Ka Leo o ka Lahui, Volume II, Number 344, 14 December 1891 — Page 3
This text was transcribed by: | Rob Escuadro |
This work is dedicated to: | Ko'u keiki hanauna Aukai Kea o Kapolei, Oahu |
KA LEO O KA LAHUI.
"E Mau ke Ea o ka Aina i ka Pono."
KA HAE HAWAII, E MAU KOU WELO ANA,
MAI HAWAII O KEAWE A KAUAI O KALANIPO
Mr Lunahooponopono;
Aloha oe:
Ke panai aku nei au i na mea hou ano nui o ka la hauoii i ke Kuokoa o Hawaii aloha, ma ka apana o Hilo-waena, ma Mokuhonua.
He la mala'ela'e maikai ka la hauoli Kuokoa ma Hilo nei. Ua akoakoa ae na makamaka, na hoaloha ma ka lanai ahaaina nui i kukulu ia ma ka home o G. W. Kailiula. Malalo o na hooikaika ana o na lala o ka Hui Kalaiaina, me na kokua he nui mawaho mai, mai na poe puuwai aloha mai o ke kulanakauhale hoano o Hilo.
Ua wehe ia ka papaaina me ka pule ana a J. Kawaha; ua ai hoonuu a lawa, ua inu i ka wai momona a kena, aohe wahi hemahema a ka manao e wae ae ai, ua lawe lilo ia mai na ono a pau e piha ai o ka hauoli. Ua malama ia ka papaaina me ka rula o ka hawaii; na kaikamahine paa kahili o ka wai o Honolii, na u'i kuene wahine o Mekuhonua, i-o a ia nei e holoke nei. Iloko o ke aheahe malie o ka maluhia nui, no lakou ka huina o na poe i akoakoa ae ma kahi o elua haneri a oi, ua ai, a ai hou iho, a koe ka ai, a me ka i'a, malalo no ia o na hookele naauao ana a Sam'l Kalahiki, ka hope puuku o ka papa aina.
O keia ka mua loa o na papaaina i hoomanbao lokahi ia ma ka apana o Hilo-waena nei, mai ka wai o Honolii a ka wai o Pukihae. Mamuli o ka lokahi i kukulu ia e ka Hui Kalaiaina, malalo o na alakai naauao a E. Kekoa, me Wm. Mossman.
I ka pau ana o ka paina; ua ku mai o Sam'l Kapahua, a wehe mai ai ia ka io o kana pah olelo, ua hele palale ae la kana mau kamailio ana maluna o ke kahua Kalaiaina.
A nolaila; aole i loaa ka io no na mea e pili ana i ke Kuokoa o ka la. "Hu i kula ka auwaa panana, kapakahi manuia o Keoko'i ka moku."
Ka mai o J. Kawaha, ka moho haiolelo elua o ka la; ua hoike mai oia: He olinolino kona maka i ka la, e pa pono io la iluna ona, oiai he makapo oia, a ua noi mai oia i ka hanohano o ke anaina, e kau no kona papale piwa ma kona poo.
I ka hoomaopopo io aku ia ua J. Kawaha nei ua like no oia me ka hanohano piha o ka alikaua o ka ia, na haiolelo mai oia, no na mea pili pono i ke Kuokoa o ka la. Pai pai ia. I hoopili ia ae ma na olelo naauao a Solomona me ka hoopili pu ana ae i ka hanohano kilakila o ka Hae Hawaii e welo haaheo ae nei i ka ahe a ka makani -
"Ua kohu a-i no ke Koloa Ke kokolo i ke ahe a ka makani.
A he nui wale aku ka i'o o kana mau kalai olelo i pili i ka hanohano o ka la, pa'ipa'i ia. Ia E Kekoa ka helu ekolu; ma na olelo hanohano o ka hanohano.
Lilo ae la ka hale i ka hauwala au. Hoomalu ia. Hoike mai ka Peresidena o ka hui, Jno. I. Kanoa i na inoa o na moho holo balota no ka apana o Hilo-waena; K. M. Koahou, H. West, J. K. Unea, J. M. Kauhi, B. Naaikauna, J. N. Kamoku, D. B. Wahine, a he ekolu no mau moho i hiki kino ae. O.K. M. Koehou ka haiole mua. O ke ano nui o kana wehewehe hoomaikeike ana ae; ua like no me ke ano o kana oihana e ku nei (He Loio) aia no kona kahua holo balota, ma ka hoololi a pakuikui, a pahonohono ma na wahi hemahema a inoino o keia Kumukanawai hou e ku nei. Aole oia he hilinai ma ka hoopau ae i ka ino o ka inoa eleela e kau nei.
NUHOU KULOKO.
I ka la apopo, a aui ae ka le e apalulu mai ai ke kahili laumakani o na kona ka olali Malulani.
Ma Kaalae nui ka hoino o na kamaaina ia Hon. Kikila Baraunu, a mai laila aku kona hoowahawaha ia a hiki i Waialua.
E na makamaka, a popo oia ka la 15 o keia malama, oia ka la hope o ka hookaa ana $5 dala, no ka auhau kino, a i ka la 16 aku, he $6 dala, nolaila, ewiki mai lohi, o poino a ua nei, e hoolohe ikeia.
He mau hana hilahila ole oiai hoi wahi a na hoa aloha o makou i hoike mai ai, ua papa ia aku lakou, aole e koho ia buki e-a eke hoa, kolekole ko noa huna la, oia ka mea iike ia ai ka nani o ke Akua.
Apopo, a aui ae ka la e holo aku ana ke kahi mau moku ahi holo pili aina o kakou nei, no ko lakou mau awa maa mau pahee hoi ko ka Hikina kuehu hoi ko ke Komohana, o ka eleu no ka miki o haule aua nei i muliwaa.
Eia mai Ka Leo o ka Lahui, ke oili pulelo aku la, ke ahi haaheo ina pali, ke ahai akula, ina kohi kelekele a ka puu kolu; na nioi mikomiko hoi o Pakaalana, Hueo, o Ka Leo o ka Lahui, o ko ke Akua leo noia. Eola Hawaii amau loa.
Ua noi ia mai ka Hon J. E. Bush e ko Hilo poe, e holo aku ilaila, oiai ua makemake lakou e lohe i kona leo, oiai hoi ma kona a @ he alakai no keia Lahui, e a @ ke ohohia o ka Lahui, no ka maikai no o ka maunu.
Ua hala aku ma ke Kinau o ka Poalima nei, ka Hon. R. W. Wilikoki, a me ka Hon. W. White, no ka huakai aloha aina, e kaahele ana ia Hawaii, a mai Hawaii, mai no Kauai, a me Molokai, a hoohiki loa mai io kakou nei.
Ma Heeia a me Kaalae, a hiki i Kualoa, hookahi no manao o na kamaaina, oia no ka lakou moho mua. Us hoopailua maopopoia o Kaulukou, no kana mau hana, ua kamaaina loa na kanaka aua poina ole no hoi, Malalo o keia kumu aole he Kanalua ana no ka moho Aoao Lahui Hawaii Liberala.
A. HERING M. PAULY
Ka Hale Hana Novelty.
E lawe no lana a e hana i na ano hana kalai a hana hooaihoniho ma ka laau a ma ka niho palaoa paha; hoohinuhinu a anaanai ana a mania na pupu a me kukui, a me na pena hoonani o na kaupoko o na rumi; hooponopono hou, hoomaemae ana o na pila, na pu, ua mea kaupaona a mea mama oia ano.
NA HANA MEA UWILA, NA HANA MEKINI, A ME HANA LAKA.
E hana ia no na kuui, na ana kii, a pelu aku, e like me ke kauoha.
E hele mai io maua.
132 Alanui Papu, Honlulu 335-tf-d.
HOOLAHA AKEA.
Ke kauoha ia aku nei ka poe a pau i aie i ka mea nona ka inoa malalo iho nei e hookaa koke mai i na la he 30 mai keia la aku, a ma aole, alaila, e kuai kudala ia aku ana na lio o ka poe i aie ia'u i ka la 15 o Ianuari, 1892. E hoolohe i keia.
MRS. KAINANA PUAHI.
Dec. 10, 1891. 343-3tsd.
Ka Buke Akeakamai.
AO
KE KI GULA
NO KAKAHI MUA MEA HUNA POHIHIHI I HULIIA E KA NOEAU O KE KANAKA.
KAKAU mua ia e ka Mea Hanohano DAVID KALAKAUA a me kekahi poe e ae he nui, a i Hoouluia, Hooponoponoia, a Hoomahuahua hou ia e Levi-i-Levi ole ia ka Akeakamai Hawaii o ke Keneturia 19.
Mahele o ka Buke.
MAHELE I.
VIOIA - Ho i ke Ouli ma na kau Oulin o A LO lana Mahina.
GZOi ILA - Hoke ADAIEkaaii
oke kanaka.
MAHELE III.
METRAGARATIMA - Ka hoike Ouli ma ka Hoonohonoho Huahelu ma ka Helu Kabala.
MAHELE IV.
ONEIROLOGI.
MAHELE V.
Ka Papa Konane Hoailona Pomaikai.
E Kuai Hoopau Ana!
Na Kaa Huila Lua
a me
Ili Kaa Malalo o ke Ku mu Lilo
Ma kahi o -
S. G. Schuman.
Alanui Holele kokoke i ke kihi o Alanui Papu.
329-1wd.
O kahi Emi Loa
A ME
Kahi Kupono loa
EPA'I AI OE I KOU
KII,
AIA NO IA MA KE
KEENA PA'I KII ALOHA!
Alanui Nuuanu, ma kekahi aoao mai o Ema Hale.
E pa'i ia ana na Kii o na ano a pau e laa hoi na kii puulu o ka ohana, na keiki, na hale noho, na papa-aina luau, a me na kino make.
Na Kii hoonuiia a hoemi ia mai paha mai na Kii e ae!
Nolaila, mai poina i ke pa'i ana i ko oukou mau Kii ma ke KEENA PA'I KII ALOHA. e loaa ana ia oukou na Kii maikai loa me ke emi loa ma Hawaii nei.
THEO. P. SEVERIN - Kapolena.
KEENA PA'I KII ALOHA, ma alanui Nuuanu me Beritania, ma o mai o Ema Hale. 324-3md.
KUAI HOOPAU NUI.
Mai keia manawa aku a hiiki i ko Makou noone ana aku iloko o ko makou
HALEKUAI HOU
Ma ke Alanui Papu, - (NA HALE BURUA.
E hoolilo aku ana Makou i ko Makou waiwai a pau o na ano Lole:
NA LOLE NANI,
NA LOLE I HUMUIA.
KAPU A ME PAPALE
PAHU LOLE, aloeia aku
No na Uku Hoomi Loa Nae.
Egan & Gunn.
ALANUI MOI kokoke i ke ALANUI PAPU.
tf-d.
Na Paikini Hou
Na Paikini Hou
O NA ANO A PAU, E KINIKOHU AI O KE ANO AHIAHI, E LOAA NO MA KAHI -
Chas. J. Fishels,
KIHI O ALANUI PAPU A ME HOTELE,
Ko makou halekuai hoopaa nui, ma o MR. CHAS. J. FISHELS la, he mau waiwai hou loa ko makou, i loaa mai nei mai ka hikina mai, o na ano like ole he nui wale. Eia ma ko makou halekuai nei na paa lole e linohau ai o na Keonimana, a lehulehu o na Lede, na aulii o na Kamalii -
Na KINAMU, Na ALAPIA, Na KALAKOA Malina, Na KIHEI Silika, NANAHE o na ano he nui, A pela wale aku.
E huea pau ia aku ana keia mau waiwai a pau imua ou, aole hoi o oe wale o na Lede kekahi, pau pu aku hoi me na keiki, nau e wae nou iho i na anoai a kou puuwai, eia ka papa lohi e Apua la, ke anapa nei ka wa liula i Mana.
E hele mai i hookahi, e hela mai no a pau loa, mai ke nui a ka liilii.
Chas. J. Fishels.
356-tfd. Halekuai alakai o na kumukuai haahaa loa.
Na Waiwai Hou!
Na Aulii Hou!!
NA PAIKINI HOU O KEIA KAU HOOILO O KA MAKOU IA LA AULII KOLOMANU KU KE PAI HANA KA HAAWE
NANI WALE KA IKE I NA MEA NANI O KA HAU OKI O KA AINA GULA O KALEPONI - MA KA HALEKUAI WAIOLU NAWE MALIE O -
N. S. SACHS.
He oia mau no ke emi o ke kumukuai o ko makou mau waiwai, a oia ke kumu o ko makou paa mau ana i ka hana - A he wahi puka iki ko makou e kaa mau nei - Eia he heluna hou o na waiwai hou, ka makou o na ano like ole - NA MA KALENA lau, a me na MAKALENA puu, o kela a me keia ano, o ke ano mai kai loa.
Mai Puiwa Oukou! Mai Puiwa Oukou!!
EIA IHO KA PAPA LOHI O APUA, NA LOLE AAHU O NA LEDE I HANA MIKIOI IA MAI A AULII.
Na Muumuu o na Lede 40 keneta; Palekoki aulii o na Lede 50 keneta; Naluhie hu o ke ano ahiahi $1.00; Na Kihei kaekae huihui 40 & 50 keneta; Na Kawele
hoomaemae ili o na Lede @ keneta; Na Kaliki molina maikai loa 50 keneta, Na pai kini hou o na wahine ma ka hoopaa ana ia loko 50 keneta; Na Kakini lilina pahee o na Lede, elua paa no ka 25 keneta.
NA PAIKINI AULII O NA KEIKI, NO NA KUMUKUAI HAAHAA LOA, A EMI NO HOI.
Na aahu keokeo o na keiki 75 keneta; Na lole komo o na keiki 3 paa $1.00; Na Papale aulii o na keiki 25 keneta; Na kaliki o na kaikamahine 40 keneta; Na A-i kala o na keikikane 25 keneta, na Muumuu o na pepe 25 keneta; na Papale Lilina maikai o na kaikamahine he 50 keneta, mamua he $1.00,
NA PAHOEHOE HULU PAHEE! NA PAHOEHOE HINUHINU!!
Ua piha u ko makouk halekuai nei na waiwai like ole o na ano a pau, o na hulu hoonani o na papale o na iwa maka onaena eia ia ia makou nei la, ke hihi'o lua nei i Moeawakea, he eleele, he ahiehie, a nau e wae e like me kou makemake, he $1.00 wale no o ka lala hookahi, mamua he $2.00 O na papale keia o na papale keia o na hua pala, he kau maoli po ka iwa he la makani, eia la ke ahu a lala kukui mai nei. E hele mai e ike kuilaka i ka nani e alohi nei, he ole hoi ka lohe pepeiao, hele mai na makua me na keiki pu mai no, e wae oukou no oukou iho. He makepono keia i ike ole ia kona lua, oiai, o keia kuai he haawi wale no. O na ano no a pau. he anii maoli no. O ka papale no hoi keia o na keikikane, he pani'o ia la ke nana aku oe, eia he 50 keneta wale no ke kumukuai. E loaa no ma kahi o
N. S. SACHS
318-dtf. 104. Alanui Papu, Honolulu.
HOOLAHA HOU
EALA, EALA.
B. F. Ehlers & Co PAINAPA
HELU 99 Alanui Papu.
E NA MAKAMAKA maikai, e naue hou mai e ike ia PAINAPA (B. F. Ehlers & Co.,) oiai e wehe ana ko makou mau paka i ka po, mai keia manawa aku a hiki i ka Hape Nuia. Nolaila, e naue mai oukou a pai mai ko nui a ka liilii, e ike i na mea hou o kela a me keia ano. Merry Christmas oukou a pau! Eo @ @ PAINAPA.
E kipa mai e na makamaka, i hoopaa la ai ke oukou kanaina no ka makou kuai hoopoho aku ia oukou.
Owau me ka oiaio,
tf B. F. EHLERS & CO.