Ka Leo o ka Lahui, Volume II, Number 352, 24 December 1891 — Page 3
| This text was transcribed by: | E K Soares |
| This work is dedicated to: | Kaaukai(w) |
KA LEO O KA LAHUI.
"E Mau ke Ea o ka Aina i ka Pono."
Ohohia ia.
Ma na leta mai Hawaii mai, ua hiki mai na hooia, e hoike ana i ke ohohia ia o na moho Lahui i kipa aku ma na apana o ia Mokupuni. Ua like a ua oi aku no paha na hookipa ana mai a na makaainana ia Hon. R. W. Wilikoki, ma kana huakai me he 'lii la no ka aina. Aka, aole no keia he mea e haohao ai kakou, oiai, o ka haawina mau iho la no keia a na lahui kanaka a pau i ka poe koa a wiwo ole i ka make no ka holmua o ka aina a no ka pomaikai o kona hoakanaka. Lokomaikai wale na kanaka Hawaii i ko lakou makamaka oiaio, a ke mahalo aku nei KA LEO a ke hooia pu aku nei hoi KA OIAIO me ka hoomaikai i na kini makamaka o ke one a me ka oiwi hookahi.
E HOOKAAWALE I NA LIMA.
No ko makou ike ana iho i na hoolala hoonohonoho moho holo balota ana no keia kau ae o 1892, iwaena o na poe pilikana kulana; a i maopopo, ua komo e no iloko o ka hinai a ka lawaia; nolaila, ua manao makou, he mea pono no makou ke olelo e aku; "E hookaawale @ na lima."
O na hana aluna mana i hana ia i ke au o Kalakaua; aole pono e hookomo hou ia mai: he mau mea ia e hooulu hou mai ai i na hana i makemake ole ia o ka lahui.
Mamuli o ka onou ia ana mai o na punahele a me na aialo o ke alo alii, e holo balota, he aniani kilohi ia a ka lahui e olelo ae ai, ae, he lelua ia ua ako mua ia, a ua pau ko ma lihilihi i ka helelei, a aohe ona waiwai e kui ia i l@@.
O na poe e noho ana no na 'Lii; e ai ana i ka na 'Lii, e hookauwa ana na na 'Lii; aole lakou e hana ana no na makaainana; ae aole no e hiki ke hookauwa na na haku elua.
Ma ke Kumukanawai mua o 1864; ua hiki i ke 'Lii ka Moi o Hawaii ke koho i kana poe i hilinai ai i mau alii ahaolelo; aka, malalo o keia Kumukanawai, na ka lahui e koho i na hoa a pau o ka ahaolelo, koe na Kuhina (i kekahi wa.)
O keia hoohele ana mai, a hoopilipili ana mai, a hookomokomo ana mai, a hoohuihui ana mai i na poe alii, a pili alii a kanaka o na 'lii, e lilo i mau waha olelo no na makaainana, he mea kupono ole loa ia; a ua pono i ka lahui e olelo aku, "E hookaawale i na lima," a e waiho mai na ka lahui ia hana.
He nui na lono e pahola ia ana e ma kupinai aheahe makani; aia he mau poe Luna Aupuni e noho oihana a he poe makai hoi, a he mau poe kanaka lawelawe hana malalo o ke aupuni, ke kauoha ia nei, ke papa leo ia nei lakou, me ka onoonou ia aku e koho ia J. H.; D. K.; J. A. K.; J. K. K..; J. P.; a me P. O. E.
Ke hoike akea aku nei keia nupepa; ma ke kanawai koho malu, ua lilo ia mau leo onou mai, he mea ole loa, Oiai, o ka oukou mea o makemake ai, oia ka oukou e koho ai; aole o ka hai onoonou mai.
E pono i ka lahui e olelo akoa ae: "E hookaawale i na luna!
E kuai kudala ia ana na waapa mahu a maoli, he mau laua he mau pipi a he kuleana hoolimalima o Mokuumeume. E haalele ana ke kaa mahu no Kalauao; Ewa @ ka hora 8:45 no ke kudala i keia mau mea, a e hiki hou i ka hora 12 awakea. No na hoahanau Kapu keia mau pono.
NUHOU KULOKO.
Ua nana ia ke kino o H Williams i ike pono ia ai ke kumu o kona make ana.
He hui ka ka Papa Malama Waiwai o Halemai Moiwahine i ka la inehinei.
Ma ka Poalua i huli hoi aku ai ka Hon. L. W. P. Kanealii no kona home ma Maui hikina.
Ma ke ku ana mai o ka Auseteralia e haawi ai o Stoeckle i na hoikeike ana o ka phonogarapa ma ka Hale Hoole Waiona.
He lono kai hiki mai, ua hookui aku ka laina kaa ohua i kekahi kaa lawe ukana ma ke alahao o Ewa, aole nae he poino i loaa mai. Laki.
Ua pae mai ka lono keia keena ua kakau inoa ia ke Kuikahi Kukai Hoonoa Kalepa ana me Hoolilo Aina, e ke poo Aupuni. He lono keia, aka, he ahi no ma kahi o ka uwahi.
Na oukou paha kekahi mau bipi e paa mai la iloko o ka Pa Aupuni o Makiki. Ina no hoi na oukou, e pono e kii koke aku, no ka mea, ke koko mai nei i kona la e kudala ia aku ai.
He manao kuokoa ko ka Lunakanawai Makale i hoopuka ai ma Amerika, i kona ui ia ana mai e na kanaka oia aina. He ouli o ke kau la, a he anno no ia e ko aku ana e like me ka olelo a ka lunakanawai.
NA MOHO AOAO LHUI LIBERALA.
No na mokupuni o Hawaii a me Maui, ua holo aku ko kakou kanaka i aloha ia, Hon. R. W. Wilikoki a me Hon. Wm. White, a ua lawe aku oia i ka inoa o na moho ana e waiho aku ai i na Apana Koho o keia mau Mokupuni a me Molokai, i hooholo ia e na alakai Lahui, e like me ia i noonoo ia e like me ka la kou i nonoi mai ai. Eia iho ka inoa o na mohe:
HAWAII
Hilo akau, --H. Kauwila Unea.
" Waena--Henry West.
" Hema--Joseph Nawahi.
Hamakua --Z. Paakiki
Kohala--G. P. Kamauoha
Kona--D. H. Nahinu
Kau--J. N. Kapahu.
MAUI
Hana--P. Kamai
Makawao--J. Kamakele
Wailuku Akau--L. W. P. Kanealii
" Hema--
Lahaina --Wm. White
Molokai--Nakaleka
OAHU
Koolaupoko--J. E. Bush.
Koolauloa & Waialua --R. W. Wilikoki
Ewa & Waianae--J. Kauhi
HOOLAHA PA AUPUNI.
E ike auanei na kana a pau, eia ma ka Pa Aupuni o Makiki nei kekahi mau lio helehewa. Lio w hulupala ulaula, keokeo loihi ma kalae hao kuni ano e aoao akau o ka a-i. Lio k ulaula, 4 wawae keokeo ehaia ka wawae hema mua, aole ike ia o ke kuni. Lio k ahinahina keokeo, aole ike ia o ke kuni, he kuni paha ma ka eha hope ak@. O ka mea a mau mea nona keia poe lio, e pono e kii koke mai, o hala na la he 12, e kuai kudala aku no au ke hiki aku i ka la 26 o Dec. 1891. Poaono hora 12 awakea.
D. KAOAO
345-d@@. Luna Pa Aupuni.
HOOLAHA PA AUPUNI.
E ike auanei na kanaka a pau, eia ma ka Pa Aupuni o Makiki nei kekahi mau bipi helehewa. Bipi w. melemele ulaula, oki ano e ma ka pepeiao akau, hao kuni P B, uha hope akau. Pipi w melemele ula ula, keokeo oihi ma ke kua, haokuni P B uha hope ak. Bipi keiki eleele, elua kiko keokeo ma na uha a ielua aoao akau, aole kuni. Bipi keiki w. melemele ulaula, aohe kuni. Bipi keiki w. eleele, eha wawae keokeo, keokeo ka opu, keokeo ka huelo, aohe kuni. Bipi keiki k. ulaula aohe kuni. O ka mea a mau mea paha nana keia mau bipi, e pono ia lakou e kii koke mai, o hala na la he 12, e kuai kudala aku no au ke hiki aku i ka la 26 o Dekemaba nei, 1891; Poaono, hora 12 awakea.
D. KAOAO
351-dtf. Luna pa Aupuni.
A. HERING. M. PAULY
Ka Hale Hana Novelty.
E lawe no laua a e hana i na ano hana kalai a hana hoonihoniho ma ka laau a ma ka niho palaoa paha; hoohinuhinu a anaanai ana a mania na pupu a me kukui, a me na pena hoonani o na kaupoku o na rumi; hooponopono hou, hoomaemae ana o na pila, na pu, na mea kaupaona a mea mama oia ano.
NA HANA MEA UWILA, NA HANA MEKINI, A ME HANA LAKA.
E hana ia no na kuni, na ana +
Aila Kuai
E LOAA NO MA KA@@ O
J. F. COLBURN
(KEONI KOLOBANA.)
Ma ke Kihi o na Alanui Nuuanu me Moi.
E loaa no uo ke kumukuai haahaa loa o $2.50 o ka pahu. Hele mai hookahi, hele mai elua, hele mai no a pau.
Ko oukou hoaloha,
J. F. COLBURN
Honolulu, Iulai 8, 1891 232 dt@
O kahi Emi Loa
A ME
Kahi Kupono loa
E PA'I AI OE I KOU
KII,
ALA NO IA MA KE
KEENA PA'I KII ALOHA!
(Alanui Nuuanu, ma kekahi aoao mai o Ema Hale.
E pa'i ia ana na Kii o na ano a pau o laa hoi na kii puulu o ka ohana, na keiki, na bebe, na hale noho, na papa- ai-na luau, a me na kino make.
Na Kii hoonuiia a hoemi ia mai paha mai na Kii e ae!
Nolaila, mai poina i ke pa'i ana i ko oukou mau Kii ma ke KEENA PA'I KII ALOHA, e loaa ana ia oukou na Kii maikai loa me ke emi loa ma Hawaii nei.
THEO. P. SEVERIN. - Kapolena.
KEENA PA'I KU ALOHA, ma alanui Nuuanu me Beritania, ma o mai o Ema Hale. 324.3md
KU AI HOOPAU NUI
Mai keia manawa aku a hiki i ko Makou hoohee ana aku iloko o ko makou.
HALEKUAI HOU
Ma ke Alanui Papu, - (NA HALE BURUA.
Ehoolilo aku ana Makou i ko Makou waiwai a pau o na ano Lole:
NA LOLE NANI,
NA LOLE I HUMUIA.
KAPU A ME PAPALE
PAHU LOLE , a @@@@ ak@
No na Uku Hooemi Loa Nae.
EGAN & GUNN.
ALANUI MOI kokoke i ke ALANUI PAPU. tf--d.
Na Paikini Hou
Na Paikinii Hou
O NA ANO A PAU, E KINIKOHU AI O KE ANO AHIAHI, E LOAA NO MA KAHI
Chas. J. Fishels, KIHI O ALANUI PAPU A ME HOTELE
Ko makou halekuai hoopau nui, ma o MR CHAS. J. FISHELS la he mea waiwai hou loa ko makou, i loaa mai nei mai ka hikina mai o na ano like ole he nui wale. Eia ma ko makou halekuai nei na paa lole e linohau ai o na Keonimaka, a luhieh@ o na Lede. na aulii o na Kamalii -
Na KINAMU Na ALAPIA
Na KALAKOA Malina Na KIHEI Silika
NANAHE o na ano he nui A peha wale aku.
E huea pau ia aku ana keia mau waiwai a pau imua ou, aole hoi o oe wale o na Lede kekahi, pau pu aku hoi me na keiki, mau o wae nou iho i ma anoai a kou puuwai, eia ka papa lohi o Apua la, ke anapa nei ka wai liula i Mana.
E hele mai i hookahi, e hele mai no a pau loa, mai ke nui a ka liilii.
Chas. J. Fishels.
35@-tfd. Halekuai alakai o na kumukuai haahaa loa.
He Kuai Makana ma ka La Kulaia
MAKAHI O:
N. S. SACHS - Helu 104, ALANUI PAPU, HONOLULU
NA WAIWAI O KELA A ME KEIA ANO, NO KA LA KULAIA.
Ina e makemake na mea a pau e loaa oua mau paikini hou, ma ke kumukuai haahaa o na ano like ole he nui, o kela aulii a me keia aulii.
No ka la Karikimaka a me ka Makahikihou, e kipa ae ma ka Halekuai Alakai o na kumukuai emi loa.
NA WAIWAI HOU! NA WAIWAI HOU, ILOKO O NA MAHELE LIKE OLE HE NUI O KELA A ME KEIA ANO NA MEA PAANI A ME NA KII BEPE--E HAAWI WALE IA AKU ANA E HAAWI WALE IA AKU ANA NO.
I ka poe a pau e kuai mai ana ma keia Halekuai, i oi aku mamua o ka $2.50. no kau makemake i papale hou ke Karikimaka, e loaa no maanei, na papale milolii o na kamalii na hele a ku ke ahua no na La Kulala o ka keokeo, o ka eleele a me na ana a pau. E wae aku i ka iini a loko i na hihipe'a like ole o na ano a pau.
:N. S. SACHS:
318-dtf. 103 Alanui Paup. Honolulu
HOOLAHA HOU
E ALA, E ALA.
B. F. EHLERS & Co.- PAINAPA
HELU 99 Alanui Papu.
E NA MAKAMAKA maikai, e nane hou mai e ika ia PAINAPA (B. F. Ehlers & Co.,) oiai o wehe ana ko makou mau puka i ka po, mai keia manawa aku a hiki i ka Hape Nuia. Nolaila, e nane mai oukou a pau mai ke nui a ka liilii, e ike i na mea hou o kela a me keia ano. Merry Christmas oukou a pau! Eo mea @@ ia PAINAPA.
E kipa mai e na makamaka i hoopau ia ai ko oukou, kanalaaa no ka makou kuai hoopoho ako ia oukou. Owau me ka @@@@ B. F. EHLERS & CO