulu nei. No ia nei hoi ka hoi pili wale mai hoi o kuna Wailani, a okuu like ana i kou nei. He mau ouli no keia no ka manawa, aka, ina aku ka ino nui a hoea mai, eia la i Wahiawa ia e lapuu mai la, ke pa ke Kona ala hoi Keuluau o ke ku no ia o Kaulumano, aohe nao ai i ka papaa, papau kakou la, he aa ko ka hale, o ka makaala no ka pono, aole o ka hemahema, o ku mai auanei ka nalu nui mai Kahiki mai, po'i no la aohe opala koe. O ka malama keia o Kaulua, a he hoea mai koe o Nana, ilaila e wae ai i ke au nui a me ke au iki, hoea mai hoi o Welo, o ke kokoke no ia i ke kupulau, o ka pau no ia o ka ino, oia ka wa e moea ai ke kai, aohe o kuku ale. Ua hookohu ia o Mrs. Hana Kinimaka i Kakauolelo no ka Ahahui hololio a Liliuokalani.