Ka Leo o ka Lahui, Volume II, Number 348, 18 December 1891 — Page 3

This text was transcribed by:	Kate Motoyama
This work is dedicated to:	with much mahalo for auntie kumu pohai souza.

KA LEO O KA LAHUI.

"E Mau ke Ea o ka Aina i ka Pono."

E OLE O HAWAII OLA AI NA

KUEWA PAKHEWA.

E Mr. Lunahooponopono:--

He mea oiaio, ua hala oluolu o ka naau ke hoomanawanui hou aku. Oiai na hana haakei a hookano maoli no hoi a na luna aupuni e hana mai nei.

Ke haawi nei lakou i mau oihana ano ole, a kohu ole i ko lakou mau hoaloha ponoia o na kanaka maoli hoi nona na lepo o Hawaii eia lakou ke noho nei iloko o ka nele a me ka hune, aka o keia poe paehewa aea haukae o na aina e mai eia lakou ke kikii wale nei no a pau ka mahina ohi mai la in a uku nunui e hiki ai ia lakou ke ai hookano iho me ka hookokoe hilahila ole mai o na maka i na kanaka nona ka lepo o Hawaii nei. Ea! E Hawaii, pela wale iho la no anei kakou e nana maka wale aku ai i keia mau hana haina a keia poe aia pili wale? Ua loaa ia oe e Hawaii he uhane ola, a he ike hoi e lili iho ai nou a me kou hoa oiwi o ka puupuu hookahi. No kakou no ko kaou, a nolaila, ua kuleana kakou e hana i mau kanawa e kau palena ai i na luna oihana, aole hoi ma ka haawi i kekahi kuleana i kekahi luna oihana Buro e hana wale oia i mau oihana liilii e ae i ku i ke ano lapuwale.

E nana i ka oihana alanui o Honolulu nei, a e ike auanei oe, eia malalo iho o ka Luna Alanui Nui he elua mau luna haole waiwai ole loa, aole i oi aku ka pomaikai e loaa mai keia mau wahi haole mai, mamua o ka waiwai o kela uku lio hohono. Ua ahona ka elelu imua o kela mau wahi haole. Eia nae, ke ohi nei keia mau wahi haole ma kahi o $80--o ka mahina pakahi.

I ka wa mamua, he hookahi no luna kanaka, a ua uku ia oia ma ma kahi o $60--wale no o ka mahina, aka, ua oi aku ka hololea o na hana mamuli o ke alakai ana a ia kanaka imua o keia mau wahi keko ai kala, aka, i mea hoi e noho ai na hoaloha o ka luna alanui iloko o ka ulakolako, ua kipaku ia ke kanaka maoli me ka hewa ole i ka lawe i ke dala a ka lehulehu me ka ike iho no aole laua i kuleana oiaio i kela dala.

E huli ae hoi a nana aku i ka oihana makai o Honolulu nei, a he ku i ka hoopailua i ka nana aku. Eia ke uku ia nei he mau makai kiu ma ke 490la $80 o ka makahiki a he 4 a 5 paha ko lakou nui. O ka hana a kekahi o keia poe o ke kokua ana i na hana haihai kanawai, aka oia ano poe iho la nae hoi ka keia Ilamuku hupo e haawi nui ai i ke dala, a o ke kanaka ili ulaula e hooko pololei ana i ka hana aole on a nana ia. Eia maluna ae o kela hale pohaku o Mr. Wiliama, alanui Hotele, he keena pili waiwai, a eia malaila keia poe makai haole e hele mau ai o ka po, a pela no hoi ma kekahi mau hana haihai kanawai-e ae, aka, aole nae he hopu aku. Aole no ka hoi paha, oiai o lakou pu no kekahi e pepa piliwaiwai pu ai. Nolaila, he kupono anei keia poe wawae eleele e noho ma ka oihana malama maluhia? Aole, aole loa. aka, o ka pololei loa e kipaku aku i keia poe a pau mai ka Ilamuku, a pela hoi me na haole hanai ahuhu ana. O ka oihan amua a ka paha nui o keia poe makai haole he piepiele rama maloko o na keena kuai rama a me piliwaiwai, a nolaila, ua mau keia poe i ka lakou hana, a no ia kumu no lakou i hoomau loa ai.

Ke hopuhopu ia nei na poe piliwaiwai haahaa; aka o keia poe nae e hana laula nei me na dala nui aole loa he hopu ia. Eia ka ninau i ka Ilamuku o ke Alii ka Moiwahine. I uku ia anei keia poe no ka hoonui ana aku i na hana hewa o ka aina? Ina he oiaio ia, alaila, ua ahona e pani ia ke keena oihana makai o keia aupuni a e kuu laula no na kao e holo pua-a i o a ia nei a malia oia paha ka maikai, oiai hoi e kiola hoomaunauna wale ia ke dala a ka lehuleha.

Ma ka hoike ana ae i ka mea oiaio, he popopo haalele loa na oihana aupuni mai na Kuhina a hoea i na makai kiu a me na luna hoohana kaa hoki.

Ua ahona o Pali i keia Ilamuku a ka hupo nui wale i noho ai, a no ka luna alanui hoi he maalea maoli no kona i piha ka opu o kahi haole maka aa.

Aole e pau na amakee ame na apakee ke helu ia aku. Ua hiki ke hoopiha ia kekahi buke nui me ka moolelo popopo o na luna aupuni o Hawaii nei, a aole no e pau.

Ke hooki nei au me ke kahaha nui i ka hookohu ia ana o kekahi kanaka e like me kela ke ano e noho e ai uha wale i ke dala a ka lehulehu.

Lohe Pono ko Pepeiao.

Honolulu, Dec. 16, 1891.

NUHOU KULOKO.

Nui ka ahuoli o na makamaka i ka makou hoakaka, e pili ana no ka pono o keia lahui.

I ke kakahiaka nui o ka la apopo e kapalulu mai ai ka Lei Lehua o Hilo Hanakahi, ke aliiwahine Kinau.

Lai no hoi ka leo o na manu Piheetero ma kai ae nei o Apua, ma ka aoao ma Ewa o ke alanui Puowaina. Hu-hu ka aka-aka.

Piha-u ka halawai a ka aoao Lahui Hawaii Liberala i ka po nei, nui na hoa i hiki mai, ua piha ka hale a ku-ku mai iwaho.

I ke kakahiaka nui o nehinei i hui ae ai na ihu o kekahi mau mokuahi i ke awa o Kou, hookahi mai ka hikina mai, a hookahi mai ka Hema mai.

Ma ka po nei, ua haiolelo mai o C. W. Akepoka, imua o ka halawai a ka Hui Hawaii Liberala, a ua hoike mau oia i kona manao e pili ana no na kumuhana a ka aoao Lahui Hawaii Liberala i hoolaha ai, a ua ike ia kona loea kalaiaina.

Ma kekahi la o keia pule iho la ua kipa ae he malihini hou ma ka home noho o Sam. Makaike a me kona Eva, he keikikane ohaha. O keia ka makana kiekie loa i loaa ia kakou mai ka malu mai o ka Mea e noho aupuni ana Nona iho. Ma Holokeahole ae nei keia mea hou.

Ma ka po Poaha e hiki mai ana, Dekemaba 24, 1891, e wehe aku ai ka "Hui Lei Ahihi Imi Pono Kristiano" o Kalihi a me Moanalua i Aha Mele Karisimaka Hoikeike Huna Gula o ka Baibala, ma ka luakini o Waikiki-kai. E hamama ana ka puka i ka hora 6:30, a e hoomaka ana na hana i ka hora 7 p.m. E naue ae e na makamaka e ike maka i ke aka o na hana kupanaha i hanaia e na hoakanaka i na la i au wa@ aku la.

MALCOLM BROWN!

(Palaunu.)

NOTARIO KA @HUUEHU. Aliiolani

Hale, Honolulu H. t. 337-tf.

HOOLAHA AKA.

Ke kauoha ia aku nei ka poe a pau i aie i ka mea nona k ainoa malalo iho nei e hookaa koke mai i na la he 30 mai keia la aku, a in a aole, alaila, e kuai kudala ia aku ana na lio o ka poe i aie ia'u i ka la 15 o Ianuari, 1892. E hoolohe i keia. MRS. KAINANA PUAHI.

Dec. 10, 1891. 343-3tsd.

HOOLAHA KUAI AINA.

Mamuli o ke kauoha a Hoa, ke hoike ia aku nei ka lohe i na mea a pau, ua makemake maua e kuai aku i kona kuleana aina a pau loa iloko o kela apana aina e waiho la ma Haiku, Hamakualoa, Maui, nona ka Palapala Sila Nui Helu 183, no W P. Alekanekero i lilo mai i ke kahi noe hui. E loaa no na kuka ana no ke kumukuai me mana ma Honolulu.

NAWAHI & HUNTSMAN.

323-d1m. Na Loio no Hoa

A. HERING. M. PAULY

Ka Hale Hana No-

velty.

E lawe no laua a e hana i na ano hana kalai a hana hoonihoniho ma ka laau a ma ka niho palaoa paha; hoohinuhinu a anaanai ana a mania na pupu a me kukui, a me na pena hoonani o na kaupoku o na rumi; hooponopono hou, hoomaemae ana o na pila, na pu, na mea kaupaona a mea mama oia ano.

NA HANA MEA UWILA, NA HANA

MEKINI, A ME HANA LAKA.

E hana ia no na kuni, na ana kii, a pela aku, e like me ke kauoha.

E hele mai io maua.

132 Alanui Papu, Honolulu 33t-tf-d.

Aila Kuai.

E LOAA NO NA KAHI O

J. F. COLBURN.

(KEONI KOLOBANA.)

Ma ke Kihi o na Ala-

nui Nuuanu me Moi.

E loaa no no ke kumukuai haahaa loa o $2.50 o ka pahu. Hele mai i hookahi, hele mai elua, hele mai no a pau.

Ko oukou hoaloha,

J. F. COLBURN.

Honolulu, Iulai 8, 1891. 232 dtf

O kahi Emi Loa

--A ME--

Kahi Kupono loa

E PAI AI OE I KOU

KII,

MA NO IA MA KE

KEENA PA'I KII ALOHA!

(Alanui Nuuanu, ma kekahi aoao mai o

Ema Hale).

E pa'i ia ana na Kii o na ano a pau

e laa hoi na kii puulu o ka oha-

na, na keiki, na bebe, na

hale noho, na papa-ai-

na luau, a me na

kinoi make

Na Kii hoonuiia a hoemi ia mai pa-

ha mai na Kii e ae!

Nolaila, mai poina i ke pa'i ana i ko oukou mau Kii ma ke KEENA PA'I KII ALOHA, e loaa ana ia oukou na Kii maikai loa me ke emi loa ma Hawaii nei.

THEO. P. SEVERIN:--Kapolena.

KEENA PA'I KII ALOHA, ma alanui

Nuuanu me Beritania, ma o mai o

Ema Hale. 324-3md

KUAI HOOPAU NUI.

Mai keia manawa aku a hiki i ko Makou hoonee-

ana aku iloko o ko makou

HALEKUAI HOU

Ma ke Alanui Papu,--(NA HALE BURUA.

E hoolilo aku ana Makou i ko Makou waiwai a

pau o na ano Lole.

NA LOLE NANI,

NA LOLE I HUMUIA,

KAPU A ME PAPALE

PAHU LOLE, a@neia aku

No na Uku Hooemi Loa Nae.

Egan & Gunn.

ALANUI MOI kokoke i ke ALANUI PAPU. tf-d.

Na Paikini Hou

O NA ANO A PAU, E KINIKOHU AI O KE ANO AHIAHI, E

LOAA NO MA KAHI--

Chas. J. Fishels,

KIHI O ALANUI PAPU A ME HOTELE,

Ko makou halekuai hoopau nui, ma o MR. CHAS. J. FISHELS la, he mau waiwai hou loa ko makou, i loaa mai nei mai ka hikina mai, o na ano like ole he nui wale. Eia ma ko makou halekuai nei na paa lole e linohau ai o na Keonimana, a luhiehu o na Lede, na aulii o na Kamalii--

Na KINAMU Na ALAPIA

Na KALAKOA Malina Na KIHEI Silika

NANAHE o na ano he nui A pela wale aku,

E huea pau ia aku an akeia mau waiwai a pau imua ou, aole hoi o oe wale o na

Lede kekahi, pau pu aku hoi me na keiki, nau e wae nou iho i na anoai

a kou puuwai, eia ka papa lohi a Apua la, ke anapa nei ka wai

liula i Mana.

E hele mai i hookahi, e hele mai no a pau loa, mai ke nui a ka liilii.

Chas. J. Fishels.

356-tfd. Halekuai alakai o na kumukuai haahaa loa.

Na Waiwai Hou!

Na Aulii Hou!!

NA PAIKINI HOU O KEIA KAU HOOILO

O KA MAKOU IA LA AULII KOKOMANU

KU KE PAI HANA KA HAAWE-

NANI WALE KA IKE I NA MEA NANI O KA HAU OKI O KA AI-

NA GULA O KALEPONI--MA KA HALEKUAI WAI-

OLU NAWE MALIE O--

N. S. SACHS.

He oia mau no ke emi o ke kumukuai o ko makou mau waiwai, a oia ke kumu o

ko makou paa mau ana i ka hana--A he wahi puka iki ko makou e kaa mau

nei--Eia he heluna hou o na waiwai hou ka makou o na ano like ole--Na MA

KALENA lau, a me na MAKALENA a puu, o kela a me keia ano, o ke ano mai

kai loa.

Mai Puiwa Oukou! Mai Puiwa Oukou!!

EIA IHO KA PAPA LOHI O APUA, NA LOLE AAHU O NA LE-

DE I HANA MIKIOI IA MAI A AULII.

Na Muumuu o na Lede 40 keneta; Palekoki aulii o na Lede 50 keneta; Na luhi@hu o ke ano ahiahi $1.00; Na Kihei kaekae huihui 49&50 keneta; Na Kawele hoomaemae ili o na Lede 60 keneta; Na Kaliki molina maikai loa 50 keneta, Na paikini hou o na wahine ma ka hoopaa ana ia loko 50 keneta; Na Kakini lilina pahee o na Lede, elua paa no ka 25 keneta.

NA PAIKINI AULII O NA KEIKI, NO NA KUMUKUAI HAAHAA

LOA, A EMI NO HOI.

Na aahu keokeo o na keiki 75 keneta; Na lole komo o na keiki 3 paa $1.00; Na Papale aulii o na keiki 25 keneta; Na kaliki o na kaikamahine 40 keneta; Na A-i kala o na keikikane 25 keneta, na Muumuu o na pepe 25 keneta; na Papale Lilina maikai o na kaikamahine he 50 keneta, mamua he $1.00, na Papale aulii o na keikane he 50 keneta, mamua he $1.00.

NA PAHOEHOE HULU PAHEE! NA PAHOEHOE HINUHINU !!

Ua piha u ko makou halekuai nei i na waiwai like ole o na ano a pau, o na hulu hoonani o na papale o na iwa maka onaona eia ia ia makou nei la, ke hihi'o lua nei i Moeawakea, he eleele, he ahiehie, a nau e wae e like me kou makemake, he $1.00 wale no o ka lala hookahi, mamua he $2.00. O na papale keia o na huapala, he kau maoli no ka iwa he la makani, eia la ke ahu a lala kukui mai nei. E hele mai e ike kumaka i ka nani e alohi nei, he ole hoi ka lohe pepeiao, hele mai na makua me na keiki pu mai no, e wae oukou no oukou iho. He makepono keia i ike ole ia kona lua, oiai, o keia kuai he haawi wale no. O na ano no a pau, @ aulii maoli no. O ka papale no hoi keia o na keikikane, he pani'o ia la ke nana aku oe, eia he 50 keneta wale no ke kumukuai. E loaa no ma kahi o

--:N. S. SACHS:--

318-dtf. 104. Alanui Papu, Honolulu.

HOOLAHA HOU

E ALA, E ALA.

B. F. Ehlers & Co--PAINAPA

HELU 99 Alanui Papu.

E NA MAKAMAKA maikai, e naue hou mai e ike ia PAINAPA B. F. Ehlers & Co., i oiai, e wehe ana ko makou mau puka i ka po, mai keia manawa aku a hiki i ka Hape Nuia. Nolaila, e naue mai oukou a pau mai ke nei a ka liilii, e ike i na moa hou o kela a me keia ana. Merry Christmas oukou a pau! Eo mua no ia PAINAPA.

E kipa mai e na makamaka, i hoopau ia ai ko oukou kanalua eo ka makou kuai hoopaho aku ia oukou. Owau me ka oiaio,

ti B. F. EHLERS & CO