Ka Leo o ka Lahui, Volume II, Number 366, 13 January 1892 — Page 3
| This text was transcribed by: | Sinikka Nevanlinna |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
NA MEA HOU O HILO.
Ma ka la Kapule Ianuari 17, e hoolaa ia ai ku luakini o na pukiki e ku nei ma kei taona, a e hiki mai ana paha ka poe nana e hoolaa ua lakini ano hou loa nei, a e hele mai ana paha a lehau.
HE MOKU KIAKAHI.
Kokoke e paa loa kahi moku kiakahi a Williama Boma e kapili ae nei, nona ka loa he 32 kapuai ma ke kilo, a maluna hoi he 35 kapuai ka loa; he 4 a me ka hapalua kapuai ka hohonu, a he 10 kapuai ke akea o luna mawaena.
KA MEA HUKI KAO.
O Alapai o Honolii, oia ke kanaka Hawaii maoli i ae ia aku nana e malama ia hana o ka huki kao ma ka muliwai o Honolii, oiai ka uwapo dala nui ua haule iloko o ka wai no ka popopo iloko aku nei o kela makahiki. Eia nae ka mea, pono ole maoli no, he uuku loa kahi uku o keia kanaka, he hookahi no dala no ka la. E huki mai ana mai kakahiaka nui poeleele a hiki i ka poeleele hou ana, a he uuku loa kahi wa hoomaha o ka la e noho ia nei, o ka hana wale no ka nui. He hana lapuwale maoli keia a ka poe ia lakou ke kuleana ma ia wahi, a e hoopau koke ia kela poe e pono ai, he poe lokoino loa maoli no.
KA LA HAPE NUIA.
He la ua keia ma Hilo nei, aohe like me ka La Karisimasa ka malie mai kakahiaka no a po. Iloko no nae o ia ua, ua malamaia no na hana hoike kula Sabati ma ka luakini o Haili, mai Haaheo a Waiakea, a o ka Bea Keokeo o ka lihi kai o Ohele, aole i hoea mai ma keia hoike kula Sabati ana. Ua hoomakaukauia e ka Aukuu kiai loko o na wai huahuai c--, he papa ahaaina hauoli makahiki hou. I ka wa pono, lole aku nei ua Aukuu nei a ko'u iho la maluna o ka lihi wai, a me ka peahi pu ana iho i kona mau eheu loloa, e akoakoa mai na opae, na oopu, na okuhekuhe a me na aholehole o au mau muliwai nei.
Aka, aohe o lakou mea i hele mai e hooko i ka makemake o ka Aukuu; nolaila, lele aku nei oia a kau ma na waa, hoe iho la me kona mau pekeu, e kii ana i kekahi mau manu, he Pelehu, a me ke Kolea, a hookau mai la maluna o na waa, me ka hoohiwahiwa ia o na waa i ka pi'o, i hele a ohuohu i ua wehi.
I ka hiki ana aku o ua mau manu nei ma kahi i hoomakaukauia, ia wa koke no, hoholaia mai la ka papaaina, no ka hooko ana i ka makemake. Iloko o kela manawa o liuliu nei, moe palaha mai la ka manu Palahu ma ke poo o ka papa ahaaina, a o ka manu Kolea hoi, oili aoao iho la ma ka eheu akau o na Palahu nei, me ka piha hauoli o ka nana aku a ke kiai loko; a i ke kani ko'uko'u ana iho a ka Palahu, kani iho la kahi Kolea, penei, "kolea, kolea, no Kahiki mai au," a kaanini iho la ke poo o ua wahi Kolea nei iloko o ka hulu a-i o ka palahi, a ea ae la.
Mahope o ka pau ana o ka hoonuu i na ono, eu ae la ka Palahu, a hele iwaho, ukali aku ia no ke Kolea mahope. A ma ka manao wale o ke kiai loko, ua nalu iho la oia penei, "ua huikau aku nei paha na makau a ka lawaia i Wailua."
Ma ka la 4 o keia malama, ua noho ka halawai a ka Hui Kalaiaina Imi Pono Kaulike o Mokuhonua Hilo, no ka hoomaopopo le'a ana i ka lakou moho e koho lokahi ai. @ulua oia halawai, i iliki pau iho ai kekahi moho holo balota, i ka paluku i kona hoa holo balota, me na huaolelo mulea, oiai ka hoa aole malaila. Ko keia okaikai, aole i holopono ka moho e lokahi ia, a halawai hou i kahi wa.
HULI HOI NO KA HOME.
Ua lono mai makou, ma ke Kinau mai o ka la 14 ae nei, e ku mai ai ka Hon. Jos. Nawahi no Hilo nei, no ka liuliu i ka hana i kahea ia aku e makou. Hoi mai, eia no ka wai ke lana malie nei.
KA PAPA ALANUI.
O ka Papa Alanui o keia Apana, he mau haole wale no o na hui mahiko. O kekahi mea apiki ia lakou nei, o ke kauoha ia aku no o ka Luna Alanui e hana no ma kahi i maikai mua, a o na wahi ino a paho, aole he hoohanaia malaila. I oleloia aku ka hie o Ka Luna Alanui no ka hana ole ia o kahi ino, e i mai ana kela i ka huaolelo o ka oiaio, "aole ia'u ka maka o kahi e hana ai, aia no i ka Papa Alanui o ka'u wale no ka hooko aku i ka lakou kauoha, i kahi a'u e hana ai."
UA NALOWALE.
Ua puka ae nei ka hoolaha a ka Makai Nui o Hawaii nei, e haawi ana i uku makana, he $100 no ka mea e loaa ai ke kino o kekahi haole o Kewalo ka inoa; oiai ua nalowale oia, aohe maopopo o kona wahi i nalowale ai. Aia paha i Puna i ke au a ka hewahewa.
Ua lohe mai makou, na pelo aku la ka o Kaulukou i ka poe koho balota o Koolau, ma ka ua Ilamuku kaulana nei o ka la elau pu o Iune 30 e komo i ka ahaolelo i keia kau, e hooikaika no oia e loaa ke kumukakawai hou. Mai puni aku e Koolau, oiai o Keoni Kamaki kona hoahui a hooikaika no hoi nona i ka la koho balota e hiki mai ana, a o Keoni Kamaki kai kue i ka loaa ana o ke Kumukanawai hou i keia lahui kanaka i ke kau i hala.
No ka makemake loa o Kaulukou e komo i ka Ahaolelo, i hiki ai iaia ke hana i ka makemake o kana mau haku o ka poai hoomaemae, nolaila ua malimali leo aku la oia i na kini o Kailua me na mano o Kaneohe, ua makemake oia e loaa ka pono kaulike i keia lahui ma o ka loaa ana o ke Kumukanawai hou. Mai hoolohe ia leo, he wahi uhi ia i komo ai iloko o ko oukou naau ka mahalo iaia a kono aku iaia. Ihea ka hoi na Kaulukou nei kue aku i ka poe nana i hookahuli ke Kumukanawai, oiai e noho Ilamuku ana no ke aupuni, na paa nae paha na maka i ka uhimaka la ea?
MALCOLM BROWN!
(Palaunu.)
NOTARI O KA LEHULEHU, Aliiolani Hale, Honolulu H.1. 387-tf.
HOOLAHA PA AUPUNI.
E ike auanei na kanaka a pau, oia ma ka Pa Aupuni o Makiki nei kekahi mau hipi helehewa. Hipi w. melemele ulaula, oki ano o ma ka pepeiao akau, hao kuni P B, uha hope akau. Pipi w melemele ulaula, keokeo loihi ma ke kua, haokuni P B uha hope ak. Bipi keiki eleele, elua kiko keokeo ma na uha a ielua aoao akau, aole kuni. Bipi keiki w. melemele ulaula, aohe kuni. Bipi keiki w. eleele, eha wawae keokeo, keokeo ka opu, keokeo ka huelo, aohe kuni. Bipi keiki k. ulaula aohe kuni. O ka mea a mau mea paha nana keia mau bipi, e pono ia lakou e kii koke mai, o hala na la he 12. e kuai kudala aku no au ke hiki aku i ka la 26 o Dekemaba nei, 1891; Poaono, hora 12 awakea.
D. KAOAO,
351-dtf. Luna pa Aupuni.
Ua makemake @ na Luna Lawe Papa a pau o ka LEO ame ka OIAIO, e akoakoa mai ma ke keena mai, i ka hora 10 a.m., o ke kakahiaka Poalima, no ka noonoo ana i kekahi h@a i manao ia.
HOOLAHA PA AUPUNI.
Kia ma ka Pa Aupuni o Makiki nei, he mau lio a me na hoki hele hewa. 1 hoki k hulu iole apowai, eha wawae eleele, aole hao kuni. 2 hoki w. hulu iole apowai, eha wawae eleele, aole hao kuni. Lio wahine eleele, elua wawae keokeo hope, o keia lio i oleloia maloko o ka nupepa Buletina aole he hao kuni, ua ike ia ke kuni aia maluna o ke kua, oia hoi ka hao kuni i like me keia Z. Lio k ulaula kiko keokeo ma ka lae, aole i ike ia ka hao kuni. Lio w keokeo ahinahina, aole i ike ia ka hao kuni. Lio k melemele puakea, kiko keokeo ma ka lae, elua wawae mua i paa i ke kapuai hao, he kuni paha aole paha. O ka mea a mau mea nona keia holoholona, e pono e kii koke mai o hala na la he 14, e kuai kudala aku no au ke hiki aku i ka la 28 o Ianuari nei, 1892, hora 12 awakea Poaono. D. KAOAO,
384-dtf. Luna Pa Aupuni.
HOOLAHA HOOPAU MALAMA AINA.
Ma keia, ua hoopau aku au ia Kailima'i k., aole ona kuleana e noho maluna o kuu aina ma Kukuluaeo; a aohe no hoi ona mana ma na mea e ae a pau mai keia la 1 aku o Ianuari, 1892, a mau loa.
Owau no me ka oiaio,
MRS VIKOLIA WARD.
361-1wd.
A. HERING . M. PAULY
Ka Hale Hana Novelty.
E lawe no laua a e hana i na ano hana kalai a hana hoonihoniho ma ka laau a ma ka niho palaoa paha: hoohinuhinu a anaanai ana a mania na pupu a me kukui, a me na pena hoonani o na kaupoku o na rumi: hooponopono hou, hoomaemae ana o na pila, na pu, na mea kaupaona a mea mama oia ano.
NA HANA MEA UWILA, NA HANA MEKINI, A ME HANA LAKA.
E hana ia no na kuui, na ana kii, a pela aku, e like me kauoha.
E hele mai io maua.
132 Alanui Papu, Honolulu 385-td-f.
O kahi Emi Loa - A ME - Kahi Kupono loa
E PA'I AI OE I KOU KII,
AIA NO IA MA KE KEENA PA'I KII ALOHA!
(Alanui Nuuanu, ma kekahi aoao mai o Ema Hale).
E pa'i ia ana na Kii o na ano a pau e laa hoi na kii puulu o ka ohana, na keiki, na bebe, na hale noho, na papa-aina luau, a me na kino make.
Na Kii hoonuiia a hoemi ia mai paha mai ua Kii e ae!
Nolaila, mai poina i ke pa'i ana i ko oukou mau Kii ma ke KEENA PA'I KII ALOHA, e loaa ana ia oukou na Kii maikai loa me ke emi loa ma Hawaii nei.
THEO. P. SEVERIN. - Kapolena.
KEENA PA'I KII ALOHA, ma alanui Nuuanu me Beritania ma o mai o Ema Hale.
324-8@d.
KUAI HOOPAU @
Mea keia manawa aku a hiki i ka Makou hoo@ ana aku iloko o ko makou
HALEKUAI HOU
Ma ke Alanui Papu, - (MA HALE @UA.
E hoolilo aku ana Makou i ko Makou waiwai a pa o na ano Lele:
NA LOLE NANI,
NA LOLE I HUMUIA,
KAPU A ME PAPALE
@ANU LOLE, a pau @
No na Uku Hooemi Loa Nae,
Egan & Gunn,
ALANUI MOI kokoke i ke ALANUI PAPU. @
Na Paikini Hou Na Paikini Hou
O NA ANO A PAU, E KINIKOHU AI O KE ANO AHIAHI, E LOAA NO MA KAHI
Chas. J. Fishels,
KIHI O ALANUI PAPU A ME HOTELE,
Ko makou halekuai hoopau mai, me o MR. CHAS. J. FISHELS la, he mau waiwai hou loa ko makou, i loaa mai nei mai ka hikina mai, a me ano like ole @ wale. Eia ma ko makou halekuai nei na paa lole o linohau ai o na o na Keonimana a luhiehu o na Lede, na aulii o na Kamalii -
Na KINAMU Na ALAPIA
Na KALAKOA Malina Na KIHEI Kilika
NANAHE o na ano he nui a pela wale aku.
E @ pau la aku aku ana keia mai waiwai a pau @ ou, aole @i o @ wale a na Lede kekahi, pau pu aku hoi me na keiki, nau @ wae @ou like i @ a kou puuwai, eia ka papa lohi o Apua la, he anapa nei ka wai liula i Ma@.
E hele mai i hookahi, e hele mai no a pau loa, mai he nui a me liilii.
Chas. J. Fishels,
3350-tfd. Halekuai alakai o na kumukuai haahaa loa.
He Kuai Makana ma ka La Kulaia
-: MA KAHI O :-
N. S. SACHS – Helu 104, ALANUI PAPU, HONOLUKU:
NA WAIWAI O KELA A ME KEIA ANO, NO KA LA KULAIA.
Ina e makemake na mea a pau e loaa ona mau paikini hou, ma ke kumukuai haahaa o me ano like ole he nui, o kela aulii a me keia aulii.
No ka la Karikimaka a me ka Makahikihou, e kipa @ ma ka Halekuai Alakai o na kumukuai emi loa.
NA WAIWAI HOU! NA WAIWAI HOU, ILOKO O NA MAHELE LIKE OLE HE NUI KELA A ME KEIA ANO NA MEA PAANI A ME NA KII BEPE – E HAAWI WALE IA AKU ANA; E HAAWI WALE IA AKU ANA NO.
I ka poe a pau e kuai mai ana ma hale Halekuai, i oi aku mamua o ka $@. No kau makemakemake i papale hou k@ Karikimaka, e loaa no maanei, na papale milolii o na kamalii na hele a ku ke ahua no na La Kulaia, a ku hoo@, @ eleele a me na ano a pau. E wae aku i ka iini a loko, i na hihipe'a like ole o na ano a pau.
-: N. S. SACHS :-
318-dtf. 104 Alanui Papu, Honolulu.
HOOLAHA HOU
E ALA, E ALA.
B. F. Ehlers & Co – PAINAPA
HELU 99 Alanui Papu.
E NA MAKAMAKA maikai, e nana hou mai e ike ia PAINAPA B. F. Ehlers & Co. @ e wehe ana ko makou mau puka i ka po, mai keia manawa aku @ hiki i ka Hape Nuia. Nolaila, e @ mai oukou a pau mai he nui a ka liilii, e ike i na mea hou o kela a me keia ano. Merry Christmas oukou a pau! Ko mea no ia PAINAPA.
E kipa mai e na makamaka i hoopau ia ai ko oukou ka@ ko ka makou kuai hoopoho aku ia oukou. Owau me ka oiaio,
B. F. EHLERS & CO