Ka Leo o ka Lahui, Volume II, Number 360, 5 January 1892 — KA LAHUI, E KUKA PU. [ARTICLE]

KA LAHUI, E KUKA PU.

O ke poo maluna ae. oia no ka leo aloha o ka Emepera Napoliana Bonepate i kona mau makaainana, oiai oia i ike ai i na hana hoopilikia a kekahi mau aupuni, i na poe hai euanelio, e hoike ana i ka Ekalesia oiaio o ka Haku Iesu Karisto Oia no kona wa i kuahaua koke aku ai a puni o Palani, "E ka Lahui e Kuka pu." Oia no ka wa i nui koke mai ai na poe naauao, a me na poe waiwai a pau

o ka aina, no ka nou ana, a hoolohe ana i ka manao o ka Emepera, me ka manao pihoihoi o keia poe, oiai, aole i maopopo ia lakos ke ano nui o keia olelo. A wahi a ko lakou koho ana, e kaua hou ana anti? Aka, aole e hiki ke ike lakou, aia wale no a hoike ia mai e ke Emepera. I ka wa a ka Emepera Napoliona i hook mai ai i ke ano nui o kana i kuahaua ai, oia no ka wa i haawi mai ai na mea a pau i ko lakou mahalo a me na kakoo ana, a kue ana hoi i na hana ino e hana ia ana maluna o na haipuie. O keia Emepera, he kue loa oia i na hana pono ole o kela ano a me keia ano. He kue pu oia i na poe alunu mana aupuni apau o na ano like ole Nolaila, e na hoa makaainana, e pono kakou e lawe i keia a e kaana mawaena o kakou iho, oiai o keia kekahi oleio waiwai loa; no ka mea O ke kuka pu ana o ka Lahui me ka nohoalii, ma na mea e pili ana i ka pono o ka aina, oia ka mea e hooi ia aku ai ka mana, a me ke kuokoa o ka aina: aole hoi e pono e kuka ma na mea ano ole, a kohu kamalii i ka nana aku, e like ne ka Kaulukou ma i hana ai Oiai hoi, he kohu ole loa kela, a he mau hana hilahila no hoi. Nolaila, e ka Lahui, e ku kapu. Ua mau ke ea o ka aina i ka pono, a o ka pono hoi ke hana ia a haule mai na Lani.