Ka Leo o ka Lahui, Volume II, Number 360, 5 January 1892 — HEAHA KELA? [ARTICLE]

HEAHA KELA?

He akaku kai hoea mai io makou nei, mai Waialua mai, a o ke ano o ua akaku la, oia ke I ko kakou Moiwahine aku nei i laila, aole ka oia i ike ia mai e na makaainana, a aole hoi i kona papa aina. O ke kumu nui no o keia, oia no keia, no ka huli kua o ko kakou Moiwahine ia kakou; a oiai hoi, ua a'o mua aku no makou iaia, aka, aole nae he hoolohe ia mai. Aka hoi, ke hoike nei makou i keia, aole me ka manao ino, aka, me ke aloha no. Nolaila, e ka nohoalii e, ahea oe ike i kou mau makaainana ponoi, oiai he lahui makee alii keia i na 'lii i hala aku la: oiai wahi a ke alii na'i aina. e ike i ke kanaka nui. a me ke k anaka iki, e ike hoi i ka mea kiekie a me ka mea haahaa. O ka leo keia o ke ola e ualo aku nei. hoolohe ia mai, a na ke Akua no e kiai mai.