Ka Leo o ka Lahui, Volume II, Number 347, 17 December 1891 — Page 3
| This text was transcribed by: | Waimea Valley Programs Department |
| This work is dedicated to: | Margaret JL Vanaman |
KA LEO O KA LAHUI.
"E Mau ke Ea o ka Aina i ka Pono."
AIA LA KA IHEA NA MAKAI?
Ma manamana ae nei, ua ulu ae la he haunaele hakaka i ke aumoe o nehinei, ma kekahi hale kanaka, me ka hoopuka ia o na huaolelo pe lapela inoino loa, e hiki ole ai ke hoopuka ia e ka poe maikai.
Ua puiwa ka lehulehu o ia wahi no keia mau hana walaau haunaele o ka po, a he eha paha manawa a he eha paha manawa a kekahi leo holina i lohe ia aku ai, eia nae, aohe wahi unahi makai i maalo iki ae malaila, ua hele paha ma na wahi pouliuli e moe ai, a pau ka lila moeana, pau ae ka mahina, wikiwiki na wawae e ohi i ke dala a ka lehulehu, me ka hana ole a hooko ole ia o ka makemake o ka lehulehu.
Nolaila, e ka Ilamuku o ke aupuni, e pono oe e hoopau ae i ka opala, a e koe iho ka i‘o.
O ke kumu o ka ulu ana o keia haunaele ma keia hale, he noho huikau ma keia hale, he noho huikau o ke ano maopopo ole; he hula ku‘i ka hana i na po a pau a he ona rama.
E pono i na makai o ke aupuni e nana i keia mea ino; a no ka mea hoi nona ka hale, e pono oe e hookaawale aku i ka ino hoohaunaele ma kou hala, a i lohe ole oe, e pilikia auanei oe, ke hoomau i keia hana ino. Owau iho no,
John Samoa
Honolulu Dekemaba 16, 1891
NUHOU KULOKO.
E malama ana ka “Hui Aoao Lahui Hawaii Liberala” he halawai ma ka Hale Paikau kahiko ma ke ahiahi Poaha, hora 7 pm
Dekemaba 17, 1891
Ma lilo na aina Lei Alii a pau i ke kuai kudala ia, no kela $71,000 a Aki, e ole ke aloha o na hoa o ka Ahaolelo i ka Moi koe ai; wahi a C. W. Akepoka.
Ua makemake o C. W. Akepoka e hoopau loa ia keia kumukanawai oiai, wahi ana, aole ia na ka Lahui i hana, aka, na ka poai o ka poe mikanele i hana.
Wahi a C. W. Akepoka heaha la ka mea i kue ole ai ka Lahui i ka hana i hana ia i ke au o Kalakaua ka Moi? ina no e koe ka Lahui, ina aole o ko ke la hana. Pololei, maikai.
Ua lohe mai makou, ua huhu loa ka Epikopo o Oloba ia Mr. Kahoonei, no ka hana ana i kela hana puka loa ma Kaneohe, aua ao ia aku o ua J.A. Kahoonei nei, mai hana hou oe i keia hana, oiai o ka mea a kela pepa o hoike ai he mea pololei loa ia, mahalo i ka hoopono o ka makua uhane.
Ua olelo ae o Mr. Kaulukou imua o kekahi poe i ka po onehinei, aole ka e puka ka Aoao Lahui Hawaii Liberala. No ke aha la? wahi a ka ninau. Ka! no kela haiolelo a Akepoka. He ka aka, no kela hoike pololei ana mai paha o Akepoka he 48 wale no makou huli ke Kumukanawai: oiai nae, he mau kanaka Hawaii ka mea e noho maua ana, aole nae i hana. Ea! e Mr. Kaulukou, mai huna oe i ka oiaio, oiai, ua loa pono ke kolohe.
Mamuli o na ouli o ke au o ka manawa o nee nei, ke hoike aku nei makou me ka kanalua ole, na ka Lahui ka eha i ke ia kau ae, a o lakou ke lei ana i ka lei alii nani, Huro! Huro!! Huro!!! Eo i ka Aoao Lahui Hawaii Liberala.
E hoolaha aku ana makou i ka haiolelo a ke konela C. W. Akepoka. a oia kekahi ona haiolelo waiwai loa, a he pomaikai nui no na kanaka Hawaii, oiai ua huai pau mai oia i na mea i hana ia, i ka la poina ole o Iune 30 1887.
Ma ka haiolelo a C. W. Akepoka i ke ahiahi o nehinei, i mua o ka hui Hawaii Lira o na haole, ua hoike mai oia ma kana haiolelo he 48 wale no ka nui o ka poe nana i hoohuli i ke kumu kanawai, o ke Aupuni Hawaii nei, i ka la 30 o Iune 1887.
Ma ka halawai ana o ka aoao Hoomaemae me Mekanika mamua aku nei, ua hana ia kekahi olelo hooholo, e hopu i na alakai o ka lahui, oia hoi na Hons. J.E. Bush, R. W. Wilikoki a me J. Nawahi, aka, ua ke’ake’a ia ua hana lima nui la e kekahi uhane lima maemae, a ua hoolei loa ia. No ke ino no, oia ka mea i kiola ia ai.
HALAWAI MAU A KA HUI KALAIANA HAWAII LIBERALA
E malama mau ana ka Hui Aoao Lahui Hawaii Liberala ma ka Halepaikau Kahiko, ma ke ahiahi Poaha, hora 7 pm, i na pula a pau, ma luna ae o kahi o Burua ma, alanui Moiwahine. Ma ke Kauoha a ka Hui. Jno, K. Prendergast. Kakauolelo.
Honolulu, Dec. 15, ’91. 345-dtf.
HOOLAHA KA AUPUNI.
E ike auanei na kana a pau eia ma ka Pa Aupuni o Makiki nei kekahi mau lio hele hewa. Lio w hu lupala ulaula, keokeo loihi ma ka lae, hae kuni ano e aoao akau o ka a-i. Lio kulaula, 4 wawae keokeo ehaia ka wawae hema mua, aole ike ia o ke kuni. Lio kahinahina keokeo, aole ike ia o ke kuni, he kunipaha ma ka uha hope ak. O ka mea a mau mea nona keia poe lio, e ponoe kii koke mai, o hala na la he 12, e kuai kudala aku no au ke hiki aku i ka la 16 (?) o Dec. 1891, Poaono hora 12 awakea. D. KAOAO. 345-dtf Luna Pa Aupuni.
HOOLAHA PA AUPUNI.
Ke hooiaha ia aku nei ma ke akea, e kuai ia aku ana ma ke kudala akea ana kekahi lio kane ke hiki aku i ka la 19 o Denemaba 1891 ma ka hora 12 o ke awakea ma ka Pa Aupuni ma Makiki, I lio kane ulaalu, he kiko keokeo ma kona onohi maka, ekolu uha keokeo, hoailona kuni “O” ma ka uha hope akau. O ka mea a mau mea paha nona keia lio, e kii koke mai iloko o na la he 12, mai keia la aku me ka uku pu mai i na lilo a pau, a i ole pela, alaila, e hoo ko ana au e like me ia i hoolaha ia. David Kaoao. Luna Pa Aupuni. Dec. 8. 1891, 344tf.
OLELO HOOLAHA.
E ike auanei na kanaka a pau, eia me ka Pa Aupuni o Makiki, kekahi mau lia hele hewa;lio keleele, keokeo lokihi ma ka lae. kikokiko keokeo ma ke kua aole akaaka ka hao kuni, lio kulaula 4 wawae eleele paa na wawae i kapuai kiko keokeo ma ka lae hao kuni auo e hope hema, lio kulaula 3 wawae eleele 1 wawae keokeo mua akau, paa na wawae i kapuai, kiko keokeo ma ka lae a me ke kua, lio w keokeo 2 wawae mua paa i kapuaihao hao kuni akau o ka ai, hao kuni ano e hope akau, lio wulaula keokeo lokihi ma ka lae 2 wawae keokeo hope, hao kuni ano e akau o ka ai eha ia ke kua lio, e pono e kii koke mai o hala na la he 14, e kuai kukala aku no au ke hiki aku i ka la 26 o Dec. 1891. David Kaoao. Luna Pa Aupuni. Dec. 14, 1891 344 3td
HOOLAHA AKEA.
Ke kauoha ia aku nei ka poe a pau i aie i ka mea nona ka inoa malalo iho nei e hookaa koke mai i na la he 30 mai keia la aku, a ina aole, alaila, e kuai kudala ia aku ana na lio o ka poe i aie ia’u i ka la 15 o Ianuari, 1892. E hoolohe i keia. Mrs Kainana Puahi. Dec. 10, 1891. 343-3tsd
HOOLAHA KUAI AINA.
Mamuli o ke kauoha a Hoa; ke ho ike ia aku nei ka lohe i na mea a pau, ua makemake maua e kuai aku i kona kuleana aina a pau loa iloko o kela apana aina e waiho la ma Haiku, Hamakualoa, Maui, nona ka Palapala Sila Nui Helu 183 no WP. Alekanekero i lilo mai i kekahi poe hui. E loaa no na kuka ana no ke kumukuai me maua ma Honolulu.
Nawahi & Huntsman. 323-dlm Na Loio no Hoa
- Hering. M. Pauly
Ka Hale Hana Novelty.
E lawe no laua a e hana i na ano hana kalai a hana hoonihoniho ma ka laau a ma ka niho palaoa paha; hoohinuhinu a anaanai ana a mania na pupu a me kukui, a me na pena hoonani o na Kaupoku o na lumi; hooponopono hou, hoomaemae ana o na pila, na pu, na mea kaupaona a mea mama oia ano.
NA HANA MEA UWILA, NA HANA MEKINI, A ME HANA LAKA.
E hana ia no na kuui, na ana kii, a pela aku, e like me ka kauoha.
E hele mai io maua. 132 Alanui Papu, Honolulu 335-tf-d
Aila Kuai.
E LOAA NO MA KAHI O J.F. COLBURN. (KEONI KOLOBANA.) Ma ke Kihi o na Alanui Nuuanu me Moi.
E loaa no no ke kumukuai haahaa o $2.50 o ka pahu. Hele mai hool hele mai elua, hele mai no a pau.
Ko oukou hoaloha, J.F. COLBURN. Honolulu, Iulai 8, 1891. 232dtf
O kahi Emi Loa A ME Kahi Kupono loa E PA’I AI OE I KOU KII, AIA NO IA MA KE KEENA PA’I KII ALOHA! (Alanui Nuuanu, ma kekahi aoao mai o Ema Hale).
E pa’i ia ana na Kii o na ano a pau e laa hoi na kii puulu o ka ohaua, na keiki, na bebe, na hale noho, na papa-aina luau, a me na kino make.
Na kii hoonuiia a hoemi ia mai paha mai na Kii e ae!
Nolaila, mai poina i ko pa’i ana i ko oukou mau Kii ma ke KEENA PA’I KII ALOHA, e loaa ana ia oukou na KII maikai loa me ke emi loa ma Hawaii nei. THEO.P.SEVERIN: - Kapolena
Keena Pa’i Kii Aloha, ma alanui Nuuanu me Beritania, ma o mai o Ema Hale 824-3nrd
KUAI HOOPAU NUI.
Mai keia manawa aku a hiki i ko Makou noona ana aku iloko o kou makou
HALEKUAI HOU
Ma ke Alanui Papu, - (NA HALE BURUA.
E hoolilo aku ana Makou i ko Makou waiwai a pau o na ano Lole:
NA LOLE NANI
NA LOLE I HUMUIA
KAPU A PAPALE
PAHU LOLE
No na Uku Hooemi Loa Nae.
Egan & Gunn.
ALANUI MOI kokoke i ke ALANUI PAPU.
Na Paikini Hou
Na Paikini Hou
O NA ANO A PAU, E KINIKOHU AI O KE ANO AHIAHI LOAA NO MA KAHI
Chas. J. Fishels,
KIHI O ALANUI PAPU A ME HOTELE,
Ko makou halekuai i hoopau nui ma o MR. CHAS. J. FISHELS. la, he mau waiwai hou loa ko makou, i loaa mai nei mai ka hikina mai, o na ano like ole he nui wale. Eia ma ko makou halekuai nei na paa lole e linohau ai o na Keonimano, a luhiehn o na Lede, na aulii o na Kamalii-
Na KINAMU Na ALAPIA
Na KALAKOA Malina Na KIHEI Silika
NANAHE o na ano he nui A pela wale aku.
E huea pau ia aku ana keia mau waiwai a pau imua ou, aole hoi o oe wale o na Lede kekahi, pau pu aku hoi me na keiki, nau e wae nou iho I na anoai a kou puuwai, eia ka papa lohi o Apua la, ke anapa nei ka wai liula i Mana.
E hele mai i hookahi, e hele mai no a pau loa, mai ke nui a ka liilii.
Chas. J. Fishels.
356-tfd Halekuai alakai o na kumukuai haahaa loa
Na Waiwai Hou!
Na Aulii Hou!!
NA PAIKINI HOU O KELA KAU HOOILO
O KA MAKOU IA LA AULII KOLOMANU
KU KE PAI HANA KA HAAWE
NANI WALE KA IKE I NA MEA NANI O KA HAU OKI O KA AINA GULA O KALEPONI-MA KA HALEKUAI WAIOLU NAWE MALIE O- N.S. SACHS.
He oia mau no ke emi o ke kumukuai o ko makou mau waiwai, a oia ke kumu o ko makou paa mau ana i ka hana- A he wahi puka iki ko makou e loaa maa nei- Eia he heluna hou o na waiwai hou, ka makou o na ano like ole- NA MA KALENA lau, a me na MAKALENA puu, o kela a me keia ano, o ke ano maikai loa
Mai Puiwa Oukou! Mai Puiwa Oukou!!
EIA IHO KA PAPA LOHI O APUA, NA LOLE AAHU O NA LEDE I HANA MIKIOI IA MAI A AULII.
Na Muumuu o na Lede 40 keneta; Palekoki aulii o na Lede 50 keneta; Na luhiahu o ke ano ahiahi $1.00; Na Khei kaekae huihui 40&50 keneta ; Na Kawele hoomaemae ili o na Lede 60 keneta; Na Kaliki malina maikai loa 50 keneta; Na paikini hou o na wahine ma ka hoopaa ana ia loko 50 keneta; Na kakini lilina pahee o na Lede, elua paa no ka 25 keneta.
NA PAIKINI AULII O NA KEIKI, NO NA KUMUKUAI HAAHAA LOA,A EMI NO HOI.
Na aahu keokeo o na keiki 75 keneta; Na lole komo o na keiki 8 paa $1.00; Na Papale aulii o na keiki 25 keneta; Na kaliki o ka kaikamahine 40 keneta; Na A-I kala o na kaikamahine he 50 keneta, mamua he $1.00, na Papale aulii o na keikane he 50 keneta, mamua he $1.00.
NA PAHOEHOE HULU PAHEE I NA PAHOEHOE HINUHINU
Ua piha o ko makou halekuai nei i na waiwai like ole o na ana a pau o na ana a pau, o na hulu hoonani o na papale o na iwa maka onaona eia ia ia makou nei la, ke hihi o lua nei i Moeawakea, he eleele he ahiahi, a nau o wae e like me kou makemake, he $1.00 wale no o ka lala hookahi, mamua he $2.00. O na papale keia o na huapala, he kau maoli no ka iwa he la makani, eia la ke ahu a lala kekai mai nei. E hele mai e ike kumaka i ka nani e alohi nei, he ole hoi ka lohe pepeiao, hele mai na makua me na keiki pu mai no, e wae oukou no oukou iho. He makapono keia i ike ole ia kona lua, oiai o keia kuai he haawi wale no. O na ano me a pau, he aulii maoli no. O ka papale no hoi keia o na keikikane, he pani’o ia la ke aina aku oe, eia he 50 keneta wale no ke kumukuai, E loaa no ma kahi o
N.S. SACHS
318-dtf 194 Alanui Papu, Honolulu.
HOOLAHA HOU
E ALA, E ALA.
B.F. Ehlers & Co.
HELU 99 Alanui Papu.
E NA MAKAMAKA maikai e naue hou mai e ike ia PAINAPA (B.F. Ehlers&Co.) ola e wee ana ko makou mau paka i ka po, mai keia manawa aku a hiki i ka Hapa Nuia. Nolaila, e naue mai oukou a pau mai ka nui a ka liilii, e ike i na mea hou o kela a mea keia ano. Merry Christmas oukou a pau! Eo mua no ia PAINAPA
E kipa mai o na makamaka, hoopau ia ai ko oukou kana! ua no makou kuai hoopono aku ia oukou, Owau me ka oiaio, B.F. EHLERS & CO