Ka Leo o ka Lahui, Volume II, Number 374, 22 January 1892 — Page 3
| This text was transcribed by: | Inger Hojfeldt |
| This work is dedicated to: | Daughters of Hawaii |
KA LEO O KA LAHUI.
"E Mau ke Ea o ka Aina i ka Pono."
I ka Poakolu iho nei ka piha ana o ka makahiki hookahi o ka make ana o ka Moi Kalakaua ma Kaleponi. Aloha no oia.
E malama ia ana he halawai makaainana ma ka hale pule o Maemae i keia ahiahi Poalima hora 7. e ka moho maulana J.W. Bipikane o ka Aapana koho 2. E hiki pu ae ana kekahi mau alii, a e hele ae oukou a pau i ike maka, aole o ka lohe pepeiai wale no.
Ma Waikiki o Uilama Kamaki, i keia ahiahi hora 7 e haiolelo ai no ka pono o ka lahui Hawaii. He mea ole na pelo ana a na wahi alopeka ia oukou e na makaainana o ka apana koho 1: oiai, ua hooholo mua no oukou o Kamaki no ka oukou opuu pua rose e hoouna mai ana e hana i ko oukou makemake, moea imua a papahi i ka lei hanohano o ka lanakila.
Piha pono na pela i ka makani o kahi brig Hamani i ka la inehinei, oiai oia e hookomo ae ana i ke awa nihoniho o Kalihi: nana aku ia la, pupue lua kahi kapena Kuihu i ka hoe uli. Oia ka hana ana motio ia ka ihu o ka moku a pololei i kahi wai kaulana o Kalihi, ike oe i ka puka o Kale-raika mahope aku o Kalaepohaku.
Pihaku'i a hookeke na kanaka i ka halawai a ka aoao Liberala ma Iwilei i ka po Poakolu iho nei, e ka piha paha ia la, ke hele ala a ku hale wale iho no aohe kanaka o loko, na unu ia aku lakou a pau e ka leo momona o Pua a akoakoa ma ka hale halawai. Aole pela kakahi "mukeko" ana aina a me Kale Ai-raiki halawai i ke ahiahi Poakahi iho nei, he papa'i ka laua @a e ka hoi ana.
Hele mai hookahi, hele mai no a pau loa mai o a o@a huhuhui aku kakou i Mana@ mai noho aku hookahi kanaka a wahine paha o ka aoao Liberala, a oi loa aku hoi na makamaka o ka apana koho 3 e hele ae oukou e ike a lohe pono i ka hoka a me ka pilipu ana o Di@hame ia Mr. C.W. Akepoha, ka mea nana e noii noweio aku na rumi liilii a lakou nei ma e milikaa mai nei.
Eia hou mai no kahi liona alaala ke pokakaa aku la imua o oukou, na poe kupono i ke koho balota o ka apana 4 o Honolulu nei, kapae ia mai ma kula; oiai, ua kamaaina ia oukou kana mau hana ka@uhaa i ko oukou mau pono i kela kau aku nei, o ko iala pakeke kai piha i ke kulina a o ko oukou hoi he neo ia. E koho lokahi ia Sam Aki., he opio Hawaii oia i hilinai ia no kona haopono, mai hoi hope oukou, o poho auanei ka manaolana.
Mawena o na moho i haiolelo ma Iwilei i ka po Poakolu iho nei, he hookahi wahi tini-kakai; a ua nui kona pakike ia e na kanaka, pinepine kona kahea ia ana e noho ilalo no kona hoihoi ole ia o kana mau olelo haanui hoopunipuni, he eepa maopopo maoli oia no ka lua pohaku o ka pau o Puowaina, a ua manao na kane a me na wahine o ka apana o Iwilei, e hoi no o Kale Aki ilaila e kualehelehe ai; a ina oia e hele hou ana ma Iwilei, e kau alako ia ana oia iloko o ka pa puaa a Beni me Meleana e haiolelo ai imua o na holoholona.
HALAWAI MAKAAINANA MA NA APANA.
E malamaia ana he mau halawai ma na Apana Koho Elima o Honolulu nei e na Moho o ka Aoao Lahui Hawaii Liberala iloko o ko lakouo mau Apana Koho penei.
Poaha, Ian. 21, 1892, hora 7 p.m. ma Moanalua.
Poaha, Ian. 21, 1892, hora 7 p.m. ma ka Hale Paikau Kahiko.
NO KA LEHULEHU.
NO KA PAPA ALANUI.
H.F. BERTELMAN.
A.B. NAONE.
JAMES F. MORGAN.
NO KA LEHULEHU.
NO KA PAPA ALANUI.
JOHN PHILLIPS.
R. LISHMAN.
JAMES F. MORGAN.
NO KA LEHULEHU.
NO KA PAPA ALANUI.
JOHN PHILLIPS.
H.F. BERTELMAN.
JAMES F. MORGAN
MALCOLM BROWN!
Palaunu
NOTAKI O KA LEHULEHU, Aliiolani
Hale, Honolulu H.I. 337-@
HOOLAHA PA AUPUNI.
E ike auanei na kana a pau, eia ma ka Pa Aupuni o Makiki nei kekahi mau lio hele hewa. Lio k eleele, 1 wawae keokeo hope hema, eha ia ke kua, hao kuni ano e kohu omole ke ano o keia hao kuni hope hema, lio w ulaula, paa na wawae i kapuai hao, 1 wawae eleele, 2 kiko keokeo ma ka lae, aole i keia o ka hao kuni. O ka mea, a mau mea nona keia lio, e pono e kii koke mai, o hala na la he 15, e kuai kudala aku no au ke hiki aku i ka la 30 o Ianuari, 1892, hora 12 awakea Poaono. D. KAOAO.
371-dtf. Luna Pa Aupuni.
HOOLAHA A NA LUNA NANA KOHO, APANA 5 o HONOLULU MAHELE 1.
Ke hoolaha ia aku nei, e noho ana na hoa o ka Papa Nana Koho Balota Apana 3 o Honolu, he elua hora o ka la, ma ke alanui Ema, e hoomaka ana mai ka hora 7 aku o ke ahiahi, penei:
Poakahi Ianuari 18, 1892
Poaha " 21, "
Poaono " 23, "
Poalua " 26, "
No ka hooponopono ana i ka papa inoa koho balota o ka mahele a me ka pakui ana mai i inoa hou a e kapae ana i ka inoa o ka poe koho i make, i haalele i ka mahele a i kupono ole ke koho malalo o ke kahi kumu ma ia mahele. Ina e ike ia he kupono e malama ia no he mau halaeai hoopanee ma ia wahi, a aole e oi aku mamua o ka la 28 o Ianuari nei, a no ia mea, e hai ia aku no ma ka wa o ka halawai e hoopanee ai.
Ma ke Kauoha a ka Papa Nana.
W.C. SPROULI.
371-tf-d Lunahoomalu.
HOOLAHA PAPA NANA, APANA 5, MAHELE 1.
Ke hoike ia aku nei ma keia hoolaha, e malama ana na lala o ka mahele i olelo ia, he eono mau halawai o elua hora i na la a pau, ma ka hale o ka Hui Kaa Hapaumi, kihi o ka pa kula Kamehameha, ma ka hora 7 o ke ahiahi o na la malalo iho:
Poakahi, Ian. 18, 1892
Poalua, " 19, "
Poakolu, " 20, "
Poaha, " 21, "
Poakahi, " 27, "
Poalua, " 28, "
No ka hooponopono ana i ka papa koho balota a me ka papa koho o ka apana ma ka hookomo ana i na inoa hou a me ka holoi ana i na inoa o ka poe koho, e like me ka poe make, nee aku mai ka apana a me kekahi ano paha e kupono ole ai ke koho iloko o ka apana i olelo ia. Ina he mea pono e malama ia no he mau halawai hou ma kahi mau, aole nae e oi aku mamua o ka la 30 o Ianuari, 1892, ina e hiki e hoike ia aku no ma na halawai ha'i ia. Ma ke kauoha a na lala o ka Papa. M.R. COLBURN.
Lunahoomalu.
Honolulu, Ian. 12, 1892. 1-15-tfd.
E O'u Hoa Makaainana.
Eia au he "MOHO" e holo nei no ka "PAPA ALANUI," e lawe iho i kuu Inoa a noonoo, a ina he pono, e koho iho i ka La Koho Balota e hoea mai ana.
KEONI KOLOPANA.
I-18-dtf. (John F. Colburn.)
I ka Poe Koho! I ka Poe Koho!!
HE OLELO A'O.
E Pono e HOOKOMOIA KOU INOA Maloko
o ka PAPA INOA o ka
POE KOHO no na LUNAMAKAAINANA.
Ina e Paa ka inoa o kekahi mea maloko wale no o ka Papa Inoa o ka Poe Koho na na 'Lii, aole loa e hiki iaia ke koho no na Lunamakaainana.
E nana pono i na Papa Inoa o ka poe e koho ana, a@ @ha koke e Hookomoia kou inoa ma ka Papa Inoa o ka poe e koho ana i na Kana makaainana e na Luna Nana.
O ka poe kupono i ke koho i na 'Lii e paa nei ko lakou mau inoa ma ka Papa Inoa o ka poe kupono e koho i na 'Lii, e pono lakou e hookomo i ko lakou mau inoa ma ka Papa Inoa o ka poe kupono i ke koho i na Lunamakaainana. He lehulehu na inoa o ka poe kupono i ke koho Alii e paa nei, maloko o na Papa Inoa i hoolahaia. @ maloko hoi o ka Buke Inoa Nui, aole i paa maloko o ka Papa Inoa o ka poe kupono i ke koho Lunamakaainana. C.N. SPENCER.
372-tf-d. Ian 13. 1892. Kuhina Kalaiaina.
Na Holoku Silika!
Na Holoku Silika!
O KE ANO NANI KAMAHAO LUA OLE
HE mau Waiwai hou o na ano SILIKA like, i kupono hoi no ka hana ana i ka Holoku-Eia la ua makaukau no ke kuai aku, aia ma kahi o-
N.S. SACHS-Helu 104, ALANUI PAPU, HONOLUKU:
Ua hiki no ke hookoia ka makemake o ka mea kuai mai, i na SILIKA, a me na ano lole e ae i kupono no ka hana ana i ka holoku, e loaa no maanei
Na SILIKA PAHOEHOE Eleele
I like me ka Wailiula, a e kuai ia aku ana no ma na kumukuai haahaa loa, $1, $1.25, $1.50 o ka I-a hookahi.
Na Silika lalahi o Inia, Eleele, Keokeo, Uliuli, Melemele, a me na ano like ole he nui, e kuai ia aku ana mai ke 60 keneta a ke 75 keneta o ka I-a hookahi.
Na Silika aulii o Kalolina Hema, o na ano wai hooluu a pau, e kuai ia aku no mai ka $1 a hiki i ka $1.25 o ka I-a.
A e loaa pu no hoi na uhi hulu pahoe, ua Lakeke hoomahie a me na Koloka aulii, e loaa no maanei no ke kumukuai haahaa loa.
Na PAPALE MILOLII o na Lede
I hookinohinohiia, eia la ke muu nei, ka aulii hoi o na kama iki a kakou, eia ke ahu a lala kukui nei na papale like ole, a e loaa pu no hoi me na paikiai e kinikohu ai na lei a kakou.
O na Papale kapu keokeo, na Papale kapu kaiina, a me na ano like ole he nui eia la ua ku ke ahua. Eia pu no maanei, na Papale Silika eleele a me ke keokeo he maikai a me ka pahee pu i oi aku mamua o ko na wahi e ae. O keia mau waiwai a pau, na hana ia me ka maikai, e kupono ai nou a no oukou no a pau, a e hele mua mai maanei i pau kuhihewa a e wae nou iho.
-:N.S. SACHS:-
373-dtf. 104 Alanui Papu, Honolulu.
AINA KUAI MA KAMAKELA.
He Umi Aina Pa-hale ma Kamakela.
He 30 @ai ka laula ma ke alo, a he 150 kapuai ka averika hohonu. Ua p@ i ka Home o ka Ohana Buckle a he oluolu ke komo ana aku. He wahi e puka aku ai ma Alanui Liliha, a ma ke Kula Nui o Sana Lui.
No na ninau hou aku e pili ana no keia mau aina, o u-i ak ia. C.J. McCARTHY.
338-dtf. 35 Alanui K@lepa, Honolulu H.I.
Na PaikiNi Hou
Na Paikini Hou
O NA ANO A PAU, E KINIKOHU AI O KE ANO AHIAHI E LOAA NO MA KAHI-
Chas. Fishels,
KIHI O ALANUI PAPU A ME HOTELE,
Ko makou halekuai hoopau nui, ma o MR. CHAS. J. FISHELS ia, he mau waiwai hou loa ko makou, i loaa mai nei mai ka hikina mai, o na ano like ole he nui wale. Eia ma ko makou halekuai nei na paa lole e linohau ai o na Keonimana, a luhiluhi o na Lede, na aulii o na Kamalii-
Na KINAMU Na ALAPIA
Na KALAKOA Malina Na KIHEI Silika
NANAHE o na ano he nui A pela wale aku.
E hoea pau ia aku ana keia mau waiwai a pau imua ou, aole hoi o oe wale o na Lede kekahi, pau pa aku hoi me na keiki, nau e wae nou iho i na anoai a kou puuwai, eia ka papa lohi o Apua la, ke anapa nei ka wai linia i Mana.
E hele mai i hookahi, e hele mai no a pau loa, mai ke nui a ka hihi.
Chas. J. Fishels.
350-tfd. Halekuai alakai o na kumukuai haahaa loa.
HOOLAHA HOU
-@-
E ALA, E ALA.
B.F. Ehlers & Co.-PAINAPA
HELU 99 Alanui Papu.
E NA MAKAMAKA maikai, e naue hou mai e ike ia PAINAPA @ B.F. Ehlers & Co., oiai, e aohe ana ko makou mau puka i ka po, mai keia manawa aku a hiki i ka Hale Naia. Nolaila, e naue mai @akou a p@ mai ke hoi a ka liilii, e ike i na mea h@ a @ e @ . Me@ @kou a pau! Eo nana no ia PAINAPA.
E kipa mai e na makamaka, i hoomau ia ai ko oukou kanalua no ka makoua @ a @ oho aku ia oukou. Owau me ka oiaio.
tf. B.F. EHLERS & CO.